Share:
ഭിത്തികൾ, മേൽത്തട്ട് അല്ലെങ്കിൽ പാർട്ടീഷനുകൾ എന്നിവയുടെ തുറന്ന പ്രതലത്തിൽ നേർത്ത പുറം പാളി തീര്‍ക്കുന്ന പ്രക്രിയയാണ് പ്ലാസ്റ്ററിംഗ്. ചുണ്ണാമ്പ് അല്ലെങ്കിൽ സിമന്‍റ്, മണൽ, വെള്ളം എന്നിവയുടെ മിശ്രിതം ആണ് ഇതിനായി പ്രയോഗിക്കുന്നത്. ഇത് ഒരു പുരാതന സാങ്കേതികതയാണ്. ഇഷ്ടികപ്പണികളും കോൺക്രീറ്റും മറ്റ് വസ്തുക്കളും മറച്ച് ഈ പ്രതലങ്ങൾക്ക് സുഗമവും മിനുസമുള്ളതുമായ ഫിനിഷിംഗ് നൽകുക എന്നതാണ് പ്ലാസ്റ്ററിംഗിന്‍റെ പ്രാഥമിക ലക്ഷ്യം. ഇത് തികച്ചും സൗന്ദര്യാത്മകമായി കാണപ്പെടുമെങ്കിലും, നിർമ്മാണത്തിൽ പ്ലാസ്റ്ററിംഗ് സംരക്ഷണം, ഈട്, ലെവലിംഗ്, മതിലുകളുടെയും മേൽക്കൂരകളുടെയും വിന്യാസം എന്നിവയിൽ നിരവധി പ്രധാന പങ്ക് വഹിക്കുന്നു.
നിരവധി തരം പ്ലാസ്റ്ററുകൾ ഉണ്ട്, അവ വിവിധ ആവശ്യങ്ങൾ, പാരിസ്ഥിതിക സാഹചര്യങ്ങൾ, സൗന്ദര്യാത്മക മുൻഗണനകൾ എന്നിവ അനുസരിച്ച് തിരഞ്ഞെടുക്കാവുന്നതാണ്. ഏറ്റവും സാധാരണയായി ഉപയോഗിക്കുന്ന ചില തരം പ്ലാസ്റ്ററിംഗുകൾ നോക്കാം.
സിമന്‍റ് റെൻഡറിംഗ് എന്ന് വിളിക്കപ്പെടുന്ന സിമന്‍റ് പ്ലാസ്റ്ററിംഗിൽ സിമന്‍റ്, മണൽ, വെള്ളം എന്നിവ അടങ്ങിയ മിശ്രിതം ആണ് പ്രയോഗിക്കുന്നത്. ഈ സാങ്കേതികവിദ്യ കാലാവസ്ഥയ്ക്കും പാരിസ്ഥിതിക സാഹചര്യങ്ങൾക്കും പ്രതിരോധശേഷിയുള്ള ശക്തവും ഈടുറ്റതുമായ ഉപരിതലം നൽകുന്നു. കാലാവസ്ഥാ ഘടകങ്ങളില്‍ നിന്ന് പ്രതലങ്ങളെ പരിരക്ഷിക്കുന്നതിന് ഇത് സാധാരണയായി ബാഹ്യഭാഗങ്ങളിൽ ഉപയോഗിക്കുന്നു, കൂടാതെ അതിന്റെ വൈവിധ്യം വിവിധ ടെക്സ്ചറുകൾ, ഫിനിഷുകൾ എന്നിവ സൃഷ്ടിക്കാനും അനുവദിക്കുന്നു.
ജിപ്സം പ്ലാസ്റ്ററിംഗ്, പ്ലാസ്റ്റർ ഓഫ് പാരീസ് എന്നും അറിയപ്പെടുന്നു, ഇത് ഇന്‍റീരിയർ പ്രതലങ്ങളിൽ ഉപയോഗിക്കാവുന്ന ഒരു ജനപ്രിയ തിരഞ്ഞെടുപ്പാണ്. ജിപ്സം പ്രകൃതിദത്തമായ ഒരു ധാതുവാണ്, അത് വെള്ളവുമായി കലർത്തുമ്പോൾ മിനുസമാർന്ന പേസ്റ്റായി മാറുന്നു, അത് പെട്ടെന്ന് ഉണങ്ങുകയും വൃത്തിയുള്ളതും മിനുക്കിയതുമായ രൂപം നൽകുകയം ചെയ്യുന്നു. ഇത്തരത്തിലുള്ള പ്ലാസ്റ്ററിംഗ് അഗ്നി പ്രതിരോധശേഷിക്ക് പേരുകേട്ടതാണ്.വൃത്തിയും ശുചിത്വവും മുൻഗണന നൽകുന്ന ഇടങ്ങളിൽ ഇത് പലപ്പോഴും ഉപയോഗിക്കുന്നു.
വൈക്കോൽ അല്ലെങ്കിൽ ചാണകം പോലുള്ള പ്രകൃതിദത്ത വസ്തുക്കളുമായി പ്രാദേശികമായി ലഭിക്കുന്ന ചെളി കലർത്തി ഉപയോഗിക്കുന്നത് പുരാതനമായ ഒരു സാങ്കേതികതയാണ് മഡ് പ്ലാസ്റ്ററിംഗ്. പരമ്പരാഗതവും സുസ്ഥിരവുമായ നിർമ്മാണ രീതികൾക്ക് അനുയോജ്യമാക്കുന്ന, മികച്ച താപ പ്രതിരോധവും ശ്വസനക്ഷമതയും പ്രദാനം ചെയ്യുന്ന ഒരു പരിസ്ഥിതി സൗഹൃദ സമീപനമാണിത്.
ലൈം പ്ലാസ്റ്ററിംഗില്‍ ഒട്ടിപിടിത്തത്തിനുള്ള പ്രാഥമിക മെറ്റീരിയലായി കുമ്മായം ഉപയോഗിക്കുന്നു. ഇത് നൂറ്റാണ്ടുകളായി ഉപയോഗിച്ചുവരുന്നു, കൂടാതെ ശ്വസനക്ഷമതക്കും വഴക്കത്തിനും പേരുകേട്ടതാണ്, ഇത് സ്ട്രക്ചറിനെ മാറുന്ന സാഹചര്യങ്ങളുമായി പൊരുത്തപ്പെടാൻ അനുവദിക്കുന്നു. ഘടനയുടെ ആധികാരികത സംരക്ഷിക്കുന്നത് പരമപ്രധാനമായി കണക്കാക്കപ്പെടുന്ന ചരിത്രപരമായ കെട്ടിടങ്ങളിലും പുനരുദ്ധാരണ പദ്ധതികളിലും ലൈം പ്ലാസ്റ്റർ പലപ്പോഴും ഉപയോഗിക്കപ്പടുന്നു
വാട്ടർപ്രൂഫ് പ്ലാസ്റ്റർ, പേര് സൂചിപ്പിക്കുന്നത് പോലെ, വെള്ളവും ഈർപ്പവും അകറ്റാൻ രൂപകൽപ്പന ചെയ്തിട്ടുള്ളതാണ്. ബാത്ത്റൂമുകളും ബേസ്മെന്‍റുകളും പോലുള്ള ഈർപ്പ സാധ്യതയുള്ള സ്ഥലങ്ങളിൽ ഇത് ഒരു നിർണായക തിരഞ്ഞെടുപ്പാണ്. ഇത്തരത്തിലുള്ള പ്ലാസ്റ്ററിംഗിൽ ജല പ്രതിരോധം വർദ്ധിപ്പിക്കുന്ന അഡിറ്റീവുകൾ ചേര്‍ക്കുന്നു, ഇത് ജലം മൂലമുള്ള കേടുപാടുകൾ തടയുന്നതിനും പൂപ്പൽ വളർച്ചയ്ക്കും ഫലപ്രദമായ പരിഹാരമാക്കി മാറ്റുന്നു.
വിവിധ തരത്തിലുള്ള പ്ലാസ്റ്ററിംഗുകൾ നിർമ്മാണത്തിൽ നിരവധി ആവശ്യങ്ങൾ നിറവേറ്റുന്നു, എല്ലാം ഘടനകളുടെ മൊത്തത്തിലുള്ള പ്രവർത്തനക്ഷമത, സൗന്ദര്യം, ഈട് എന്നിവയ്ക്ക് സംഭാവന നൽകുന്നു. നിർമ്മാണ പ്രക്രിയയിൽ പ്ലാസ്റ്ററിംഗ് ഒരു അനിവാര്യമായ ഘട്ടമാകുന്നതിന്‍റെ ചില പ്രധാന കാരണങ്ങൾ നമുക്ക് പരിശോധിക്കാം.
ഇഷ്ടിക കല്‍പണികൾക്കും മറ്റ് നിർമ്മാണ സാമഗ്രികൾക്കും പ്ലാസ്റ്ററിംഗ് ഒരു സംരക്ഷണ കവചമായി പ്രവർത്തിക്കുന്നു. ആഘാതം, കാലാവസ്ഥ, താപനില മാറ്റങ്ങൾ തുടങ്ങിയ ബാഹ്യശക്തികളോടുള്ള അവരുടെ പ്രതിരോധം വർദ്ധിപ്പിക്കുന്നു. കല്‍പണിയുടെ ഘടനാപരമായ കെട്ടുറപ്പ് ശക്തിപ്പെടുത്തുന്നതിലൂടെ, പ്ലാസ്റ്ററിംഗ് മുഴുവൻ നിർമ്മാണത്തിന്‍റെയും ഈട് വര്‍ദ്ധിപ്പിക്കുന്നു.
പെയിന്‍റിംഗിനും മറ്റ് അലങ്കാര ജോലികള്‍ക്കും അനുയോജ്യമായ മിനുസമാർന്നതും നിരപ്പായതുമായ ഉപരിതലം നൽകുക എന്നതാണ് പ്ലാസ്റ്ററിംഗിന്‍റെ പ്രാഥമിക പ്രവർത്തനങ്ങളിലൊന്ന്. പ്ലാസ്റ്ററിംഗ് ഇല്ലെങ്കില്‍ അസമമായ പ്രതലങ്ങളും അപൂർണതകളും കൂടുതൽ ദൃശ്യമാകും, ഇത് ഒരു മോശം ഫിനിഷിന് കാരണമാകും.
മഴ, കാറ്റ്, സൂര്യപ്രകാശം തുടങ്ങിയ ബാഹ്യ ഘടകങ്ങളുമായി സമ്പർക്കം പുലർത്തുന്നത് ഉപരിതലത്തിലെ നിർമ്മാണ സാമഗ്രികളെ ക്രമേണ നശിപ്പിക്കും. ഈ അന്തരീക്ഷ ആക്രമണങ്ങളിൽ നിന്ന് അടിസ്ഥാന ഘടനയെ സംരക്ഷിക്കുന്ന ഒരു തടസ്സം പ്ലാസ്റ്ററിംഗ് സൃഷ്ടിക്കുന്നു, കാലങ്ങളോളം അതിന്റെ ഗുണനിലവാരവും രൂപവും സംരക്ഷിക്കുന്നു.
ഈർപ്പം തുളച്ചുകയറുന്നത് പൂപ്പൽ വളർച്ച, വസ്തുക്കളുടെ അപചയം, ഘടനാപരമായ അസ്ഥിരത എന്നിവയുൾപ്പെടെ വിവിധ പ്രശ്നങ്ങഴക്ക് കാരണമാകാം. പ്ലാസ്റ്ററിംഗ്, പ്രത്യേകിച്ച് വാട്ടർപ്രൂഫിംഗ് ടെക്നിക്കുകളുമായി സംയോജിപ്പിക്കുമ്പോൾ, ഈർപ്പം ഭിത്തിക്കുള്ളിലേക്കും മേൽക്കൂരക്കുള്ളിലേക്കും ഒഴുകുന്നത് തടയുകയും ഘടനയുടെ കെട്ടുറപ്പ് സംരക്ഷിക്കുകയും ചെയ്യുന്നു.
ഇന്‍റീരിയർ, എക്സ്റ്റീരിയർ എന്നിവയുടെ ദൃശ്യ ആകർഷണീയത വർദ്ധിപ്പിക്കുന്നതിൽ പ്ലാസ്റ്ററിംഗ് നിർണായക പങ്ക് വഹിക്കുന്നു. ഇത് പരുക്കനും അസമവുമായ പ്രതലങ്ങളെ മിനുസമുള്ള പ്രതലങ്ങളാക്കി മാറ്റുന്നു, അത് തിളങ്ങുന്ന പെയിന്‍റുകൾ മുതല്‍ മനോഹരമായ വാൾപേപ്പറുകള്‍ വരെ ഉപയോഗിച്ച് മനോഹരമാക്കാന്‍ അനുവദിക്കുന്നു..
നമ്മള്‍ ഇവിടെ കണ്ടതുപോലെ, ഒരു പ്രോജക്റ്റിന്‍റെ പ്രത്യേക ആവശ്യങ്ങളും മുൻഗണനകളും നിറവേറ്റുന്നതിനായി വിവിധ തരം പ്ലാസ്റ്ററിങ്ങുകൾ ഉപയോഗിക്കാവുന്നതാണ്. പ്ലാസ്റ്ററിംഗ് പ്രക്രിയയെക്കുറിച്ചുള്ള നിങ്ങളുടെ ധാരണ കൂടുതൽ മെച്ചപ്പെടുത്തുന്നതിന്, YouTube-ൽ ഒരു ചുമര്‍ എങ്ങനെ പ്ലാസ്റ്റർ ചെയ്യാം എന്ന വിജ്ഞാനപ്രദമായ വീഡിയോ കാണാൻ നിങ്ങളോട് അഭ്യര്‍ത്ഥിക്കുന്നു. ആധുനിക നിർമ്മാണ പ്രോജക്റ്റുകളിൽ തുടരുന്ന ആവശ്യമായ ഈ സാങ്കേതികതയെക്കുറിച്ച് നിങ്ങൾക്ക് മികച്ച കാഴ്ചപ്പാട് ലഭിക്കും.
ലൈം പ്ലാസ്റ്റര്‍ ഉണങ്ങുമ്പോൾ ചുരുങ്ങൽ കാരണം നേര്‍ത്ത വിള്ളലുകൾ കാണിക്കും. എന്നിരുന്നാലും, ഇവ മിക്കവാറും പ്രതലത്തില്‍ മാത്രം ഉണ്ടാകുന്നതാകയാല്‍ എളുപ്പത്തിൽ നന്നാക്കാൻ കഴിയും.
പ്ലാസ്റ്ററിംഗിന് ശേഷം, ചുവരുകൾ പൂർണ്ണമായും ഉണങ്ങാൻ അനുവദിക്കുന്നു. ഉണങ്ങിക്കഴിഞ്ഞാൽ, പെയിന്‍റിംഗ് അല്ലെങ്കിൽ വാൾപേപ്പറിംഗിന് നടത്തുന്നതിനുള്ള സുഗമമായ ഫിനിഷിംഗ് ഉറപ്പാക്കാൻ സാന്‍ഡ് പേപ്പര്‍ കൊണ്ട് ഉരച്ച് ലെവല്‍ ചെയ്യുന്നു.
ഉപയോഗിക്കുന്ന പ്ലാസ്റ്ററിന്‍റെ തരം അനുസരിച്ച് ക്യൂറിംഗ് ദിവസങ്ങൾ വ്യത്യാസപ്പെടാം. സാധാരണയായി, സിമന്‍റ് പ്ലാസ്റ്ററിനായി, പ്ലാസ്റ്ററിംഗിന്‍റെ അടുത്ത ദിവസം മുതൽ ക്യൂറിംഗ് ആരംഭിക്കുകയും കുറഞ്ഞത് 7 ദിവസമെങ്കിലും തുടരുകയും വേണം.
അതെ, പ്ലാസ്റ്ററിംഗിന് ശേഷം നിങ്ങൾക്ക് ചുമരുകള്‍ പെയിന്‍റ് ചെയ്യാം. പക്ഷേ പ്ലാസ്റ്റർ പൂർണ്ണമായും ഉണങ്ങിയെന്ന് ഉറപ്പാക്കണം പ്ലാസ്റ്റർ പൂർണ്ണമായും ഉണങ്ങിക്കഴിഞ്ഞാൽ, പ്ലാസ്റ്റർ സീല്‍ ചെയ്യുന്നതിനും പെയിന്‍റ് മതിലിലേക്ക് ആഗിരണം ചെയ്യപ്പെടാതിരിക്കുന്നതിനും ഒരു പ്രൈമിംഗ് പെയിന്‍റ് പ്രയോഗിക്കാൻ ശുപാർശ ചെയ്യുന്നു.
ഇന്‍റീരിയർ ഭിത്തികൾക്ക് 1 ഭാഗം സിമന്‍റിന് 6 ഭാഗങ്ങൾ മണൽ ആണ് സാധാരണ പ്ലാസ്റ്ററിംഗ് മിക്സ് അനുപാതം, പുറം ഭിത്തികൾ അല്ലെങ്കിൽ ഈർപ്പം തട്ടുന്ന പ്രതലങ്ങളിൽ, 1 ഭാഗം സിമന്‍റ്, 4 ഭാഗങ്ങൾ മണൽ എന്ന അനുപാതം ഉപയോഗിക്കുന്നു. എന്നിരുന്നാലും, നിർദ്ദിഷ്ട ആവശ്യകതകളെ അടിസ്ഥാനമാക്കി ഇത് മാറാം.
