Share:
గృహ నిర్మాణ మార్గదర్శిని
మా ఉత్పత్తులు
ఉపయోగకరమైన సాధనాలు
ఉత్పత్తులు
అల్ట్రాటెక్ నిర్మాణ ఉత్పత్తులు
Share:
స్కిర్టింగ్ టైల్స్ అనేది నేల గోడకు కలిసే ఖండన బిందువు (ఇంటర్ సెక్షన్) దగ్గర ఇన్స్టలేట్ చేయడం కోసం రూపొందించబడిన ఒక నిర్దిష్ట రకం టైల్. అవి నివాస వాణిజ్య ప్రదేశాలలో అవసరమైన అలంకరణ కోసం, ఉపయోగించడం కోసం కూడా పని చేస్తాయి. ఈ టైల్స్ నిరంతర మార్పుని చూపిస్తాయి, ఇది గది సౌందర్యాన్నీ, ఆకర్షణనీ మెరుగుపరచడమే కాకుండా ఫుట్ ట్రాఫిక్, ఫర్నిచర్ కదలికలు, శుభ్రపరిచే ప్రక్రియల వల్ల సంభవించే అరుగుదల నుంచి రక్షణను అందిస్తుంది. స్కిర్టింగ్ టైల్స్ గోడల్ని తేమ నుంచీ, భౌతిక నష్టం నుంచి రక్షిస్తాయి, వ్యావహారికంగా ఎంతో ఉపయోగకరంగా ఉంటాయి, అంతకు మించి, గోడకీ, నేలకీ మధ్య ఉండే తేడాగా ఉన్న అంచులు, ఖాళీల్ని కూడా కవర్ చేస్తాయి, ఇది పాలిష్ చేయబడిన రిఫైన్డ్ రూపాన్ని సృష్టిస్తుంది.
సిరామిక్ స్కిర్టింగ్ టైల్స్ మన్నికకీ విస్తృత శ్రేణి రంగులు, నమూనాలకు ప్రసిద్ధి చెందాయి. వంటశాలలు, స్నానపు గదుల కోసం ఇవి బాగుంటాయి. వీటిని శుభ్రం చేయడం, మెయింటెయిన్ చేయడం సులభం, తేమ ఉండే చోట్ల వీటిని ఎంపిక చేయడం మంచిది.
వుడెన్ ఫినిష్ టైల్స్, చెక్క ఆకారంలో కనిపించే మన్నిక కలిగిన టైల్స్. అవి మీరు నిజమైన కలపను మెయింటెయిన్ చేయడంలో ఉండే ఇబ్బందులేవీ లేకుండా హాయిగా, సహజమైన ఆకారంలో లివింగ్ రూమ్‌లు, బెడ్‌రూమ్‌లకు సరిగ్గా సరిపోతాయి.
చక్కదనం, టచ్ కోసం చూస్తున్న వారికి, మార్బుల్ ఫినిషింగ్ స్కిర్టింగ్ టైల్స్ వాటి మిలమిల మెరిసే ఫినిష్ తో ప్రత్యేకమైన వీనింగ్‌తో విలాసవంతమైన అనుభూతిని అందిస్తాయి. ఈ టైల్స్ ప్రవేశ మార్గాలు హాల్ వే వంటి వాటి కోసం చక్కగా ఉంటాయి, ఎంట్రన్స్ లోనే ఆకట్టుకుంటాయి.
మెటాలిక్ ఫినిషింగ్ టైల్స్ ఆధునిక సొగసైన రూపాన్ని పరిచయం చేస్తాయి, ఇది సమకాలీన ప్రదేశాలకు అనువైనది. ఈ మోడరన్ టైల్ స్కిర్టింగ్ ఐడియా మినిమలిస్ట్ డిజైన్‌లలో యాక్సెంట్ వివరాలుగా ఉపయోగపడుతుంది, ఇది సూక్ష్మమైన మెరుపునీ, ఆకర్షణీయమైన రూపాన్నీ జోడిస్తుంది.
స్కిర్టింగ్ టైల్స్ ఇంటిలోని వివిధ ప్రాంతాల్లో ఉపయోగించవచ్చు, వీటిలో:
1. స్నానపు గదులు: స్కిర్టింగ్ టైల్స్ బాత్‌రూమ్‌లకు అనువైనవి, ఎందుకంటే అవి వాటర్-రెసిస్టెంట్లు మరియు శుభ్రం చేయడం సులభం.
2. వంటశాలలు: వంటశాలలలో స్కిర్టింగ్ టైల్స్ జల్లుల చిందుల నుండి గోడలను కాపాడతాయి, ఉపయోగించడానికి మంచి ఎంపికగా ఉంటాయి. గోడను కవర్ చేయడానికి వాటిని వివిధ టైల్ స్కిర్టింగ్ ఎత్తులలో ఉపయోగించవచ్చు.
3. హాలులు మరియు హై-ట్రాఫిక్ ప్రాంతాలు: సిరామిక్ లేదా పింగాణీ స్కిర్టింగ్ టైల్స్ మన్నికైనవి మరియు హాల్ వేస్ వంటి ఎక్కువగా మసలే ప్రదేశాలకు అనుకూలంగా ఉంటాయి.
4. లివింగ్ రూమ్‌లు మరియు బెడ్‌రూమ్‌లు: స్కిర్టింగ్ టైల్స్ వాటి అందమైన లుక్ తో లివింగ్ రూమ్‌లు, బెడ్‌రూమ్‌ల మొత్తం ప్రదేశాన్ని ఆకట్టుకునే విధంగా ఉంటాయి.
స్కిర్టింగ్ టైల్స్ డిజైన్ కోసం సరైన రంగును ఎంచుకోవాలి, ఎందుకంటే గదికి ఉండాల్సిన మానసిక స్థితిని అదే నిర్ధారిస్తుంది, చూడడానికి ఆకర్షణీయంగా కనిపించేలా చేయడానికీ అది సహకరిస్తుంది.
1. న్యూట్రల్ టోన్స్: తెలుపు, లేత గోధుమరంగు, గ్రే కలర్, ఇవి ఇప్పటి రోజుల్లో ఎంచుకోవలసిన ఎంపికలు. ఇవి ఖాళీ జాగాల్ని విశాలంగానూ, కాంతివంతంగానూ కనిపించేలా చేయడంలో సహాయపడతాయి. వాల్ కలర్స్ వైవిధ్యభరితంగా విస్తృత శ్రేణిలో సులభంగా అందుబాటులో ఉంటాయి.
2. బోల్డ్ షేడ్స్: నలుపు లేదా శక్తివంతమైన రంగుల స్కిర్టింగ్ టైల్స్, ముఖ్యంగా ఆధునిక లేదా మినిమలిస్ట్ ప్రదేశాలలో ఒక అద్భుతమైన కాంట్రాస్ట్‌ను సృష్టించగలవు. ఈ ఎంపిక, గది డిజైన్ కు ప్రాధాన్యతనిస్తుంది. ఆ ప్రదేశంలో వ్యక్తిత్వాన్ని మరింత మెరుగ్గా చేస్తుంది.
3. గోడ రంగుతో సరిపోలడం: నిరంతరం ఒక ఆత్మీయ బంధం అలరారే విధంగా గోడలకి ఉన్న రంగులోనే స్కిర్టింగ్ టైల్స్ అమరిస్తే చూడడానికి అది గది ఎత్తును మరింత విశాలం చేస్తుంది. ఇది మరింత విశాలంగానూ సొగసైనదిగానూ కనిపిస్తుంది.
4. కాంప్లిమెంటరీ రంగులు: గోడల కంటే తేలికైన లేదా ముదురు రంగులో ఉండే స్కిర్టింగ్ టైల్స్ ని ఎంచుకోవడం వలన స్థలాన్ని సూక్ష్మంగా నిర్వచించవచ్చు, గది సౌందర్యానికి ఎక్కువ డెప్త్ ని జోడించవచ్చు.
స్కిర్టింగ్ టైల్స్ అనేది ఒక స్థలాన్ని అందంగానూ, ఆకర్షణీయంగానూ చేయడంలో కీలక పాత్ర వహిస్తాయి. వివిధ రకాల డిజైన్లు, రంగులు అందుబాటులో ఉన్నందున, అవి గోడలను రక్షించడానికీ, గది అలంకరణకి మంచి ఫినిష్ ని ఇవ్వడానికీ అనువైన పరిష్కారాన్ని అందిస్తాయి.
