ଓପିସି ସିମେଣ୍ଟ କ’ଣ?

୪୩ ଏବଂ ୫୩ ସିମେଣ୍ଟ ଗ୍ରେଡ୍ ୨୮ ଦିନରେ ସିମେଣ୍ଟ ହାସଲ କରିଥିବା ସର୍ବୋଚ୍ଚ ସୁଦୃଢ଼ତାକୁ ଦର୍ଶାଇଥାଏ । ଏହି ଦୁଇଟି ଅର୍ଡିନାରୀ ପୋର୍ଟଲାଣ୍ଡ ସିମେଣ୍ଟ ସବୁଠାରୁ ସାଧାରଣ ଭାବେ ବ୍ୟବହୃତ ହୋଇଥାଏ ।

ସେଗୁଡ଼ିକ ମଧ୍ୟରେ ପାର୍ଥକ୍ୟ ହେଉଛି:

• ୨୮ ଦିନ ପରେ, ଗ୍ରେଡ୍ ୫୩ ସିମେଣ୍ଟ ୫୩୦ କିଗ୍ରା/ବର୍ଗ ସେମି ର ସୁଦୃଢ଼ତା ହାସଲ କରୁଥିବା ବେଳେ, ଗ୍ରେଡ୍ ୪୩ ସିମେଣ୍ଟ ୪୩୦ କିଗ୍ରା/ବର୍ଗ ସେମି ର ସୁଦୃଢ଼ତା ହାସଲ କରିଥାଏ ।
• ଗ୍ରେଡ୍ ୫୩ ସିମେଣ୍ଟ ସେତୁ, ସଡ଼କ, ବହୁତଳ ଢାଞ୍ଚା ଏବଂ ଥଣ୍ଡା ଜଳବାୟୁ ପାଇଁ ଉଦ୍ଦିଷ୍ଟ କଂକ୍ରିଟ୍ ଭଳି ହାଇ-ସ୍ପିଡ୍ ନିର୍ମାଣ ପ୍ରୋଜେକ୍ଟରେ ବ୍ୟବହୃତ ହୋଇଥାଏ । ଗ୍ରେଡ୍ ୪୩ ସିମେଣ୍ଟ ସବୁଠାରୁ ସାଧାରଣ ଭାବେ ବ୍ୟବହୃତ ହେଉଥିବା ସାଧାରଣ-ଉଦ୍ଦେଶ୍ୟ ସିମେଣ୍ଟ ଅଟେ ।
• ଗ୍ରେଡ୍ ୫୩ ସିମେଣ୍ଟର ଦ୍ରୁତ ସେଟିଂ ସମୟ ଥାଏ ଏବଂ ସେଥିରେ ଦ୍ରୁତ ଗତିରେ ସୁଦୃଢ଼ତା ବିକଶିତ ହୋଇଥାଏ । ୨୮ ଦିନ ପରେ, ସୁଦୃଢ଼ତା ଆଉ ବିଶେଷ ବଢ଼ି ନ ଥାଏ । ଗ୍ରେଡ୍ ୪୩ ସିମେଣ୍ଟ ଯଦିଓ ପ୍ରାରମ୍ଭିକ ଭାବେ କମ୍ ସୁଦୃଢ଼ତା ହାସଲ କରିଥାଏ, କିନ୍ତୁ କ୍ରମଶଃ ସେଥିରେ ଉତ୍ତମ ସୁଦୃଢ଼ତା ବିକଶିତ ହୋଇଥାଏ ।
• ଗ୍ରେଡ୍ ୪୩ ସିମେଣ୍ଟ ଅପେକ୍ଷାକୃତ କମ୍ ହାଇଡ୍ରେଶନ୍ ଉତ୍ତାପ ସୃଷ୍ଟି କରୁଥିବା ବେଳେ, ଗ୍ରେଡ୍ ୫୩ ସିମେଣ୍ଟ ଶୀଘ୍ର ସେଟ୍ ହୁଏ ଏବଂ ଅଧିକ ମାତ୍ରାରେ ତାପ ଉତ୍ପନ୍ନ କରିଥାଏ । ଏହାଫଳରେ, ଗ୍ରେଡ୍ ୫୩ ସିମେଣ୍ଟରେ ଅତି ସୂକ୍ଷ୍ମ ଫାଟ ରହିଥାଇପାରେ, ଯାହା ପୃଷ୍ଠଭାଗରେ ଦୃଶ୍ୟମାନ ହୋଇ ନ ପାରେ ଏବଂ ସେଥିରେ ପର୍ଯ୍ୟାପ୍ତ କିଓରିଂ କରାଯିବା ଆବଶ୍ୟକ ହୋଇଥାଏ ।
• ଗ୍ରେଡ୍ ୪୩ ତୁଳନାରେ ଗ୍ରେଡ୍ ୫୩ ସିମେଣ୍ଟ ସାମାନ୍ୟ ମହଙ୍ଗା ହୋଇଥାଏ ।