അൾട്രാടെക്കിന്  പ്രതിവർഷം  ഗ്രേ സിമന്റിന്റെ 138.39 ദശലക്ഷം ടൺ (എംടിപിഎ ) ഉൽപാദന ശേഷിയുണ്ട്. അൾട്രാടെക്കിന് 23 സംയോജിത നിർമ്മാണ യൂണിറ്റുകളും 29 ഗ്രൈൻഡിംഗ് യൂണിറ്റുകളും ഒരു ക്ലിങ്കറൈസേഷൻ യൂണിറ്റും 8 ബൾക്ക് പാക്കേജിംഗ് ടെർമിനലുകളും ഉണ്ട്. അൾട്രാടെക്കിന് രാജ്യത്തുടനീളം ഒരു ലക്ഷത്തിലധികം ചാനൽ പങ്കാളികളുണ്ട്, കൂടാതെ ഇന്ത്യയിലുടനീളം 80% ത്തിലധികം മാർക്കറ്റ് റീച്ചും ഉണ്ട്. വൈറ്റ് സിമന്റ് സെഗ്മെന്റിൽ, അൾട്രാടെക് ബിർള വൈറ്റ് എന്ന ബ്രാൻഡ് നാമത്തിൽ ആണ് വിപണിയിലെത്തുന്നത്. 1.98 എംടിപിഎ ശേഷിയുള്ള ഒരു വൈറ്റ് സിമന്റ് യൂണിറ്റും ഒരു വാൾ കെയർ പുട്ടി യൂണിറ്റും ഉണ്ട്. അൾട്രാടെക്കിന് ഇന്ത്യയിലെ 100+ നഗരങ്ങളിലായി 230+ -ലധികം റെഡി മിക്സ് കോൺക്രീറ്റ് (ആർഎംസി) പ്ലാന്റുകളുണ്ട്. ഉപഭോക്താക്കളുടെ പ്രത്യേക ആവശ്യങ്ങൾ നിറവേറ്റുന്ന ഒരു പ്രത്യേക കോൺക്രീറ്റും ഇവിടെയുണ്ട്. ഞങ്ങളുടെ ബിൽഡിംഗ് പ്രൊഡക്റ്റ്സ് ബിസിനസ്സ് ഒരു ഇന്നൊവേഷൻ ഹബ് ആണ്. അത് പുതിയ കാലത്തെ നിർമ്മാണങ്ങൾക്കായി ശാസ്ത്രീയമായി രൂപകൽപ്പന ചെയ്ത ഉൽപ്പന്നങ്ങളുടെ ഒരു നിര തന്നെ വാഗ്ദാനം ചെയ്യുന്നു. അൾട്രാടെക് ബിൽഡിംഗ് സൊല്യൂഷൻസ് (യുബിഎസ്) എന്ന ആശയത്തിന് അൾട്രാടെക് തുടക്കമിട്ടിട്ടുണ്ട്.