Share:
பேக்ஃபில்லிங் என்பது தோண்டப்பட்ட மண்ணை, ஃபவுண்டேஷனைக் கட்டி முடித்த பிறகு மீண்டும் பள்ளத்திற்குள் அல்லது ஃபவுண்டேஷன் சுவருக்கு எதிராக வைப்பதாகும். ஃபவுண்டேஷனைப் பக்கவாட்டில் தாங்குவது, நீர் வெளியேறும் தன்மையையும் மண் செறிவாக்கத்தையும் மேம்படுத்துவது, மற்றும் காலப்போக்கில் ஃபவுண்டேஷன் ஷிஃப்ட் ஆவது அல்லது செட்டில் ஆவதைத் தடுப்பது உட்பட பல நோக்கங்களுக்கு இது பயனுள்ளதாக உள்ளது. இந்த செயல்முறையைச் சரியாகச் செய்வது ஃபவுண்டேஷனின் நிலைத்தன்மை மற்றும் நீண்ட ஆயுளை உறுதி செய்கிறது, கட்டமைப்பு சார்ந்த பிரச்சனைகள் மற்றும் செலவு அதிகமான பழுதுகளின் ஆபத்துகளைக் குறைக்கிறது.
கட்டுமானத்தில் பேக்ஃபில்லிங் என்பது ஃபவுண்டேஷனைச் சுற்றியும் தோண்டப்பட்ட இடத்திற்குள்ளும் பொருத்தமான மெட்டீரியல்களைக் கவனமாக வைப்பது மற்றும் கெட்டியாக்குவதை உள்ளடக்கியதாகும். ஃபவுண்டேஷனுக்கான பேக்ஃபில் மெட்டீரியல் அதன் பண்புகள் மற்றும் தளத்தின் நிலைமைகளுக்கு பொருந்துவதின் அடிப்படையில் தேர்ந்தெடுக்கப்படும். மண், சரளைக்கல், பொடியாக்கப்பட்ட கல், மற்றும் மணல் உள்ளிட்டவை மிகவும் பொதுவாகப் பயன்படுத்தப்படும் பொருட்கள் ஆகும். மண்ணின் வகை, பாரம் தாங்கும் திறம், தண்ணீரை வெளியேற்றும் தேவைகள் மற்றும் சுற்றுப்புறத்தைக் கருத்தில் கொள்ளுதல் போன்ற காரணிகளின் அடிப்படையில் இவை தேர்ந்தெடுக்கப்படும்.
கட்டிடத்தின் ஃபவுண்டேஷன்களில் திறன்மிக்க பேக்ஃபில்லிங்கை உறுதி செய்ய பல காரணிகளைக் கருத்தில் கொள்ள வேண்டும். சில முக்கியமான காரணிகளைக் காண்போம்:
பேக்ஃபில் மெட்டீரியலைத் தேர்வு செய்வதென்பது பல்வேறு காரணிகளைச் சார்ந்துள்ள ஒரு முக்கியமான முடிவாகும். முதலில், மண்ணின் வகை மற்றும் அதன் பண்புகளைக் கருத்தில் கொள்ள வேண்டும். உதாரணத்திற்கு, ஏற்கனவே உள்ள மண் மோசமான நீர் வெளியேற்றும் திறனைக் கொண்டிருந்தால், ஃபவுண்டேஷனைச் சுற்றி நீர் தேங்குவதைத் தடுக்க, சரளைக்கல் அல்லது நொறுக்கப்பட்ட கல் போன்ற நல்ல நீர் வெளியேற்றும் பண்புகளைக் கொண்ட பேக்ஃபில் மெட்டீரியலைத் தேர்ந்தெடுப்பது முக்கியமாகிறது.
இரண்டாவதாக, பேக்ஃபில்லிங் மெட்டீரியலின் பாரம் தாங்கும் திறன் முக்கியமாகும். இது ஃபவுண்டேஷனைப் போதுமான அளவு தாங்கி, பாரத்தைச் சீராகப் பரப்ப வேண்டும். மெட்டீரியலைத் தேர்ந்தெடுக்கும்போது, கட்டமைப்பின் வகை, மண்ணின் நிலைமைகள், மற்றும் எதிர்பாராத பாரங்கள் போன்ற காரணிகளைக் கருத்தில் கொள்ள வேண்டும்.
விருப்பமான அளவு மண் அடர்த்தியை அடைவதற்குப் பேக்ஃபில் மெட்டீரியலின் சரியான இறுக்கம் அவசியமாகும். கட்டுமானத்தில் உள்ள பேக்ஃபில்லிங் மற்றும் இறுக்கம் காற்று வெற்றிடத்தை நீக்கி, மண் வலிமையை அதிகரித்து, செட்டில் ஆகும் ஆபத்தைக் குறைக்கிறது. சீராகவும் நிலையாகவும் இருப்பதை உறுதி செய்ய பேக்ஃபில் மெட்டீரியல் மீது அழுத்தம் கொடுக்கும், வைப்ரேட்டர் ரோலர் அல்லது ப்ளேட் கம்பாக்டர்கள் போன்ற பல்வேறு கருவிகளைப் பயன்படுத்தி இறுக்க செயல்முறையை மேற்கொள்ளலாம்.
தேவையான இறுக்க முயற்சியானது, பேக்ஃபில் மெட்டீரியலின் வகை, ஈரப்பதம், மற்றும் விருப்பமான அளவு இறுக்கம் போன்ற காரணிகளைச் சார்ந்துள்ளது. சரியான இறுக்க அடர்த்தியை அடைவதற்குத் தொழில்துறை வழிகாட்டுதல்கள் மற்றும் தரவரைவுகளைப் பின்பற்றுவது முக்கியமாகும்.
கட்டுமானத்தில் பேக்ஃபில்லிங் செயல்முறை மேற்கொள்ளப்படும் நேரமும், கட்டிட ஃபவுண்டேஷனின் வலிமையில் ஒரு முக்கிய பங்கு வகிக்கிறது. ஃபவுண்டேஷனைக் கட்டியவுடனேயே இதை மேற்கொள்ளக்கூடாது. மாறாக, பேக்ஃபில் மெட்டீரியலின் பாரத்தைத் தாங்கும் அளவுக்கு போதுமான வலிமையைப் பெற ஃபவுண்டேஷனுக்கு போதுமான நேரம் வழங்கப்பட வேண்டும். மேலும், கனமழை ஆபத்துள்ள இடங்களில், மழையால் ஏற்படும் மண் அரிப்பைக் குறைக்கக்கூடிய நேரத்தில் செயல்முறையை திட்டமிடுவது முக்கியமாகும்.
திட்டத்தின் தேவைகளுக்கேற்ப பல வகையான பேக்ஃபில்லிங் மெட்டீரியல்களைப் பயன்படுத்தலாம். சில பொதுவான வகைகளைக் காண்போம்:
சரளைக்கல் மற்றும் நொறுக்கப்பட்ட கல் போன்ற நன்கு பொடியாக்கப்படாத மண், பொதுவாக பேக்ஃபில் மெட்டீரியல்களாகப் பயன்படுத்தப்படுகிறது. இந்த மெட்டீரியல்கள் நல்ல நீர் வெளியேற்ற தண்மைகளை வழங்குகிறது, பேக்ஃபில் செய்யப்பட்ட பகுதி வழியே தடையின்றி நீர் வழிந்தோட அனுமதிக்கிறது. அவை நல்ல பாரம் தாங்கும் திறனை வழங்குகிறது, ஃபவுண்டேஷனின் நிலைத்தன்மை மற்றும் உறுதியை உறுதி செய்கிறது.
மணல் உள்ளிட்ட, நன்கு பொடியாக்கப்பட்ட மண், அவற்றின் இறுக்க பண்புகள் மற்றும் நிலையான ஃபவுண்டேஷனைப் பராமரிக்கும் திறன் காரணமாக பேக்ஃபில்லிங்கிற்கான பிரபலமான தேர்வுகளாகும். இந்த மெட்டீரியல்கள் திறன்மிக்க இறுக்கத்திற்கு உதவுகிறது மற்றும் செட்டில்மெண்ட்டைக் குறைத்து, கட்டமைப்பிற்குத் திடமான தாங்கும் அமைப்பை வழங்குகிறது.
ஃப்ளை ஆஷ் மற்றும் ஸ்லாக் போன்ற, வணிகம் சார்ந்த துணை பொருட்களைப் பேக்ஃபில் மெட்டீரியல்களாகப் பயன்படுத்தலாம். இந்த மெட்டீரியல்கள் நல்ல இறுக்கப் பண்புகளை வழங்குவதோடு மட்டுமல்லாமல் சுற்றுப்புறம் சார்ந்த நிலைத்தன்மைக்கும் வழிவகுக்கிறது. பேக்ஃபில்லிங்கில் இந்தத் துணை பொருட்களைப் பயன்படுத்துவது கழிவைக் குறைக்கிறது மற்றும் சுற்றுப்புறத்திற்குப் பாதுகாப்பான மாற்றுப்பொருளை வழங்குகிறது.
கட்டுப்படுத்தப்பட்ட வலிமை குறைவான மெட்டீரியல் (CLSM), ஃப்ளோவெபிள் ஃபில் என்றும் அழைக்கப்படுகிறது, மேலும் இது, குறிப்பிட்ட சூழ்நிலைகளில் பயன்படுத்தப்படும் மற்றொரு வகை பேக்ஃபில் மெட்டீரியல் ஆகும். CLSM-இல் போர்ட்லேண்ட் சிமெண்ட், ஃப்ளை ஆஷ், ஃபைன் அக்ரிகேட் மற்றும் தண்ணீரின் கலவை உள்ளது. இது சுய சமப்படுத்தல் பண்புகளைக் கொண்டிருப்பதால், பெரிய குழிகளில் மற்றும் சிக்கலான வடிவங்கள் உள்ள பகுதிகளில் நிரப்புவதற்கு ஏற்றதாகிறது.
இறுதியாக, கட்டுமானத்தில் செய்யப்படும் சரியான பேக்ஃபில்லிங், கட்டிடத்தின் ஃபவுண்டேஷன்களின் முக்கியமான கூறு ஆகும். சரியான மெட்டீரியலைத் தேர்ந்தெடுத்து, அவற்றைத் திறம்பட இறுகச்செய்து, சரியான நேரத்தில் அவற்றைப் பேக்ஃபில்லிங் செய்வதன் மூலம், கட்டுமான திட்டங்களால் நிலைத்தன்மையை அடைய முடியும், செட்டில் ஆவதைத் தடுக்க முடியும் மற்றும் கட்டமைப்பு சார்ந்த பிரச்சனைகளைத் தவிர்க்க முடியும். சரியான நுட்பங்களைப் புறக்கணிப்பது செலவு அதிகமான பழுதுகளுக்கும், பாதுகாப்பு சமரசம் செய்யப்படுவதற்கும் வழிவகுக்கலாம். எனவே, காலத்தைக் கடந்து நிலைத்திருக்கும் ஒரு திடமான பேக்ஃபில் ஃபவுண்டேஷனை உறுதி செய்வதற்காக, கட்டுமானத்தில் பேக்ஃபில்லிங்கிற்கு முன்னுரிமை வழங்குவதும், வல்லுநர்களுடன் இணைந்து செயல்படுவதும் அவசியமாகும்.
