Share:
கியூரிங் கலவைகள் என்பவை புதிய கான்கிரீட் மேற்பரப்பில் ஈரப்பதத்தைத் தக்கவைக்க பயன்படுத்தப்படும் சிறப்பாக வடிவமைக்கப்பட்ட பொருள் ஆகும். இந்த கலவைகள் 'கான்கிரீட் கியூரிங் ஏஜென்ட்கள் என்றும் அழைக்கப்படுகின்றன. இவை ஈரகாய விடாமல் தடுக்கும் ஒரு தடுப்பினைப் போல செயல்படுகின்றன. இதனால், கான்கிரீட் மெதுவாக ஈரமடைந்து, உறுதிபெறும்.
கான்கிரீட்டிற்கான உறுதி, நீடித்த தன்மை மற்றும் எதிர்ப்புத்திறன் ஆகியவற்றைப் பெறுவதற்கு கியூரிங் உதவுகிறது. கியூரிங்கானது ஈரப்பதம் மற்றும் வெப்பநிலை நிலைகளை பராமரித்து நீரேற்றம் மற்றும் வலுவான கான்கிரீட் அணி உருவாக்கத்தை ஊக்குவிக்கிறது. இந்த செயல்முறையில், சிமெண்ட் துகள்கள் ஒன்றோடொன்று சேர்ந்துகொண்டு, உறுதியான மற்றும் நீடித்த தன்மையுள்ள கட்டமைப்பை உருவாக்குகின்றன. கியூரிங்கின் போது, நீரேற்ற செயல்முறை தொடர்ந்து நடக்கும். இதனால் கான்கிரீட் வலிமையான திறனை அடையும். கான்கிரீட் கியூரிங் கலவையில், போதுமான கியூரிங் வசதி இல்லாமல் இருந்தால் கான்கிரீட்டில் விரிசல், சுருங்குதல் மற்றும் ஆயுள் குறைதல் ஆகியவை ஏற்படும். இது காலப்போக்கில் kஅட்டமைப்புகளில் பாதிப்பை ஏற்படுத்தும்.
எபோக்சி அல்லது பாலியூரிதீன் போன்ற செயற்கை பிசின்களைப் பயன்படுத்தி, செயற்கை பிசின் கலவைகள் உருவாக்கப்படுகின்றன. இந்த கலவைகள் கான்கிரீட்டின் மேற்பரப்பில் ஒரு மெல்லிய படலத்தை உருவாக்குகின்றன. அதனால் கியூரிங் போது ஈரப்பதம் இழக்காமல் இருக்கும்.
அக்ரிலிக் கலவைகள் என்பது அக்ரிலிக் பாலிமர்களைக் கொண்ட நீர் சார்ந்த கியூரிங் கலவைகள் ஆகும். இந்த கலவை கான்கிரீட் மேற்பரப்பில் ஒரு மெல்லிய படலமாக உருவாகி, கியூரிங் முறையின் போது தேவையான ஈரத்தினை தக்கவைக்க உதவுகிறது.
மெழுகு கலவையில், மெழுகு சார்ந்த பொருட்கள், சால்வெண்ட்டில் கரைக்கப்பட்டிருக்கும். கான்கிரீட் மேற்பரப்பில் பயன்படுத்தும்போது, அவை ஒரு மெல்லிய மெழுகுப் படலத்தை உருவாக்குகின்றன. அவை ஈரப்பதத்தை அடைத்து, கியூரிங் செயல்பாட்டிற்கு உதவுகின்றன.
குளோரினேட்டட் ரப்பர் கலவை என்பது குளோரினேட்டட் ரப்பர் ரெசின்கள் கொண்ட சால்வெண்ட் அடிப்படையிலான கியூரிங் கலவைகள் ஆகும். கான்கிரீட் மேற்பரப்பில் நீர்ப்புகாமல் தடுப்புகளை உருவாக்கி, கியூரிங் செயல்பாட்டின்போது ஈரப்பதம் இழப்பதில் இருந்து தடுக்கிறது.
இன்டர்னல் கியூரிங் ஏஜன்ட்ஸ் என்று அழைக்கப்படும், சுய கியூரிங் கலவைகள் நீரைக் கொஞ்சம் கொஞ்சமாக வெளியிட்டு, கான்கிரீட் தேவை இல்லாத ஈரப்பதத்தில் சிக்காதவாறு பாதுகாக்கிறது. பெயர் போலவே, இந்த கான்கிரீட் கியூரிங் ஏஜன்ட்ஸ் கான்கிரீட்டின் உள்ளே இருந்து செயல்பட்டு, சீரான மற்றும் முறையான கியூரிங் செயல்முறையை உறுதிப்படுத்துகிறது.
கான்கிரீட்டின் மேற்பரப்பு முறையாக சுத்தமாக இருக்க வேண்டும். தூசி, அழுக்கு, சிறு துகள்கள் இவை அனைத்தும் கலவையைப் பயன்படுத்துவதிலும் அதன் செயல்திறனிலும் பிரச்சனை ஏற்படுத்தும்.
கான்கிரீட் கியூரிங் கலவைகள் மிதமான வெப்பநிலையில் ஈரப்பதம் இருக்கும் சூழலில் பயன்படுத்தப்பட வேண்டும். வெப்பநிலை அதிகமாகவோ குறைவாகவோ இருக்கும் சூழலில் இத பயன்படுத்தினால், இது தவறானதாக மாறலாம் அல்லது செயல்திறன் குறையலாம். சரியான சுற்றுச்சூழலில் இதை தயாரிக்க உற்பத்தியாளர் வழிகாட்டுதல்களை பின்பற்றவும்.
பொதுவாக, கியூரிங் கலவைகளைப் பயன்படுத்த ஸ்பிரேயர் பயன்படுத்தப்படும். ஸ்பிரேயர் சுத்தமாக இருக்கிறதா, தெளிக்கும் முனை சரியான முறையில் அமைக்கப்பட்டிருக்கிறதா என்பதை ஒரு முறை கவனித்துக் கொள்ளவும். சில கலவைகளுக்கு கூடுதலான கருவிகள் தேவைப்படலாம். தயாரிப்பு விவரங்களைப் பார்த்து அதற்கேற்றவாறு பயன்படுத்தவும்.
தொடங்குவதற்கு முன் சரியான 1)தனிப்பட்ட பாதுகாப்பு உபகரணங்களை (PPE) அணியவும்.
2)மேலே விவரிக்கப்பட்டதுபோல கான்கிரீட்டின் மேற்பரப்பை தயாரிக்கவும்.
3)கியூரிங் கலவையை ஸ்பிரேயரில் நிரப்பவும்.
4) மென்மையான, சமமான அடர்த்தியுடன் தெளிக்க தொடங்கவும். எந்த இடத்தையும் தவறவிடாமல் கியூரிங் கலவை பரவ சரியாக ஸ்ப்ரேயாரை நகற்றி தெளிக்கவும்.
5) உற்பத்தியாளர் வழிகாட்டுதல்களைப் பின்பற்றி கலவையை உலர விடவும்.
இந்த கான்கிரீட் கியூரிங் கலவைகளை கையாளும் போது மற்றும் பயன்படுத்தும் போது சரியான பாதுகாப்பு உபகரணங்கள், கையுறைகள் மற்றும் கண் பாதுகாப்பு கருவிகள் போன்றவற்றைப் பயன்படுத்தவும். குழந்தைகள் எடுக்க முடியாத இடங்களில் பாதுகாப்பாக வைக்கவும். தேவையற்ற பொருட்களை லோக்கல் விதிமுறைகளைப் பின்பற்றி அகற்றிவிடுங்கள்.
கான்கிரீட் கியூரிங் கலவைகள், இந்த கட்டமைப்புக்கு இது தான் சிறந்த கியூரிங் என்று உறுதிப்படுத்துவதற்காக, பல கட்டமைப்பு நிலைகளில் இது பயன்படுத்தப்படுகின்றன. கீழே சில முக்கிய பயன்பாடுகள் கொடுக்கப்பட்டுள்ளன:
அதாவது, கட்டுமானத்தின் முக்கியமான கட்டத்தில், கான்கிரீட்டில் ஈரப்பதத்தைப் பாதுகாப்பது என்பது முக்கிய வேலைகளில் ஒன்றாகும். இது, கான்கிரீட்டின் வலிமையை அதிகரிக்கும்,வேதியியல் நீர்மத்துறை (hydration process) செயல்முறைக்கு மிகவும் முக்கியமாகும்.
ஈரப்பதம் வெகுவாக குறைவதை தடுக்க, கியூரிங் கலவைகள் விரிசல்கலைக் குறைக்க உதவுகின்றன. இதன் மூலம் கட்டமைப்பு மற்றும் மேற்பரப்பின் தோற்றம் பாதிக்கப்படாது.
நெடுஞ்சாலைகள், சாலைகள், தொழிற்சாலை ஃப்லோரிங் போன்றவற்றில், பாரம்பரிய நீர் கியூரிங் முறைகளை நடைமுறைப்படுத்த முடியாது. அப்போது, இந்த கான்கிரீட் கியூரிங் கலவைகள் சிறந்ததாக இருக்கின்றன.
பல்வேறு வகையான கியூரிங் கலவைகள், பாரம்பரியக் கியூரிங் முறைகளுடன் ஒப்பிடும்போது வேகமாகக் கட்டுமான பணிகளை முடிக்க உதவுகின்றன. இதற்குக் காரணம், இவை தண்ணீரை தொடர்ந்து வழங்க வேண்டிய பாரம்பரிய கியூரிங் முறைகளைவிட விரைவில் பயன்படுத்தக்கூடியவையாக இருப்பதுதான். அதனால், உழைப்பு மற்றும் தண்ணீர் மிச்சமாகும்.
கியூரிங் மெம்ப்ரேன் சரியாக பயன்படுத்தப்படுவதால், கான்க்ரீட் அதிக காலம் நீடித்து நிற்கும். மற்றும் விரிசல்கள், உறைபனி, துகள்ச்சி போன்ற சேதங்களையும் எதிர்க்கும் திறன் அதிகம் ஆகும்.
வெப்பமான மற்றும் வறண்ட பகுதிகளில் தண்ணீர் விரைவாக ஆவியாகும். அல்லது காற்று அதிகமாக வீசும் இடங்களில் கான்க்ரீட் வேகமாக வறண்டு விடக்கூடும். இத்தகைய சூழலில் கியூரிங் பொருட்கள் கான்க்ரீட்டின் ஈரப்பதத்தை சரியாக பராமரித்து, முன்கூட்டியே வறண்டுவிடாமல் பாதுகாக்கும்.
வெட்கியூரிங் முறைகளுடன் ஒப்பிடும்போது, இந்த கான்கிரீட் கியூரிங் கலவைகள், தண்ணீரைக் குறைவாகப் பயன்படுத்தி செலவைக் குறைக்கின்றன. இது தண்ணீர் பயன்பாடு குறைந்த இடங்கள் அல்லது தண்ணீர் வரத்துக்கான கட்டுப்பாடுகள் உள்ள பகுதிகளில் மிகவும் பயனுள்ளதாக இருக்கும்.
முடிவாக, சரியான கான்க்ரீட் கியூரிங் கலவையை தேர்வு செய்து, அதை சரியான முறையில் பயன்படுத்தி, சூழல் நிலைகளையும் கவனத்தில் கொண்டு செயல்பட்டால், கியூரிங் மெம்பிரேனின் செயல்முறையை நன்றாக மேம்படுத்த முடியும். இதன் விளைவாக நீண்ட ஆயுளுடனும், சுற்றுச்சூழல் ஆபத்துகளுக்கு எதிர்ப்புடன் கூடிய, தரமான கியூரிங் செய்யப்பட்ட கான்க்ரீட் அமைப்பு கிடைக்கும். இந்த முறைகளைப் பயன்படுத்துவதால் கான்க்ரீட்டின் செயல்திறன் மேம்படுவதோடு, செலவும் குறையும், கட்டுமானம் நீண்ட காலத்திற்கு நிலைத்தும் நிற்கும்.
