ടൈൽ പശ - പ്രാധാന്യം, തരങ്ങൾ, നേട്ടങ്ങൾ

ടൈൽ പശകളുടെ പ്രാധാന്യം

1. ബോണ്ടിംഗ് ശക്തിയും ഈടും

ടൈൽ പശയുടെ പ്രധാന സവിശേഷതകളിലൊന്ന് അതിന്‍റെ മികച്ച ബോണ്ടിംഗ് ശക്തിയാണ്. ഇത് ടൈലുകൾക്കും അടിയിലെ പ്രതലത്തിനും ഇടയിൽ ശക്തമായ, സുസ്ഥിരമായ ഒരു ബന്ധം ഉണ്ടാക്കുന്നു, ടൈലുകൾ കാലക്രമേണ മാറുകയോ പൊട്ടുകയോ ഇളകി പോകുകയോ ചെയ്യുന്നില്ലെന്ന് ഉറപ്പാക്കുന്നു. ടൈലുകൾ സ്ഥിരമായ തേയ്മാനത്തെ നേരിടേണ്ടുന്ന ഉയർന്ന കാല്‍പെരുമാറ്റം ഉള്ള സ്ഥലങ്ങളിലോ ഈർപ്പ സാധ്യതയുള്ള ഇടങ്ങളിലോ ഇത് വളരെ പ്രധാനമാണ്, . കൂടാതെ, എപ്പോക്സി ഗ്രൗട്ടിന്‍റെ ഉപയോഗം ടൈൽ ചെയ്ത പ്രതലങ്ങളുടെ മൊത്തത്തിലുള്ള പ്രകടനവും ഈടും വർദ്ധിപ്പിക്കും.

2. വഴക്കവും സ്ഥിരതയും

വ്യത്യസ്ത തരം ടൈൽ പശകൾ ടൈൽ ചെയ്ത പ്രതലങ്ങൾക്ക് വഴക്കവും സ്ഥിരതയും നൽകുന്നു. താപനില വ്യതിയാനങ്ങൾ കാരണം സംഭവിക്കാവുന്ന നേരിയ ചലനവും വികാസവും ഇത് അനുവദിച്ചു കൊടുക്കുന്നു, ടൈലുകൾ പൊട്ടുകയോ ചിന്നല്‍ ഉണ്ടാകുകയോ ചെയ്യാനുള്ള സാധ്യത കുറയ്ക്കുന്നു. പശ ടൈലുകൾക്ക് സുസ്ഥിരമായ അടിത്തറ സൃഷ്ടിക്കുന്നു, വർഷങ്ങളോളം അവ സുരക്ഷിതമായി നിലനിൽക്കുമെന്ന് ഉറപ്പാക്കുന്നു.

3. ജല പ്രതിരോധവും ഈർപ്പം നിയന്ത്രണവും

ഈ പശകൾക്ക് സാധാരണയായി ജലത്തെ പ്രതിരോധിക്കുന്ന ഗുണങ്ങളുണ്ട്, ഇത് കുളിമുറിയും അടുക്കളയും പോലെ വെള്ളത്താൽ സമ്പർക്കം പുലർത്തുന്ന സ്ഥലങ്ങൾക്ക് അനുയോജ്യമാക്കുന്നു. ഇത് വെള്ളം കയറുന്നത് തടയുന്ന ഒരു തടസ്സം സൃഷ്ടിക്കുന്നു, ടൈലുകൾക്ക് പിന്നിൽ വെള്ളം മൂലമുള്ള കേടുപാടുകൾ അല്ലെങ്കിൽ പൂപ്പൽ വളർച്ചയുടെ സാധ്യത കുറയ്ക്കുന്നു. കൂടാതെ, ചില തരം ടൈൽ പശകൾക്ക് ഈർപ്പനിയന്ത്രണ ഗുണങ്ങളുണ്ട്, ഇത് നനഞ്ഞ അടി പ്രതലങ്ങളിൽ ഉപയോഗിക്കാൻ അവയെ അനുവദിക്കുന്നു.

4. ഉപയോഗിക്കാൻ എളുപ്പമാണ്

ഉപയോക്തൃ-സൗഹൃദവും ഉപയോഗിക്കാൻ എളുപ്പവുമായാണ് ടൈൽ പശ രൂപകൽപ്പന ചെയ്തിരിക്കുന്നത്. മോർട്ടാർ സിമന്‍റ് മിക്‌സ് ചെയ്യുന്നതിനും തയ്യാറാക്കുന്നതിനുമുള്ള ആവശ്യകത ഇല്ലാതാക്കി, ഉപയോഗിക്കാൻ തയ്യാറായ രൂപത്തിൽ വരുന്ന ഇത്. സുഗമമായ സ്ഥിരതയുള്ളതാണ്, പ്രയോഗിക്കാനും തുല്യമായി വ്യാപിപ്പിക്കാനും എളുപ്പമാണ്, ശരിയായ കവറേജും ഒട്ടിപിടിത്തവും ഉറപ്പാക്കുന്നു. ഉപയോഗം എളുപ്പമാകുന്നതോടെ ടൈൽ ഇടുന്ന പ്രക്രിയ വേഗത്തിലും കാര്യക്ഷമവുമാകുന്നു.

5. ചെലവ് കുറവ്

ടൈൽ പശ ഉപയോഗിക്കുന്നത് ടൈൽ സ്ഥാപിക്കുന്നതിനുള്ള ചെലവ് കുറയ്ക്കുന്നു. മോർട്ടാർ സിമൻറ് പോലുള്ള അധിക വസ്തുക്കളുടെ ആവശ്യകത ഇത് ഒഴിവാക്കുന്നു, മെറ്റീരിയലിലും കൂലിയിലും പണം ലാഭിക്കാം. കൂടാതെ, ടൈൽ പശയുടെ കാര്യക്ഷമതയും ഈടുനിൽപ്പും ടൈൽ അറ്റകുറ്റപ്പണികളുടെ അല്ലെങ്കിൽ മാറ്റിസ്ഥാപിക്കുന്നതിന്‍റെ ആവശ്യകത ഇല്ലാതാക്കുന്നതിനാല്‍ ദീർഘകാല അടിസ്ഥാനത്തില്‍ ലാഭം ഉണ്ടാക്കുന്നു. .

വിവിധ തരം ടൈൽ പശകൾ

നിരവധി തരം ടൈല്‍ പശകള്‍ വിപണിയില്‍ ലഭ്യമാണ്, ഓരോന്നും നിർദ്ദിഷ്ട ടൈൽ തരങ്ങളും ഇൻസ്റ്റാളേഷൻ ആവശ്യകതകളും നിറവേറ്റുന്നതിനായി രൂപകൽപ്പന ചെയ്തിരിക്കുന്നു. സാധാരണ ടൈൽ പശകൾ ഇതാ:

1. ടൈപ്പ് 1 പശ

സാധാരണ ബോഡി കോമ്പോസിഷനും ഉയർന്ന പോറോസിറ്റിയുമുള്ള ടൈലുകൾക്ക് ടൈപ്പ് 1 പശ അനുയോജ്യമാണ്. വിവിധ പശ്ചാത്തലങ്ങളിൽ നോൺ-വിട്രിഫൈഡ് സെറാമിക് ടൈലുകൾക്കും പോറസ് സ്റ്റോണുകൾക്കും ഇത് സാധാരണയായി ഉപയോഗിക്കുന്നു. ഈ പശ മിക്ക സെറാമിക് ടൈലുകൾക്കും സുരക്ഷിതമായ ബോണ്ട് നൽകുന്നു, കൂടാതെ ഇന്‍റീരിയർ ആപ്ലിക്കേഷനുകൾക്കും അനുയോജ്യമാണ്.

2. ടൈപ്പ് 2 പശ

വിട്രിഫൈഡ് അല്ലെങ്കിൽ ഫുള്ളി വിട്രിഫൈഡ് ടൈലുകൾ, ഗ്ലാസ് മൊസൈക്ക് ടൈലുകൾ, ഡെന്‍സ് സ്റ്റോണുകള്‍ എന്നിവ ഉൾപ്പെടെ കുറഞ്ഞ പോറോസിറ്റി ഉള്ള ടൈലുകൾക്ക് ടൈപ്പ് 2 പശ അനുയോജ്യമാണ്. നനഞ്ഞതും വെള്ളത്തിൽ മുങ്ങുന്നതുമായ പ്രദേശങ്ങൾ ഉൾപ്പെടെയുള്ള ഇന്‍റീരിയർ, എക്സ്റ്റീരിയർ പ്രയോഗങ്ങൾക്ക് ഇത് ശുപാർശ ചെയ്യുന്നു. മെച്ചപ്പെട്ട ബോണ്ടിംഗ് ശക്തിയും സ്ഥിരതയും ആവശ്യപ്പെടുന്ന ഇൻസ്റ്റാളേഷനുകൾക്ക് ഈ പശ ഉചിതമാണ്.

3. ടൈപ്പ് 3 പശ

ടൈപ്പ് 3 പശ പ്ലാസ്റ്റർ അല്ലെങ്കിൽ കോൺക്രീറ്റ് പോലെയുള്ള ബാഹ്യ മതിൽ അടിപ്രതലങ്ങൾക്കായി രൂപകൽപ്പന ചെയ്തിട്ടുള്ളതാണ്. സെറാമിക്, കളിമണ്ണ്, പോർസലൈൻ, അല്ലെങ്കിൽ ഗ്ലാസ് മൊസൈക്ക് ടൈലുകൾ, അതുപോലെ എല്ലാ പ്രകൃതിദത്ത സ്റ്റോണ്‍ ടൈലുകൾക്കും ഇത് അനുയോജ്യമാണ്. ഈ പശ ബാഹ്യ ചുവരുകളിൽ ടൈലുകൾക്ക് വിശ്വസനീയമായ പിടിത്തവും കരുത്തും നൽകുന്നു.

4. ടൈപ്പ് 4 പശ

ടൈപ്പ് 4 പശ ഉണങ്ങിയ വാൾബോർഡ് അടി പ്രതലങ്ങളിൽ ഇൻസ്റ്റാൾ ചെയ്യാൻ ഉദ്ദേശിച്ചുള്ളതാണ്. മെറ്റൽ ടൈലുകളോ എഞ്ചിനീയറിംഗ് സ്റ്റോണുകളോ ഒഴികെയുള്ള വിവിധ തരം ടൈലുകൾക്കും സ്റ്റോണുകള്‍ക്കും ഇത് അനുയോജ്യമാണ്. ജിപ്‌സം ബോർഡുകൾ, പ്ലൈവുഡ്, മരം, മറ്റ് ഡ്രൈ സബ്‌സ്‌ട്രേറ്റുകൾ തുടങ്ങിയ ഡ്രൈവാൾ ബോർഡുകളിൽ ഈ പശ ഉപയോഗിക്കാം, ഇത് സുരക്ഷിതമായ പിടിത്തം ഉറപ്പാക്കുന്നു.

5. ടൈപ്പ് 5 പശ

ടൈപ്പ് 5 പശ പ്രത്യേകമായി രൂപകൽപ്പന ചെയ്തിരിക്കുന്നത് ഗ്ലാസ് അല്ലെങ്കിൽ മെറ്റാലിക് അടിപ്രതലങ്ങളിൽ ടൈലുകളും സ്റ്റോണുകളും സ്ഥാപിക്കുന്നതിനു വേണ്ടിയാണ്. മെറ്റൽ ടൈലുകൾ, ഗ്ലാസ് ടൈലുകൾ, എൻജിനീയറിങ് സ്റ്റോണുകൾ, സിമന്‍റ്അടിസ്ഥാനമാക്കിയുള്ള അടിപ്രതലങ്ങളിലെ മറ്റ് തരത്തിലുള്ള ടൈലുകൾ, കല്ലുകൾ എന്നിവയ്ക്ക് ഇത് അനുയോജ്യമാണ്. ഈ പശ പ്രത്യേക ഇൻസ്റ്റാളേഷനുകൾക്ക് മികച്ച ഒട്ടിപിടിത്തവും ഈടും നൽകുന്നു.

ടൈൽ പശയുടെ പ്രയോജനങ്ങൾ

ടൈൽ ഇൻസ്റ്റാളേഷനായി വ്യത്യസ്ത തരം ടൈൽ പശകൾ ഉപയോഗിക്കുന്നത് വിജയകരവും ദീർഘവുമായ ഫലം ഉറപ്പ് നല്‍കുന്ന നിരവധി ഗുണങ്ങൾ വാഗ്ദാനം ചെയ്യുന്നു. നമുക്ക് ചില പ്രധാന നേട്ടങ്ങൾ എന്തെല്ലാമെന്ന് പരിശോധിക്കാം:

1. മികച്ച ടൈൽ വിന്യാസവും ലെവലിംഗും

ഒരു ടൈൽ പേസ്റ്റ് പശ മികച്ച ഒട്ടിപിടിത്തത്തിനൊപ്പം ടൈലുകളുടെ കൃത്യമായ വിന്യാസവും ലെവലിംഗും ഉറപ്പാക്കുന്നു. അസമമായ പ്രതലങ്ങളിലേക്കോ ടൈൽ സ്ലിപ്പിലേക്കോ നയിച്ചേക്കാവുന്ന പരമ്പരാഗത മോർട്ടറിൽ നിന്ന് വ്യത്യസ്തമായി, ഓരോ ടൈലും അടിപ്രതലവുമായി സുരക്ഷിതമായി ബന്ധിപ്പിച്ചിരിക്കുന്നുവെന്ന് പശ ഉറപ്പാക്കുന്നു, ഇത് സുഗമവും നിരപ്പുള്ളതുമായ ഫിനിഷിലേക്ക് നയിക്കുന്നു.

2. ആവശ്യമായ സമയം കുറയ്ക്കുന്നു

പരമ്പരാഗത മോർട്ടാർ അടിസ്ഥാനമാക്കിയുള്ള രീതികളുമായി താരതമ്യപ്പെടുത്തുമ്പോൾ ഈ പശകൾ ടൈല്‍ ഇടുന്നതിനുള്ള സമയം ഗണ്യമായി കുറയ്ക്കുന്നു. അതിന്‍റെ റെഡി-ടു-യൂസ് ഫോർമുലേഷൻ മിശ്രണത്തിന്‍റെയും തയ്യാറാക്കുന്നതിന്‍റെയും ആവശ്യകത ഇല്ലാതാക്കുന്നു. അനായാസമായ ഉപയോഗവും വേഗത്തിലുള്ള ഉണങ്ങല്‍ ഗുണങ്ങളും ടൈലിംഗ് ജോലി വേഗത്തിൽ പൂർത്തിയാക്കാൻ അനുവദിക്കുന്നു.

3. തൊഴിൽ കാര്യക്ഷമത

ടൈൽ പശ ടൈൽ ഇടുന്ന ജോലി ലളിതവും കൂടുതൽ കാര്യക്ഷമവുമാക്കുകയും ആവശ്യമായ അധ്വാനം കുറയ്ക്കുകയും ചെയ്യുന്നു. ഇതിലെ എളുപ്പമുള്ള പ്രയോഗവും സുഗമമായ സ്‌പ്രെഡിംഗ് സ്വഭാവസവിശേഷതകളും ജോലിക്കാരെ കൂടുതൽ ഫലപ്രദമായി പ്രവർത്തിക്കാൻ പ്രാപ്‌തമാക്കുന്നു, കുറഞ്ഞ സമയത്തിനുള്ളിൽ വലിയ പ്രദേശങ്ങളില്‍ ടൈല്‍ വിരിച്ച് . തീര്‍ക്കാം, പശയുടെ ശക്തമായ ബോണ്ടിംഗ് ഗുണങ്ങൾ അറ്റകുറ്റപ്പണികളുടെയോ വീണ്ടും ടൈല്‍ ഇടേണ്ടതിന്‍റെയോ ആവശ്യകത ഇല്ലാതാക്കുന്നു, ഇത് തൊഴിൽ ചെലവ് കുറയ്ക്കുന്നു.

4. മികച്ച ബോണ്ടിംഗ് ശക്തി

ടൈൽ പശ ടൈലുകൾക്കും അടിപ്രതലത്തിനും ഇടയിൽ മികച്ച ബോണ്ടിംഗ് ശക്തിയായി പ്രവര്‍ത്തിക്കുന്നു. ഈ ശക്തമായ ബോണ്ട്, ഉയർന്ന കാല്‍പെരുമാറ്റം അല്ലെങ്കിൽ ഉയർന്ന ഈർപ്പം ഉള്ള പ്രദേശങ്ങളിൽ പോലും ടൈലുകൾ ദൃഢമായി നിലനിൽക്കുന്നുവെന്ന് ഉറപ്പാക്കുന്നു. അവയുടെ ഉപയോഗത്തിലൂടെ, ടൈലുകൾ കാലക്രമേണ ഇളകാനോ പൊട്ടാനോ ഉള്ള സാധ്യത കുറയുന്നു, ഇത് ടൈൽ ഉപരിതലത്തിന് ഈടും ഉറപ്പും നല്‍മാകുന്നു. അപര്യാപ്തമായ പിടിത്തം കാരണം ടൈലുകൾ പൊന്തുന്നത് ഇത് ഫലപ്രദമായി കുറയ്ക്കുന്നു, .