Share:
எளிய வார்த்தைகளில் சொல்ல வேண்டுமென்றால், அடிக்கற்கள் என்பது ஒரு கட்டிடத்தின் அடிப்பகுதியாகும். இது எடையை சரிசமமாக பகிர்ந்து எந்த பிரச்சனையுமின்றி கட்டிடத்தை வலிமையுடன் தாங்கும். இவை கட்டிடத்தின் எடையை சமமாக மண்ணில் பரவச்செய்து, கட்டிடங்கள் இடியாமலும், சாயாமலும், விரிசல் ஏற்படாமலும் பலத்துடன் நிற்க வைக்கின்றன. பொதுவாக, அடிக்கற்கள் கான்கிரீட் போன்ற வலுவான பொருட்களால் செய்யப்பட்டு, சுவர்கள் அல்லது தூண்களுக்கு ஆதரவாக பூமிக்குள் மறைக்கப்பட்டிருக்கும்.
எடையை சமமாகப் பகிரும்போது, வெவ்வேறு கான்கிரீட் ஃபவுண்டேஷன் அடிக்கற்கள் போட்டாலும், கட்டிடம் எந்த செட்டில்மென்ட் பிரச்சனையும் இல்லாமல் சீராக நிற்கும். செட்டில்மென்ட் என்பது, கட்டிடத்தின் ஒரு பகுதி கீழே மூழ்கிவிடும். கட்டிடத்தின் அடித்தளத்தில் இருக்கும் மண் அதன் எடையை சமமாக தாங்க முடியாததால் இது ஏற்படுகிறது. இதனால் பல பிரச்சனைகள் நடக்கும். கான்கிரீட்டில் விரிசல் ஏற்படலாம். சில நேரங்களில் கட்டிடடம் பலவீனமடைந்து கீழ சரிந்து விழாவும் வாய்ப்புகள் உண்டு. அடிக்கற்களில் இருக்கும் மண்ணின் தன்மையை அதிகம் கவனிக்க வேண்டும். ஏனெனில் அனைத்து நிலமும் ஒரே மாதிரி இருக்காது. சில மண்ணுக்கு கூடுதல் கவனிப்பும் ஆதரவும் தேவைப்படுகிறது. சுருக்கமாக சொல்ல வேண்டும் என்றால், அடிக்கற்கள் தான் கட்டிடத்தை பலமாகவும் நிலையாகவும் நிற்க வைக்கும்.
ஒவ்வொரு அடித்தளத்தின் அடிக்கற்களும் கட்டிடத்தின் நிலைத்தன்மையை உறுதி செய்யும் வகையில், அதன் இடவசதி மற்றும் நிலத்தின் தன்மையைப் பொருத்து வடிவமைக்கப்படுகின்றது.
ஸ்ப்ரெட் அடிக்கற்கள் கட்டுமானத்தில் பொதுவாக அதிகம் பயன்படுத்தப்படும் வகையாகும். இவை தனிப்பட்ட தூண்களுக்கான பலமான அடித்தளமாக இருக்கும். கட்டிடத்தின் எடையை சரியாக பரவச்செய்து, கட்டிடம் ஒரு பக்கம் மூழ்குவதைத் தடுக்கும்.
இவை ஒவ்வொரு தூணிற்கும் தனியாகச் செய்யப்படும் அடிக்கற்கள். இவை ஒவ்வொரு தூணின் எடையைப் பாரமாக தாங்கி, மண்ணில் நன்கு உறுதி செய்ய உதவுகின்றன.
தூண்கள் நெருக்கமாக உள்ள இடங்களில் அல்லது இடக்குறைகள் இருக்கும் நேரங்களில், இணைந்த அடித்தளம் பயன்படுத்தப்படுகிறது. இவை பல தூண்களின் எடையை நன்றாகச் சீரான முறையில் பகிர்ந்து தாங்குகின்றன.
பெரிய கட்டிடங்களின் மிகுந்த எடையை தாங்கக் கூடுதல் ஆதரவு தேவைப்படும். அதற்காவே, இது பயன்படுத்தப்படுகிறது. பட்டை அடித்தளங்கள், கட்டிடத்தின் முழு எடையையும் சமமாகப் பகிர்ந்து, அடித்தள மண்ணின் எந்தப் பகுதியிலும் அதிக அழுத்தம் ஏற்படாமல் பாதுகாக்கிறது.
மேற்பரப்பிலுள்ள மண்ணுக்கு, கட்டிடத்தை தாங்கக்கூடிய தகுதியில்லாத போது, ஆழமான அடிக்கற்கள் பயன்படுத்தப்படுகிறது. இது நிலத்தின் ஆழமான உறுதியான மண் அல்லது பாறை அடுக்கு வரை சென்று கட்டிடத்தின் அடித்தளத்தை தரமாக மாற்றுகிறது.
இதில் நீளமான, மெலிதான தூண்கள் நிலத்தின் ஆழத்தில் வைத்துக் கட்டப்படும். பைல் அடித்தளங்கள் கட்டிடத்தின் எடையை ஆழமான, உறுதியான மண் அல்லது பாறை அடுக்குகளுக்கு கொண்டு செல்ல உதவுகிறது. மற்றும் மேற்பரப்பில் உள்ள பலவீனமான அடுக்குகளை தவிர்க்கிறது.
இந்த அடித்தளம் எப்படி போடப்படும் என்றால், நிலத்தின் ஆழம் வரை ட்ரில் செய்து, அதனால் உருவாகும் இடைவெளியில் கான்கிரீட் அல்லது பிற உறுதிப்பொருட்களை வைத்து நிரப்பி கட்டமைக்கப்படும். இந்த அடித்தளங்கள், மேற்பரப்பில் உள்ள மண்ணால் தாங்க முடியாத கட்டிடங்களுக்கு, ஆழமான உறுதியான ஆதரவை கொடுக்கும்.
அதிக சுமையைத் தாங்கும் சுவர்கள் அல்லது தூண்களின் வரிசைகளுக்கு, இப்படி தொடர்ச்சியாக கான்கிரீட் வைத்து அதன் அடித்தளத்தை வலுவாக்க முடியும். ஸ்ட்ரிப் அடிக்கற்கள் கட்டிடத்தின் சுற்றியசூழலில் அதன் சுமை சமமாகப் பரவுவதற்கு உறுதி அளிக்கின்றன.
சாய்வான நிலத்தின் கட்டுமானத்தில் இந்த வகை அடிக்கற்கள் பயன்படுத்தப்படுகிறது. இது அடித்தளத்தின் மட்டத்தை சாய்வுக்கு ஏற்ப சரிபார்த்து அமைக்கிறது. இந்த வகை அடிக்கல் கட்டிடத்தின் நிலைத்தன்மையை பாதுகாக்கவும், வெவ்வேறு உயரத்தில் உள்ள சுமையை சமமாகப் பகிர்ந்துவைக்கவும் உதவுகிறது.
இது நிலத்தின் இயற்கை சாய்வுடன் ஒத்து செயல்படும் அல்லது எதிர்த்து செயல்படும். ஸ்லோப்ட் அடிக்கற்கள் நிலநிலையுடன் பொருந்தி சுமையை சரியாகப் பரிமாறுவதன் மூலம் கட்டிடத்தின் நிலைத்தன்மையை மேம்படுத்துகின்றன.
இரண்டு தனித்தனி அடிக்கற்களை இணைக்க இந்த ஸ்ட்ராப் அடிக்கற்கள் பயன்படுத்தப்படும். இதில் துணை பாலம் போன்ற அமைப்பு இருக்கும். இதனால், நடுவிலுள்ள கட்டமைப்பு கூறுகளுக்கு ஆதரவும் நிலைத்தன்மையும் கிடைக்கிறது.
மண்ணின் அடித்தட்டில் அல்லது மண்ணுக்கு அருகில் இருக்கும், பலப்படுத்தப்பட்ட கான்க்ரீட் பீம்கள், சுவர்களுக்கோ அல்லது கட்டுமான கூறுகளுக்கோ வலிமையைக் கொடுக்கின்றன கிரேடு பீம்கள் கட்டுமானத்தில் சுமையினை சரியாக ஒருங்கிணைத்து, மண்ணிற்கு நேரடியாக சுமையைக் கொடுக்காமல் பாதுகாக்கின்றன.
மண் உறைபோக்கால் ஏற்படும் சேதத்தை தடுக்கும் வகையில் இந்த அடிக்கற்கள் உருவாக்கப்பட்டுள்ளன. குளிரின் ஆழத்திற்கு அடிக்கால்களை பொருத்தியோ அல்லது முறையான களவினைப் பயன்படுத்தி கட்டிடத்தை குளிரிலிருந்து பாதுகாத்தோ, கட்டிடத்தின் அடிப்பகுதியை உறுதியானதாகவும் நிலைத்ததாகவும் மாற்றும்.
அடிக்கற்கள் கட்டுமானத் ப்ராஜெக்ட்களில் அடிப்படை அங்கங்களாக உள்ளன. மேலும் பல்வேறு அடிக்கல் வகைகள் கட்டிடங்களின் கட்டமைப்பு, முழுமைத்தன்மை மற்றும் நீடித்த தன்மையை உறுதி செய்யும் முக்கிய செயல்பாடுகளை ஆற்றுகின்றன. அவற்றின் பயன்பாடுகள் கட்டிடத்தின் வகை, சுற்றுச்சூழல் நிலைகள் மற்றும் மண் பண்புகளின் அடிப்படையில் மாறுபடும். கட்டுமானத்தில் அடிக்கற்கள் செய்யும் முக்கிய பங்களிப்புகள் பற்றி கீழே கொடுக்கப்பட்டுள்ளது:
அடிக்கல்களின் முதன்மை செயல்பாடு கட்டிடத்தின் மேல் இருக்கும் எடையை நிலத்தின் ஆழம் முழுவதும் சமமாகப் பகிர்ந்தளிப்பதாகும். இது கட்டிடம் எந்த ஒரு நிலையிலும் அதிக அழுத்தத்தைப் பெறாமல் பார்த்துக்கொள்கிறது. இது மண் சரிவு அல்லது அடித்தளப் பிழை ஏற்படுவதிலிருந்து பாதுகாக்கும்.
ஒவ்வொரு மண்ணின் வகையிலும் எடையைத் தாங்கும் திறன் மாறுபட்டதாக இருக்கும். அதனால், அடிக்கற்கள் மண்ணின் நிலைக்கு ஏற்ப சரிசெய்யப்பட்டு வடிவமைக்கப்படுகின்றன. அடிக்கல்களை ஆழமாக வைத்து உறுதியான மண்ணில் செல்வதற்காகவும், பரவலான மற்றும் அகலமான அடிக்கல்களை பயன்படுத்தி குறைந்த உறுதியுள்ள மண்ணில் சுமையை சீராகப் பரப்புவதற்காகவும் இது பயன்படுத்தப்படுகிறது.
கட்டிடத்தின் முழுத் தளத்திலும் எடையைச் சமமாகப் பகிர்ந்தளிப்பதன் மூலம், கட்டிடங்கள் தவறாகக் கீழே இறங்குவதையும் சரிவதையும் இந்த அடிக்கற்கள் தடுக்கின்றன. இது மென்மையான, நிலைத்தன்மையற்ற மண்ணுக்கு மிக முக்கியமானது. ஏனெனில் சரியான அடிக்கற்கள் இல்லையென்றால் கட்டிடங்கள் சாயவோ, உடையவோ அல்லது மொத்தமாக இடிந்து கீழே விழவோ வாய்ப்புகள் உண்டு.
கட்டிடத்தின் அடித்தளங்களில் போடப்படும் அடிக்கற்கள், நிலையான எடையை மட்டுமல்லாமல், காற்று, நிலநடுக்கம், வெள்ளம் போன்ற கடுமையான ஆபத்துக்களில் இருந்தும் கட்டிடங்களை நிலைநிறுத்த வேண்டும். சரியான அடிக்கற்கள் வைத்து வடிவமைக்கப்பட்ட கட்டிடங்கள், இந்த ஆபத்துகளால் இடம் மாறாமல் அல்லது கீழே விழாமல் பாதுகாப்பாக நிற்கும்.
அடிக்கல்களை கட்டும்போது, அவை கட்டிடத்தின் அடித்தளத்தை உயர்வடையச் செய்கின்றன. இதனால், மழை அல்லது நிலத்தின் ஆழத்தினால் ஏற்படும் நீரின் ஈரத்தைத் தடுக்க முடிகின்றது. இது நீர் சேதம் மற்றும் பூஞ்சை பிரச்சினைகளைத் தவிர்க்க மிகவும் பயனுள்ளதாக இருக்கும்.
சுவர்கள், தூண்கள், ஸ்லாப்கள் போன்ற பலவேற கட்டுமான கூறுகளின் அடித்தளத்தை வலுவாக்க இந்த அடிக்கற்கள் மிகவும் பயனுள்ளதாக இருக்கின்றன. இவை அனைத்தும் சரியாக வலுவாக அமைக்கப்பட்டிருக்கிறதா என்பதை கவனித்து, முழு கட்டமைப்பின் பாதுகாப்பையும் உறுதி செய்கிறது.
மலைப்பகுதிகள் அல்லது குன்றான இடங்களில், அடிக்கல்களின் வகைகள், கட்டிடங்களுக்கு சமமான மேடைகளை உருவாக்க உதவுகின்றன. இந்த அடிக்கல்கள், குன்றின் கோணத்தை சமம்செய்து, குன்றான இடங்களில் பாதுகாப்பான கட்டுமானத்தை செய்ய உதவுகின்றன. இதனால், கட்டிடம் காலத்திற்கும் நிலையாகவும் சமமாகவும் நிற்கும்.
கட்டுமானத்தில், அடிக்கல்கள் லோக்கல் கட்டுமான விதிகள் மற்றும் தரங்களுக்கு ஏற்றபடி வடிவமைக்கப்படுகின்றன. இந்த விதிகள், பாதுகாப்பு, நிலைத்தன்மை மற்றும் நீடித்த தன்மைக்கு தேவையான அடிப்படை தேவைகளை உள்ளடக்கியிருக்கும். இதன் மூலம், கட்டிடங்கள் எதிர்பார்க்கப்படும் சுமைகள் மற்றும் சுற்றுச்சூழல் நிலைகளை எதிர்கொள்ளக் கூடியவாறு கட்டப்படுகின்றன. இதனால், வாழும் மக்கள் மற்றும் பொது மக்களின் பாதுகாப்பு உறுதியாக இருக்கும்.
கட்டுமான அடிக்கல்களின் முக்கிய செயல்பாடுகள் மற்றும் வகைகள் பற்றி புரிந்துகொள்ளுவது முக்கியமாகும். ஏனெனில், ஒரு கட்டிடத்தை உறுதியாக, காலத்திற்கும் நீடித்ததாக உருவாக்குவதற்கு இந்த அடிக்கல்கள் தான் முதல் படி. நன்கு யோசனை செய்து வடிவமைத்து, அதனை செயல்படுத்துவதன் மூலம், வீடுகளுக்கு பாதுகாப்பு மற்றும் உறுதியை வழங்கும் அடித்தளத்தை உருவாக்க முடியும். இது காலத்திற்கும் நீடித்து நிற்கும். மேலும், எந்த வகை இயற்கை சூழலிலும் பாதுகாப்பாக நிற்கும்.
