ಬಣ್ಣಗಳನ್ನು ಆರಿಸುವ ಸಂದರ್ಭ ಬಂದಾಗ, ನೀವು ಲಭ್ಯವಿರುವ ಅನೇಕ ಆಯ್ಕೆಗಳಲ್ಲಿ ಅತಿ ಯೋಗ್ಯವಾದುದನ್ನು ಹುಡುಕಬೇಕಾಗುತ್ತದೆ. ನಿಮಗೆ ಇಷ್ಟವಾಗುವ ಬಣ್ಣಗಳಲ್ಲಿ ಉತ್ತಮವಾದುದನ್ನು ಆಯ್ಕೆ ಮಾಡುವಾಗ, ಬೇರೆಯರಿಂದ ಸ್ಫೂರ್ತಿ ಹಾಗೂ ಉಲ್ಲೇಖಗಳನ್ನು ಪಡೆಯಲು ಪ್ರಯತ್ನಿಸಿ, ಹಾಗೂ ತದನಂತರ ಅವುಗಳ ನಡುವಿನ ಸಂಯೋಜನೆಗಳ ನೆರವಿನಿಂದ ಅಂತಿಮಗೊಳಿಸಿ. ಧೂಳು ಸುಲಭವಾಗಿ ಅಂಟಿಕೊಳ್ಳುವಂತಹ ಕಪ್ಪು ಮತ್ತು ಗಾಢ ಬಣ್ಣಗಳನ್ನು ಉಪಯೋಗಿಸುವುದನ್ನು ತಪ್ಪಿಸಿ.

ನಿಮ್ಮ ಮನೆಯ ಹೊರಭಾಗಕ್ಕಾಗಿ ಬಣ್ಣಗಳನ್ನುಆಯ್ಕೆ ಮಾಡುವಾಗ ನಿಮ್ಮ ಮನೆಯು ಇರುವ ಸ್ಥಳ ಮತ್ತು ಅದರ ಸುತ್ತಮುತ್ತಲಿನ ಪರಿಸರವನ್ನು ಪರಿಗಣಿಸಬೇಕಾಗುತ್ತದೆ. ನಿಮ್ಮ ಮನೆಯು ಎದ್ದು ಕಾಣಬೇಕೆಂದು ನೀವು ಬಯಸುತ್ತಿದ್ದಲ್ಲಿ, ನಿಮ್ಮ ಸುತ್ತಮುತ್ತಲಿನ ಪರಿಸರದ ಸ್ಥಿತಿ ಮತ್ತು ಹವಾಮಾನ ಇವುಗಳ ಹಿನ್ನೆಲೆಯನ್ನು ಪರಿಗಣಿಸಿ ನೀವು ಬಣ್ಣಗಳನ್ನು ಆಯ್ಕೆ ಮಾಡಿದ್ದೀರಿ ಎನ್ನುವುದನ್ನು ಖಚಿತಪಡಿಸಿಕೊಳ್ಳಿ.

ನಿಮ್ಮ ಮನೆಯ ಹೊರಭಾಗದ ಬಣ್ಣವನ್ನು ಕಾಪಾಡಿಕೊಳ್ಳುವುದು ಅಷ್ಟೇ ಮುಖ್ಯವಾಗಿರುತ್ತದೆ. ಆಯ್ಕೆಮಾಡುವಾಗ, ಕೇವಲ ಅವುಗಳ ಆಕರ್ಷಕತೆಗಿಂತಲೂ ಹೆಚ್ಚು ಬಾಳಿಕೆ ಬರುವ ಮತ್ತು ಕಡಿಮೆ ನಿರ್ವಹಣೆಯ ಅಗತ್ಯವಿರುವ ಬಣ್ಣಗಳನ್ನು ಆಯ್ಕೆ ಮಾಡಿಕೊಂಡಿದ್ದೀರಿ ಎನ್ನುವುದನ್ನು ಖಚಿತಪಡಿಸಿಕೊಳ್ಳಿ. ಸಾದಾರಣವಾಗಿ, 'ಸ್ಯಾಟಿನ್' ಮತ್ತು 'ಎಗ್‌ಶೆಲ್' ಬಣ್ಣಗಳು ಉತ್ತಮ ಬಾಳಿಕೆ ನೀಡುತ್ತವೆ ಮತ್ತು ಸ್ವಚ್ಚಗೊಳಿಸಲು ಸುಲಭವಾಗಿರುತ್ತವೆ. ಅವುಗಳು ನಿಮ್ಮ ಬಣ್ಣಕ್ಕೆ ಒಂದು ರೀತಿಯ ಮೆರುಗನ್ನು ನೀಡುತ್ತವೆ.