Share:
வாஸ்து விதிகளின் படி சமையலறைக்கு சரியான நிறங்களைத் தேர்வு செய்வது, உங்கள் சமையலறையை நல்லிணக்கம், செழிப்பு மற்றும் பாசிடிவ் எனர்ஜி கொண்ட இடமாக மாற்றும். பாரம்பரியமான இந்திய கட்டிடவியல் முறையான வாஸ்து சாஸ்திரம், நிறங்கள் எவ்வாறு நம் வாழ்க்கையையும் நலனையும் பாதிக்கின்றன என்பதை விளக்குகிறது. இப்போது, உங்கள் சமையலறைக்கான வாஸ்து நிறங்களைப் பற்றி அறிந்து கொள்வோம். ஆரோக்கியத்தையும் மகிழ்ச்சியையும் ஆதரிக்கும் சுறுசுறுப்பான சூழலை உருவாக்குவோம். நீங்கள் சமையலறையை புதுப்பிக்கவோ அல்லது புதிய சமையலறையை கட்டவோ திட்டமிடுகிறீர்கள் என்றால், வாஸ்து சாஸ்திர விதிகளின் படி சமையலறை நிறங்களின் முக்கியத்துவத்தை அறிந்து கொள்ளுங்கள். இது ஒரு சமநிலை மற்றும் மகிழ்ச்சியான வீட்டை உருவாக்குவதற்கு முக்கியமான ஒன்றாகும்.
1. செழிப்பான நிறத் தேர்வு: உங்கள் வீட்டில் சமநிலையையும் அமைதியையும் கொண்டு வர, வாஸ்து சாஸ்திரப்படி சமையலறையின் சரியான நிறத்தை தேர்வு செய்வது எப்படி என்பதைக் கற்றுக்கொள்ளுங்கள்.
2. எனர்ஜியை மேம்படுத்தும் நிறங்கள்: வாஸ்து சாஸ்திரம் படி எந்த நிறங்கள் சமையலறைக்கு சிறந்தவை, அவை அந்த இடத்தின் எனர்ஜி மற்றும் உயிர்ச்செயல்பாட்டை அதிகரிக்க உதவுமென்று தெரிந்துக் கொள்ளுங்கள்.
3. வாஸ்து விதிமுறை படி ஏற்ற நிறங்கள்: பார்க்க அழகாக மட்டும் இல்லாமல், ஆரோக்கியத்தையும் மேம்படுத்தும் வகையில், வாஸ்து படி சமையலறை நிறங்களை எவ்வாறு தேர்வு செய்வது என்பதை தெரிந்துக் கொள்ளுங்கள்.
4. நடைமுறை டிப்ஸ் மற்றும் அனுபவங்கள்: வாஸ்து சாஸ்திர விதிகளை பின்பற்றி, உங்கள் வீட்டில் சமையலறை நிறத்தை எவ்வாறு தேர்வு செய்வது என நடைமுறை அறிவுரைகளையும் அனுபவங்களையும் இந்த பதிவில் தெரிந்துக்கொள்ளுங்கள்.
5. மொத்த ஆரோக்கியத்தை மேம்படுத்துதல்: வாஸ்து சாஸ்திரப்படி சரியாக தேர்வு செய்யப்பட்ட சமையலறை நிறம் உங்கள் குடும்பத்தின் மொத்த ஆரோக்கியத்திற்கும் எப்படி உதவக்கூடும் என்பதை புரிந்துக் கொள்ளுவது மிக அவசியம்.
உங்கள் சமையலறையின் நிறங்கள் வாஸ்து சாஸ்திரத்தில் மிக முக்கிய பங்கு வகிக்கின்றன. இது, அந்த இடத்தின் தோற்றம் மற்றும் உணர்ச்சிகளை மட்டுமல்ல, உங்கள் குடும்பத்தின் மனநிலையும் ஆற்றலையும் ஆரோக்கியத்தையும் பாதிக்கும். வாஸ்து படி, சமையலறை நெருப்புத் தன்மை கொண்ட பகுதி ஆகும். அங்கு உணவு தயாரிக்கப்படுகிறது. அதனால் எனர்ஜி மொத்த இடத்திலும் சுற்றிக் கொண்டிருக்கும். வாஸ்து படி சரியான சமையலறை நிறத்தை தேர்வு செய்வது, அந்த எனர்ஜியை மேம்படுத்தவும், ஆரோக்கியத்தை மேம்படுத்தவும், செழிப்பை கொண்டு வரவும் உதவும். நெருப்புத் தன்மையை சமநிலைப்படுத்தும் நிறங்களை தேர்வு செய்வது மிக அவசியம். இது பாசிடிவிட்டி மற்றும் ஆரோக்கியத்தை மேம்படுத்தும் சூழலை உருவாக்கும்.
பச்சை இயற்கை, குணப்படுத்தல் மற்றும் புத்துணற்ச்சித் தன்மைகளைப் பிரதிபலிக்கிறது. வாஸ்து படி, இது பாசிடிவ் எனர்ஜியையும் சமநிலையையும் ஊக்குவிக்கக்கூடியது. எனவே, சமையலறைக்கு இது சிறந்த தேர்வாகும். பச்சை நிறம் கொண்ட சமையலறை, சமநிலையை உருவாக்கி, ஆரோக்கியமான உணவுப் பழக்கங்களை ஊக்குவிக்கும்.
வெள்ளை தூய்மை, அமைதி மற்றும் தெளிவின் அடையாளமாகும். இது வெளிச்சத்தை பிரதிபலிக்கிறது. உங்கள் சமையலறையை விசாலமாகவும் சுத்தமாகவும் இந்த நிறம் எடுத்துக் காட்டும். வாஸ்து படி, வெள்ளை நிறம் அமைதியான சூழலையும், சமையலறையில் சாந்தம் தரும் எனர்ஜியையும் வழங்குகிறது.
மஞ்சள் பிரகாசமான மற்றும் மகிழ்ச்சியூட்டும் நிறமாக கருதப்படுகிறது. இது பாசிடிவ் எனர்ஜியை ஊக்குவிக்கிறது. இது பசியை தூண்டி, சமையலறையின் மொத்த மனநிலையையும் மேம்படுத்தும். வாஸ்து விதிகளின்படி, மென்மையான வெண்ணை போன்ற மஞ்சள் முதல் பளிசென்ற எலுமிச்சை மஞ்சள் வரை மஞ்சள் வர்ணங்கள் உங்கள் சமையலறையில் வெயிலையும், வெப்பத்தையும் கொண்டு வர உதவும்.
இது பூமி மற்றும் நிலத்தின் நிறத்தை கொண்டது. மற்றும் நிலைத்த தன்மை கொண்டது, வெளிர் பழுப்பு நிறம் உங்கள் சமையலறையில் நிலைத்தன்மையையும் இயற்கையின் உணர்ச்சியையும் கொண்டு வருகிறது. வாஸ்து நிபுணர்கள் பழுப்புநிறம் நம்பகத்தன்மையையும் ஆறுதலையும் ஏற்படுத்தும் என்று கூறுகின்றனர். இது சமையலறையை அனைவருக்கும் வரவேற்கும் இடமாக மாற்றும்.
பீச் நிறங்கள் மென்மையானவை. இது சமையலறை சூழலை வரவேற்கும் சூழலாக மாற்றுகின்றன. வாஸ்து படி, பீச் நிறம் ஆற்றலை சமநிலைப்படுத்துகிறது. சமூக தொடர்புகளை ஊக்குவிக்கிறது. மேலும் சமையலறையில் இதமான பராமரிப்பு சூழலை உருவாக்குகிறது.
வாஸ்து விதிகளின் படி, உங்கள் வீட்டு அழகிற்கேற்ற சமையலறை நிறங்களைத் தேர்வு செய்வதன் மூலம், உங்கள் குடும்பத்தின் ஆரோக்கியம், மகிழ்ச்சி, செழிப்பு நிறைந்த ஒரு அழகான இடத்தை உருவாக்க முடியும்.
சமையலறையின் அமைப்பு, அதில் உள்ள மேடைகள், அலமாரிகள், தரை மற்றும் டைல்ஸ் ஆகியவை வாஸ்து சாஸ்திரத்தில் முக்கிய பங்கைக் கொண்டுள்ளன. இந்தப் பகுதிகளுக்கு தேர்வு செய்யப்படும் நிறங்கள் சமையலறையின் எனர்ஜி ஓட்டத்தையும், மொத்த சூழலையும் மேம்படுத்துகின்றன. நாம் வாஸ்து விதிகளின்படி, சமையலறையின் முக்கிய பகுதிகளுக்கு எது சிறந்த நிறங்கள் என்பதைப் பற்றி தெரிந்துக் கொள்ளலாம்:
சமையலறை மேடைகளுக்கு சரியான நிறத்தைத் தேர்வு செய்வது மிகவும் முக்கியம். வாஸ்து படி, வெள்ளை அல்லது பீஜ் போன்ற வெளிர் நிறங்களை தேர்வு செய்வது சிறந்தது. இந்த நிறங்கள் இடத்தை சுத்தமாகவும் விசாலமாகவும் காட்டும், மேலும் பாசிடிவ் அனர்ஜியை ஈர்த்து, சமையலறையில் சமநிலையையும் மகிழ்ச்சியையும் ஏற்படுத்தும்.
அலமாரிகள் சமையலறையின் பெரும் பகுதிகளில் ஒன்றாகும். வாஸ்து படி, மென்மையான பாசிடிவ் எனர்ஜி கொண்ட நிறங்களைத் தேர்வு செய்வது முக்கியம். மர நிறங்கள் அல்லது கிரீம், இளம் மஞ்சள், பச்சை போன்ற வெளிர் நிறங்களை தேர்வு செய்வது சிறந்தது. இவை சமையலறையில் சுத்தத்தையும், பாசிடிவ் எனர்ஜியையும் ஊக்குவித்து, சமையலறையின் நெருப்பு தன்மையுடன் சமநிலையை ஏற்படுத்தும்.
வாஸ்து படி, சமையலறைக்கான தரையின் நிறத்தை நிலைத்தன்மையை உறுதிப்படுத்தும் வகையில் தேர்வு செய்ய வேண்டும். இயற்கை நிறங்களான, இளம் பழுப்பு, பீஜ் அல்லது மென்மையான சிவப்பு, இளம் பிங்க் போன்ற நிறங்கள் பரிந்துரைக்கப்படுகின்றன. இந்த நிறங்கள் சமையலறையில் வரவேற்கும், ஆறுதலான சூழலை உருவாக்கி, தரையில் ஒரு நிலையான உணர்வை உருவாக்க உதவும்.
வாஸ்து சாஸ்திரம் படி, சமையலறையின் டைல்ஸ்களுக்கு அமைதியான மற்றும் இலகுரக நிறங்களைத் தேர்வு செய்ய வேண்டும். இளம் நீலம், இளம் பச்சை அல்லது வெள்ளை போன்ற நிறங்கள் சமையலறையில் அமைதியையும் சுத்தமான சூழலையும் உருவாக்க உதவுகின்றன. பாசிடிவ் எனர்ஜியின் ஓட்டத்தை எளிதாக்குகின்றன. இந்த நிறங்கள் அழகான தோற்றத்தை மட்டும் அளிக்காமல், வெளிச்சத்தை பிரதிபலிக்கவும், சமையலறையை பிரகாசமாகவும் எனர்ஜி அதிகமாக இருக்கும் இடமாகவும் மாற்றுகின்றன.
சமையலறையின் ஒவ்வொரு பகுதியிலும் சரியான நிறத்தை வாஸ்து விதிகளின்படி தேர்வு செய்வது, மொத்த சூழலை மேம்படுத்த உதவும். இது தோற்றத்தை அழகாக்குவது மட்டுமல்லாமல், ஒரு சமநிலையான, மகிழ்ச்சியூட்டும் சமையலறை அனுபவத்தை உருவாக்கி, ஆரோக்கியம் மற்றும் செழிப்பை ஊக்குவிக்க உதவும். இந்த வாஸ்து குறிப்புகளைப் பயன்படுத்தி, சமையலறை நிறங்களைத் தேர்வு செய்வதன் மூலம், உங்கள் சமையலறை அமைதியாகவும் மகிழ்ச்சிகரமாகவும் இருக்கும்.
பாசிடிவ் எனர்ஜியையும் சமநிலையையும் அதிகபடுத்தும் நிறங்களை வாஸ்து சாஸ்திரம் தேர்வு செய்ய சொல்கிறது. அதே சமையம், வாஸ்து சாஸ்திரம் சில நிறங்களை தவிர்க்கவும் வலியுறுத்துகிறது. சரியான நிறங்களைத் தேர்வு செய்வது போலவே, தவறான நிறங்களைத் தவிர்ப்பது சமையலறையின் எனர்ஜி ஓட்டத்தை பாதிக்காமல் பாதுகாக்க உதவும்.
கருப்பு, கடும் நீலம், மற்றும் இருண்ட சாம்பல் நிறங்களை வாஸ்து சாஸ்திரப்படி சமையலறையில் தவிர்க்க வேண்டும். இந்த நிறங்கள் இடத்தை குறுகியதாகவும் சற்றே இருண்டதாகவும் காட்டக்கூடும். மேலும், இவை அதிக வெப்பத்தை ஈர்த்து, சமையலறையின் நெருப்பு தன்மையை பாதித்து, குடும்பத்தின் மனநிலையையும் நலத்தையும் பாதிக்கக்கூடும்.
செங்கடல் நிறம் நெருப்பு தன்மையுடன் தொடர்புடையது. ஆனால், மிகவும் பளிச்சென்ற சிகப்பு நிறம் சமையலறையில் அதிக தூண்டலையும் மனஅழுத்தத்தையும் உருவாக்கக்கூடும். அதேபோல, இருண்ட பழுப்பு நிறம் சோர்வையும் சோம்பலையும் உருவாக்கக்கூடும். இது சமையலறையில் எனர்ஜி ஓட்டத்தை குறைக்கக்கூடும்.
மிகவும் பளிச்சென்ற நிறங்கள் அல்லது நீயான் நிறங்கள் அதிக தூண்டலை உருவாக்கி, சமையலறையின் அமைதியான சூழலை கெடுக்கும். இந்த நிறங்கள் சமநிலையை குறைத்து, வாஸ்து சாஸ்திரத்தில் கூறப்படும் அமைதியையும் நெருக்கத்தையும் குறைக்கக்கூடும்.
சரியான வாஸ்து நிறத்தைத் தேர்வு செய்வது, உங்கள் வீட்டின் சமையலறையில் நேர்மறை மற்றும் சமநிலையை அதிகரிக்க உதவும். வாஸ்து விதிகளுக்கு ஏற்ப நிறங்களைப் பயன்படுத்துவதன் மூலம், உங்கள் வீட்டின் செழிப்பு, ஆரோக்கியம்மற்றும் மகிழ்ச்சியை மேம்படுத்த முடியும். மிகவும் இருண்ட நிறங்கள் அல்லது பளிசென்ற நிறங்களை தவிர்த்துக் கொள்ளுங்கள், இது மொத்த இடத்தின் எனர்ஜியையும் பாதிக்கக்கூடும். உங்கள் வீட்டின் சமையலைறை புதிதாக கட்டுவதாக இருந்தாலும் சரி, புதுப்பித்தாலும் சரி, வாஸ்து விதிகளுக்கு ஏற்றபடி நிறங்களை தேர்வு செய்யுங்கள். இதனால், உங்கள் வீட்டில் நல்ல எனர்ஜி ஓட்டத்தை அதிகரிக்க முடியும்.
