Share:
Home Building Guide
Our Products
Useful Tools
Waterproofing methods, Modern kitchen designs, Vaastu tips for home, Home Construction cost
Waterproofing methods, Modern kitchen designs, Vaastu tips for home, Home Construction cost
Share:
கட்டுமான ப்ராஜக்ட்களில் சரியான கான்ட்ராக்டரை தேர்வு செய்வது மிகவும் அவசியம். கான்ட்ராக்டர் ஒரு சாதாரண கட்டுமான பொறியாளராக மட்டும் செயல்படுவதில்லை, எந்த கட்டுமான ப்ராஜெக்ட்டாக இருந்தாலும், அது வெற்றிகரமாக முடிவடைய தன் முழு ஈடுபாட்டையும் கொடுக்கிறார். அந்த ப்ராஜெக்ட்களுக்கு பக்கபலமாக இருக்கிறார். ஒவ்வொரு கட்டுமான ப்ராஜெக்ட்டும் வெற்றிகரமாக முடிவடைய, அனுபவம் நிறைந்த பல்வேறு நிபுணர்கள் வேண்டும். அவர்களில் கான்ட்ராக்டர்கள், ப்ராஜெக்ட்களை சீரான முறையில் செயற்படுத்தி, சரியான நேரத்தில் முடித்து கொடுப்பார்கள். கான்ட்ராக்டர்களின் முக்கியத்துவத்தை அறிந்துகொள்ள வேண்டும் என்றால், அவர்களின் முழு பங்களிப்பையும் பொறுப்புகளையும் அறிய வேண்டும்
கான்ட்ராக்டர்கள் கட்டுமானப் பணியின் முழு வேலைகளையும் செய்வார்கள்; கிளையன்ட்டிடம் பேசுவது, சிறு கான்ட்ராக்டர்களை தொடர்பு கொள்வது, மற்றும் பிற பங்குதாரர்களுடன் பேசுவது போன்ற ப்ராஜெக்ட்டுக்கு தேவையான முழு வேலைகளையும் செய்வார்கள். கான்ட்ராக்டர்களின் வேலைகள் ஒவ்வொரு ப்ராஜெக்ட்டுக்கும் மாறுபடும். இருந்தாலும் பொதுவாக சில வேலைகளை செய்வார்கள். அவற்றை விரிவாக பார்க்கலாம்.
"ஒரு கட்டுமான ப்ராஜெக்ட்டை வெற்றிகரமாக ஆரம்பித்து முடிக்க வேண்டும் என்றால் அதற்கு சிறப்பான திட்டம் மிகவும் அவசியம். ப்ராஜெக்ட்டை எப்படி ஆரம்பிக்க வேண்டும், எப்படி அதை செயற்படுத்த வேண்டும் என்று கான்ட்ராக்டர்கள் முன்கூட்டியே திட்டம் போட்டுவிடுவார்கள். அதாவது,
1. ப்ராஜெக்ட்டுக்கு தேவையான பொருட்கள், உபகரணங்கள், மற்றும் வளங்களை மதிப்பீடு செய்து, சரியான அளவில் பொருட்களை இறக்க கணக்கிடுவார்கள்
2. கட்டுமானப் பணியின் போது சில மாற்றங்கள் நடக்கவிருந்தால், அதை முன்பே அறிவித்து, அவற்றுக்கான ஏற்பாடுகளை செய்வார்கள்
3. உடல்நலம் மற்றும் பாதுகாப்பு விதிமுறைகளை உறுதிப்படுத்திக் கொள்வார்கள்.
4. கிளையன்ட், சிறு கான்ட்ராக்டர்கள் உள்பட அனைத்து பங்குதாரர்களுக்கும் மத்தியிலான தொடர்புகளை ஏற்படுத்துவார்கள்.
5. ப்ராஜெக்ட்டுக்கு தேவையான சட்ட விதி-நியமங்களை கண்டறிந்து, அதை சரியாக கடைபிடிப்பார்கள்."
"கான்ட்ராக்டர்கள் ப்ராஜெக்ட்டை நிர்வகிப்பதில் முக்கியப் பங்கை வகிக்கின்றனர், கட்டுமானத்தில் நடக்கும் அனைத்ததையும் கண்காணிக்கின்றனர். அவர்களின் பொறுப்புகள்:
1. கட்டுமானத்திற்காக ஒதுக்கப்பட்ட பட்ஜெட்டை நிர்வகித்து, அதற்கு தேவையான நிதிகளை சரி பார்ப்பது.
2. ஒவ்வொரு வேலைகளையும் முடிக்கத் தேவையான திறமையுள்ள சிறு கான்ட்ராக்டர்கள் மற்றும் தனி நபர்களை வேலைக்கு எடுப்பது.
3. ப்ராஜெக்ட்டை செயல்படுவதற்குத் தேவையான உபகரணங்கள், பொருட்கள் மற்றும் பிற சேவைகளை சரி பார்ப்பது.
4. சுற்றுச்சூழல் பாதிப்பை குறைப்பதற்காக, கழிவு நீக்க முறைகளை செயல்படுத்துவது.
5. காண்ட்ராக்ட் டாக்குமன்ட்ஸின் நிபந்தனைகளுக்கு ஏற்ப பில் தயாரித்து சமர்ப்பிப்பது."
" ப்ராஜெக்ட்கள் குறிப்பிட்ட நேரத்தில் செயல்படுகிறதா, தரம் எவ்வாறு இருக்கிறது, பாதுகாப்பு வழிகாட்டுதல்படி நடைபெறுகிறதா என்பதை கான்ட்ராக்டர்கள் கவனமாக கண்காணிப்பார்கள். அவர்களின் கண்காணிப்பு பொறுப்புகளில் இவை அடங்கும்:
1. மாற்றங்கள் மற்றும் கருத்துக்களை அடிப்படையாகக் கொண்டு ப்ராஜெக்ட் ப்ரோக்ராம்களை அடிக்கடி சரி பார்த்து, தவறுகள் இருந்தால் திருத்தி, அப்டேட் செய்வார்கள்.
2. வளங்களை மேம்படுத்தவும் செயல்திறனை அதிகரிக்கவும் பொருளாதார கட்டுமான முறைகளைப் பயன்படுத்துவார்கள்.
3. அவ்வப்போது பாதுகாப்பு தொடர்பான விஷயங்களை கண்காணித்து, பிரச்சனைகளை சரிசெய்து வேலை பார்க்கும் ஒவ்வொரு நபருக்கும் பாதுகாப்பான சூழலை அமைத்து கொடுப்பார்கள். "
"முழு கட்டுமானத்திலும் சட்டப்பூர்வமான ஒழுங்குகளைப் பின்பற்றுவது கான்ட்ராக்டர்களின் முக்கிய பொறுப்பாகும். அதாவது,
1. கட்டுமானதிற்கான அனுமதி விண்ணப்பங்களை சரிபார்த்து, ஒழுங்குமுறை நிபந்தனைகளைப் பின்பற்றுதல்.
2. ப்ராஜெக்ட் சட்ட ஒழுங்குமுறைபடி இருக்கிறதா என்பதை உறுதிப்படுத்திக் கொள்ளுதல்.
3. கட்டுமானத்திற்குத் தேவையான அனுமதிகள், லைசன்ஸ் மற்றும் சான்றிதழ்களைப் பெறுதல்."
" கட்டுமானத் தளங்களில் உடல் நலத்திற்கும் பாதுகாப்பிற்கும் தான் கான்ட்ராக்டர்கள் முக்கியத்துவம் கொடுப்பார்கள். அவர்களின் பொறுப்புகள்:
1. பணியாளர்கள் மற்றும் தளத்திற்கு வரும் நபர்களின் பாதுகாப்பைக் கருதி, ஒரு சிறந்த பாதுகாப்பு கொள்கையை உருவாக்குதல். இதில் ஆபத்து வந்தால் செய்ய வேண்டிய யுக்திகள், அவசர நிலை எதிரொலி அமைப்புகள், மற்றும் தடுப்பு நடவடிக்கைகள் அடங்கும்.
2. கட்டுமானத் தளத்தில் உள்ள அனைவருக்கும் பாதுகாப்பு உபகரணங்கள் கிடைத்திருக்கிறதா? அதை அவர்கள் பயன்படுத்துகிறார்களா என்பதை உறுதிசெய்தல்.
3. விபத்துகள் மற்றும் காயங்களை தவிர்ப்பதற்காக பணியாளர்களுக்கு பாதுகாப்பு விழிப்புணர்வு மற்றும் பயிற்சிகளை தொடர்ந்து வழங்குதல். "
சுருக்கமாக சொன்னால், கட்டுமானப் ப்ராஜெக்ட்களில் கான்ட்ராக்டர்களின் பங்கு பல வகைகளில் உள்ளது, ப்ராஜெக்ட் வெற்றிகரமாக நிறைவு பெறுவதற்கு இவை அனைத்தும் அவசியம். ப்ராஜெக்ட்டை திட்டமிடுவது, நிர்வகிப்பது, கண்காணிப்பது, சட்டங்களை பின்பற்றுவது மற்றும் பாதுகாப்பான வேலை சூழலை உருவாக்குவது. இவை அனைத்தும் கான்ட்ராக்டர்களுடைய பொறுப்பாகும். ப்ராஜெக்ட்களை விரைவாகவும் திறமையாகவும் முடிக்கத் தேவையான நிபுணத்துவம், வளங்கள் மற்றும் ஒருங்கிணைப்பை கான்ட்ராக்டர்கள் கொடுப்பார்கள். கான்ட்ராக்டர்களின் பங்கு மற்றும் பொறுப்புகளைப் புரிந்துகொள்வதால், கிளையன்ட்கள் மற்றும் பங்குதாரர்கள் கட்டுமானப் ப்ராஜெக்ட்களில் அவர்களை சிறப்பாகப் புரிந்து கொண்டு, நல்ல ஒத்துழைப்பை வழங்க முடியும்.
