Share:
Home Building Guide
Our Products
Useful Tools
Waterproofing methods, Modern kitchen designs, Vaastu tips for home, Home Construction cost
Waterproofing methods, Modern kitchen designs, Vaastu tips for home, Home Construction cost
Share:
• రీఇన్‌ఫోర్స్డ్‌ సిమెంట్ కాంక్రీట్ (RCC) ఫుటింగ్ బలాన్ని పెంచుతుంది, ఫౌండేషన్ మీద నిర్మాణ భారాన్ని తగ్గిస్తుంది.
• ఫౌండేషన్ మీద ఒత్తిడిని తగ్గించడానికి RCC ఫుటింగ్‌లు భవనం భారాన్ని విస్తరించాయి.
• ఆర్కిటెక్ట్ ప్లాన్ ప్రకారం ముఖ్యమైన ఇన్‌స్టలేషన్ దశల్లో ఖచ్చితమైన కొలత, వాటర్‌టైట్ ఫార్మ్‌వర్క్ జాయింట్లు, సరైన అలైన్‌మెంట్‌ ఉంటాయి.
• ఈ ప్రక్రియలో ప్రాంతాన్ని సిద్ధం చేయడం, కాంక్రీట్ బెడ్ ని ఏర్పరచడం, రీఇన్‌ఫోర్స్‌మెంట్ కేజ్ పెట్టడం, స్లర్రీని పూయడం, కాంక్రీట్ పోయడం క్యూరింగ్ చేయడం వంటివి ఉంటాయి.
• RCC ఫుటింగ్ ఇన్‌స్టాలేషన్‌లో ఖచ్చితత్వం చాలా ముఖ్యమైనది; చిన్న లోపాలు భవిష్యత్తులో ముఖ్యమైన సమస్యలకు దారి తీయవచ్చు.
భూమి లేదా మట్టితో నేరుగా సంబంధంలో ఉన్న భవనం క్రింది భాగాన్ని ఫుటింగ్ అంటారు. ఫుటింగ్ ఉద్దేశ్యం, భవనం నుండి లోడ్‌ని విస్తృత ప్రదేశంలోకి విస్తరించడం. ఈ ఫుటింగ్స్‌ని RCC ఉపయోగించి తయారు చేస్తే, వాటిని RCC పుటింగ్స్‌అంటారు. మొత్తం బరువు RCC ఫుటింగ్ ద్వారా భూమిలోకి పంపించబడుతుంది, ఇది చివరికి మీ ఇంటి RCC ఫౌండేషన్‌పై నిర్మాణ భారాన్ని తగ్గిస్తుంది.
ఏదైనా భవనం నిర్మాణం, ఫౌండేషన్ దాని ప్రాథమిక కేంద్రం. ఒక సాధారణ RCC ఫౌండేషన్ భవనం బరువును నిర్మాణం నుండి భూమికి పంపిణీ చేస్తుంది. భూమి బరువు నుండి రక్షిస్తుంది. ఫౌండేషన్ వేయడం ప్రక్రియ అవసరం. RCC కాలమ్ ఫుటింగ్స్‌ లోడ్-బేరింగ్ నిర్మాణాలలో సహాయపడతాయి. ఫుటింగ్ అనేది భూమితో సంపర్కంలో ఉన్న ఒక నిర్మాణం పెద్ద ప్రదేశంలో లోడ్ ని వెదజల్లుతుంది.
మీ ఇంటికి దృఢమైన RCC ఫౌండేషన్‌ని వేసేటప్పుడు కొన్ని ముఖ్యమైన చిట్కాలను ఎల్లప్పుడూ గుర్తుంచుకోవాలి, అవి క్రింద జాబితా చేయబడ్డాయి:
1. లోపలి షట్టరింగ్ కొలతలు (పొడవు, వెడల్పు మరియు లోతు) స్ట్రక్చరల్, ఆర్కిటెక్చరల్ ఇంజనీర్లు సూచించిన పరిమాణం, ఆకారం మరియు స్పెసిఫికేషన్‌లతో సరిపోలుతున్నాయని నిర్ధారించుకోండి. ఫౌండేషన్ కోసం నిర్మాణ అవసరాలు తీర్చబడ్డాయని నిర్ధారించుకోండి.
2. షట్టరింగ్ మరియు ఫార్మ్‌వర్క్ జాయింట్లు వాటర్‌టైట్‌గా ఉండేలా చూడండి, తద్వారా నీరు సరిపోకపోవడం వల్ల ఏర్పడే హనీకోంబింగ్ లేదా అంత ఆకర్షణీయంగా లేని ఫినిష్‌లు ఏర్పడడం వంటివి జరగవు. షట్టరింగ్ ప్యానెల్స్‌ మధ్య ఏవైనా స్పష్టమైన ఖాళీలను పూరించడానికి, షట్టరింగ్ టేప్ మొదలైన వాటిని ఉపయోగించండి.
3. కనీసం ఒక లెవల్‌ కి కొలిచే టేప్ స్ట్రింగ్స్‌ని ఉపయోగించి ఫుటింగ్ అలైన్‌మెంట్‌ మరియు లొకేషన్‌ ఆర్కిటెక్ట్ సిఫార్సు చేసిన సెంటర్‌లైన్‌కి అనుగుణంగా ఉన్నాయని ధృవీకరించండి.
4. సెంటర్ నుంచి సెంటర్‌కి ఫుటింగ్స్‌మధ్య దూరాన్ని లెక్కించండి.
5. RCC ఫుటింగ్‌కు జోడించిన షట్టరింగ్ కాంక్రీటు లోడ్ సపోర్టు ఇచ్చేంత బలంగా ఉందని నిర్ధారించుకోండి.
6. రీఇన్‌ఫోర్స్‌మెంట్ కోసం ఉపయోగించిన ఫార్మ్‌వర్క్ ఎలాంటి లోపం లేకుండా దోషరహితంగా ఉండేలా చూసుకోండి. నున్నగా మరియు లెవెల్‌గా ఉండే RCC ఫుటింగ్.
7. బార్స్‌ డయామీటర్‌, పరిమాణం, స్పేసింగ్, ప్లేస్మెంట్, నిర్మాణాత్మక డిజైన్ల ప్రకారం ఉండేలా చూసుకోండి.
కన్‌స్ట్రక్షన్ మరియు బరువుకు మద్దతుగా ఉండడానికి RCC పునాదులు అవసరం. బరువుని సమర్ధవంతంగా ప్రసారం చేయడానికి, అవి నిటారుగా ఉండేలా వాటిని అలైన్ చేయడం ముఖ్యం. కాంక్రీట్ వేస్తున్నప్పుడు తాజాగా వేయబడిన తడి కాంక్రీటు బరువును శక్తివంతంగా తట్టుకుని అది వేసిన ప్రదేశంలోనే ఉండడానికి కాలమ్ షట్టరింగ్ బలంగా ఉండాలి.
RCC ఫౌండేషన్‌ని ఇన్‌స్టాల్ చేయడానికి మొదటి లెవల్‌ ఫౌండేషన్‌ని వేసేందుకు ఫుటింగ్ వేసే ప్రాంతాన్ని సిద్ధం చేయడం. ఇందులో మట్టిని గట్టిగానూ దృఢంగానూ ఉండేలా కుదించడం జరుగుతుంది. ఈ దశ చాలా ముఖ్యమైనది ఎందుకంటే ఇది ఫుటింగ్‌కి స్థిరమైన ఆధారాన్ని అందిస్తుంది.
నేల స్థిరంగా ఉన్న తర్వాత, ఆ ప్రాంతంపై సుమారు 160మి.మీ మందపాటి కాంక్రీటు పొరను పోయాలి. ఇది ఫుటింగ్ నిర్మాణానికి బలమైన బేస్ లేదా ఫ్లాట్ ఉపరితలంగా ఉపయోగపడుతుంది.
తదుపరి దశలో సిద్ధం చేయబడిన కాంక్రీట్ బెడ్ మీద సరైన స్థానంలో రీఇన్‌ఫోర్స్‌మెంట్ కేజ్ పెట్టడం జరుగుతుంది. స్టీల్ కడ్డీలతో తయారు చేయబడిన రీఇన్‌ఫోర్స్‌మెంట్ కేజ్ ఫుటింగ్‌కు అదనపు బలాన్ని ఇస్తుంది. ఈ కేజ్ అలైన్‌మెంట్‌ను సరిగా ఉండేలా చూసుకోండి, ఎందుకంటే ఇది ఫుటింగ్‌కు స్థిరత్వాన్ని అందించడంలో కీలక పాత్ర పోషిస్తుంది.
మీరు మెయిన్ కాంక్రీటులో పోయడానికి ముందు, కాంక్రీట్ బెడ్ మీదుగా ఒక పలుచని సిమెంట్ స్లర్రీ పొరను వేయండి. ఈ పొర తర్వాత వేయబోయే కాంక్రీట్ పొరకు బైండింగ్ ఏజెంట్‌గా పనిచేస్తుంది.
ఇప్పుడు, స్లర్రీ పొరపై కాంక్రీటు పోయడం ప్రారంభించండి. ఉపయోగించిన కాంక్రీటు మొత్తం ఫుటింగ్ పరిమాణంపై ఆధారపడి ఉంటుంది. ఇది అన్ని ఖాళీలను ఫిల్ చేసేలా, రీఇన్‌ఫోర్స్‌మెంట్ కేజ్ ని పూర్తిగా కవర్ చేయబడిందని నిర్ధారించుకోండి.
RCC ఫుటింగ్స్‌ఇన్‌స్టలేషన్‌లో చివరి దశ క్యూరింగ్ ప్రక్రియ. ఫౌండేషన్ వేయబడిన తర్వాత కాంక్రీటు ఆరిన తర్వాత, దానిని క్యూరింగ్ చేయడం ముఖ్యం. ఈ ప్రక్రియలో కాంక్రీటును తేమగా ఉంచడం, సరైన ఉష్ణోగ్రత వద్ద అది గరిష్ట బలాన్ని పొందేలా చేయడం జరుగుతుంది. ఇది సాధారణంగా కాంక్రీటుకు క్రమం తప్పకుండా నీరు పెట్టడం ద్వారా జరుగుతుంది.
గుర్తుంచుకోండి, ఫౌండేషన్ వేయడం అనేది నిర్మాణ ప్రక్రియలో అత్యంత కీలకమైన భాగం. దృఢమైన, స్థిరమైన, సురక్షితమైన RCC ఫౌండేషన్‌ని సరిగ్గా వేయాల్సి ఉంటుంది. ఈ దశల్లో దేని గురించైనా మీకు ఖచ్చితంగా తెలియకపోతే, మీరు ఎప్పుడైనా సరే, నిపుణులను సంప్రదించండి.
మీ ఇంటి RCC ఫౌండేషన్‌ని విజయవంతంగా వేయడం నిర్మాణంలో ఒక ప్రాథమిక భాగం. గుర్తుంచుకోండి, ఈ దశలో ఒక చిన్న పొరపాటు కూడా చాలా పెద్ద సమస్యలను కలిగిస్తుంది, ఎందుకంటే ఫౌండేషన్‌కి మార్పులు సంక్లిష్టమైన పని, కష్టసాధ్యమైన పని. మీ RCC ఫుటింగ్ పటిష్టంగానూ, శాశ్వతంగానూ, స్థితిస్థాపకంగానూ ఉందని నిర్ధారించుకోవడానికి RCC నిర్మాణ వివరాలపై మరింతగా మీ నిర్మాణ విషయంగా ఉపయోగపడే సలహాల కోసం నిపుణులని ఎప్పటికప్పుడు కలిసి విషయాలు తెలుసుకుంటూ ఉండడం ముఖ్యం.
