ଟାଇଲ୍ ପପିଂର 8 ଟି କାରଣ ଏବଂ ସେଗୁଡ଼ିକର ନିରାକରଣ

ଏହା ମୋ ଘରକୁ ଏକ ଆକର୍ଷଣୀୟ ଏବଂ ସୌନ୍ଦର୍ଯ୍ୟପୂର୍ଣ୍ଣ ରୂପ ପ୍ରଦାନ କରିବ କି?

ଏହା ହେଉଛି ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନ, ଯାହା ଜଣେ ବ୍ୟକ୍ତି ନିଜ ଘର ନିର୍ମାଣ କରିବା ସମୟରେ ପଚାରିଥାଏ ଏବଂ ତା'ର ଉତ୍ତର ଖୋଜେ । ଛାତର ଶୈଳୀ ଏବଂ ଝରକାଠାରୁ ଆରମ୍ଭ କରି କାନ୍ଥ ଟେକ୍ସଚର ଓ ଚଟାଣ ପର୍ଯ୍ୟନ୍ତ, ସଂରଚନାର ପ୍ରତ୍ୟେକ ଦିଗ ଡିଜାଇନ କରାଯାଇଛି ଯେପରି ଚୂଡ଼ାନ୍ତ ଫଳାଫଳ ଦେଖି ମନ ଆନନ୍ଦରେ ନାଚି ଉଠିବ ।

ତଥାପି, ବେଳେବେଳେ ଲୋକମାନେ କେତେକ ଆକର୍ଷଣୀୟ କାମ ବ୍ୟତୀତ ଅନ୍ୟାନ୍ୟ କାରଣ ବିଷୟରେ ଭୁଲିଯାଆନ୍ତି, ଯାହା ଏହି ପ୍ରକ୍ରିୟାରେ ବିଚାର କରାଯିବା ଆବଶ୍ୟକ । ଉଦାହରଣ ସ୍ୱରୂପ, ଟାଇଲ୍ ସଂସ୍ଥାପନ ତା'ର ସ୍ଥାୟିତ୍ଵକୁ ସୁନିଶ୍ଚିତ କରିବା ପାଇଁ ଉପଯୁକ୍ତ ଯତ୍ନ ଏବଂ ଧ୍ୟାନ ଆବଶ୍ୟକ କରେ ।

ସଂସ୍ଥାପନ ସମୟରେ ଏବଂ ପରେ, ସଂସ୍ଥାପନ, ଉତ୍ପାଦର ବ୍ୟବହାର ଏବଂ ଯତ୍ନ ନେବା କ୍ଷେତ୍ରରେ ସଠିକ ପଦ୍ଧତିକୁ ପ୍ରାଥମିକତା ନ ଦେବା, ଟାଇଲରେ ତ୍ରୁଟି ସୃଷ୍ଟି କରିପାରେ । ଏହି ତ୍ରୁଟି ଗୁଡ଼ିକ ମଧ୍ୟରୁ ସବୁଠାରୁ ସାଧାରଣ ହେଉଛି ଟାଇଲ୍ ପପିଂ ।

ଟାଇଲଗୁଡ଼ିକର ପପ୍-ଅପ୍ ହେବାର କାରଣ ।

ବିନା ଚେତାବନୀରେ ଟାଇଲ୍ସ ଫାଟିବା ବା ବଙ୍କା ହେବା ଘରେ ରହୁଥିବା ଲୋକମାନଙ୍କ ସ୍ୱାସ୍ଥ୍ୟ ପ୍ରତି ଏକ ବଡ଼ ବିପଦ ସୃଷ୍ଟି କରିଥାଏ। ତେଣୁ ଟାଇଲଗୁଡ଼ିକର ପପ୍-ଅପ୍ ହେବାର ସମ୍ଭାବ୍ୟ କାରଣ ବୁଝିବା ଆବଶ୍ୟକ: 

1. ଅନୁପଯୁକ୍ତ ସଫେଇ

ଚଟାଣରେ ଟାଇଲଗୁଡ଼ିକ ପକାଇବା ପୂର୍ବରୁ ଉକ୍ତ ଚଟାଣ ତଥା ଟାଇଲଗୁଡ଼ିକୁ ସଫା କରିବା ଜରୁରୀ ଅଟେ । ଏପରି ନ କଲେ ଟାଇଲଗୁଡ଼ିକ ବଙ୍କାହେବା ଓ ପପ୍-ଅପ୍ ହେବାର ପରିଣାମ ଭୋଗିବାକୁ ପଡ଼ିପାରେ। ଏହାର କାରଣ ହେଉଛି ଚଟାଣର ଅନୁପଯୁକ୍ତ ସଫେଇ ୟୁନିଫର୍ମ ବନ୍ଧନର ସ୍ତରକୁ ଶକ୍ତିଶାଳୀ ହେବାରେ ସାହାଯ୍ୟ କରେ ନାହିଁ ।

2. ଅସମାନ ଭାବରେ ଟାଇଲ ସେଟ୍ କରିବା

ଏକ ନିର୍ଦ୍ଦିଷ୍ଟ ଧରଣର ଟ୍ରାଉଲିଂ କୌଶଳ ଅଛି ଯାହା ବଡ଼ ଆକାରର ଟାଇଲ୍ କ୍ଷେତ୍ରରେ ବ୍ୟବହୃତ ହେବା ଆବଶ୍ୟକ । ଟାଇଲର ଯୋଜକ ସହିତ ଟାଇଲଗୁଡିକ ଏକ ଶକ୍ତିଶାଳୀ ବନ୍ଧନ ଗଠନ କରିବାକୁ ସୁନିଶ୍ଚିତ କରିବା ଆବଶ୍ୟକ । ଆପଣ ମଧ୍ୟ ଏକ କାଠ ତିଆରି ବସ୍ତୁ ଦ୍ୱାରା ଧକ୍କା ଦେଇ ବୃହତ ଟାଇଲଗୁଡ଼ିକୁ ଭିତରକୁ ଠେଲିବା ଆବଶ୍ୟକ ।

ସେଟ୍ କରିବାର ପଦ୍ଧତିକୁ ଅନୁସରଣ ନକରିବା ଫଳରେ ଟାଇଲଗୁଡ଼ିକ ଅସମାନ ଭାବରେ ଢଳି ରହିପାରେ, ଯାହା ଟାଇଲଗୁଡିକର ପପ୍-ଅପ୍ ହେବାର ସମ୍ଭାବନାକୁ ବୃଦ୍ଧି କରେ ।

3. ଚଟାଣର ସମ୍ପ୍ରସାରଣ

ଟାଇଲଗୁଡ଼ିକ ପାରଗମ୍ୟ ଅଟେ; ସେମାନେ ବିଭିନ୍ନ ସାମଗ୍ରୀ ଏବଂ ତରଳ ପଦାର୍ଥକୁ ପ୍ରବେଶ କରିବାକୁ ସୁଯୋଗ ଦିଅନ୍ତି, ଯଦ୍ଵାରା ଅଧିକ ଆର୍ଦ୍ରତା ଅବଶୋଷଣ ହେତୁ ସେଗୁଡିକ ଫୁଲିଯାଆନ୍ତି । ଏହା ଦ୍ୱାରା ପୃଷ୍ଠର ସମ୍ପ୍ରସାରଣ ଘଟେ ଏବଂ ଏହି କାରଣରୁ ସୃଷ୍ଟି ହୋଇଥିବା ଚାପ ଟାଇଲକୁ ପପ୍-ଅପ୍ କରିପାରେ ।

4. ନିମ୍ନମାନର ବଣ୍ଡିଂ ଏଜେଣ୍ଟର ବ୍ୟବହାର

ଟାଇଲ୍ ପାଇଁ ବଣ୍ଡିଂ ଏଜେଣ୍ଟ ବାଛିବାବେଳେ ଗୁଣବତ୍ତା ଏକ ଗୁରୁତ୍ୱପୂର୍ଣ୍ଣ ବିଷୟ ଅଟେ । ଯଦି ଖରାପ ମାନର ଏକ ବଣ୍ଡିଂ ଏଜେଣ୍ଟ ବ୍ୟବହୃତ ହୁଏ, ଟାଇଲଗୁଡିକ ଅନ୍ତର୍ନିହିତ ପଦାର୍ଥ ସହିତ ଏକ ସୁରକ୍ଷିତ ଏବଂ ଦୃଢ ବନ୍ଧନ ସୃଷ୍ଟି କରିପାରିବେ ନାହିଁ ।

ତେଣୁ, ତାପମାତ୍ରା ପରିବର୍ତ୍ତନ, କିମ୍ବା ଆର୍ଦ୍ରତା ପରି ପରିବେଶର ପରିସ୍ଥିତିରେ ପରିବର୍ତ୍ତନ ଘଟିଲେ, ଟାଇଲଗୁଡିକରେ ଥିବା ବଣ୍ଡିଂ ଏଜେଣ୍ଟର ବନ୍ଧନ ଢିଲା ହୋଇଯିବ, ଯାହାଦ୍ୱାରା ଟାଇଲ୍ ତ୍ରୁଟିଯୁକ୍ତ ବା ବଙ୍କା ହୁଏ ।

5. ନିମ୍ନମାନର ଟାଇଲ୍ ସଂଯୋଜକର ବ୍ୟବହାର

ଉଚ୍ଚମାନର ଟାଇଲ୍ ସଂଯୋଜକ ବ୍ୟବହାର କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ବିଶେଷତଃ ଯଦି ଚଟାଣ ଉପରେ ପ୍ରତ୍ୟକ୍ଷ ସୂର୍ଯ୍ୟ କିରଣ ପଡୁଥାଏ । ଯଦି ସଂଯୋଜକ ଆଦୌ ବ୍ୟବହୃତ ହୁଏ ନାହିଁ କିମ୍ବା ଏକ ନିମ୍ନ ମାନର ସଂଯୋଜକ ବ୍ୟବହୃତ ହୁଏ, ତେବେ ସୂର୍ଯ୍ୟ କିରଣ ପ୍ରସାରଣ ସୃଷ୍ଟିକରେ ଏବଂ ଏହାର ଚାପ ହେତୁ ଟାଇଲ୍ ବଙ୍କା ହୋଇଥାଏ ।

6. ପୁରୁଣା ଟାଇଲଗୁଡ଼ିକ

ପୁରୁଣା ଟାଇଲଗୁଡ଼ିକ ସେମାନଙ୍କର ନମନୀୟତା ଏବଂ ତାପମାତ୍ରା ପରିବର୍ତ୍ତନକୁ ସହ୍ୟ କରିବାର କ୍ଷମତା ହରାଇବା କାରଣରୁ ଭଙ୍ଗୁର ହୋଇଯାନ୍ତି । ଏହାକୁ ବ୍ୟବହାର କରିବା ଦ୍ୱାରା ଟାଇଲ ପପିଂ ହେବାର ସମ୍ଭାବନା ବଢିଯାଇଥାଏ ।

7. ବଙ୍କା ହୋଇଥିବା ଟାଇଲଗୁଡ଼ିକ

ବେଳେବେଳେ, ଟାଇଲଗୁଡ଼ିକ ଉତ୍ପାଦନ ସମୟରେ ହିଁ ବାଙ୍କି ଯାଇଥାଏ । ଏହାକୁ ବ୍ୟବହାର କରିବା ଦ୍ୱାରା ଟାଇଲରେ ତ୍ରୁଟି ଦେଖାଯିବା କିମ୍ବା ଟାଇଲ ପପ୍-ଅପ୍ ହେବାର ସମ୍ଭାବନା ବଢିଯାଏ ।

8. ଅସମାନ ସବଫ୍ଲୋର

ଯଦି ଚଟାଣର ସବଫ୍ଲୋର ଅସମାନ ଅଟେ, ତେବେ ଏହା ସଂଯୋଜକ କିମ୍ବା ମୋର୍ଟାର ସହିତ ଏକ ଦୃଢ଼ ଏବଂ ଏକସମ ବନ୍ଧନ ସୃଷ୍ଟି କରିବ ନାହିଁ । ଏହାଦ୍ଵାରା ଆପଣଙ୍କ ଚଟାଣ ଅସମାନ ଏବଂ ଅପରିଷ୍କାର ଦେଖାଯାଇପାରେ ।

ଚଟାଣ ଟାଇଲଗୁଡ଼ିକର ପପ୍-ଅପ୍ କିପରି ଏଡାଇ ହେବ?

ଯଦି ଆପଣ ନିକଟରେ ଏକ ନୂତନ ଘରକୁ ବସବାସ କରିବାକୁ ଯାଉଛନ୍ତି, ତେବେ ଆପଣ ସର୍ବପ୍ରଥମେ କୌଣସି ତ୍ରୁଟି ଅଛି ନା ନାହିଁ ସେଥିପାଇଁ ସେହି ଘରର ଚଟାଣ ଯାଞ୍ଚ କରିବା ଉଚିତ । ଏହା ଆପଣଙ୍କୁ ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ସମସ୍ୟାର ଶୀଘ୍ର ସମାଧାନ କରିବାରେ ସାହାଯ୍ୟ କରିବ ।

ମରାମତି ସମୟରେ ଠିକାଦାର କିମ୍ବା ବିଲ୍ଡର ଟାଇଲ୍ ପପିଂରୁ ରକ୍ଷା ପାଇବା ପାଇଁ ସମସ୍ତ ଆବଶ୍ୟକ ପଦକ୍ଷେପ ନେଇଛନ୍ତି କି ନାହିଁ ତାହା ସୁନିଶ୍ଚିତ କରନ୍ତୁ।

ଏକ ହାଲୁକା ଉପକରଣ ସାହାଯ୍ୟରେ ଖୋଲା ଟାଇଲ୍ ଟ୍ୟାପ୍ କରିବା ବର୍ତ୍ତମାନର ଘର ମାଲିକମାନଙ୍କ ପାଇଁ କୌଣସି ଲୁଜ୍ ଟାଇଲ୍ ଚିହ୍ନଟ କରିବା ପାଇଁ ଏକ ଭଲ ପଦ୍ଧତି ଅଟେ । ଯଦି ଆପଣ ଙ୍କୁ କିଛି ମିଳେ, ତେବେ ସମସ୍ୟାର ସମାଧାନ କରିବାର ସବୁଠାରୁ ସହଜ ଉପାୟ ହେଉଛି କିଛି ଫ୍ଲୋର ଟାଇଲ୍ ସଂଯୋଜକକୁ ତା'ମଧ୍ୟକୁ ଜେଟିଂ କରିବା ।

ଯଦି ଟାଇଲଗୁଡିକ ପପ୍-ଅପ୍ ହୁଏ, ଆପଣ ନିମ୍ନଲିଖିତ ପଦକ୍ଷେପ ଗ୍ରହଣ କରିପାରିବେ:

• ଯେପର୍ଯ୍ୟନ୍ତ ସେମାନେ ପପ୍-ଅପ୍ କରିବା ବନ୍ଦ ନକରିଛନ୍ତି ସେ ପର୍ଯ୍ୟନ୍ତ ସେଠାରୁ ଅପସରି ଯାଆନ୍ତୁ ।
• ଥରେ ବନ୍ଦ ହୋଇଗଲେ, ଭଙ୍ଗା ଟାଇଲର କୌଣସି ଦାଗ କିମ୍ବା ଫାଟକୁ ଉପଚାର କରନ୍ତୁ ।
• ତ୍ରୁଟିପୂର୍ଣ୍ଣ ପୃଷ୍ଠ ଉପରେ ଏକ ମୋଟା କାର୍ଡବୋର୍ଡ ସିଟ୍ ରଖନ୍ତୁ ।
• ସୋଫା କିମ୍ବା ଆଲମାରୀ ପରି ଆସବାବପତ୍ର ସହିତ ତାକୁ ଘୋଡାଇ ଦିଅନ୍ତୁ ।

ଯଦି ଆପଣ ସମଗ୍ର ଚଟାଣରେ ଶିଥିଳ ଟାଇଲ୍ ଦେଖିବାକୁ ପାଇଛନ୍ତି ଏବଂ ଏହି ପପ୍-ଅପ୍ ହୋଇଥିବା ଟାଇଲଗୁଡ଼ିକୁ କିପରି ମରାମତି କରିବେ ବୋଲି ଚିନ୍ତା କରୁଛନ୍ତି, ତେବେ ଏହା କରିବାର ସବୁଠାରୁ ଭଲ ଉପାୟ ହେଉଛି ଟାଇଲଗୁଡ଼ିକୁ ସମ୍ପୂର୍ଣ୍ଣ ଭାବରେ ହଟାଇ ନୂଆ ଟାଇଲ୍ ବିଚ୍ଛାଇବାର ପ୍ରକ୍ରିୟାକୁ ପୁନଃପ୍ରସ୍ତୁତ କରିବା ।