കോൺക്രീറ്റ് ക്യൂറിംഗ് സംയുക്തം - ഗൈഡ്, തരങ്ങൾ, പ്രയോഗിക്കലും ഉപയോഗങ്ങളും

പ്രധാന കണ്ടെത്തലുകൾ

• കോൺക്രീറ്റിന്റെ നനവ് നിലനിർത്തുന്നതിനും ശരിയായ ക്യൂറിംഗും ഈടുനിൽപ്പും ഉറപ്പാക്കുന്നതിനും കോൺക്രീറ്റ് ക്യൂറിംഗ് സംയുക്തങ്ങൾ പ്രധാനമാണ്.

• വ്യത്യസ്ത തരം കോൺക്രീറ്റ് ക്യൂറിംഗ് സംയുക്തങ്ങൾ നിർദ്ദിഷ്ട ആവശ്യങ്ങൾ നിറവേറ്റുന്നു, വർദ്ധിച്ച കെട്ടുറപ്പ്, പാരിസ്ഥിതിക പ്രതിരോധം തുടങ്ങിയ പ്രയോജനങ്ങൾ ഉറപ്പുതരുന്നു.

• ഈ സംയുക്തങ്ങളിലൂടെ കൈകവരിച്ച ശരിയായ ക്യൂറിംഗ്, ആഗ്രഹിക്കുന്നതുപോലുള്ള കോൺക്രീറ്റ് ബലവും ഈടും നേടുന്നതിൽ പ്രധാന പങ്ക് വഹിക്കുന്നു.

• കോൺക്രീറ്റ് കെട്ടിടങ്ങൾ വളരെക്കാലം നിലനിൽക്കുന്നുവെന്ന് ഉറപ്പാക്കുന്നതിന് ഈ സംയുക്തങ്ങൾ ശരിയായി പ്രയോഗിക്കുന്നത് പ്രധാനമാണ്.

• വലിയ പദ്ധതികൾക്കോ വെള്ളത്തിന് ബുദ്ധിമുട്ടുള്ള സ്ഥലങ്ങളിലോ അവ പ്രത്യേകിച്ചും ഉപയോഗപ്രദമാണ്, ഇത് നിർമ്മാണ പ്രക്രിയ വേഗത്തിലാക്കുകയും പാഴാകൽ കുറയ്ക്കാൻ സഹായിക്കുകയും ചെയ്യുന്നു.

കോൺക്രീറ്റ് ക്യൂറിംഗ് സംയുക്തങ്ങൾ എന്താണ്?

ഈർപ്പം നിലനിർത്തുന്നതിനും ശരിയായ ക്യൂറിംഗ് സുഗമമാക്കുന്നതിനും പുതുതായി ഇട്ട കോൺക്രീറ്റിന്റെ ഉപരിതലത്തിൽ പ്രയോഗിക്കുന്ന പ്രത്യേകം രൂപകൽപ്പന ചെയ്ത വസ്തുക്കളാണ് ക്യൂറിംഗ് സംയുക്തങ്ങൾ. ചിലപ്പോൾ കോൺക്രീറ്റ് ക്യൂറിംഗ് ഏജന്റുകൾ എന്നറിയപ്പെടുന്ന ഈ സംയുക്തങ്ങൾ കോൺക്രീറ്റിന്റെ ഉപരിതലത്തിൽ നിന്ന് ദ്രുതഗതിയിൽ ഈർപ്പം നഷ്ടപ്പെടാതിരിക്കാൻ സഹായിക്കുന്ന ഒരു പ്രതിരോധം സൃഷ്ടിക്കുന്നു, ഇത് ക്രമേണ ജലാംശം നിലനിർത്താനും കോൺക്രീറ്റ് ഇട്ട ഭാഗം ബലപ്പെടാനും അനുവദിക്കുന്നു.

എന്തുകൊണ്ടാണ് ക്യൂറിംഗ് വളരെ പ്രധാനമായിരിക്കുന്നത്?

കോൺക്രീറ്റിന് ആവശ്യമായ ഉറപ്പ്, ഈടുനിൽപ്പ്, പ്രതിരോധ ഗുണങ്ങൾ എന്നിവ കൈവരിക്കുന്നതിന് ശരിയായ ക്യൂറിംഗ് അത്യന്താപേക്ഷിതമാണ്. ജലാംശം നഷ്ടപ്പെടാതിരിക്കുന്നതിനും ശക്തമായ കോൺക്രീറ്റ് മാട്രിക്സിന്റെ രൂപീകരണത്തിനും അനുയോജ്യമായ ഈർപ്പവും ചൂടും നിലനിർത്തുന്നത് ക്യൂറിംഗിൽ ഉൾപ്പെടുന്നു. ഈ പ്രക്രിയ സിമെൻറ് കണങ്ങളെ പരസ്പരം ബന്ധിപ്പിക്കാനും ഒന്നിച്ചുചേർക്കാനും അനുവദിക്കുന്നു, അതിന്റെ ഫലമായി സാന്ദ്രതയുള്ളതും ഈടുള്ളതുമായ കോൺക്രീറ്റ് സ്ട്രക്ചർ രൂപപ്പെടുന്നു. ക്യൂറിംഗ് സമയത്ത്, ഹൈഡ്രേഷൻ പ്രക്രിയ തുടരുന്നു, ഇത് കോൺക്രീറ്റിനെ അതിന്റെ പൂർണ്ണ ശേഷിയിലെത്താൻ സഹായിക്കുന്നു. കോൺക്രീറ്റ് ക്യൂറിംഗ് സംയുക്തങ്ങളാൽ മതിയായ ക്യൂറിംഗ് നടക്കാത്തപക്ഷം, വിള്ളൽ, ചുരുങ്ങൽ, കുറഞ്ഞ സ്ഥിരത എന്നിവയ്ക്ക് കോൺക്രീറ്റ് വിധേയമായേക്കാം, ഇത് കാലക്രമേണ കെട്ടിടത്തിന്റെ കെട്ടുറപ്പിന് ക്ഷതമേൽപ്പിച്ചേക്കാം.

കോൺക്രീറ്റ് ക്യൂറിംഗ് സംയുക്തങ്ങളുടെ തരങ്ങൾ

1) ക്രിത്രിമ പശ ഉപയോഗിച്ചുള്ള സംയുക്തം

എപ്പോക്സി അല്ലെങ്കിൽ പോളിയൂറിത്തീൻ പോലുള്ള ക്രിത്രിമ പശകൾ ഉപയോഗിച്ചാണ് ഈ സംയുക്തങ്ങൾ ഉണ്ടാക്കുന്നത്  ഈ സംയുക്തങ്ങൾ കോൺക്രീറ്റിന്റെ ഉപരിതലത്തിൽ ഒരു നേർത്ത പടലം സൃഷ്ടിക്കുന്നു, ഇത് ക്യൂറിംഗ് പ്രക്രിയയിൽ ഈർപ്പം നഷ്ടപ്പെടാതിരിക്കാൻ ഒരു പ്രതിരോധം നൽകുന്നു.

പ്രയോജനങ്ങൾ:

• ശരിയായ ക്യൂറിംഗിനായി മികച്ച തോതിൽ ഈർപ്പം നിലനിർത്തുന്നു.

• കോൺക്രീറ്റിന് ഈടും ഉരസൽ, രാസവസ്തുക്കൾ എന്നിവയ്ക്കെതിരെ പ്രതിരോധവും വർദ്ധിപ്പിക്കുന്നു.

• അൾട്രാവയലറ്റ് പ്രതിരോധം സഹിതം ദീർഘകാല സംരക്ഷണം പ്രദാനം ചെയ്യുന്നു.

• കോൺക്രീറ്റ് പ്രതലങ്ങളിൽ ശക്തമായ ഒട്ടിപ്പിടിക്കൽ ഉറപ്പാക്കുന്നു, ദീർഘ കാലം നിലനിൽക്കുകയും ചെയ്യുന്നു.

2) അക്രിലിക് സംയുക്തം

അക്രിലിക് പോളിമറുകൾ അടങ്ങിയിരിക്കുന്ന ജലത്തെ അടിസ്ഥാനമാക്കിയുള്ള ക്യൂറിംഗ് സംയുക്തങ്ങളാണ് അക്രിലിക് സംയുക്തങ്ങൾ. ഒരു തരം കോൺക്രീറ്റ് ക്യൂറിംഗ് സംയുക്തമായ ഇത്, കോൺക്രീറ്റ് ഉപരിതലത്തിൽ നേർത്ത പടലം സൃഷ്ടിക്കുന്നു, ഇത് ക്യൂറിംഗ് പ്രക്രിയയിൽ ഈർപ്പം നിലനിർത്തുകയും സംരക്ഷണം നൽകുകയും ചെയ്യുന്നു.

പ്രയോജനങ്ങൾ:

• ജലാംശം നിലനിർത്തിക്കൊണ്ട് ക്രമാനുഗതമായി ഈർപ്പം പുറത്ത് പോകാൻ അനുവദിക്കുന്നതിലൂടെ ശരിയായ ക്യൂറിംഗ് എളുപ്പമാക്കുന്നു.

• വേഗത്തിൽ ഉണങ്ങാൻ സഹായിക്കുന്നു, അൾട്രാവയലറ്റ് പ്രതിരോധവും പ്രദാനം ചെയ്യുന്നു.

• തെളിഞ്ഞ, മാറ്റ് ഫിനിഷ് സഹിതം കോൺക്രീറ്റിന്റെ രൂപഭാവം വർദ്ധിപ്പിക്കുന്നു.

• വിവിധ തരം കോൺക്രീറ്റുകൾക്ക് നല്ല പിടിത്തവും ഈടും നൽകുന്നു.

3) മെഴുക് സംയുക്തം

ലായകങ്ങളിൽ ലയിപ്പിച്ച മെഴുക് അധിഷ്ഠിത വസ്തുക്കൾ അടങ്ങിയതാണ് മെഴുക് സംയുക്തങ്ങൾ. കോൺക്രീറ്റ് പ്രതലത്തിൽ പ്രയോഗിക്കുമ്പോൾ, അവ നേർത്ത ഒരു മെഴുക് പടലം സൃഷ്ടിക്കുന്നു, അത് ജലാംശം പുറത്ത് പോകാതെ തടയുകയും ക്യൂറിംഗ് പ്രക്രിയയിൽ സഹായിക്കുകയും ചെയ്യുന്നു.

പ്രയോജനങ്ങൾ:

• ജലാംശം പുറത്ത് പോകാതെ ഒരു പ്രതിരോധമായി പ്രവർത്തിക്കുന്നു, ദ്രുതഗതിയിൽ ജലാംശം വലിഞ്ഞുപോകുന്നതിനെ തടയുകയും വിള്ളലിനും ചുരുങ്ങലിനും ഉള്ള സാധ്യത കുറയ്ക്കുകയും ചെയ്യുന്നു.

• തിളക്കമുള്ള ഫിനിഷിംഗ് സഹിതം കോൺക്രീറ്റിന്റെ രൂപഭാവം വർദ്ധിപ്പിക്കുന്നു.

• കോൺക്രീറ്റ് മോടിപിടിപ്പിക്കാനും വാസ്തുവിദ്യാ ഫിനിഷുകൾക്കും അനുയോജ്യമാണ്.

• ഉരസൽ, തേയ്മാനം എന്നിവയ്ക്ക് എതിരെ മിതമായചെറിയ തോതിൽ സംരക്ഷണം നൽകുന്നു.

4) ക്ലോറിൻ ചേർത്ത റബ്ബർ സംയുക്തം

ക്ലോറിൻ ചേർത്ത റബ്ബർ പശകൾ അടങ്ങിയ ലായക അധിഷ്ഠിത ക്യൂറിംഗ് സംയുക്തങ്ങളാണ് ക്ലോറിനേറ്റഡ് റബ്ബർ സംയുക്തങ്ങൾ. അവ കോൺക്രീറ്റിന്റെ ഉപരിതലത്തിൽ സ്ഥിരതയുള്ള ഒരു പടലം രൂപീകരിക്കുന്നു, ഇത് ക്യൂറിംഗിന്റെ സമയത്ത് സംരക്ഷണം നൽകുന്നു, ഈർപ്പം നിലനിർത്താനും സഹായിക്കുന്നു.

പ്രയോജനങ്ങൾ:

• ഒരു വാട്ടർപ്രൂഫ് പ്രതിരോധം സൃഷ്ടിക്കുന്നു, ഇത് ക്യൂറിംഗിന്റെ സമയത്ത് ജലാംശം

•  നഷ്ടപ്പെടാതിരിക്കാനും സഹായിക്കുന്നു.

• വളരെ നന്നായി ഒട്ടിപ്പിടിക്കുന്നു, ഈട് വർദ്ധിപ്പിക്കുന്നു, ഉരസലിനെ പ്രതിരോധിക്കുന്നു

• പുറമേയുള്ള ഉപയോഗങ്ങൾക്കും കടുത്ത പരിസ്ഥിതികൾക്കും അനുയോജ്യമാണ്.

• ശരിയായ ഉപരിതല പാകപ്പെടുത്തൽ സഹിതം ദീർഘകാല സംരക്ഷണം നൽകുന്നു.

5) സെൽഫ് ക്യൂറിംഗ് സംയുക്തം

അകത്തെ ക്യൂറിംഗ് ഏജന്റുകൾ എന്നും അറിയപ്പെടുന്നു, സെൽഫ് ക്യൂറിംഗ് സംയുക്തങ്ങൾ ക്രമേണ വെള്ളം പുറത്തുവിടുന്നു, ഇത് കോൺക്രീറ്റിന് തടസ്സമില്ലാതെ നനവ് കൊടുക്കുന്നു. പേര് സൂചിപ്പിക്കുന്നത് പോലെ, ഈ കോൺക്രീറ്റ് ക്യൂറിംഗ് ഏജന്റുകൾ കോൺക്രീറ്റിന്റെ ഉള്ളിൽ നിന്നുതന്നെ ക്യൂറിംഗ് പ്രക്രിയയെ സഹായിക്കുന്നു, ഇത് ഒരേപോലെ കൂടുതൽ സ്ഥിരതയുള്ള ക്യൂറിംഗ് നൽകുന്നു.

പ്രയോജനങ്ങൾ:

• കോൺക്രീറ്റിലുടനീളം ജലാംശം ഉറപ്പാക്കുകയും ഉപരിതലം വിള്ളാനുള്ള സാധ്യത കുറയ്ക്കുകയും ചെയ്യുന്നു.

• വരണ്ട പ്രദേശങ്ങളിലോ വെള്ളത്തിന് നിയന്ത്രണമുള്ള സമയങ്ങളിലോ നടത്തുന്ന നിർമ്മാണത്തിന് പ്രയോജനം ചെയ്യുന്നു, ക്യൂറിംഗിനായി പുറത്തുനിന്ന് വെള്ളം കൊണ്ടുവരേണ്ടതിന്റെ ആവശ്യം കുറയ്ക്കുന്നു, 

• പുറത്ത് നിന്നുള്ള ക്യൂറിംഗ് ബുദ്ധിമുട്ടായിരിക്കുന്ന കെട്ടിടങ്ങളിൽ പ്രയോഗിക്കാൻ അനുയോജ്യമാണ്.

കോൺക്രീറ്റ് ക്യൂറിംഗ് സംയുക്തങ്ങളുടെ പ്രയോഗം

1) ഉപയോഗത്തിനായി പാകപ്പെടുത്തുന്നു

a) ഉപരിതലം പാകപ്പെടുത്തൽ

ക്യൂറിംഗ് സംയുക്തങ്ങളുടെ ഉപയോഗത്തിൽ ശരിയായ ഉപരിതല പാകപ്പെടുത്തൽ പ്രധാനമാണ്. കോൺക്രീറ്റിന്റെ ഉപരിതലം പൂർണ്ണമായും വൃത്തിയുള്ളതും പൊടി, അഴുക്ക് അല്ലെങ്കിൽ സംയുക്തത്തിന്റെ ഉപയോഗത്തെയും ഫലപ്രാപ്തിയെയും തടസ്സപ്പെടുത്താൻ സാധ്യതയുള്ള ഏതെങ്കിലും അവശിഷ്ടങ്ങൾ എന്നിവ ഇല്ലെന്ന് ഉറപ്പാക്കുക.

b) താപനിലയും പാരിസ്ഥിതിക പരിഗണനകളും

മിതമായ ചൂടിലും ആപേക്ഷിക നനവിലും കോൺക്രീറ്റ് ക്യൂറിംഗ് സംയുക്തങ്ങൾ പ്രയോഗിക്കണം. തീവ്രമായ കാലാവസ്ഥാ സാഹചര്യങ്ങളിൽ ഉപയോഗിക്കുന്നത് ഉചിതമല്ല, ഫലപ്രാപ്തി കുറയാനും ഇത് കാരണമായേക്കാം. പാരിസ്ഥിതിക അവസ്ഥകളുമായി ബന്ധപ്പെട്ട കൂടുതൽ നിർദ്ദിഷ്ട വിവരങ്ങൾക്കായി നിർമ്മാതാവിന്റെ നിർദ്ദേശങ്ങൾ ഉറപ്പായും പരിശോധിക്കുക.

c) ആവശ്യമായ ഉപകരണങ്ങൾ

സാധാരണയായി, ക്യൂറിംഗ് സംയുക്തങ്ങളുടെ ഉപയോഗത്തിനായി ഒരു സ്പ്രേയർ ഉപയോഗിക്കുന്നു. സ്പ്രേയർ വൃത്തിയുള്ളതാണെന്നും നോസൽ ഒരുപോലെയുള്ള ഉപയോഗത്തിനായി ശരിയായി ക്രമീകരിച്ചിട്ടുണ്ടെന്നും ഉറപ്പാക്കുക. ചില സംയുക്തങ്ങൾ ഉപയോഗിക്കാനായി കൂടുതലായ ഉപകരണങ്ങൾ വേണ്ടി വന്നേക്കാം; എല്ലായ്പ്പോഴും ഉൽപ്പന്ന സവിശേഷതകൾ നോക്കുക.

2) കോൺക്രീറ്റ് ക്യൂറിംഗ് സംയുക്തങ്ങൾ പ്രയോഗിക്കുന്നതിനുള്ള പടികൾ

1) തുടങ്ങുന്നതിന് മുമ്പ് അനുയോജ്യമായ വ്യക്തിഗത സംരക്ഷണ ഉപകരണങ്ങൾ (PPE) ധരിച്ചിട്ടുണ്ടെന്ന് ഉറപ്പാക്കുക.

2) മുകളിൽ സൂചിപ്പിച്ചതുപോലെ കോൺക്രീറ്റിന്റെ ഉപരിതലം പാകപ്പെടുത്തുക.

3) ക്യൂറിംഗ് സംയുക്തം സ്പ്രേയറിൽ നിറയ്ക്കുക.

4) മിനുസമുള്ള, ഒരേപോലെയുള്ള കോട്ടാണെന്ന് ഉറപ്പാക്കിക്കൊണ്ട് ഉപയോഗിച്ച് തുടങ്ങുക. ഒരു സ്ഥലം പോലും ഒഴിവാകാതിരിക്കാൻ സ്പ്രേയർ വേണ്ട രീതിയിൽ ഉപയോഗിക്കുക.

5) നിർമ്മാതാവിന്റെ നിർദ്ദേശങ്ങളെ അടിസ്ഥാനമാക്കി ക്യൂറിംഗ് സംയുക്തം ഉണങ്ങാൻ അനുവദിക്കുക.

3) സുരക്ഷാ മുൻകരുതലുകൾ

ഈ കോൺക്രീറ്റ് ക്യൂറിംഗ് പാളികൾ കൈകാര്യം ചെയ്യുമ്പോഴും ഉപയോഗിക്കുമ്പോഴും കയ്യുറകളും കണ്ണിന് സംരക്ഷണം തരുന്നതുപോലുള്ള അനുയോജ്യമായ PPE-യും എല്ലായ്പ്പോഴും ഉപയോഗിക്കുക. അവ സുരക്ഷിതമായി സൂക്ഷിക്കുക, കുട്ടികളുടെ എത്തുപാടിൽ വെക്കാതിരിക്കുക, പ്രാദേശിക ചട്ടങ്ങൾ അനുസരിച്ച് മാലിന്യങ്ങൾ നീക്കം ചെയ്യുക.

കോൺക്രീറ്റ് ക്യൂറിംഗ് സംയുക്തങ്ങളുടെ ഉപയോഗങ്ങൾ

കോൺക്രീറ്റ് കെട്ടിടങ്ങളുടെ ശരിയായ ക്യൂറിംഗ് ഉറപ്പാക്കുന്നതിന് വിവിധ നിർമ്മാണ സാഹചര്യങ്ങളിൽ കോൺക്രീറ്റ് ക്യൂറിംഗ് സംയുക്തങ്ങൾ ഉപയോഗിക്കുന്നു ചില പ്രാഥമിക ഉപയോഗങ്ങൾ ചുവടെ കൊടുക്കുന്നു:

1) ജലാംശം നിലനിർത്തുക

നിർണായക ക്യൂറിംഗ് ഘട്ടത്തിൽ കോൺക്രീറ്റിൽ ജലാംശം നിലനിർത്തുക എന്നതാണ് പ്രധാന കാര്യങ്ങളിൽ ഒന്ന്, ഇത് കോൺക്രീറ്റിനെ ശക്തിപ്പെടുത്തുന്ന രാസ ജലാംശ പ്രക്രിയയ്ക്ക് അത്യന്താപേക്ഷിതമാണ്

2) വിള്ളൽ കുറയ്ക്കുക

ദ്രുതഗതിയിൽ ജലാംശം നഷ്ടപ്പെടുന്നത് തടയുന്നതിലൂടെ, ചുരുങ്ങാനും വിള്ളലുകളുണ്ടാകാനും ഉള്ള സാധ്യത കുറയ്ക്കാൻ ക്യൂറിംഗ് സംയുക്തങ്ങൾ സഹായിക്കുന്നു, ഇത് കെട്ടിടത്തിന്റെ ഉറപ്പിനും ഉപരിതലത്തിന്റെ ഭംഗിയ്ക്കും പ്രയോജനം ചെയ്യും.

3) വലിയ ഏരിയകളിൽ പ്രയോഗിക്കൽ

ഹൈവേകൾ, റൺവേകൾ, വ്യാവസായിക ഫ്ലോറിംഗ് എന്നിവ പോലുള്ള, പരമ്പരാഗതമായ ജല ക്യൂറിംഗ് രീതികൾ അപ്രായോഗികമായ വലിയ ഏരിയകളുടെ ക്യൂറിംഗിന് ഇവ പ്രത്യേകിച്ചും പ്രയോജനകരമാണ്.

4) സമയവും തൊഴിൽ കാര്യക്ഷമതയും

അവ വേഗത്തിൽ ഉപയോഗിക്കാമെന്നതിനാൽ പരമ്പരാഗതമായ നനവുള്ള ക്യൂറിംഗ് രീതികളുമായി താരതമ്യപ്പെടുത്തുമ്പോൾ വിവിധ തരത്തിലുള്ള ക്യൂറിംഗ് സംയുക്തങ്ങൾക്ക് നിർമ്മാണ ഷെഡ്യൂളുകൾ ത്വരിതപ്പെടുത്താൻ കഴിയും, ഇതിന് തുടർച്ചയായി വെള്ളം ലഭ്യമാക്കണം, നിരീക്ഷണത്തിന് തൊഴിലാളികളും വേണം.

5) വർദ്ധിച്ച ഈടുനിൽപ്പ്

കോൺക്രീറ്റ് ക്യൂറിംഗ് പാളിയുടെ ശരിയായ പ്രയോഗം കോൺക്രീറ്റിന് കൂടുതൽ ദീർഘകാല ഈടും ഉരസൽ, മഞ്ഞ് ഉരുകിയിട്ട് ഉണ്ടാകുന്ന കേടുപാടുകൾ, അടർന്നുപോകൽ എന്നിവയ്ക്കെതിരെ പ്രതിരോധവും വർദ്ധിപ്പിക്കും.

6) പ്രത്യേക പാരിസ്ഥിതിക സാഹചര്യങ്ങൾ

വെള്ളം വേഗത്തിൽ ബാഷ്പീകരിക്കുന്ന ചൂടുള്ളതും വരണ്ടതുമായ കാലാവസ്ഥയിൽ, അല്ലെങ്കിൽ കോൺക്രീറ്റിന്റെ ജലാംശം നഷ്ടപ്പെട്ടുപോകുന്ന കാറ്റുള്ള സാഹചര്യങ്ങളിൽ, ക്യൂറിംഗ് സംയുക്തങ്ങൾ ഫലപ്രദമായി ജലാംശം നിലനിർത്തുകയും സമയത്തിന് മുമ്പ് വെള്ളം വലിഞ്ഞ് പോകാതിരിക്കാൻ സഹായിക്കുകയും ചെയ്യുന്നു.

7) ചെലവ് കുറവ്

നനവുള്ള ക്യൂറിംഗ് രീതികളുമായി താരതമ്യപ്പെടുത്തുമ്പോൾ ഉപയോഗിക്കുന്ന വെള്ളത്തിന്റെ അളവ് കുറവായതിനാൽ ഇത് സാമ്പത്തിക ലാഭം നൽകുന്നു, ഇത് ജലത്തിന്റെ ഉപയോഗത്തിന് നിയന്ത്രണങ്ങളുള്ള അല്ലെങ്കിൽ പരിമിതമായി മാത്രം വെള്ളം ലഭ്യമാകുന്ന പ്രദേശങ്ങളിൽ പ്രയോജനകരമാണ്.