Share:
బేస్‌మెంట్ లో తేమను కలిగించే ముఖ్య కారకాల్లో ఒకటి పునాది లేదా గోడలలో పగుళ్లు ద్వారా నీరు కారడం. చుట్టుపక్కల నేల లేదా పేలవమైన డ్రైనేజీ వ్యవస్థల వల్ల హైడ్రోస్టాటిక్ పీడనం కారణంగా ఇది సంభవించవచ్చు.
బేస్‌మెంట్ లో తేమకి సాధారణ కారణం ఇంటి చుట్టూ సరిగ్గా లేని నేల, పారుదల వ్యవస్థలు. పునాది చుట్టూ ఉన్న మట్టి ఇంటి నుండి సరైన వాలులో లేకపోయినా లేదా తగిన విధంగా డ్రైనేజీ వ్యవస్థ లేకపోయినా, నీరు పేరుకుపోయి బేస్‌మెంట్ లోకి ప్రవేశిస్తుంది.
సరిగా ఏర్పాటు చేయని, నిర్వహింపబడని మురుగునీటి కాలవలు బేస్‌మెంట్ లో నీటి వూట సమస్యలకు కూడా దోహదం చేస్తాయి. మూసుకుపోయిన లేదా సరిగా పనిచేయని మురికి కాలువల నీరు పొంగిపొర్లడానికి ఫౌండేషన్ చుట్టూ పేరుకుపోవడానికి కారణమవుతాయి, దీంతో బేస్‌మెంట్ లో నీరు దెబ్బతింటుంది.
బేస్‌మెంట్ లో తేమ సమస్యలకు కండెన్సేషన్ ఎక్కువ దోహదపడుతుంది. వెచ్చని, తేమతో కూడిన గాలి, గోడలు లేదా పైపుల వంటి చల్లటి ఉపరితలాల మీదకి వచ్చినప్పుడు నీటి బిందువులుగా ఘనీభవించినప్పుడు ఇది సంభవిస్తుంది. బాగా-వెంటిలేషన్ లేని లేదా తగినంత ఇన్సులేషన్ లేని బేస్‌మెంట్లలో కండెన్సేషన్ ముఖ్యంగా సమస్యాత్మకంగా ఉంటుంది.
పునాది చుట్టూ సరికాని వాలు బేస్‌మెంట్ గోడలు లేదా అంతస్తులలో పగుళ్లు కూడా తేమ సమస్యలకు దోహదం చేస్తాయి. ఫౌండేషన్ చుట్టూ ఉన్న మట్టిని ఇంటి నుండి సరైన వాలు చేయకపోతే, నీరు పేరుకుపోతుంది బేస్‌మెంట్ లోకి ప్రవేశిస్తుంది. పునాది లేదా గోడలలో పగుళ్లు కూడా నీటిని లోపలికి వదిలేస్తాయి. దీంతో బేస్‌మెంట్ నీటి వల్ల దెబ్బతింటుంది.
ఇంటీరియర్ సీలాంట్లు ఒక రకమైన బేస్‌మెంట్ వాటర్ఫ్రూఫింగ్ పద్ధతి. ఇందులో బేస్‌మెంట్ గోడల అంతస్తుల లోపలికి సీలెంట్ ని అప్లై చేయడం జరుగుతుంది. నీరు, ముఖ్యంగా అధిక భూగర్భజలాలు లేదా పేలవమైన డ్రైనేజీ ఉన్న ప్రాంతాల్లో పగుళ్లు, ఖాళీలు లేదా కాంక్రీటు రంధ్రాల ద్వారా బేస్‌మెంట్ లోకి ప్రవేశిస్తుంది, ఇది నీటి వల్ల కలిగే నష్టం, శిలీంద్రాల పెరుగుదలకు దారితీస్తుంది. అలాగే భవన పునాది భవన నిర్మాణ పటిష్టతకి నష్టం కలిగిస్తుంది. ఇంటీరియర్ సీలెంట్‌లు బేస్‌మెంట్ లోని లోపలి గోడలు మరియు నేల భాగంలో వాటర్‌ఫ్రూఫ్ లాగా పని చేసి నీరు బయటకు రాకుండా చేస్తాయి. సీలెంట్ ఒక అవరోధాన్ని ఏర్పరుస్తుంది. ఇది కాంక్రీటు ద్వారా నీటిని నిరోధిస్తుంది. అయినప్పటికీ, ఈ పద్ధతి చిన్న నీటి నష్టానికి మాత్రమే ప్రభావవంతంగా ఉంటుంది తప్ప తేమని కలిగించే అంతర్లీన కారణాలను పరిష్కరించదు.
బాహ్య బేస్‌మెంట్ వాటర్ఫ్రూఫింగ్ కు ముఖ్యమైన ప్రధాన మూలం పునాది గోడల బయట నుండి నీరు లోపలకి ప్రవేశించడం. బాహ్య బేస్‌మెంట్ వాటర్ఫ్రూఫింగ్ అనేది పునాది వెలుపలి చుట్టూ త్రవ్వకాలు మరియు గోడల వెలుపలికి వాటర్ఫ్రూఫింగ్ కోటింగ్ వేయడం లేదా పొర (మెంబ్రేన్) ని ఏర్పాటు చేయడం. నీటి నష్టాన్ని నివారించడానికీ, భవన నిర్మాణ పటిష్టతని కాపాడటానికీ ఇది సమర్థవంతమైన పరిష్కారం. అయితే, దీని ఇన్‌స్టలేషన్‌ ఖరీదైనదీ, ఇన్‌స్టలేషన్‌ చేసేందుకు కూడా విఘాతం కలిగిస్తుంది, ఎందుకంటే దీనికి పునాది చుట్టూ త్రవ్వవలసి ఉంటుంది, వాటర్ఫ్రూఫింగ్ పూర్తయిన తర్వాత ల్యాండ్‌స్కేపింగ్, ఇంకా ఇతర మరమ్మతులు ఉండవచ్చు. అయినప్పటికీ, బేస్‌మెంట్ లో నీటి చొరబాట్లను నివారించడానికి ఈ పద్ధతి అత్యంత విశ్వసనీయమైనదీ, దీర్ఘకాలిక పరిష్కారం చూపగలిగిందీ కూడా.
కండెన్సేషన్ తేమకి ప్రధాన మూలం అయినప్పుడు ఇంటీరియర్ బేస్‌మెంట్ వాటర్ఫ్రూఫింగ్ అవసరం ఏర్పడుతుంది. ఇంటీరియర్ బేస్‌మెంట్ వాటర్ఫ్రూఫింగ్ అనేది గోడలు లేదా నేల ద్వారా బేస్‌మెంట్ లోకి ప్రవేశించే నీటిని డ్రైనేజీ వ్యవస్థలోకి మళ్లించడం ద్వారా పనిచేస్తుంది. ఇది సంప్ పంప్ ద్వారా బేస్‌మెంట్ నుండి పంప్ చేయబడుతుంది. డ్రైనేజి పైపు సాధారణంగా బేస్‌మెంట్ ఫ్లోర్ క్రింద ఇన్స్టాల్ చేయబడుతుంది సంప్ పంప్ వైపు క్రిందికి వాలుగా ఉంటుంది, ఇది బేస్‌మెంట్ లో అత్యల్ప పాయింట్ వద్ద ఒక గోతి (పిట్) లో ఇన్స్టాల్ చేయబడుతుంది. పిట్‌లోని నీటి స్థాయిలు ఒక నిర్దిష్ట బిందువుకు చేరుకున్నప్పుడు దానంతట అదే ఆన్ అయ్యేలా సంప్ పంప్ డిజైన్ చేయబడింది. ఇది బేస్‌మెంట్ నుండి నీటిని బయటకు పంపుతుంది. ఇది పునాదికి దూరంగా ఉంటుంది.
ఫౌండేషన్ క్రాక్ ఇంజెక్షన్లు ఫౌండేషన్ చుట్టూ ఉన్న మట్టిని తవ్వకుండా, లోపల నుండి పునాది గోడలలో పగుళ్లను సరిచేసే పద్ధతి. ఈ ప్రక్రియలో పగుళ్లలో ద్రవ పాలియురేతేన్ లేదా ఎపాక్సీని ఇంజెక్ట్ చేయడం జరుగుతుంది. అప్పుడు ఇది గట్టిపడుతుంది నీటిని బయటకు రాకుండా నిరోధించే వాటర్‌ఫ్రూఫ్ గా మారుతుంది. ఈ పద్ధతి సాధారణంగా నిర్మాణాత్మక ముప్పును కలిగి ఉండని చిన్న పగుళ్లకు ఉపయోగించబడుతుంది. ఈ పని భవన నివాసితులకు ఇబ్బంది కలిగించకుండా త్వరగానూ, తక్కువ అంతరాయంతోనూ పూర్తి చేయబడుతుంది. అయినప్పటికీ, బీటలు వారిన స్తంభాలు లేదా ఇంజెక్షన్లు బీటల అంతర్లీన కారణాలను పరిష్కరించలేవని గమనించడం చాలా ప్రధానం. దీనికి అదనపు వాటర్ఫ్రూఫింగ్ చర్యలు అవసరమవుతాయి. పైగా ఈ పద్ధతి పెద్ద లేదా మరింత తీవ్రమైన పగుళ్లకు తగినది కాదు. వాటికి మరింత విస్తృతమైన మరమ్మతులు అవసరమవుతాయి.
ఇది కూడా చదవండి : 6 Cమీరు నివారించాల్సిన 6 సాధారణ వాటర్ఫ్రూఫింగ్ తప్పులు
బేస్‌మెంట్ వాటర్ఫ్రూఫింగ్ అనేక ప్రయోజనాలను అందిస్తుంది, ఇది మీ ఇంటిని లేదా భవనాన్ని నీటి వల్ల కలిగే నష్టం, ఇంకా ఇతర సమస్యల నుండి రక్షించడంలో సహాయపడుతుంది. బేస్‌మెంట్ వాటర్ఫ్రూఫింగ్ కొన్ని ముఖ్య ప్రయోజనాలు:/p>
మీ బేస్‌మెంట్ లో వాటర్ఫ్రూఫింగ్ తేమ స్థాయిలను తగ్గించడంలో సహాయపడుతుంది, బూజు పెరుగుదలను నిరోధించవచ్చు. ఇది మీ ఇల్లు లేదా భవనంలో మొత్తం గాలి నాణ్యతను మెరుగుపరుస్తుంది.
తేమ కాలక్రమేణా బేస్‌మెంట్ అంతస్తులకు నష్టం కలిగిస్తుంది, అయితే వాటర్ఫ్రూఫింగ్ ఈ నష్టాన్ని నివారించడానికి మీ అంతస్తుల జీవితకాలం పొడిగించడంలో సహాయపడుతుంది.
వాటర్ఫ్రూఫింగ్ నీరు మీ బేస్‌మెంట్ లోకి ప్రవేశించకుండా నిరోధించడంలో సహాయపడుతుంది, వరదల ప్రమాదాన్ని తగ్గిస్తుంది, ఫలితంగా మీ ఆస్తికి నష్టం వాటిల్లకుండా ఉంటుంది.
Aమీ బేస్‌మెంట్ నుండి నీటిని తీసివేయడానికి సంప్ పంప్ రూపొందించబడింది, కానీ ఎక్కువ నీరు ఉన్నట్లయితే అది పొర్లుతుంది. వాటర్ఫ్రూఫింగ్ దీనిని నిరోధించడానికి సహాయపడుతుంది. ఆ విధంగా ఇది మీ సంప్ పంపును దెబ్బతినకుండా కాపాడుతుంది.
నీటి నష్టం మీ ఇల్లు లేదా భవనం నిర్మాణ పటిష్టతను దెబ్బతీస్తుంది, అయితే వాటర్ఫ్రూఫింగ్ ఈ నష్టాన్ని నివారించడానికి మీ పునాది దీర్ఘకాల మన్నికని అందించేందుకు సహాయపడుతుంది.
బేస్‌మెంట్ గోడల లోపల నుండి వాటర్ఫ్రూఫింగ్ చేయించుకుంటే మీ ఇల్లు లేదా భవనంలో తేమ స్థాయిలను తగ్గించడంలో సహాయపడతాయి, ఇది మీ HVAC సిస్టమ్ సౌకర్యవంతమైన ఉష్ణోగ్రతను నిర్వహించడానికి అంత కష్టపడనవసరం లేని కారణంగా విద్యుత్ ఖర్చు తక్కువగా ఉండేలా చేస్తుంది.
మొత్తం మీద, ఈ బ్లాగ్ మీరు బేస్‌మెంట్ వాటర్ఫ్రూఫింగ్ గురించి తెలుసుకోవలసిన అన్ని అంశాలనూ కవర్ చేస్తుంది. బేస్‌మెంట్ వాటర్ఫ్రూఫింగ్ అనేది మీ ఇంటిని లేదా భవనాన్ని నీటి వల్ల కలిగే నష్టం, మరకలు, నిర్మాణ సమస్యల నుండి రక్షించడంలో కీలకమైన దశ. తేమ కారణాలను గుర్తించడం ద్వారా, సరైన పద్ధతిని ఎంచుకోవడం, అలాగే సరైన బేస్‌మెంట్ వాటర్ఫ్రూఫింగ్ ధరను మాట్లాడుకుని మీరు బేస్‌మెంట్ ని పొడిగానూ, సురక్షితంగానూ ఉండేలా చూసుకోవచ్చు. పైగా, దీని వల్ల ప్రయోజనం ఏమంటే ఇది ఇంటి యజమాని లేదా ఆస్తి యజమానికి ఒక స్మార్ట్ పెట్టుబడి అవుతుంది. కాబట్టి ఇప్పుడే మొదలుపెట్టండి, మీ ఇంటిని వాటర్‌ప్రూఫ్ చేయడం ఎలాగో తెలుసుకోండి!
