Share:
കൃത്യമായ ഒരു നിർമ്മാണ ബജറ്റ് ഉണ്ടാക്കുന്നതിന്, നിർമ്മാണത്തിന്റെ വിവിധ ഘട്ടങ്ങളും അവ മൊത്തം ചെലവുമായി എങ്ങനെ ഒത്തുപോകുന്നുവെന്നും മനസ്സിലാക്കേണ്ടത് പ്രധാനമാണ്. ഈ പ്രക്രിയയിൽ സാധാരണയായി സൈറ്റ് തയ്യാറാക്കൽ, അടിത്തറ, ഫ്രെയിമിംഗ്, പ്ലംബിംഗ്, ഇലക്ട്രിക്കൽ ജോലികൾ, ഇന്റീരിയർ ഫിനിഷുകൾ, ലാൻഡ്സ്കേപ്പിംഗ് എന്നിവ ഉൾപ്പെടുന്നു. ഓരോ ഘട്ടവും മൊത്തം ചെലവിന്റെ ഒരു നിശ്ചിത ശതമാനമാണ്. ഉദാഹരണത്തിന്, സൈറ്റ് തയ്യാറാക്കാൻ ബജറ്റിന്റെ ഏകദേശം 5% ചെലവ് വന്നേക്കാം. അതേസമയം ഇന്റീരിയർ ഫിനിഷുകൾക്ക് 25% അല്ലെങ്കിൽ അതിൽ കൂടുതലും വരും. ഈ ശതമാനങ്ങൾ മനസ്സിലാക്കുന്നത്, നിർമ്മാണത്തിന്റെ വിവിധ ഘട്ടങ്ങൾ പുരോഗമിക്കുമ്പോൾ, കാര്യക്ഷമമായി വീട് നിർമ്മിക്കാനായി നിങ്ങളുടെ ബജറ്റ് വിനിയോഗിക്കാൻ നിങ്ങളെ സഹായിക്കും.
നന്നായി ആസൂത്രണം ചെയ്ത നിർമ്മാണ ബജറ്റ് കേവലം സംഖ്യകളേക്കാൾ കവിഞ്ഞതാണ്; ഇത് നിങ്ങളുടെ പദ്ധതി വിജയിക്കാനുള്ള ഒരു റോഡ്മാപ്പ് ആണ്. നിർമ്മാണ ബജറ്റ് അനിവാര്യമായതിന്റെ ചില പ്രധാന കാരണങ്ങൾ ഇതാ:
ഒരു ബജറ്റ് ഉണ്ടാക്കുന്നത് നിങ്ങളുടെ ചെലവുകൾ ആസൂത്രണം ചെയ്യാനും അതിനനുസരിച്ച് ഫണ്ട് വിനിയോഗിക്കാനും നിങ്ങളെ സഹായിക്കുന്നു യാഥാർത്ഥ്യബോധമുള്ള ലക്ഷ്യങ്ങൾ വെക്കാനും അമിതമായി ചെലവഴിക്കാതിരിക്കാനും സാമ്പത്തികനില താളം തെറ്റാതിരിക്കാനും നിങ്ങളെ സഹായിക്കുന്നു.
ഒരു ബജറ്റ് ഉണ്ടെങ്കിൽ, നിങ്ങളുടെ ആവശ്യങ്ങൾക്കും ആഗ്രഹങ്ങൾക്കും നേരത്തെ തന്നെ മുൻഗണന നൽകാം. വേണമെങ്കിൽ ചെയ്യാവുന്ന കാര്യങ്ങളെക്കുറിച്ചോ സൗകര്യങ്ങൾ കൂട്ടുന്നതിനെക്കുറിച്ചോ ചിന്തിക്കുമ്പോൾ നിങ്ങളുടെ പദ്ധതിയുടെ അവശ്യ ഘടകങ്ങൾക്ക് ഫണ്ട് അനുവദിക്കുന്നുവെന്ന് ഇത് ഉറപ്പാക്കുന്നു.
നിങ്ങളുടെ ബജറ്റ് സൂക്ഷ്മമായി നിരീക്ഷിക്കുന്നതിലൂടെ, നിങ്ങൾക്ക് അനാവശ്യമായ ചെലവുകൾ ഒഴിവാക്കാനും എവിടെയൊക്കെ ചെലവ് കുറയ്ക്കാമെന്ന് മനസ്സിലാക്കാനും നിർമ്മാണ പ്രക്രിയയിലുടനീളം കാര്യവിവരത്തോടെ തീരുമാനങ്ങൾ എടുക്കാനും കഴിയും.
ഓർക്കാപ്പുറത്തുള്ള സാമ്പത്തിക സാഹചര്യമാറ്റങ്ങളും അപ്രതീക്ഷിത ചെലവുകളും ഒഴിവാക്കാൻ നന്നായി കൈകാര്യം ചെയ്യുന്ന ബജറ്റ് നിങ്ങളെ സഹായിക്കുന്നു. മുൻകൂട്ടി ആസൂത്രണം ചെയ്യാനും നിർമ്മാണ വേളയിൽ ഉണ്ടായേക്കാവുന്ന എന്തെങ്കിലും യാദൃച്ഛിക ചെലവുകൾ കണക്കിലെടുക്കാനും ഇത് നിങ്ങളെ സഹായിക്കുന്നു.
ഒരു നിശ്ചിത ബജറ്റിൽ വീട് നിർമ്മിക്കുന്നതിനായി പ്രതീക്ഷിക്കുന്ന എല്ലാ ചെലവുകളും സാമ്പത്തിക സ്ഥിതിഗതികളും ഒരു സമഗ്ര നിർമ്മാണ ബജറ്റ് ഉൾക്കൊള്ളുന്നു. ഒരു നിർമ്മാണ ബജറ്റിൽ സാധാരണയായി ഉൾപ്പെടുത്തിയിരിക്കുന്ന പ്രധാന ഘടകങ്ങൾ ഇതാ:
തടി, കോൺക്രീറ്റ്, റൂഫിംഗ് മെറ്റീരിയലുകൾ, വയറിംഗ്, പ്ലംബിംഗ് സാധനങ്ങൾ, ഫ്ലോറിംഗ് എന്നിങ്ങനെ പദ്ധതിക്ക് ആവശ്യമായ എല്ലാ വസ്തുക്കളുടെയും വില ഇതിൽ ഉൾപ്പെടുന്നു.
കരാറുകാരെയും ഉപ കരാറുകാരെയും വിദഗ്ധ തൊഴിലാളികളെയും കൂലിക്കെടുക്കുന്നത് ബജറ്റിന്റെ ഒരു പ്രധാന ഭാഗമാണ്. പദ്ധതിയുടെ വലുപ്പത്തെയും സങ്കീർണ്ണതയെയും ആശ്രയിച്ച് തൊഴിൽ ചെലവുകൾ വ്യത്യാസപ്പെടാം.
ബിൽഡിംഗ് പെർമിറ്റുകൾ, പരിശോധനാ ഫീസ്, മറ്റേതെങ്കിലും കാര്യനിർവ്വഹണപരമായ ആവശ്യകതകൾ എന്നിവ ബജറ്റിൽ ഉൾപ്പെടുത്തേണ്ടതുണ്ട്.
നിങ്ങൾ ഒരു ആർക്കിടെക്റ്റ് അല്ലെങ്കിൽ ഡിസൈൻ പ്രൊഫഷണലിനൊപ്പമാണ് ജോലി ചെയ്യുന്നതെങ്കിൽ, അവരുടെ ഫീസ് ഉൾപ്പെടുത്തണം.
സൈറ്റ് വൃത്തിയാക്കൽ, ഖനനം, ഗ്രേഡിംഗ്, ആവശ്യമായ മറ്റ് അടിസ്ഥാന ജോലികൾ എന്നിവ ബജറ്റ് തയ്യാറാക്കുമ്പോൾ പരിഗണിക്കണം.
വെള്ളം, വൈദ്യുതി, ഗ്യാസ്, മലിനജല സംവിധാനങ്ങൾ എന്നിവയുടെ ബില്ലുകളുമായി ബന്ധപ്പെട്ട ചെലവുകൾ കണക്കിലെടുക്കണം.
നിർമ്മാണം നടക്കുന്ന സമയത്ത് വരുന്ന അപ്രതീക്ഷിത ചെലവുകൾക്കോ മാറ്റങ്ങൾക്കോ വിനിയോഗിക്കുന്നതിന് ഒരു ആകസ്മിക ഫണ്ട് അനുവദിക്കേണ്ടത് അത്യാവശ്യമാണ്.
നിങ്ങളെയും പദ്ധതിയെയും പരിരക്ഷിക്കുന്നതിന് നിർമ്മാതാവിന്റെ അപകട ഇൻഷുറൻസും ബാധ്യതാ ഇൻഷുറൻസും പ്രധാനമാണ്.
നിങ്ങൾ ഒരു നിർമ്മാണ വായ്പ എടുക്കുകയാണെങ്കിൽ, പലിശയുടെ അടവും അനുബന്ധ ഫീസുകളും പരിഗണിക്കുക
ലാൻഡ്സ്കേപ്പിംഗ്, നടപ്പാതകൾ, ഔട്ട്ഡോർ സൗകര്യങ്ങൾ എന്നിവയുടെ ചെലവുകളും മൊത്തത്തിലുള്ള ബജറ്റിൽ ഉൾപ്പെടും.
വിജയകരമായ ഒരു ഭവന നിർമ്മാണ പദ്ധതിക്ക് നന്നായി ആസൂത്രണം ചെയ്ത നിർമ്മാണ ബജറ്റ് അത്യന്താപേക്ഷിതമാണ്. നിർമ്മാണ പ്രക്രിയയിലുടനീളം ചിട്ടയായി കാര്യങ്ങൾ നടക്കാനും ശരിയായ ലക്ഷ്യങ്ങൾ വെക്കാനും വിവേകത്തോടെ തീരുമാനങ്ങൾ എടുക്കാനും ഇത് നിങ്ങളെ സഹായിക്കുന്നു. ശ്രദ്ധാപൂർവം ഫണ്ട് വിനിയോഗിക്കുകയും ചെലവുകൾ നിയന്ത്രിക്കുകയും ചെയ്യുന്നതിലൂടെ, നിങ്ങളുടെ സാമ്പത്തിക പരിമിതികൾക്കുള്ളിൽ നിന്നുകൊണ്ട് നിർമ്മാണ പദ്ധതി സുഗമമായി മുന്നോട്ട് കൊണ്ടുപോകാൻ നിങ്ങൾക്ക് കഴിയും. ഓർക്കുക, നന്നായി ക്രമീകരിച്ച ഒരു ബജറ്റാണ് നിങ്ങളുടെ സ്വപ്ന ഭവനത്തിന്റെ അടിത്തറ.
