ଏକ ଦୀର୍ଘସ୍ଥାୟୀ ଗୃହ ନିର୍ମାଣ କରିବା ପାଇଁ ଆରସିସି ଫୁଟିଂ ଫାଉଣ୍ଡେସନର ନିର୍ମାଣ

ଆରସିସି ଫୁଟିଂ ପାଇଁ ଟିପ୍ସ

ଯେକୌଣସି ବିଲଡିଂ ଷ୍ଟ୍ରକ୍ଚରର ଫାଉଣ୍ଡେସନ ତାହାର ସର୍ବପ୍ରଧାନ ଅଂଶ ହୋଇଥାଏ । ଏକ ଚିରାଚରିତ ଆରସିସି ଫାଉଣ୍ଡେସନ ବିଲଡିଂର ଓଜନକୁ ଷ୍ଟ୍ରକ୍ଚରରୁ ନେଇ ଭୂମିରେ ବ୍ୟାପ୍ତ କରିଥାଏ ଏବଂ ତାହାକୁ ଭୂମିର ଓଜନରୁ ସୁରକ୍ଷା ଯୋଗାଇଥାଏ । ଫାଉଣ୍ଡେସନ୍ ବିଛାଇବାର ପ୍ରକ୍ରିୟା ଏକ ଅତ୍ୟାବଶ୍ୟକ ସୋପାନ ଅଟେ । ଆରସିସି କଲ୍ ଫୁଟିଂ ଭାର-ବହନକାରୀ ନିର୍ମାଣରେ ସହାୟକ ହୋଇଥାଏ । ଭୂମି ସଂସ୍ପର୍ଶରେ ରହିଥିବା ଷ୍ଟ୍ରକ୍ଚର ବା ସଂରଚନାକୁ ଫୁଟିଂ କୁହାଯାଏ ଏବଂ ତାହା ଷ୍ଟ୍ରକ୍ଚରର ଭାରକୁ ଏକ ବୃହତ୍ତର ଅଞ୍ଚଳରେ ବିଚ୍ଛୁରିତ କରିଥାଏ ।

ନିଜ ଘର ପାଇଁ ବଳିଷ୍ଠ ଆରସିସି ଫୁଟିଂ ବିଛାଇବା ପାଇଁ କେତେକ ଅତ୍ୟାବଶ୍ୟକ ଟିପ୍ସଗୁଡ଼ିକୁ ସର୍ବଦା ଧ୍ୟାନରେ ରଖାଯିବା ଉଚିତ, ସେଗୁଡ଼ିକ ହେଲା:

1. ଯାଞ୍ଚ କରି ନିଶ୍ଚିତ ହୁଅନ୍ତୁ ଯେ ଅନ୍ତରସ୍ଥ ଶଟରିଂ ମାପ (ଦୈର୍ଘ୍ୟ, ପ୍ରସ୍ଥ ଓ ଗଭୀରତା) ଯେପରି ଷ୍ଟ୍ରକ୍ଚରାଲ୍ ଏବଂ ଆର୍କିଟେକ୍ଚରାଲ୍ ଇଞ୍ଜିନିୟରଙ୍କ ଦ୍ୱାରା ପ୍ରସ୍ତାବିତ ଆକାର, ଆକୃତି ଏବଂ ବିନିର୍ଦ୍ଦେଶ ସହିତ ମେଳ ଖାଉଛି । ସୁନିଶ୍ଚିତ କରନ୍ତୁ ଯେ, ଫୁଟିଂ ପାଇଁ ଷ୍ଟ୍ରକ୍ଚରାଲ ଆବଶ୍ୟକତାଗୁଡ଼ିକ ଯେପରି ପୂରଣ ହୋଇଛି ।

2. ନିଶ୍ଚିତ ହୁଅନ୍ତ ଯେ ଶଟିଂ ଏବଂ ଫର୍ମୱାର୍କ ଜଏଣ୍ଟକୁ ଜଳନିରୋଧୀ କରାଯାଇଛି, ଯାହାଫଳରେ ଜଳହାନି ହେବ ନାହିଁ । ଜଳହାନି ହେଲେ ହନିକମ୍ବିଂ କିମ୍ବା ଅସୁନ୍ଦର ଫିନିଶିଂ ଭଳି ସମସ୍ୟା ଦେଖାଦେଇଥାଏ । ଶଟରିଂ ପ୍ୟାନେଲ୍ ମଧ୍ୟରେ ସ୍ପଷ୍ଟ ଦୃଶ୍ୟମାନ ଫାଙ୍କଗୁଡ଼ିକୁ ଭରିବା ପାଇଁ ଶଟରିଂ ଟେପ୍ ଇତ୍ୟାଦି ବ୍ୟବହାର କରନ୍ତୁ ।

3. ମାପଫିତା ଏବଂ ସୂତା ଓ ତା’ ସହିତ ଓଳମ ବ୍ୟବହାର କରି ଏହା ଯାଞ୍ଚ କରିନିଅନ୍ତୁ ଯେ ଫୁଟିଂର ସଳଖତା ଏବଂ ଅବସ୍ଥିତି ଆର୍କିଟେକ୍ଟଙ୍କ ଦ୍ୱାରା ସୁପାରିସ କରାଯାଇଥିବା ମଧ୍ୟବର୍ତ୍ତୀ ରେଖାର ଅନୁରୂପ ଅଛି ।

4. ଫୁଟିଂଗୁଡ଼ିକର କେନ୍ଦ୍ରଭାଗରୁ କେନ୍ଦ୍ରଭାଗ ମଧ୍ୟରେ ଥିବା ଦୂରତାକୁ ଗଣନା କରନ୍ତୁ ।

5. ସୁନିଶ୍ଚିତ କରନ୍ତୁ ଯେ, ଆରସିସି ଫୁଟିଂ ସହିତ ସଂଲଗ୍ନ ଶଟରିଂ ଯେପରି କଂକ୍ରିଟ୍ ର ଭାରକୁ ବହନ କରିବା ପାଇଁ ଯଥେଷ୍ଟ ବଳିଷ୍ଠ ଅଟେ ।

6. ରିଇନଫୋର୍ସମେଣ୍ଟ ପାଇଁ ବ୍ୟବହୃତ ଫର୍ମୱାର୍କ ଯେପରି ଦୋଷ ତ୍ରୁଟିମୁକ୍ତ ଅଟେ ତାହା ଯାଞ୍ଚ କରିନିଅନ୍ତୁ । ମସୃଣ ଏବଂ ସମତଳ ଆରସିସି ଫୁଟିଂ ।

7. ବାର୍ ଗୁଡ଼ିକର ବ୍ୟାସ, ପରିମାଣ, ବ୍ୟବଧାନ ଏବଂ ଅବସ୍ଥାନ ଯେପରି ଷ୍ଟ୍ରକ୍ଚରାଲ ଡିଜାଇନ ଅନୁରୂପ ତାହା ଯାଞ୍ଚ କରନ୍ତୁ ।

ଆରସିସି ଫାଉଣ୍ଡେସନଗୁଡ଼ିକ ଷ୍ଟ୍ରକ୍ଚରର ଓଜନକୁ ବହନ କରୁଥିବାରୁ ସେଗୁଡ଼ିକ ଅତ୍ୟାବଶ୍ୟକ ହୋଇଥାଏ । ଷ୍ଟ୍ରକ୍ଚରର ଓଜନ ଫଳପ୍ରଦ ଭାବେ ସଞ୍ଚାରିତ ହେବା ପାଇଁ ସେଗୁଡ଼ିକ ସରଳରେଖାରେ ରହିବା ଏବଂ ସଳଖ ଭାବେ ରହିବା ଗୁରୁତ୍ୱପୂର୍ଣ୍ଣ । କଲମ୍ ଶଟରିଂ ନୂଆକରି ଢଳାଯାଇଥିବା, ଓଦା କଂକ୍ରିଟ୍ ର ଓଜନକୁ ସହିବା ଏବଂ କଂକ୍ରିଟିଂ ସମୟରେ ଯଥାସ୍ଥାନରେ ଅଟଳ ରହିବା ପାଇଁ ଯଥେଷ୍ଟ ସୁଦୃଢ଼ ହୋଇଥିବା ଜରୁରୀ ।

ଆରସିସି ଫୁଟିଂଗୁଡ଼ିକୁ ସ୍ଥାପନ କରିବାର ସୋପାନଗୁଡ଼ିକ କ’ଣ?

1) କ୍ଷେତ୍ରକୁ ପ୍ରସ୍ତୁତ କରିବା

ଆରସିସି କଂକ୍ରିଟ୍ ସ୍ଥାପନର ପ୍ରଥମ ସୋପାନ ହେଉଛି, ଯେଉଁ ସ୍ଥାନରେ ଫୁଟିଂ ସ୍ଥାପନ କରାଯିବ ସେହି ଏରିଆକୁ ସେଥିପାଇଁ ପ୍ରସ୍ତୁତ କରିବା । ଏହି ପ୍ରକ୍ରିୟାରେ ମାଟିକୁ ଦୃଢ଼ ଓ ଶକ୍ତ କରିବା ପାଇଁ ତାହାକୁ କମ୍ପାକ୍ଟିଂ (ଧୁର୍ମୁଷ) କରାଯାଇଥାଏ । ଏହି ସୋପାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ତାହା ଫୁଟିଂ ପାଇଁ ଏକ ସ୍ଥିର ବା ନିଶ୍ଚଳ ଆଧାର ଯୋଗାଇଥାଏ ।

2) କଂକ୍ରିଟ୍ ବେଡ୍ ପ୍ରସ୍ତୁତ କରିବା

ଭୂମି ଶକ୍ତ ହୋଇଗଲା ପରେ, ସେହି ଏରିଆ ଉପରେ ପ୍ରାୟ 160 ମିମି ମୋଟା କଂକ୍ରିଟ୍ ସ୍ତର ଢାଳନ୍ତୁ । ଏହା ଫୁଟିଂ ଷ୍ଟ୍ରକ୍ଚର ପାଇଁ ଏକ ବଳିଷ୍ଠ ଆଧାର ବା ସମତଳ ପୃଷ୍ଠଭାଗ ରୂପେ କାମ କରିବ ।

3) ରିଇନଫୋର୍ସମେଣ୍ଟ ପିଞ୍ଜରା ଲଗାଇବା

ପରବର୍ତ୍ତୀ ସୋପାନରେ ପୂର୍ବରୁ ପ୍ରସ୍ତୁତ କରାଯାଇଥିବା କଂକ୍ରିଟ୍ ଶଯ୍ୟା ବା ବେଡ୍ ଉପରେ ସଠିକ୍ ଭାବେ ରିଇନଫୋର୍ସମେଣ୍ଟ ପିଞ୍ଜରାକୁ ରଖିବା । ରିଇନଫୋର୍ସମେଣ୍ଟ ପିଞ୍ଜରା ଷ୍ଟିଲ୍ ବାର୍ ରେ ତିଆରି ହୋଇଥାଏ, ଯାହା ଫୁଟିଂକ ଅତିରିକ୍ତ ଶକ୍ତି ଯୋଗାଇଥାଏ । ଏହି ପିଞ୍ଜରାର ଉପଯୁକ୍ତ ସଳଖତାକୁ ସୁନିଶ୍ଚିତ କରନ୍ତୁ କାରଣ ଫୁଟିଂକୁ ସ୍ଥିରତା ଦେବାରେ ତାହା ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ।

4) ସ୍ଲରୀ ପରସ୍ତ ଲଗାଇବା

ମୁଖ୍ୟ କଂକ୍ରିଟ୍ ଢାଳିବା ପୂର୍ବରୁ, ପ୍ରଥମେ କଂକ୍ରିଟ୍ ବେଡ୍ ଉପରେ ସିମେଣ୍ଟ ସ୍ଲରୀର ଏକ ପତଳା ଆସ୍ତରଣ ଲଗାନ୍ତୁ । ଏହି ଆସ୍ତରଣ ଆସନ୍ତା କଂକ୍ରିଟ୍ ଆସ୍ତରଣ ପାଇଁ ଏକ ବାଇଣ୍ଡିଂ ଏଜେଣ୍ଟ ରୂପେ କାମ କରିଥାଏ ।

5) କଂକ୍ରିଟ୍ ଢାଳିବା

ବର୍ତ୍ତମାନ, ସ୍ଲରୀ ଆସ୍ତରଣ ଉପରେ କଂକ୍ରିଟ୍ ଢାଳିବା ଆରମ୍ଭ କରନ୍ତୁ । ବ୍ୟବହୃତ ହେବାକୁ ଥିବା କଂକ୍ରିଟ୍ ର ପରିମାଣ ଫୁଟିଂର ଆକାର ଉପରେ ନିର୍ଭର କରିବ । ସୁନିଶ୍ଚିତ କରନ୍ତୁ ଯେପରି କଂକ୍ରିଟ୍ ସମସ୍ତ ଫାଙ୍କ ଏବଂ ରିଇନଫୋର୍ସମେଣ୍ଟ ପିଞ୍ଜରାକୁ ସମ୍ପୂର୍ଣ୍ଣ ରୂପେ ଆଚ୍ଛାଦିତ କରୁଛି ।

6) କିଓରିଂ ପ୍ରକ୍ରିୟା

କିଓରିଂ ପ୍ରକ୍ରିୟା ଆରସିସି ଫୁଟିଂ ସ୍ଥାପନାର ଚୂଡ଼ାନ୍ତ ସୋପାନ ଅଟେ । ଫୁଟିଂ ବିଛାଇବା ସରିଗଲା ପରେ ଏବଂ କଂକ୍ରିଟ୍ ଶୁଖିଯିବା ପରେ ତାହାକୁ କିଓର୍ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । ଏହି ପ୍ରକ୍ରିୟାରେ କଂକ୍ରିଟ୍ କୁ ଓଦା ଏବଂ ଉପଯୁକ୍ତ ତାପମାତ୍ରାରେ ରଖିବା, ଯାହାଫଳରେ କଂକ୍ରିଟ୍ ତାହାର ସର୍ବାଧିକ ଶକ୍ତି ହାସଲ କରିପାରିଥାଏ । ସାଧାରଣତଃ ନିୟମିତ ବ୍ୟବଧାନରେ କଂକ୍ରିଟ୍ ଉପରେ ପାଣି ଢଳାଯାଇ ଏହି ପ୍ରକ୍ରିୟାର ସମ୍ପାଦନ କରାଯାଇଥାଏ ।

ମନେରଖନ୍ତୁ, ଫୁଟିଂ ବିଛାଇବା ନିର୍ମାଣ ପ୍ରକ୍ରିୟାର ଏକ ଗୁରୁତ୍ୱପୂର୍ଣ୍ଣ ଅଂଶବିଶେ ଅଟେ ଏବଂ ଏକ ବଳିଷ୍ଠ, ସ୍ଥିର ଏବଂ ସୁରକ୍ଷିତ ଆରସିସି ଫାଉଣ୍ଡେସନକୁ ସୁନିଶ୍ଚିତ କରିବା ପାଇଁ ତାହାକୁ ସଠିକ୍ ଭାବେ ସମ୍ପାଦନ କରାଯିବା ଉଚିତ । ଏହିସବୁ ସୋପାନକୁ ନେଇ ଆପଣଙ୍କ ମନରେ କୌଣସି ସନ୍ଦେହ ଥିଲେ, ଜଣେ ପେସାଦାରଙ୍କ ସହିତ ପରାମର୍ଶ କରିବା ସର୍ବଦା ପରାମର୍ଶଯୋଗ୍ୟ ହୋଇଥାଏ।