ಟೈಲ್ ಅಡೆಸೀವ್‌ - ಪ್ರಾಮುಖ್ಯತೆ, ವಿಧಗಳು ಮತ್ತು ಅನುಕೂಲಗಳು

ಟೈಲ್ ಅಡೆಸೀವ್‌ಗಳ ಪ್ರಾಮುಖ್ಯತೆ

1. ಬಂಧದ ಶಕ್ತಿ ಮತ್ತು ಬಾಳಿಕೆ

ಟೈಲ್ ಅಡೆಸೀವ್‌ನ ಪ್ರಮುಖ ಲಕ್ಷಣವೆಂದರೆ ಅದು ಒದಗಿಸುವ ಅತ್ಯುತ್ತಮವಾಗಿ ಜೋಡಣಾ ಶಕ್ತಿ. ಇದು ಟೈಲ್ಸ್ ಮತ್ತು ಅದು ಅಂಟಿಕೊಳ್ಳುವ ಅಡಿಭಾಗದ ನಡುವೆ ಬಲವಾದ, ಬಾಳಿಕೆ ಬರುವ ಬಂಧವನ್ನು ರೂಪಿಸುತ್ತದೆ. ಇದು ಕಾಲಕ್ರಮೇಣ ಟೈಲ್‌ಗಳು ಸ್ಥಳಾಂತರಗೊಳ್ಳಲು, ಬಿರುಕು ಬಿಡಲು ಅಥವಾ ಸಡಿಲವಾಗಲು ಅವಕಾಶ ನೀಡುವುದಿಲ್ಲ. ಹೆಚ್ಚಿನ ದಟ್ಟಣೆಯ ಪ್ರದೇಶಗಳಲ್ಲಿ ಅಥವಾ ತೇವಾಂಶಕ್ಕೆ ಗುರಿಯಾಗುವ ಸ್ಥಳಗಳಲ್ಲಿ ಈ ಗುಣಕ್ಕೆ ಹೆಚ್ಚು ಪ್ರಾಮುಖ್ಯತೆಯನ್ನು ಪಡೆಯುತ್ತದೆ. ಅಂತಹ ಸ್ಥಳಗಳಲ್ಲಿ ಟೈಲ್‌ಗಳು ನಿರಂತರ ಸವೆತವನ್ನು ತಡೆದುಕೊಳ್ಳಬೇಕಾಗುತ್ತದೆ. ಅಷ್ಟೇ ಅಲ್ಲದೆ, ಎಪಾಕ್ಸಿ ಗ್ರೌಟ್ ಬಳಕೆಯು ಟೈಲ್ ಜೋಡಿಸಿದ ಮೇಲ್ಮೈಗಳ ಒಟ್ಟಾರೆ ಕಾರ್ಯಕ್ಷಮತೆ ಮತ್ತು ಬಾಳಿಕೆಯನ್ನು ಹೆಚ್ಚಿಸುತ್ತದೆ.

2. ಸುಲಭ ಹೊಂದಿಕೆ ಮತ್ತು ಸ್ಥಿರತೆ

ವಿವಿಧ ರೀತಿಯ ಟೈಲ್ ಅಡೆಸೀವ್‌ಗಳು ಟೈಲ್ ಅಳವಡಿಸಿದ ಮೇಲ್ಮೈಗಳಿಗೆ ಸುಲಭ ಹೊಂದಾಣಿಕೆ ಮತ್ತು ಸ್ಥಿರತೆಯನ್ನು ನೀಡುತ್ತವೆ. ಇದು ತಾಪಮಾನದ ಬದಲಾವಣೆಗಳಿಂದಾಗಿ ಸಂಭವಿಸಬಹುದಾದ ಸ್ವಲ್ಪ ಚಲನೆ ಮತ್ತು ವಿಸ್ತರಣೆಗೆ ಅನುವು ಮಾಡಿಕೊಡುತ್ತದೆ, ಟೈಲ್ಸ್ ಬಿರುಕು ಬಿಡುವ ಅಥವಾ ಒಡೆಯುವ ಅಪಾಯವನ್ನು ಕಡಿಮೆ ಮಾಡುತ್ತದೆ. ಅಡೆಸೀವ್‌ನಿಂದಾಗಿ ಟೈಲ್‌ಗಳಿಗೆ ಸ್ಥಿರವಾದ ಅಡಿಪಾಯವು ದೊರೆಯುತ್ತದೆ. ಇದು ಭವಿಷ್ಯದಲ್ಲಿ ಅವು ಸುರಕ್ಷಿತವಾಗಿ ಅದೇ ಜಾಗದಲ್ಲಿ ಅಂಟಿಕೊಂಡಿರುವುದನ್ನು ಖಚಿತಪಡಿಸುತ್ತದೆ.

3. ನೀರಿನ ಪ್ರತಿರೋಧಕತೆ ಮತ್ತು ತೇವಾಂಶ ನಿಯಂತ್ರಣ

ಈ ಅಡೆಸೀವ್‌ಗಳು ಸಾಮಾನ್ಯವಾಗಿ ನೀರು-ನಿರೋಧಕ ಗುಣಲಕ್ಷಣಗಳನ್ನು ಹೊಂದಿರುತ್ತವೆ, ಇದು ಬಾತ್‌ರೂಮ್‌ ಮತ್ತು ಅಡುಗೆಮನೆಗಳಂತಹ ಹೆಚ್ಚು ನೀರು ಇರುವ ಪ್ರದೇಶಗಳಿಗೆ ಸೂಕ್ತವಾಗಿರುತ್ತದೆ. ಇದು ನೀರಿನ ಸೋರುವಿಕೆಯನ್ನು ತಡೆಯುವಂತಹ ತಡೆಗೋಡೆಯನ್ನು ನಿರ್ಮಿಸಿ ನೀರಿನಿಂದಾಗುವ ಹಾನಿ ಅಥವಾ ಟೈಲ್‌ಗಳ ಹಿಂದೆ ಫಂಗಸ್‌ ಬೆಳವಣಿಗೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಹೆಚ್ಚುವರಿಯಾಗಿ, ಕೆಲವು ರೀತಿಯ ಟೈಲ್ ಅಡೆಸೀವ್‌ಗಳು ತೇವಾಂಶ-ನಿಯಂತ್ರಣ ಗುಣಲಕ್ಷಣಗಳನ್ನು ಸಹ ಹೊಂದಿರುತ್ತವೆ, ಇದರಿಂದಾಗಿ ಅವುಗಳನ್ನು ತೇವವಿರುವ ತಳಭಾಗಗಳಲ್ಲಿ ಬಳಸಲು ಸೂಕ್ತವಾಗಿರುತ್ತದೆ.

4. ಬಳಸಲು ಸುಲಭ

ಟೈಲ್ ಅಡೆಸೀವ್‌ ಅನ್ನು ಬಳಕೆದಾರ ಸ್ನೇಹಿಯಾಗಿರುವಂತೆ ಮತ್ತು ಕೆಲಸ ಮಾಡಲು ಸುಲಭವಾಗುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ. ಇದು ಬಳಸಲು ಸಿದ್ಧವಾದ ರೂಪದಲ್ಲಿ ಬರುತ್ತದೆ. ಗಾರೆ ಸಿಮೆಂಟ್ ಅನ್ನು ಮಿಶ್ರಣ ಮಾಡುವ ಮತ್ತು ತಯಾರಿಸುವ ಅಗತ್ಯವಿರುವುದಿಲ್ಲ. ಇದು ನಯವಾದ ಸ್ಥಿರತೆಯನ್ನು ಹೊಂದಿರುವುದರಿಂದ, ಇದನ್ನು ಸಮಾನವಾಗಿ ಹಚ್ಚುವುದು ಮತ್ತು ಹರಡುವುದು ಸುಲಭವಾಗಿರುತ್ತದೆ. ಇದರಿಂದ ಉತ್ತಮವಾಗಿ ಆವರಿಸಿಕೊಳ್ಳುತ್ತದೆ ಮತ್ತು ಚೆನ್ನಾಗಿ ಅಂಟಿಕೊಳ್ಳುತ್ತದೆ. ಬಳಸಲು ಸುಲಭವಾಗಿರುವುದರಿಂದ ಟೈಲ್ ಅಳವಡಿಸುವ ಪ್ರಕ್ರಿಯೆಯನ್ನು ತ್ವರಿತ ಮತ್ತು ಹೆಚ್ಚು ಪರಿಣಾಮಕಾರಿಯಾಗಿ ಮಾಡುತ್ತದೆ.

5. ಕಡಿಮೆ ವೆಚ್ಚ

ಟೈಲ್ ಅಡೆಸೀವ್‌ ಬಳಸುವುದು ಟೈಲ್ ಅಳವಡಿಕೆಯು ಕಡಿಮೆ ವೆಚ್ಚದ ಆಯ್ಕೆಯಾಗಿರುತ್ತದೆ. ಇದು ಗಾರೆ ಸಿಮೆಂಟ್‌ನಂತಹ ಹೆಚ್ಚುವರಿ ವಸ್ತುಗಳ ಅಗತ್ಯವನ್ನು ನಿವಾರಿಸುವ ಮೂಲಕ ವಸ್ತು ಮತ್ತು ಕಾರ್ಮಿಕರಿಗಾಗಿ ತಗುಲುವ ವೆಚ್ಚಗಳನ್ನು ಕಡಿಮೆ ಮಾಡುತ್ತದೆ. ಅಷ್ಟೇ ಅಲ್ಲದೆ, ಟೈಲ್ ಅಡೆಸೀವ್‌ನ ದಕ್ಷತೆ ಮತ್ತು ಬಾಳಿಕೆಯಿಂದಾ ದೀರ್ಘಕಾಲೀನ ಉಳಿತಾಯಕ್ಕೆ ಕಾರಣವಾಗುತ್ತದೆ ಏಕೆಂದರೆ ಇದು ಟೈಲ್ ರಿಪೇರಿ ಮಾಡುವ ಅಥವಾ ಬದಲಾಯಿಸುವ ಅಗತ್ಯವನ್ನು ನಿವಾರಿಸುತ್ತದೆ.

ಟೈಲ್ ಅಡೆಸೀವ್‌ಗಳ ವಿಧಗಳು

ಇದರಲ್ಲಿ ಹಲವಾರು ವಿಧಗಳು ಲಭ್ಯವಿವೆ. ಪ್ರತಿಯೊಂದೂ ಸಹ ನಿರ್ದಿಷ್ಟ ಟೈಲ್ ಪ್ರಕಾರಗಳು ಮತ್ತು ಅಳವಡಿಕೆಯ ಅವಶ್ಯಕತೆಗಳನ್ನು ಪೂರೈಸಲು ವಿನ್ಯಾಸಗೊಳಿಸಲಾಗಿದೆ. ಟೈಲ್ ಅಡೆಸೀವ್‌ಗಳ ಸಾಮಾನ್ಯ ವಿಧಗಳು ಇಲ್ಲಿವೆ:

1. ಟೈಪ್ 1 ಅಡೆಸೀವ್‌

ಟೈಪ್ 1 ಅಡೆಸೀವ್‌ ಪ್ರಮಾಣಿತ ಬಾಡಿ ಸಂಯೋಜನೆಯನ್ನು ಮತ್ತು ಹೆಚ್ಚಿನ ರಂಧ್ರಗಳನ್ನು ಹೊಂದಿರುವ ಟೈಲ್‌ಗಳಿಗೆ ಸೂಕ್ತವಾಗಿರುತ್ತದೆ. ಇದನ್ನು ಸಾಮಾನ್ಯವಾಗಿ ವಿಟ್ರಿಫೈಡ್ ಅಲ್ಲದ ಸೆರಾಮಿಕ್ ಟೈಲ್‌ಗಳು ಮತ್ತು ವಿವಿಧ ಹಿನ್ನೆಲೆಗಳಲ್ಲಿ ರಂಧ್ರಯುಕ್ತ ಕಲ್ಲುಗಳಲ್ಲಿ ಬಳಸಲಾಗುತ್ತದೆ. ಈ ಅಡೆಸೀವ್‌ ಹೆಚ್ಚಿನ ಸೆರಾಮಿಕ್ ಟೈಲ್‌ಗಳಿಗೆ ಸುರಕ್ಷಿತ ಜೋಡಣೆಗಳನ್ನು ಒದಗಿಸುತ್ತದೆ ಮತ್ತು ಒಳಾಂಗಣ ಬಳಕೆಗೆ ಸೂಕ್ತ ಆಯ್ಕೆಯಾಗಿದೆ.

2. ಟೈಪ್ 2 ಅಡೆಸೀವ್‌

ಟೈಪ್ 2 ಅಡೆಸೀವ್‌ಗಳು ವಿಟ್ರಿಫೈಡ್ ಅಥವಾ ಸಂಪೂರ್ಣವಾಗಿ ವಿಟ್ರಿಫೈಡ್ ಟೈಲ್‌ಗಳು, ಗಾಜಿನ ಮೊಸಾಯಿಕ್ ಟೈಲ್‌ಗಳು ಮತ್ತು ದಟ್ಟವಾದ ಕಲ್ಲುಗಳೂ ಸೇರಿದಂತೆ ಕಡಿಮೆ ರಂಧ್ರವನ್ನು ಹೊಂದಿರುವ ಟೈಲ್‌ಗಳಿಗೆ ಸೂಕ್ತವಾಗಿರುತ್ತದೆ. ತೇವಾಂಶ ಹೊಂದಿರುವ ಮತ್ತು ನೀರಿನಲ್ಲಿ ಮುಳುಗಿರುವ ಪ್ರದೇಶಗಳೂ ಸೇರಿದಂತೆ ಒಳಾಂಗಣ ಮತ್ತು ಬಾಹ್ಯ ಬಳಕೆಗಳಿಗೆ ಇದನ್ನು ಶಿಫಾರಸು ಮಾಡಲಾಗುತ್ತದೆ. ಈ ಅಡೆಸೀವ್‌ ಬೇಡಿಕೆಯ ಅಳವಡಿಕೆಗಳಿಗಾಗಿ ವರ್ಧಿತ ಜೋಡಣಾ ಶಕ್ತಿ ಮತ್ತು ಸ್ಥಿರತೆಯನ್ನು ನೀಡುತ್ತದೆ.

3. ಟೈಪ್ 3 ಅಡೆಸೀವ್‌

ಟೈಪ್ 3 ಅಡೆಸೀವ್‌ ಅನ್ನು ಪ್ಲಾಸ್ಟರ್ ಅಥವಾ ಕಾಂಕ್ರೀಟ್‌ನಂತಹ ಹೊರ ಗೋಡೆಯ ಮೇಲ್ಮೈಗಾಗಿ ವಿನ್ಯಾಸಗೊಳಿಸಲಾಗಿದೆ. ಇದು ಸೆರಾಮಿಕ್, ಜೇಡಿಮಣ್ಣು, ಪಿಂಗಾಣಿ, ಅಥವಾ ಗಾಜಿನ ಮೊಸಾಯಿಕ್ ಟೈಲ್‌ಗಳು, ಜೊತೆಗೆ ಎಲ್ಲಾ ನೈಸರ್ಗಿಕ ಕಲ್ಲಿನ ಟೈಲ್‌ಗಳಿಗೆ ಸೂಕ್ತವಾಗಿದೆ. ಈ ಅಡೆಸೀವ್‌ ಹೊರ ಗೋಡೆಗಳ ಮೇಲೆ ಟೈಲ್‌ಗಳು ಚೆನ್ನಾಗಿ ಅಂಟಿಕೊಳ್ಳುವಿಕೆಯನ್ನು ಮತ್ತು ದೃಢತೆಯನ್ನು ಒದಗಿಸುತ್ತದೆ.

4. ಟೈಪ್ 4 ಅಡೆಸೀವ್‌

ಟೈಪ್ 4 ಅಡೆಸೀವ್‌ ಅನ್ನು ಒಣಗಿದ ವಾಲ್‌ಬೋರ್ಡ್ ಮೇಲ್ಮೈಗಳ ಮೇಲೆ ಅಳವಡಿಸಲು ಬಳಸಬಹುದಾಗಿದೆ. ಲೋಹದ ಟೈಲ್‌ಗಳು ಅಥವಾ ಎಂಜಿನಿಯರಿಂಗ್ ಕಲ್ಲುಗಳನ್ನು ಹೊರತುಪಡಿಸಿ ಇದು ವಿವಿಧ ರೀತಿಯ ಟೈಲ್‌ಗಳು ಮತ್ತು ಕಲ್ಲುಗಳಿಗೆ ಸೂಕ್ತವಾಗಿದೆ. ಈ ಅಡೆಸೀವ್‌ ಅನ್ನು ಜಿಪ್ಸಮ್ ಬೋರ್ಡ್‌ಗಳು, ಪ್ಲೈವುಡ್, ಮರ ಮತ್ತು ಇತರ ಒಣ ಮೇಲ್ಮೈಗಳಾದ ಡ್ರೈವಾಲ್ ಬೋರ್ಡ್‌ಗಳಲ್ಲಿ ಬಳಸಬಹುದು.

5. ಟೈಪ್ 5 ಅಂಟಿಕೊಳ್ಳುವಿಕೆ

ಟೈಪ್ 5 ಅಡೆಸೀವ್‌ ಅನ್ನು ನಿರ್ದಿಷ್ಟವಾಗಿ ಗಾಜು ಅಥವಾ ಲೋಹದ ಮೇಲೆ ಅಳವಡಿಸಲಾಗುವ ಟೈಲ್‌ಗಳು ಮತ್ತು ಕಲ್ಲುಗಳಿಗಾಗಿ ವಿನ್ಯಾಸಗೊಳಿಸಲಾಗಿದೆ. ಇದು ಲೋಹದ ಟೈಲ್‌ಗಳು, ಗಾಜಿನ ಟೈಲ್‌ಗಳು ಮತ್ತು ಎಂಜಿನಿಯರಿಂಗ್ ಟೈಲ್‌ಗಳಿಗೆ ಸೂಕ್ತವಾಗಿದೆ, ಜೊತೆಗೆ ಸಿಮೆಂಟ್ ಆಧಾರಿತ ಮೇಲ್ಮೈಗಳ ಮೇಲೆ ಇತರ ರೀತಿಯ ಟೈಲ್‌ಗಳು ಮತ್ತು ಕಲ್ಲುಗಳಿಗೆ ಸೂಕ್ತವಾಗಿದೆ. ಈ ಅಡೆಸೀವ್‌ ವಿಶೇಷ ಬಳಕೆಗಳಿಗೆ ಅತ್ಯುತ್ತಮ ಅಡೆಸೀವ್‌ ಮತ್ತು ಬಾಳಿಕೆಯನ್ನು ಒದಗಿಸುತ್ತದೆ.

ಟೈಲ್ ಅಡೆಸಿವ್‌ನ ಪ್ರಯೋಜನಗಳು

ಟೈಲ್ ಅಳವಡಿಕೆಗಾಗಿ ವಿವಿಧ ರೀತಿಯ ಟೈಲ್ ಅಡೆಸೀವ್‌ಗಳನ್ನು ಬಳಸುವುದು ಯಶಸ್ವಿ ಮತ್ತು ದೀರ್ಘ ಬಾಳಿಕೆಯ ಫಲಿತಾಂಶಕ್ಕೆ ಕಾರಣವಾಗುವ ನೀಡುವ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ. ಕೆಲವು ಪ್ರಮುಖ ಪ್ರಯೋಜನಗಳನ್ನು ಅನ್ವೇಷಿಸೋಣ:

1. ಉತ್ತಮ ಟೈಲ್ ಜೋಡಣೆ ಮತ್ತು ಸಮತಟ್ಟುಗೊಳಿಸುವಿಕೆ

ಟೈಲ್ ಪೇಸ್ಟ್ ಅಡೆಸೀವ್‌ ಅತ್ಯುತ್ತಮ ಅಂಟಿಕೊಳ್ಳುವಿಕೆಯನ್ನು ಉಂಟು ಮಾಡುತ್ತದೆ ಮತ್ತು ಟೈಲ್‌ಗಳ ನಿಖರವಾದ ಜೋಡಣೆ ಮತ್ತು ಸಮತಟ್ಟುಗೊಳಿಕೆಯನ್ನು ಒದಗಿಸುತ್ತದೆ. ಸಾಂಪ್ರದಾಯಿಕ ಸಿಮೆಂಟ್‌ ಗಾರೆಯನ್ನು ಬಳಸಿದಾಗ ಅಸಮ ಮೇಲ್ಮೈಗಳು ಅಥವಾ ಟೈಲ್ ಸ್ಥಳಾಂತರಗೊಳ್ಳುವಿಕೆಗೆ ಭಿನ್ನವಾಗಿ ಅಡೆಸೀವ್‌ಗಳು ಪ್ರತಿ ಟೈಲ್‌ ಅನ್ನು ಅದನ್ನು ಅಂಟಿಸಬೇಕಿರುವ ಮೇಲ್ಮೈಗೆ ಸುರಕ್ಷಿತವಾಗಿ ಅಂಟಿಕೊಳ್ಳುವುದನ್ನು ಖಾತರಿಪಡಿಸುತ್ತದೆ. ಇದರ ಪರಿಣಾಮವಾಗಿ ನಯವಾದ ಮತ್ತು ಅತ್ಯುತ್ತಮವಾಗಿ ಜೋಡಿಸಲಾದ ಫಿನಿಶ್ ಅನ್ನು ಒದಗಿಸುತ್ತದೆ.

2. ಅಗತ್ಯವಿರುವ ಸಮಯದ ಪ್ರಮಾಣವನ್ನು ಕಡಿಮೆ ಮಾಡುತ್ತದೆ

ಸಾಂಪ್ರದಾಯಿಕ ಸಿಮೆಂಟ್‌ ಗಾರೆ ಆಧಾರಿತ ವಿಧಾನಗಳಿಗೆ ಹೋಲಿಸಿದರೆ ಈ ಅಡೆಸೀವ್‌ಗಳು ಅಳವಡಿಕೆಯ ಸಮಯವನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತವೆ. ಇದರ ಬಳಕೆಗೆ ಸಿದ್ಧವಾದ ಸಂಯೋಜನೆಯು ಹೆಚ್ಚು ಸಮಯ ತೆಗೆದುಕೊಳ್ಳುವ ಮಿಶ್ರಣಗೊಳಿಕೆ ಮತ್ತು ತಯಾರಿಕೆಯ ಅಗತ್ಯವನ್ನು ನಿವಾರಿಸುತ್ತದೆ. ಅಳವಡಿಕೆಯ ಸುಲಭತೆ ಮತ್ತು ಅದರ ತ್ವರಿತ ಒಣಗುವ ಗುಣಲಕ್ಷಣಗಳಿಂದಾಗಿ ಟೈಲ್‌ ಹಾಕುವ ಯೋಜನೆಗಳನ್ನು ವೇಗವಾಗಿ ಪೂರ್ಣಗೊಳಿಸಲು ಅನುವು ಮಾಡಿಕೊಡುತ್ತದೆ, ಇದು ಸಮಯ ಉಳಿತಾಯದ ಪರಿಣಾಮಕಾರಿ ಆಯ್ಕೆಯಾಗಿದೆ.

3. ಕಡಿಮೆ ಕಾರ್ಮಿಕರ ಅಗತ್ಯತೆ

ಟೈಲ್ ಅಡೆಸೀವ್‌ ಟೈಲ್ ಅಳವಡಿಕೆಯ ಪ್ರಕ್ರಿಯೆಯನ್ನು ಸರಳಗೊಳಿಸುತ್ತದೆ, ಅದನ್ನು ಹೆಚ್ಚು ಪರಿಣಾಮಕಾರಿಯಾಗಿ ಮಾಡುತ್ತದೆ ಮತ್ತು ಸಾಂಪ್ರದಾಯಿಕ ವಿಧಾನಗಳಲ್ಲಿ ಅಗತ್ಯವಿರುವ ಪರಿಶ್ರಮವನ್ನು ಕಡಿಮೆ ಮಾಡುತ್ತದೆ. ಇದರ ಸುಲಭವಾದ ಅಳವಡಿಕೆ ಮತ್ತು ನಯವಾದ ಹರಡುವ ಗುಣಲಕ್ಷಣಗಳಿಂದಾಗಿ ಅಳವಡಿಸುವವರು ಕಡಿಮೆ ಸಮಯದಲ್ಲಿ ಹೆಚ್ಚಿನ ಪ್ರದೇಶಗಳನ್ನು ಪೂರ್ಣಗೊಳಿಸುವ ಮೂಲಕ ಹೆಚ್ಚು ಪರಿಣಾಮಕಾರಿಯಾಗಿ ಕೆಲಸ ಮಾಡಲು ಸಾಧ್ಯವಾಗುತ್ತದೆ. ಅಷ್ಟೇ ಅಲ್ಲದೆ, ಅಡೆಸೀವ್‌ಗಳ ಬಲವಾದ ಅಂಟಿಕೊಳ್ಳುವ ಗುಣದಿಂದಾಗಿ ವ್ಯಾಪಕವಾದ ಮತ್ತೆ ಕೆಲಸ ಮಾಡುವ ಅಥವಾ ದುರಸ್ತಿಯ ಅಗತ್ಯವನ್ನು ನಿವಾರಿಸುವ ಮೂಲಕ ಕಾರ್ಮಿಕರ ಅವಶ್ಯಕತೆಗಳನ್ನು ಮತ್ತಷ್ಟು ಕಡಿಮೆ ಮಾಡುತ್ತವೆ.

4. ಉತ್ತಮವಾಗಿ ಅಂಟಿಕೊಳ್ಳುವ ಸಾಮರ್ಥ್ಯ

ಟೈಲ್ ಅಡೆಸೀವ್‌ಗಳು ಟೈಲ್‌ಗಳು ಮತ್ತು ಅವುಗಳನ್ನು ಅಳವಡಿಸಬೇಕಿರುವ ಸ್ಥಳದ ನಡುವೆ ಉತ್ತಮ ಬಂಧದ ಬಲವನ್ನು ಒದಗಿಸುತ್ತದೆ. ಈ ಬಲವಾದ ಬಂಧವು ಹೆಚ್ಚಿನ ದಟ್ಟಣೆಯ ಅಥವಾ ಹೆಚ್ಚಿನ ತೇವಾಂಶದ ಪ್ರದೇಶಗಳಲ್ಲಿಯೂ ಸಹ ಟೈಲ್‌ಗಳು ದೃಢವಾಗಿ ಉಳಿದುಕೊಳ್ಳುವುದನ್ನು ಖಚಿತಪಡಿಸುತ್ತದೆ. ಅವುಗಳ ಬಳಕೆಯೊಂದಿಗೆ, ಕಾಲಾನಂತರದಲ್ಲಿ ಟೈಲ್‌ಗಳು ಸಡಿಲವಾಗುವ, ಚಿಪ್ಪು ಏಳುವ ಅಥವಾ ಬಿರುಕು ಬಿಡುವ ಅಪಾಯ ಕಡಿಮೆಯಾಗುತ್ತದೆ. ಇದರ ಪರಿಣಾಮವಾಗಿ ದೀರ್ಘಕಾಲೀನ ಮತ್ತು ಹೆಚ್ಚು ಬಾಳಿಕೆ ಬರುವ ಟೈಲ್ ಮೇಲ್ಮೈ ಉಂಟಾಗುತ್ತದೆ. ಸಾಂಪ್ರದಾಯಿಕ ವಿಧಾನಗಳಲ್ಲಿ ಟೈಲ್‌ಗಳು ಸಾಕಷ್ಟು ಅಂಟಿಕೊಳ್ಳದ ಕಾರಣ ಅವುಗಳು ಕಿತ್ತುಬರುವ ಸಾಧ್ಯತೆ ಇರುತ್ತದೆ, ಆದರೆ ಇದರಲ್ಲಿ ಟೈಲ್ ಎದ್ದುಬರುವಿಕೆಯನ್ನು ಪರಿಣಾಮಕಾರಿಯಾಗಿ ಕಡಿಮೆಯಾಗುತ್ತದೆ.