Share:
• OPC மற்றும் PPC சிமெண்ட், கட்டுமானத்திற்கு முக்கியமானதாகும், மேலும் இது கட்டமைப்பின் நீடித்து உழைக்கும் தன்மையையும் வலிமையையும் அதிகரிக்கிறது.
• ஆர்டினரி போர்ட்லாண்ட் சிமெண்ட் (OPC) பன்முகத்தன்மைக் கொண்டது, OPC 33, 43, மற்றும் 53 தரத்தில் கிடைக்கிறது, அவை ஒவ்வொன்றும் தனித்துவமான வலிமைகளைக் கொண்டுள்ளது.
• போர்ட்லாண்ட் பொசோலனா சிமெண்ட் (PPC) குறைவான ஹைட்ரேஷன் ஹீட் மற்றும் மேம்படுத்தப்பட்ட இரசாயன எதிர்ப்புத்திறன் போன்ற பயன்களை வழங்குகிறது.
• காம்போசிஷன், செலவு, வேலைத்திறன், பயன்பாடுகள், வலிமை மற்றும் நீடித்து உழைக்கும் தன்மை போன்றவை OPC மற்றும் PPC-ஐ வேறுபடுத்துகிறது.
• OPC மற்றும் PPC இடையே எதை தேர்வு செய்வதென்பது, வலிமை, செலவு, மற்றும் சுற்றுச்சூழலில் ஏற்படும் தாக்கம் போன்ற காரணிகளைக் கருத்தில் கொண்டு, நன்கு மதிப்பாய்வு செய்வதைச் சார்ந்ததாகும்.
• இரண்டும் குறிப்பிட்ட கட்டுமான தேவைகளுக்கென்று தனித்துவமான நன்மைகளைக் கொண்டுள்ளது.
OPC சிமெண்ட் என்பது ஆர்டினரி போர்ட்லாண்ட் சிமெண்ட் என்பதின் சுருக்கம் ஆகும். இது கட்டுமான துறையில் மிகவும் பொதுவாகப் பயன்படுத்தப்படும் சிமெண்ட் வகை ஆகும். OPC சிமெண்ட் என்பது க்ளிங்கர், ஜிப்சம் மற்றும் சுண்ணாம்புக்கல், ஃப்ளை ஆஷ் அல்லது ஸ்லாகைப் பொடியாக அரைப்பதன் மூலம் உற்பத்தி செய்யப்படுகிறது. இந்த வகை சிமெண்ட் அதன் பன்முகத்தன்மைக்கு பெயர்பெற்றதாகும், மேலும் இது ஃபவுண்டேஷன்கள், பாலங்கள், சாலைகள் மற்றும் பல கட்டமைப்புகளைக் கட்டுவது போன்ற பல்வேறு கட்டுமான பயன்பாடுகளுக்கு பயன்படுத்தப்படுகிறது. OPC சிமெண்ட் வழக்கமாக OPC 33, OPC 43, மற்றும் OPC 53 என்ற வெவ்வேறு தரங்களில் வருகிறது, மேலும் இந்த ஒவ்வொரு தரமும் வெவ்வேறு வலிமை பண்புகளையும் கொண்டுள்ளது.
PPC என்பது போர்ட்லாண்ட் பொசோலனா சிமெண்ட் என்பதின் சுருக்கம் ஆகும். இது போர்ட்லாண்ட் சிமெண்ட் க்ளிங்கர், ஜிப்சம், மற்றும் ஃப்ளை ஆஷ், எரிமலை சாம்பல், சுட்ட களிமண் அல்லது சிலிக்கா ஃப்யூம் போன்ற பொசோலானிக் மெட்டீரியல்களை ஒன்று சேர்த்து செய்யப்பட்ட ஒரு வகை சிமெண்ட் ஆகும்.
பொசோலானிக் மெட்டீரியல்களைச் சேர்ப்பது, சிமெண்ட்டின் நீடித்து உழைக்கும் தன்மை, வேலைத்திறன் மற்றும் நீண்ட கால வலிமை போன்ற குறிப்பிட்ட பண்புகளை மேம்படுத்துகிறது. PPC சிமெண்ட் என்பது வெப்பநிலை அதிகரிப்பைக் கட்டுப்படுத்துவது முக்கியமாக உள்ள பெரிய கான்கிரீட் கட்டமைப்புகளில் இதை பயனுள்ளதாக்கும் வகையில் OPC உடன் ஒப்பிடும்போது குறைவான ஹைட்ரேஷன் வெப்பத்தை உண்டாக்கும் திறனுக்கு பெயர்பெற்றதாகும். மேலும், இது தீவிரமான இரசாயனங்களுக்கு எதிரான கான்கிரீட்டின் எதிர்ப்புத்திறனை மேம்படுத்தி, நல்ல வேலைத்திறனை வழங்குகிறது.
PPC சிமெண்ட் பல்வேறு கட்டுமான பயன்பாடுகளில் பரவலாகப் பயன்படுத்தப்படுகிறது, அதுவும் குறிப்பாக சுற்றுச்சூழலைக் கருத்தில் கொள்ள வேண்டிய மற்றும் நீண்ட கால நீடித்து உழைக்கும் தன்மை முக்கியமான காரணிகளாக உள்ள திட்டங்களில் பயன்படுத்தப்படுகிறது.
OPC மற்றும் PPC ஆகிய இரண்டும் கட்டுமானத்தில் பயன்படுத்தப்படுகின்றன மற்றும் இரண்டும் வெவ்வேறு மெட்டீரியல்களில் இருந்து உருவாக்கப்பட்டுள்ளன மற்றும் வெவ்வேறு பண்புகளைக் கொண்டுள்ளன. OPC சுண்ணாம்புக்கல் மற்றும் களிமண்ணால் ஆனது, அதே சமயம் PPC சுண்ணாம்புக்கல் மற்றும் ஜிப்சமால் ஆனது. எனவே, OPC மற்றும் PPC சிமெண்ட் இடையிலான வேறுபாடு என்ன? இவை இரண்டும் வேறுபடும் பல்வேறு வரைகூறுகளின் பட்டியல் இதோ.
| வரைகூறு | OPC சிமெண்ட் |
PPC சிமெண்ட்
|
| உட்கூறுகள் | OPC மற்றும் PPC சிமெண்ட் இசையிலான முக்கியமான வேறுபாடு அவற்றின் உட்கூறுகள் ஆகும். சுண்ணாம்புக்கல் மற்றும் க்ளிங்கர் கலவையை மற்ற மெட்டீரியல்களுடன் சேர்த்து அரைப்பதன் மூலம் OPC உருவாக்கப்படுகிறது. |
இது சுண்ணாம்புக்கல், களிமண் மற்றும் ஃப்ளை ஆஷ் கலவையை அரைப்பதன் மூலம் உருவாக்கப்படுகிறது.
|
| விலை | க்ளிங்கர் உற்பத்தியுடன் தொடர்புடைய அதிகமான ஆற்றல் நுகர்வு மற்றும் தயாரிப்பு செலவு காரணமாக OPC விலை அதிகமானதாக இருக்கலாம். |
இது பெரும்பாலும் ஃப்ளை ஆஷ் அல்லது ஸ்லாக் போன்ற துணை பொருட்களை ஒன்று சேர்ப்பதால் OPC-ஐ விட மிகவும் சிக்கனமானதாக இருக்கும்.
|
| வேலைத்திறன் | குறிப்பிட்ட தரத்தைச் சார்ந்து, துகல்களின் நுண் அளவு மற்றும் செட்டிங் நேரத்தால் OPC பாதிக்கப்படலாம். |
பொதுவாக அதன் நுண் துகள்கள் மற்றும் பொசோலானிக் பண்புகளின் காரணமாகச் சிறப்பான வேலைத்திறனை வழங்குகிறது.
|
| பயன்பாடுகள் | கான்கிரீட் வலிமையாக இருக்க வேண்டிய தேவை இல்லாத கட்டுமானத்தில் இந்த வகை சிமெண்ட் பயன்படுத்தப்படுகிறது. |
கான்கிரீட் வலிமையாக இருக்க வேண்டிய கட்டுமானத்தில் இந்த வகை சிமெண்ட் பயன்படுத்தப்படுகிறது.
|
| வலிமை | பொதுவாக அதிகமான ஆரம்ப வலிமைக்கு பெயர்பெற்றது, அதுவும் குறிப்பாக கியூரிங்கின் ஆரம்ப கட்டங்களில் அதிக இறுக்க வலிமையை வெளிப்படுத்தும் OPC 53 தரம் ஆரம்ப வலிமைக்கு பெயர்பெற்றதாகும். |
இது கொஞ்சம் குறைவான ஆரம்ப வலிமையைக் கொண்டிருந்தாலும், காலப்போக்கில் PPC-இன் வலிமை அதிகரித்து, நீண்ட காலத்தில் பெரும்பாலும் OPC-இன் வலிமைக்கு சமமாக அல்லது அதை விட அதிகமான வலிமை கொண்டதாகிறது.
|
| நீடித்து உழைக்கும் தன்மை | OPC நல்ல வலிமையை வழங்கினாலும், குறிப்பிட்ட நிலைமைகளில் அதன் நீடித்து உழைக்கும் தன்மை கொஞ்சம் குறைவாக இருக்கும். |
PPC-இல் உள்ள பொசோலானிக் மெட்டீரியல்கள் நல்ல நீடித்து உழைக்கும் திறன், தீவிரமான இரசாயனங்களுக்கு எதிராக எதிர்ப்புத்திறன் அதிகரிப்பு மற்றும் நீண்ட கால வலிமையை மேம்படுத்துவதில் பங்களிக்கிறது.
|
PPC சிமெண்ட் vs OPC சிமெண்ட்டில், இரண்டு வகை சிமெண்ட்டும் தனித்துவமான நன்மைகளைக் கொண்டுள்ளன, மேலும் அவை திட்டத்தின் தேவைகள், விலை, சுற்றுச்சூழல் காரணிகள் மற்றும் கட்டுமான பயன்பாட்டின் குறிப்பிட்ட தேவைகளின் அடிப்படையில் தேர்வு செய்யப்படுகின்றன. மேலே குறிப்பிடப்பட்டுள்ளவை ஒரு தகவலறிந்த முடிவை எடுப்பதற்காக வெவ்வேறு வரைகூறு அடிப்படையில் PC மற்றும் PPC சிமெண்ட் இடையிலான வேறுபாடு ஆகும்.
இந்த ப்ளாகில், OPC மற்றும் PPC சிமெண்ட் இடையிலான வேறுபாடு குறித்து நாம் கலந்துரையாடியுள்ளோம். இரண்டு வகைகளும் வெவ்வேறு அம்சங்களைக் கொண்டுள்ளன, மேலும் அதனால் இவற்றை புரிந்துகொள்ள வேண்டும். OPC அல்லது PPC-இல் எது சிறந்தது என்று நீங்கள் யோசிக்கிறீர்கள் என்றால், உங்கள் திட்டத்தின் தேவைகளின் முழுமையான மதிப்பாய்வு மற்றும் வலிமை, நீடித்து உழைக்கும் தன்மை, செலவு, வேலைத்திறன், மற்றும் சுற்றுச்சூழலில் ஏற்படும் தாக்கம் போன்ற சமநிலைப்படுத்தும் காரணிகளைச் சார்ந்து அதைத் தேர்வு செய்யலாம். OPC மற்றும் PPC ஆகிய இரண்டும் அவற்றுக்கொன்று தனித்துவமான நன்மைகளைக் கொண்டுள்ளன, மேலும் அவை இவற்றின் அடிப்படையில் பல்வேறு கட்டுமான பயன்பாடுகளில் பயன்படுத்தப்படுகின்றன.
