ஆழ்துளைக் கிணறு என்றால் என்ன? பொதுவான ஆழ்துளைக் கிணறு பிரச்சனைகள் மற்றும் அவற்றை எப்படி சரி செய்வது

ஆழ்துளைக் கிணறு என்றால் என்ன?

ஆழ்துளைக் கிணறு என்பது நிலத்தடி நீர் ஆதாரத்தை அணுகுவதற்காக நிலத்திற்குள் துளையிடும் ஒரு குறுகிய ஷாஃப்ட் ஆகும். இது வழக்கமாக கிணறு உள்நுழைவதைத் தடுக்கும் கேஸிங் பைப் மற்றும் மேற்பரப்பிற்கு தண்ணீரை எடுத்து வரும் சப்மெர்ஸபிள் பம்ப்பைக் கொண்டிருக்கும். ஆழ்துளைக் கிணற்றின் ஆழமானது இடத்தையும், விருப்பமான நீர் வரத்தையும் சார்ந்ததாகும்.

ஆழ்துளைக் கிணற்றின் முக்கியத்துவம்

மேற்பரப்பு நீர் ஆதாரங்கள் பற்றாக்குறையாக இருக்கும் அல்லது நம்பத்தக்கதாக இல்லாத பகுதிகளில் தண்ணீர் தேவைகளைப் பூர்த்தி செய்வதில் ஆழ்துளைக் கிணறுகள் முக்கிய பங்கு வகிக்கின்றன. அவை பொதுவாக 100 முதல் 2000 அடி ஆழம் வரை சென்று நிலத்தடி நீரை அணுகும். வணிகம், தொழிலகம் மற்றும் குடியிருப்பு பகுதிகளின் தண்ணீர் தேவைகளைப் பூர்த்தி செய்ய இவை முக்கியத்துவம் வாய்ந்தவை ஆகும். இவை வீட்டு பயன்பாடு, நீர் பாசனம் மற்றும் பல்வேறு தொழிலகங்களுக்கான நீர் ஆதாரமாகச் செயல்படுகின்றன. ஆழ்துளை கிணறுகள் தண்ணீர் பற்றாக்குறைக்கான நீடித்திருக்கும் தீர்வை வழங்குகிறது, அதுவும் குறிப்பாக பற்றாக்குறையான அல்லது ஒழுங்கற்ற மழைப்பொழிவு உள்ள பகுதிகளில்.

ஆழ்துளைக் கிணற்றின் பொதுவான பிரச்சனைகள்

ஆழ்துளைக் கிணறுகள் அவற்றின் செயல்பாடுகள் மற்றும் நீர் வரத்தைப் பாதிக்கக்கூடிய பல்வேறு பிரச்சனைகளை எதிர்கொள்ளக்கூடும். சில பொதுவான பிரச்சனைகளைக் காண்போம்:

1. நீர் ஆதாரத்தின் நிலைமை:

நிலத்தடி நீரின் தரம் மற்றும் அளவு காலப்போக்கில் மாறலாம். வரட்சி, மாசுபடுதல், அல்லது நீர் இருப்பு குறைதல் போன்ற காரணிகள் ஆழ்துளைக் கிணற்றில் தண்ணீர் கிடைப்பதைப் பாதிக்கலாம். நீர் ஆதாரத்தைக் கண்காணித்து, எழக்கூடிய எந்தவொரு பிரச்சனைகளையும் சரி செய்ய உரிய நடவடிக்கைகள் எடுப்பது அவசியமாகும்.

2. பற்றாக்குறையான நீர் வரத்து:

சில நேரங்களில், ஆழ்துளைக் கிணறுகள் போதுமான அளவு தண்ணீரை வழங்காமல் இருக்கக்கூடும். குறைவான வரத்து கொண்ட நீர்நிலைகள், பைப்களில் அடைப்பு அல்லது நிலத்தடி நீர் ஆதாரம் போதுமான அளவு ரீசார்ஜ் ஆகாதது போன்ற காரணங்களால் இவை ஏற்படக்கூடும். வரத்து சோதனை நடத்துவது ஆழ்துளை கிணற்றின் நீர் வரத்தைத் தீர்மானித்து, குறைவான தண்ணீருக்கான காரணங்களைக் கண்டறிய உதவுகிறது.

3. ஆழ்துளைக் கிணற்றின் நிலைமை:

காலப்போக்கில், ஆழ்துளைக் கிணறு கேஸிங் சீர்குலைந்து கட்டமைப்பு சார்ந்த சேதத்திற்கு வழிவகுக்கக்கூடும். விரிசல்கள், கசிவுகள் அல்லது அரிப்பு ஏற்பட்டு, கிணற்றிற்குள் மாசு நுழைந்து தண்ணீரின் தரத்தைப் பாதிக்கக்கூடும். ஆழ்துளைக் கிணறு கேஸிங்கை தவறாமல் ஆய்வு செய்து பராமரிப்பது, ஆரம்ப நிலையிலேயே சேதத்தைக் கண்டறிந்து மேலும் சீர்குலைவதைத் தடுக்க உதவலாம்.

4. ஆழ்துளைக் கிணற்றின் பம்ப் செய்யும் கருவியின் நிலைமை:

ஆழ்துளைக் கிணறுகளில் பயன்படுத்தப்படும் சப்மெர்ஸிபிள் பம்ப்கள் மேட்டர் செயலிழப்பு, அடைப்புகள், அல்லது இம்பெல்லர்களில் சேதம் போன்ற பிரச்சனைகளை எதிர்கொள்ளக்கூடும். இந்த பிரச்சனைகள் நீர் ஓட்டம் குறைவதற்கு அல்லது முழுமையான பம்ப் செயலிழப்பிற்கு வழிவகுக்கலாம். பம்ப் செய்யும் கருவியைச் சுத்தம் செய்வது அல்லது தேய்மானமான பாகங்களை மாற்றுவது போன்று தவறாமல் பராமரிப்பது, உகந்த செயல்திறனை உறுதி செய்ய அவசியமாகும்.

ஆழ்துளைக் கிணறு பிரச்சனைகளைச் சரி செய்வதற்கான தீர்வுகள்

ஆழ்துளைக் கிணறுகளில் எதிர்கொள்ளும் பொதுவான பிரச்சனைகளைச் சரி செய்ய, பல தீர்வுகளைச் செயல்படுத்தலாம்:

1. பம்ப்பை மாற்றுவது அல்லது பழுதுபார்ப்பது:

பம்ப் செயலிழப்பு அல்லது சேதத்தின்போது, சப்மெர்ஸிபிள் பம்ப்பை மாற்றுவது அல்லது பழுதுபார்ப்பது அவசியமாகும். ஒரு தொழில்முறை டெக்னீஷியனால் பிரச்சனையைக் கண்டறிந்து மிகவும் பொருத்தமான தீர்வைப் பரிந்துரைக்க முடியும். ஆழ்துளைக் கிணறு வடிகட்டிகளைச் சுத்தம் செய்வது மற்றும் எதாவது அடைப்புகள் இருக்கிறதா என்பதைச் சரிபார்ப்பது உள்ளிட்டவற்றைச் செய்வதன் மூலம் பம்ப்பைத் தவறாமல் பராமரிப்பது, பம்ப் செயலிழப்பைத் தடுக்க உதவலாம்.

2. ஆழ்துளையை மீண்டும் உருவாக்கி சுத்தம் செய்வது:

ஆழ்துளை கிணற்றின் துளைகளில் காலப்போக்கில் வண்டல் மண், மினரல் டெபாஸிட்கள் அல்லது பயாலஜிக்கள் வளர்ச்சி திரண்டு, தண்ணீர் வரத்தைக் குறைக்கிறது. ஆழ்துளைக் கிணற்றில் மீண்டும் துளை ஏற்படுத்துவதென்பது தண்ணீர் ஓட்டத்தை மீட்பதற்காக இந்த டெபாஸிட்களை சுத்தம் செய்வதை மற்றும் ஃப்ளஷ் செய்வதை உள்ளடக்கியதாகும். தொழில்முறை ஆழ்துளைக் கிணறு சேவை வழங்குநர், ஆழ்துளையைத் திறம்பட சுத்தம் செய்வதற்கு, ஜெட்டிங், சர்ஜிங், அல்லது ஏர்லிஃப்ட்டிங் போன்ற நுட்பங்களைப் பயன்படுத்தலாம்.

3. பம்ப் செய்யும் விகிதத்தைக் குறைப்பது:

ஆழ்துளைக் கிணறு போதுமான தண்ணீரை வழங்காதபோது, பம்ப் செய்யும் விகிதத்தைக் குறைப்பது தண்ணீர் சப்ளையை மேம்படுத்த உதவலாம். இந்த உத்தி நிலத்தடி நீர்நிலை போதுமான அளவு ரீசார்ஜ் ஆவதற்கு உதவுகிறது மற்றும் நீடித்திருக்கும் தீர்வை வழங்குகிறது. உங்களின் ஆழ்துளைக் கிணற்றுக்கு உகந்த பம்ப் செய்யும் விகிதத்தைத் தீர்மானிக்க ஹைட்ராலஜிஸ்ட் அல்லது ஆழ்துளைக் கிணறு நிபுணருடன் கலந்தாலோசிக்கவும்.

சிறிய ஆழ்துளைக் கிணறு இயந்திரங்கள் உட்பட, இந்த தீர்வுகளைச் செயல்படுத்துவதன் மூலம், ஆழ்துளைக் கிணறு தண்ணீர் பம்ப்களின் முறையான பராமரிப்பு மற்றும் அடைப்பைப் தடுத்து, தண்ணீரின் தரத்தை மேம்படுத்துவதற்கு ஆழ்துளைக் கிணறு வடிகட்டியைப் பயன்படுத்தி, உங்களின் ஆழ்துளைக் கிணறு அமைப்பின் உகந்த செயல்பாட்டை நீங்கள் உறுதி செய்யலாம்.