Share:
ನೀವು ನಿಮ್ಮ ಮನೆಯಲ್ಲಿ ಅಧ್ಯಯನದ ಜಾಗವನ್ನು ವ್ಯವಸ್ಥೆಗೊಳಿಸುತ್ತಿದ್ದೀರಾ? ನಿಮ್ಮ ಅಧ್ಯಯನದ ಮೇಜನ್ನು ವಾಸ್ತುವಿಗೆ ಹೊಂದುವ ದಿಕ್ಕಿನಲ್ಲಿ ಇರಿಸುವುದು ಬಹು ಮುಖ್ಯ ಈ ಪುರಾತನ ವಿಜ್ಞಾನವು ಒಂದು ಜಾಗವು ಧನಾತ್ಮಕ ಶಕ್ತಿಯಿಂದ ತುಂಬುವುದನ್ನು ಖಾತ್ರಿಗೊಳಿಸುತ್ತದೆ. ನಿಮ್ಮ ಏಕಾಗ್ರತೆ ಮತ್ತು ಕ್ಷಮತೆಯ ವೃದ್ದಿಗೆ ಓದುವ ಮೇಜನ್ನು ಯಾವ ದಿಕ್ಕಿನಲ್ಲಿ ಇರಿಸಬೇಕೆಂದು ತಿಳಿದುಕೊಳ್ಳೋಣ.
ಪೂರ್ವ ದಿಕ್ಕು ವಾಸ್ತು ಪ್ರಕಾರ ಓದುವ ಮೇಜಿಗೆ ಅತ್ಯಂತ ನೆಚ್ಚಿನ ದಿಕ್ಕಾಗಿದೆ. ಇದು ಮುಂಜಾನೆಯ ಸೂರ್ಯನ ಕಿರಣಗಳನ್ನು ಪಡೆಯುವುದರಿಂದ ಓದಲು ಮತ್ತು ಬರೆಯಲು ಅತ್ಯುತ್ತಮ ಜಾಗವಾಗಿದೆ. ವಾಸ್ತು ಪ್ರಕಾರ ಈ ಜಾಗದಲ್ಲಿ ಓದುವ ಮೇಜನ್ನು ಇರಿಸುವುದು ವಿದ್ಯಾಭ್ಯಾಸದಲ್ಲಿ ಯಶಸ್ಸು ಮತ್ತು ಜ್ಞಾನವನ್ನು ತಂದುಕೊಡುತ್ತದೆ.
ವಾಸ್ತು ಪ್ರಕಾರ ಓದುವ ಮೇಜನ್ನು ಇರಿಸಲು ಉತ್ತರ ದಿಕ್ಕಿನ ಆಯ್ಕೆ ಬುದ್ದಿಶಕ್ತಿ ಮತ್ತು ಪಾಂಡಿತ್ಯವನ್ನು ಪೋಷಿಸುತ್ತದೆ. ಉತ್ತರ ದಿಕ್ಕಿಗೆ ಸಂಬಂಧಿಸಿದ ಮಂಗಳ ಗ್ರಹವು ಸೃಜನಶೀಲತೆಯ ಮೇಲೆ ಪರಿಣಾಮ ಬೀರುತ್ತದೆ. ಈ ಎಲ್ಲಾ ಕಾರಣಗಳಿಂದಾಗಿ ವಿದ್ಯಾರ್ಥಿಗಳು ಮತ್ತು ಉದ್ಯೋಗಿಗಳಿಗೆ ಉತ್ತರ ದಿಕ್ಕು ಓದುವ ಮೇಜನ್ನು ಇರಿಸಲು ಅತ್ಯುತ್ತಮ ದಿಕ್ಕಾಗಿದೆ.
ವಾಸ್ತು ಪ್ರಕಾರ ಈಶಾನ್ಯವು ನೆಮ್ಮದಿಗೆ ಹೆಸರಾಗಿದ್ದು ಓದುವ ಮೇಜನ್ನು ಇರಿಸಲು ಮತ್ತೊಂದು ಉತ್ತಮ ಆಯ್ಕೆಯಾಗಿದೆ. ಇದು ಏಕಾಗ್ರತೆ ಮತ್ತು ಮನಸ್ಸಿನ ಸ್ಪಷ್ಟತೆಯನ್ನು ಕಾಯ್ದುಕೊಳ್ಳಲು ಸಹಕರಿಸುವುದರಿಂದ ಅಧ್ಯಯನಕ್ಕೆ ಅನುಕೂಲಕರ ವಾತಾವರಣವನ್ನು ನಿರ್ಮಿಸುತ್ತದೆ.
ಏಕಾಗ್ರತೆಯ ವೃದ್ಧಿಗೆ ಮತ್ತು ವಿದ್ಯಾಕ್ಷೇತ್ರದಲ್ಲಿನ ಯಶಸ್ಸಿಗೆ ನಿಮ್ಮ ಸ್ಥಳಕ್ಕೆ ಸರಿಹೊಂದುವ ಓದುವ ಮೇಜಿನ ದಿಕ್ಕನ್ನು ಆಯ್ದುಕೊಳ್ಳಿ. ಇದು ಕೇವಲ ನಿಮ್ಮ ಕ್ಷಮತೆಯನ್ನು ಹೆಚ್ಚಿಸುವುದಷ್ಟೇ ಅಲ್ಲದೆ ನಿಮ್ಮ ಅಧ್ಯಯನದ ಜಾಗದಲ್ಲಿ ನೆಮ್ಮದಿ ಮತ್ತು ಧನಾತ್ಮಕ ಶಕ್ತಿಯ ಹರಿವನ್ನು ಖಾತ್ರಿಗೊಳಿಸುತ್ತದೆ.
ವಾಸ್ತು ನಿಯಮಾನುಸಾರ ಅಧ್ಯಯನದ ಜಾಗದ ವ್ಯವಸ್ಥೆ ಕಾರ್ಯಶೀಲತೆ ಮತ್ತು ಶಕ್ತಿ ಎರಡನ್ನೂ ಒಳಗೊಂಡಿರುತ್ತದೆ. ಓದುವ ಮೇಜಿನ ವ್ಯವಸ್ಥೆ ಮಾಡುವಾಗ ಏಕಾಗ್ರತೆಯ ವೃದ್ಧಿ ಮತ್ತು ಧನಾತ್ಮಕ ಶಕ್ತಿಯ ಆವಾಹನೆಗೆ ಕೆಲವು ಪರಿಣಾಮಕಾರಿ ವಾಸ್ತು ನಿಯಮಗಳು ಇಂತಿವೆ:
1. ಸರಿಯಾದ ಬೆಳಕು: ಅಧ್ಯಯನದ ಜಾಗವು ಸರಿಯಾದ ಬೆಳಕಿನ ವ್ಯವಸ್ಥೆ ಹೊಂದಿದೆ ಎಂದು ಖಾತ್ರಿಗೊಳಿಸಿಕೊಳ್ಳಿ, ನೈಸರ್ಗಿಕ ಬೆಳಕಿಗೆ ಆದ್ಯತೆ ನೀಡಿ. ವಾಸ್ತು ಪ್ರಕಾರ ಓದುವ ಮೇಜಿನ ಮೇಲೆ ನೆರಳು ನೇರವಾಗಿ ಬೀಳಬಾರದು. ಸಾಕಷ್ಟು ಸೂರ್ಯನ ಬೆಳಕು ಬೀಳುವಂತೆ ಮೇಜನ್ನು ಕಿಟಕಿಯ ಬಳಿ ಇರಿಸಿ, ಆದರೆ ನೇರ ಬಿಸಿಲು ಬೀಳದಂತೆ ತಡೆಯಿರಿ.
2. ಸೂಕ್ತ ಗೋಡೆಯ ಬಣ್ಣ ಬಣ್ಣಗಳು ಮನೋಲಹರಿ ಮತ್ತು ಶಕ್ತಿಯ ಮಟ್ಟವನ್ನು ಪ್ರಭಾವಿಸುತ್ತವೆ. ಓದುವ ಕೋಣೆಗೆ ತಿಳಿ ಬಣ್ಣಗಳಾದ ಬಿಳಿ, ತಿಳಿ ಹಸಿರು ಅಥವಾ ಕೆನೆ ಬಣ್ಣವನ್ನು ಶಿಫಾರಸು ಮಾಡಲಾಗುತ್ತದೆ. ಈ ಬಣ್ಣಗಳು ಏಕಾಗ್ರತೆ ಮತ್ತು ಶಾಂತತೆಯನ್ನು ವೃದ್ಧಿಸುವುದಲ್ಲದೆ ಓದುವ ಮೇಜಿನ ವಾಸ್ತುವಿನೊಂದಿಗೆ ಚೆನ್ನಾಗಿ ಹೊಂದಿಕೊಳ್ಳುತ್ತವೆ, ಆ ಮೂಲಕ ಸೂಕ್ತ ಕಲಿಕೆಯ ವಾತಾವರಣವನ್ನು ನಿರ್ಮಿಸುತ್ತವೆ.
3. ಮೇಜಿನ ಆಕಾರ ಸಾಮಾನ್ಯ ಆಕೃತಿಗಳಾದ ಚೌಕ ಅಥವಾ ಆಯತಾಕಾರದ ಓದುವ ಮೇಜು ನಿಮ್ಮ ಆಯ್ಕೆಯಾಗಿರಲಿ. ವಾಸ್ತು ನಿಯಮಗಳ ಪ್ರಕಾರ ಅನಿಯಮಿತ ಆಕಾರದ ಓದುವ ಮೇಜಿನಬಳಕೆ ಗೊಂದಲಕ್ಕೆ ಕಾರಣವಾಗಿ ಏಕಾಗ್ರತೆಗೆ ಭಂಗ ತರಬಹುದು.
4. ಕಪಾಟಿನ ಸ್ಥಾನ ಪುಸ್ತಕಗಳು ಮತ್ತು ಓದಿನ ಸಾಮಗ್ರಿಗಳನ್ನು ಇಡುವ ಕಪಾಟನ್ನು ಓದುವ ಮೇಜಿನ ಎಡಕ್ಕೆ ಅಥವಾ ಹಿಂದೆ ಇರಿಸಿ. ವಾಸ್ತು ಪ್ರಕಾರ ಓವರ್ ಹೆಡ್ ಕಪಾಟುಗಳನ್ನು ಓದುವ ಮೇಜಿನ ಬಳಿ ಇರಿಸಬೇಡಿ. ಏಕೆಂದರೆ ಇದು ಅನಗತ್ಯ ಒತ್ತಡ ಮತ್ತು ಆತಂಕವನ್ನು ಸೃಷ್ಟಿಸುತ್ತದೆ.
5. ವ್ಯಾಕುಲತೆಯನ್ನು ತಡೆಯಿರಿ: ಓದುವ ಮೇಜನ್ನು ಸತತ ಚಲನೆ ಮತ್ತು ಗದ್ದಲ ಉಂಟುಮಾಡುವ ಬಾಗಿಲು ಮತ್ತು ಕಿಟಕಿಗಳಿಂದ ದೂರ ಇರಿಸಿ. ವಾಸ್ತು ಪ್ರಕಾರ ಏಕಾಗ್ರತೆಯ ಅಧ್ಯಯನದ ಅವಧಿಗಳ ವೃದ್ಧಿಗೆ ಓದುವ ಮೇಜಿನಲ್ಲಿನ ಸ್ಥಿರತೆಯು ಪ್ರಮುಖ ಅಂಶವಾಗಿದೆ.
6. ಸೂಕ್ತ ಸಜ್ಜುಗೊಳಿಸುವಿಕೆ: ಓದುವ ಮೇಜನ್ನು ಕೇವಲ ಅಗತ್ಯ ವಸ್ತುಗಳಿಂದ ಸಜ್ಜುಗೊಳಿಸಿ. ವಾಸ್ತು ಪ್ರಕಾರ ಅಸ್ತವ್ಯಸ್ತವಾಗಿರುವ ಓದುವ ಮೇಜು ಶಕ್ತಿಯ ಹರಿಯುವಿಕೆಗೆ ತಡೆಯೊಡ್ಡುತ್ತದೆ. ಹೆಚ್ಚಿನ ಏಕಾಗ್ರತೆ ಮತ್ತು ಸಾಮರ್ಥ್ಯಕ್ಕಾಗಿ ಇದನ್ನು ವ್ಯವಸ್ಥಿತವಾಗಿರಿಸಿ.
7. ಕುರ್ಚಿಯ ಹಿಂದಿನ ಆಧಾರ: ನಿಮ್ಮ ಓದುವ ಕುರ್ಚಿಯು ಬೆನ್ನಿಗೆ ಸರಿಯಾದ ಆಧಾರವನ್ನು ನೀಡುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಎತ್ತರವಾದ ಬೆನ್ನಿನ ಆಧಾರವನ್ನು ಹೊಂದಿರುವ ಕುರ್ಚಿಯು ವಾಸ್ತು ನಿರ್ದೇಶನಗಳಿಗೆ ತಕ್ಕುದಾಗಿದೆ, ಏಕೆಂದರೆ ಇದು ಸ್ಥಿರತೆ ಮತ್ತು ಆರಾಮವನ್ನು ನೀಡುತ್ತದೆ.
1. ಅಧ್ಯಯನದ ಮೇಲಿನ ಗಮನ ಮತ್ತು ಕ್ಷಮತೆಯ ವೃದ್ಧಿ: ನಿಮ್ಮ ಓದುವ ಮೇಜನ್ನು ವಾಸ್ತು ಪ್ರಕಾರ ಸರಿಯಾದ ದಿಕ್ಕಿನಲ್ಲಿ ಇರಿಸುವುದರಿಂದ ಧನಾತ್ಮಕ ಶಕ್ತಿಯು ತುಂಬಿ ಅಧ್ಯಯನದ ಮೇಲಿನ ಗಮನ ಮತ್ತು ಕ್ಷಮತೆಯ ವೃದ್ಧಿಯಾಗುತ್ತದೆ.
2. ಏಕಾಗ್ರತೆ ಮತ್ತು ಮನಸ್ಸಿನ ಸ್ಪಷ್ಟತೆಯ ಸುಧಾರಣೆ: ಸರಿಯಾದ ಸ್ಥಳದ ಆಯ್ಕೆಯು ಉಪಯುಕ್ತ ಕಾಸ್ಮಿಕ್ ಶಕ್ತಿಗಳೊಂದಿಗೆ ಏಕಾಗ್ರತೆ ಮತ್ತು ಮನಸ್ಸಿನ ಸ್ಪಷ್ಟತೆಯನ್ನು ಉತ್ತಮಗೊಳಿಸುತ್ತದೆ.
3. ಕಡಿಮೆ ವ್ಯಾಕುಲತೆ: ಸರಿಯಾದ ದಿಕ್ಕಿನಲ್ಲಿ ಓದುವ ಮೇಜನ್ನು ಇರಿಸುವುದರಿಂದ ವ್ಯಾಕುಲತೆಯು ಕಡಿಮೆಯಾಗಿ ಕಲಿಕಾ ಸಾಮರ್ಥ್ಯವು ಹೆಚ್ಚಾಗುತ್ತದೆ.
4. ವಿದ್ಯಾಕ್ಷೇತ್ರದಲ್ಲಿ ಉತ್ತಮ ಸಾಧನೆ: ಸರಿಯಾದ ಸ್ಥಳದಲ್ಲಿ ಓದುವ ಮೇಜನ್ನು ಇರಿಸುವುದರಿಂದ ವಿದ್ಯಾಕ್ಷೇತ್ರದಲ್ಲಿ ಉತ್ತಮ ಸಾಧನೆ ಮತ್ತು ಆನಂದಭರಿತ ಕಲಿಕೆಯ ಅನುಭವ ಉಂಟಾಗುತ್ತದೆ.
5. ಬೆಂಬಲಿಸುವ ವಾತಾವರಣ: ವಾಸ್ತು ನಿಯಮಗಳಿಗೆ ಅಂಟಿಕೊಳ್ಳುವುದರಿಂದ ವಿದ್ಯಾರ್ಥಿಗಳಿಗೆ ಮತ್ತು ಉದ್ಯೋಗಸ್ಥರಿಗೆ ಬೆಂಬಲದ ವಾತಾವರಣ ಸೃಷ್ಟಿಯಾಗಿ ಜ್ಞಾನ ಮತ್ತು ಸೃಜನಶೀಲತೆಯ ವೃದ್ಧಿಯಾಗುತ್ತದೆ.
ವಾಸ್ತು ಪ್ರಕಾರ ಓದುವ ಮೇಜಿಗೆ ಸರಿಯಾದ ದಿಕ್ಕಿನ ಆಯ್ಕೆ ಏಕಾಗ್ರತೆ ಮತ್ತು ಕ್ಷಮತೆಯನ್ನು ಗಣನೀಯವಾಗಿ ಹೆಚ್ಚಿಸುತ್ತದೆ. ನಿಮ್ಮಓದುವ ಮೇಜನ್ನು ಪೂರ್ವ ಅಥವಾ ಉತ್ತರಾಭಿಮುಖವಾಗಿ ಇರಿಸುವುದು ಸೂಕ್ತ ಈ ಜಾಗವು ಹೆಚ್ಚು ಸಹಜ ಬೆಳಕನ್ನು ಪಡೆಯುತ್ತದೆ ಮತ್ತು ನಿಮ್ಮ ಏಕಾಗ್ರತೆಯನ್ನು ವೃದ್ಧಿಸಿ ಅನುಕೂಲಕರ ಕಲಿಕೆಯ ವಾತಾವರಣವನ್ನು ನಿರ್ಮಿಸುತ್ತದೆ. ನೆನಪಿಡಿ, ಓದುವ ಮೇಜಿನ ವಾಸ್ತು ನಿರ್ದೇಶನವು ಪುರಾತನ ಪಾಂಡಿತ್ಯವನ್ನು ಒಳಗೊಂಡಿದೆ ಮತ್ತು ಹೆಚ್ಚಿನ ಬೆಳಕು ಮತ್ತು ಕಡಿಮೆ ವ್ಯಾಕುಲತೆಗಳ ತರ್ಕವನ್ನೂ ಹೊಂದಿದೆ.
