Share:
மோர்டார் என்பது சிமெண்டு, மணல், மற்றும் நீரால் ஆன கலவை, இது கட்டுமானத்தில் செங்கல்களை அல்லது கற்களை இணைக்க பயன்படுகிறது. கட்டுமானப் பொருள்களை ஒன்று சேர்த்து, கட்டமைப்பை வலிமையானதாக மாற்றுவதே இதன் நோக்கம். மோர்டார் மென்மையாக இருக்கும், அதனால், பல வடிவங்களுக்கும் அளவுகளுக்கு ஏற்ப இது பயன்படுத்தப்படும். பூசும் வேலைகளுக்கும் இதை பயன்படுத்தலாம்.
செங்கல்கள் அல்லது கற்களுக்கு வலிமையான இணைப்பை மோர்டார் வழங்குகிறது.
செங்கல்களின் அளவிலும் வடிவத்திலும் மாற்றங்கள் இருந்தால் அதற்கு ஏற்றவாறு தன்னை வளைத்துக் கொடுக்கிறது.
மோசமான வானிலையை எதிர்த்து, நீர் புகுதலை தடுக்கிறது.
இந்த மோர்டாரை கலக்குவது மற்றும் பரப்புவது எளிதாக உள்ளதால், செங்கல் கட்டும் செயல்முறை மிகவும் எளிதாக இருக்கும்.
செங்கல்களை அல்லது கற்களை இணைத்து வலிமையான கட்டமைப்புகளை உருவாக்க மோர்டார் பயன்படுத்தப்படுகிறது.
செங்கல்களுக்கிடையிலான இடைவெளியை நிரப்ப பயன்படுத்தப்படுகிறது. இதன் மூலம் வலிமையும், வானிலை எதிர்ப்பும் கிடைக்கும்.
சுவரில் பிளாஸ்டருக்கு அடிப்படையாகப் பயன்படுத்தப்படுகிறது, இதனால் பிளாஸ்டர் அல்லது பெயின்ட் நன்றாக ஒட்டும்.
குழாய்கள், வடிகால்கள் அல்லது பிற கட்டுமான பயன்பாடுகளில் உள்ள இணைப்புகளை மூடி, நீர்ப்புகுதலைத் தடுக்க உதவுகிறது.
கான்கிரீட் என்பது சிமெண்டு, மணல், ஜல்லிக்கல், மற்றும் நீரால் ஆன கலவை, இது வலிமையான உறுதியான கட்டுமானப் பொருளாகும். நேரம் போகப்போக, இவை கடினமாக மாறும், கற்கள் போன்ற தன்மையை அடையும். வலிமையையும் பயன்பாடும் அதிகமாக இருப்பதால் இந்த கான்கிரீட்டை பல கட்டுமான ப்ராஜக்டுகளில் பயன் படுத்துகிறார்கள். எஃகு கம்பிகள் அல்லது நார்களுடன் பலப்படுத்தி, இதை இன்னும் பல்வேறு கட்டுமானங்களில் பயன்படுத்தலாம்.
கான்கிரீட் அதிக வலிமை கொண்டது. அதிக பாரம் இருக்கும் கட்டமைப்புகளில் இதைப் பயன்படுத்தலாம்
கான்கிரீட் காலநிலை, நெருப்பு ஆகியவற்றை எதிர்ப்பதால், இது நீண்ட காலம் உறுதியுடன் இருக்கும்.
இதை வெவ்வேறு வடிவங்ககளில் வடிவமைக்கலாம், அந்தளவிற்கு கட்டுமானத்தில் வளைத்துக் கொடுக்கிறது.
கான்கிரீட்டிற்கு குறைந்த பராமரிப்பு இருந்தால் போதும். அதனால் நேரம், பணம், முயற்சி இது அனைத்தையும் சேமிக்க முடியும்.
அடித்தளங்கள் மற்றும் ஸ்லாப்களுக்கு கான்கிரீட் அதிகமாக பயன்படுத்தப்படுகிறது, இது கட்டிடங்களுக்கு வலிமையான அடித்தளத்தைக் கொடுக்கும்.
தூண்கள் மற்றும் சுவர்கள் போன்ற வலுவான கட்டுமானங்களுக்காக ரீயின்ஃபோர்ஸ்ட் கான்கிரீட்டை பயன் படுத்தலாம்.
இது வலிமையாகவும் உறுதியாகவும் இருப்பதால், அதிக போக்குவரத்து நெரிசல்கள் இருக்கும் சாலைகள் மற்றும் நெடுஞ்சாலைகளுக்கு இந்த கான்கிரீட்டை பயன்படுத்தலாம்.
ரீயின்ஃபோர்ஸ்ட் கான்கிரீட் பெரிய கட்டமைப்புகளான பாலங்கள் மற்றும் அணைகள் கட்டவும் பயன் படுத்தப்படுகிறது. இது அதிக பாரத்தைத் தாங்கி, நீண்ட காலத்திற்கு நிலைத்து நிற்கும் தன்மை கொண்டது.
| மோர்ட்டர் | கான்க்ரீட் | |
| கூட்டமைப்பு | சிமென்ட், மண் மற்றும் தண்ணீரால் உருவானது | சிமென்ட், மண், ஜல்லி கற்கள் மற்றும் தண்ணீரால் உருவானது |
| வலிமை | கான்க்ரீட் உடன் ஒப்பிடும் போது வலிமை குறைவு | வலுவானது மற்றும் நீடித்து உழைக்கக் கூடியது |
| வளைத்துக் கொடுத்தல் | செங்கல்/கல் அளவை பொருத்து பொருந்திக் கொள்ளும் | இறுகி கடினமாகி கல் போன்று மாறிவிடும் |
| பயன்கள் | செங்கல்/கல் பிணைப்பிற்கும், பிளாஸ்டரின் அடிக்கலவையாகவும் பயன்படுகிறது | கட்டிடங்கள், சாலைகள், பாலங்கள் போன்றவற்றில் பெரும்பாலும் பயன்படுத்தப்படுகிறது |
| வேலைப்பாடுகள் | எளிதாக பரவும் என்பதால், இடைவெளிகளை நிரப்ப பயன்படுத்தப்படுகிறது | பல்வேறு வடிவங்களில் வார்ப்பெடுக்கலாம் |
| வானிலை எதிர்ப்பு | வானிலையினை எதிர்த்து போராடக் கூடியது | மோசமான வானிலை, அரிமானம் மற்றும் நெருப்பினை எதிர்த்து செயலாற்றும் |
| பராமரிப்பு | தரம் மற்றும் வகையினை பொருத்து மாறுபடும் | குறைவான பராமரிப்பே போதுமானது |
சுருக்கமாக சொன்னால், சிறந்த வீட்டுக் கட்டுமானத்திற்கு மோர்டார் மற்றும் கான்கிரீட்டின் வேறுபாடு பற்றி தெரிந்துக் கொள்வது மிகவும் அவசியம். செங்கல் மற்றும் கற்களை இணைக்க சிறந்த பாண்டிங் ஏஜண்டாக மோர்டார் பயன்படுத்தப்படுகிறது. ஆனால், கான்கிரீட் பல கட்டுமான ப்ராஜக்டுகளில் வலிமையையும் உறுதியையும் கொடுக்கிறது. கட்டுமானத்தின் போது, இவை இரண்டின் சிறப்பு அம்சங்களையும் பயன்பாடுகளையும் புரிந்துக் கொள்வதன் மூலம், ப்ராஜக்டை சிறப்பாக்க முடிக்க முடியும். மேலும், தரமான வீட்டைக் கட்டமைக்க முடியும்.
