કાયમી ઘરના બાંધકામ માટે આરસીસી ફૂટિંગ ફાઉન્ડેશનનું નિર્માણ કરવું

આરસીસી ફૂટિંગ માટેની ટિપ્સ

કોઈપણ બિલ્ડિંગ સ્ટ્રક્ચરનો પાયો એ તેનો મૂળભૂત હાર્દ છે. સામાન્ય આરસીસી ફાઉન્ડેશન બિલ્ડિંગના વજનને સ્ટ્રક્ચરથી જમીન પર વહેંચી દે છે અને તેને પૃથ્વીના વજનથી સુરક્ષિત કરે છે. પાયો (ફાઉન્ડેશન) નાખવાની પ્રક્રિયા જરૂરી છે. આરસીસી કૉલમ ફૂટિંગગ્સ લોડ-બેરિંગ બાંધકામોંમાં મદદ કરે છે. ફૂટિંગ એ જમીનની સાથે સંપર્કમાં રહેલું સ્ટ્રક્ચર છે અને લોડને મોટા વિસ્તારમાં વહેંચી નાખે છે.

તમારા ઘર માટે નક્કર આરસીસી ફૂટિંગ નાખતી વખતે કેટલીક આવશ્યક ટિપ્સ હંમેશા ધ્યાનમાં રાખવી જોઈએ, જે નીચે સૂચિબદ્ધ છે:

1. ચકાસો કે આંતરિક શટરિંગ માપનો (લંબાઈ, પહોળાઈ અને ઊંડાઈ) સ્ટ્રક્ચરલ અને આર્કિટેક્ચરલ એન્જિનિયરો દ્વારા સૂચવવામાં આવેલા સાઈઝ, આકાર અને વિશિષ્ટતાઓ સાથે મેળ ખાય છે. સુનિશ્ચિત કરો કે ફૂટિંગ માટે સ્ટ્રક્ચરલ જરૂરિયાતો પૂરી થાય છે..

2. ખાતરી કરો કે શટરિંગ અને ફૉર્મવર્કના જોઇન્ટ્સ ત્રુટિરહિત છે જેથી કરીને પાણીની કોઈ હાનિ થાય નહીં જે હની-કોમ્બિંગ અથવા અનાકર્ષક ફિનિશમાં પરિણમી શકે છે. શટરિંગ પેનલ્સ વચ્ચેની કોઈપણ દેખીતી ખાલી જગ્યાને ભરવા માટે, શટરિંગ ટેપ વગેરેનો ઉપયોગ કરો.

3. માપવાની ટેપ અને તારનો ઉપયોગ કરીને, પ્રાધાન્યપણે સ્તર સાથે, ચકાસો કે ફૂટિંગનું સંરેખણ અને સ્થાન આર્કિટેક્ટ્સ દ્વારા ભલામણ કરાયેલ કેન્દ્રરેખા મુજબ છે.

4. કેન્દ્રથી કેન્દ્ર સુધી ફૂટિંગ વચ્ચેના અંતરની ગણતરી કરો.

5. સુનિશ્ચિત કરો કે આરસીસી ફૂટિંગ્સ સાથે જોડાયેલ શટરિંગ કોંક્રિટના લોડને સપોર્ટ પૂરો પાડવા માટે પર્યાપ્તપણે નક્કર છે.

6. ચકાસો કે રીઇન્ફૉર્સમેન્ટ માટે ઉપયોગમાં લેવાતું ફૉર્મવર્ક દોષરહિત અને ભૂલ-રહિત છે. RCC ફૂટિંગ જે સ્મૂધ અને લેવલમાં છે.

7. ચકાસો કે બારનો વ્યાસ, જથ્થો, અંતર અને ગોઠવણી સ્ટ્રક્ચરલ ડિઝાઇન મુજબ છે.

આરસીસી પાયો (ફાઉન્ડેશન) આવશ્યક છે કારણ કે તે સ્ટ્રક્ચરના વજનને સપોર્ટ પૂરો પાડે છે. વજનને અસરકારક રીતે પ્રસારિત કરવા માટે, તેને સંરેખિત કરવું મહત્વપૂર્ણ છે જેથી તે સીધા હોય. કૉલમનું શટરિંગ તાજા નખાયેલા, ભીના કોંક્રિટના વજનને ટકાવી શકે તેટલું મજબૂત હોવું અને કોંક્રીટીંગ કરતી વખતે તેના સ્થાને રહે તે અનિવાર્ય છે.

આરસીસી ફૂટિંગ્સ ઇન્સ્ટોલ કરવા માટેના પગલાં શું છે?

1) વિસ્તાર તૈયાર કરો

આરસીસી ફાઉન્ડેશન ઇન્સ્ટોલ કરવા માટેનું પ્રથમ પગલું જ્યાં ફૂટિંગ મૂકવામાં આવશે એ વિસ્તાર તૈયાર કરવાનું છે. આમાં જમીનને સ્થિર અને મજબૂત બનાવવા માટે તેને કોમ્પેક્ટ કરવાનો સમાવેશ થાય છે. આ પગલું ખૂબ જ મહત્વપૂર્ણ છે કારણ કે તે ફૂટિંગ માટે સ્થાયી આધાર પૂરો પાડે છે.

2) કોંક્રિટ બેડ બનાવો

એક વાર જમીન સ્થિર થઈ જાય પછી, વિસ્તાર પર લગભગ 160 મિલિમિટર જાડું, કોંક્રિટનું એક સ્તર રેડો. આ ફૂટિંગના સ્ટ્રક્ચર માટે નક્કર આધાર અથવા સપાટ સપાટી તરીકે ઉપયોગી બનશે.

3) રીઇન્ફૉર્સમેન્ટ કેજ મૂકો

આગલા પગલામાં રીઇન્ફૉર્સમેન્ટ કેજને તૈયાર કરેલા કોંક્રિટ બેડ પર યોગ્ય સ્થિતિમાં મૂકવાનો સમાવેશ થાય છે. રીઇન્ફૉર્સમેન્ટ કેજ, સ્ટીલ બારથી બનેલું, ફૂટિંગને વધારાની મજબૂતાઈ પ્રદાન કરે છે. આ કેજનું યોગ્ય સંરેખણ સુનિશ્ચિત કરો કારણ કે તે ફૂટિંગને સ્થિરતા આપવામાં નિર્ણાયક ભૂમિકા ભજવે છે.

4) સ્લરી (ગારો) નું એક સ્તર લાગુ કરો

તમે મુખ્ય કોંક્રિટ રેડો તે પહેલાં, કોંક્રિટ બેડ પર સિમેન્ટ સ્લરીનું એક પાતળું પડ લગાવો. આ સ્તર મૂકવામાં આવનારા કોંક્રિટ સ્તર માટે બંધનકર્તા એજન્ટ તરીકે કાર્ય કરે છે.

5) કોંક્રિટ રેડો

હવે, સ્લરી લેયર પર કોંક્રિટ રેડવાનું શરૂ કરો. ઉપયોગમાં લેવાતા કોંક્રિટનું પ્રમાણ ફૂટિંગની સાઈઝ પર આધારિત છે. સુનિશ્ચિત કરો કે તે બધી ખાલી જગ્યાઓ ભરે અને રીઇન્ફૉર્સમેન્ટ કેજને સંપૂર્ણપણે આવરી લે છે.

6) ક્યોરિંગ પ્રક્રિયા

આરસીસી ફૂટિંગ્સ ઇન્સ્ટોલેશનનું અંતિમ પગલું એ ક્યોરિંગ પ્રક્રિયા છે. ફૂટિંગ પૂર્ણ કર્યા પછી અને કોંક્રિટ સૂકાઈ ગયા પછી, ક્યોરિંગ પ્રક્રિયા કરવી મહત્વપૂર્ણ છે. આ પ્રક્રિયામાં કોંક્રિટને ભેજયુક્ત અને યોગ્ય તાપમાને રાખવાનો સમાવેશ થાય છે જેથી તે સુનિશ્ચિત કરી શકાય કે કોંક્રિટ મહત્તમ મજબૂતાઈ પ્રાપ્ત કરે છે. આ સામાન્ય રીતે નિયમિત સમયાંતરે કોંક્રિટને પાણી આપીને કરવામાં આવે છે.

યાદ રાખો કે ફૂટિંગ નાખવું એ બાંધકામ પ્રક્રિયાનો નિર્ણાયક ભાગ છે અને નક્કર, સ્થિર અને સુરક્ષિત આરસીસી ફાઉન્ડેશનની ખાતરી કરવા માટે તેને યોગ્ય રીતે હાથ ધરવું જરૂરી છે. જો તમે આમાંથી કોઈપણ પગલાં વિશે અચોક્કસ હોવ, તો હંમેશા કોઈ વ્યાવસાયિકની સલાહ લો.