Share:
ಯಾವುದೇ ನಿರ್ಮಾಣ ಯೋಜನೆಯನ್ನು ಶುರು ಮಾಡುವಾಗ, ಸೂಕ್ತವಾದ ಕಾಂಟ್ರಾಕ್ಟರ್ರನ್ನು ಆಯ್ಕೆ ಮಾಡುವುದು ಅತ್ಯಂತ ಪ್ರಮುಖ ನಿರ್ಧಾರಗಳಲ್ಲಿ ಒಂದಾಗಿದೆ. ಕಾಂಟ್ರಾಕ್ಟರ್ ಒಬ್ಬ ಬಿಲ್ಡರ್‌ಗಿಂತಲೂ ಹೆಚ್ಚಿನ ಪ್ರಮುಖ್ಯತೆಯನ್ನು ಪಡೆಯುತ್ತಾರೆ; ಕಾಂಟ್ರಾಕ್ಟರ್ ಯಾವುದೇ ನಿರ್ಮಾಣ ಯೋಜನೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವುದರ ಹಿಂದಿರುವ ಪ್ರೇರಕ ಶಕ್ತಿಯಾಗಿದ್ದಾರೆ. ನಿರ್ಮಾಣ ಯೋಜನೆಯು ಯಶಸ್ವಿಯಾಗಿ ಪೂರ್ಣಗೊಳ್ಳುವುದು ವಿವಿಧ ವೃತ್ತಿಪರರ ಪರಿಣತಿ ಮತ್ತು ಅವರ ಕೊಡುಗೆಗಳ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಅವುಗಳಲ್ಲಿ, ಯೋಜನೆಯ ಸುಸೂತ್ರವಾಗಿ ಅನುಷ್ಠಾನ ಮಾಡುವುದು ಹಾಗೂ ಸಕಾಲಿಕವಾಗಿ ಪೂರ್ಣಗೊಳಿಸುವುದನ್ನು ಖಚಿತಪಡಿಸುವಲ್ಲಿ ಕಾಂಟ್ರಾಕ್ಟರ್‌ಗಳು ಪ್ರಮುಖ ಪಾತ್ರ ವಹಿಸುತ್ತಾರೆ. ಕಾಂಟ್ರಾಕ್ಟರ್‌ಗಳ ಪ್ರಾಮುಖ್ಯತೆಯನ್ನು ಅರ್ಥಮಾಡಿಕೊಳ್ಳಲು, ನಾವು ಅವರ ಪಾತ್ರ ಮತ್ತು ಜವಾಬ್ದಾರಿಗಳ ವಿವಿಧ ಅಂಶಗಳನ್ನು ಸಂಪೂರ್ಣವಾಗಿ ತಿಳಿದುಕೊಳ್ಳುವುದು ಅಗತ್ಯವಾಗಿದೆ.
ಕ್ಲೈಂಟ್ಗಳು, ಸಬ್ಕಾಂಟ್ರಾಕ್ಟರ್‌ಗಳು ಮತ್ತು ಇತರ ಪಾಲುದಾರರೊಂದಿಗೆ ನಿಕಟವಾಗಿ ಕೆಲಸ ಮಾಡುವ ಮೂಲಕ ಕಾಂಟ್ರಾಕ್ಟರ್‌ಗಳು ನಿರ್ಮಾಣ ಪ್ರಕ್ರಿಯೆಯ ಉದ್ದಕ್ಕೂ ಹಲವಾರು ಜವಾಬ್ದಾರಿಗಳನ್ನು ನಿಭಾಯಿಸುತ್ತಾರೆ. ಕಾಂಟ್ರಾಕ್ಟರ್‌ಗಳ ಒಂದಿಷ್ಟು ನಿರ್ದಿಷ್ಟ ಕೆಲಸಗಳು ಒಂದು ಯೋಜನೆಯಿಂದ ಮತ್ತೊಂದು ಯೋಜನೆಗೆ ಬದಲಾಗಬಹುದು. ಆದರೆ ಅವರ ಸಾಮಾನ್ಯ ಕೆಲಸಗಳು ಹಾಗೂ ಜವಾಬ್ದಾರಿಗಳು ಬದಲಾಗುವುದಿಲ್ಲ. ಅವುಗಳ ಕುರಿತು ವಿವರವಾಗಿ ಅನ್ವೇಷಿಸೋಣ.
ಪರಿಣಾಮಕಾರಿ ಯೋಜನಾ ಪೂರ್ವ ಸಿದ್ಧತೆಯೊಂದಿಗೆ ನಿರ್ಮಾಣ ಯೋಜನೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸುವುದು ಕಾಂಟ್ರಾಕ್ಟರ್‌ಗಳ ಪ್ರಮುಖ ಪಾತ್ರವಾಗಿದೆ. ಯೋಜನೆಯ ಅಭಿವೃದ್ಧಿ ಮತ್ತು ಅನುಷ್ಠಾನವನ್ನು ಮುಂಚಿತವಾಗಿ ಯೋಜಿಸುವ ಜವಾಬ್ದಾರಿಯನ್ನು ಕಾಂಟ್ರಾಕ್ಟರ್ರು ವಹಿಸಿಕೊಳ್ಳುತ್ತಾರೆ. ಅದು ಈ ಮುಂದಿನವುಗಳನ್ನು ಒಳಗೊಂಡಿದೆ:
1. ಯೋಜನೆಗೆ ಅಗತ್ಯವಿರುವ ವಸ್ತುಗಳು, ಉಪಕರಣಗಳು ಮತ್ತು ಸಂಪನ್ಮೂಲಗಳನ್ನು ನಿರ್ಧಾರ ಮಾಡುವುದು ಮತ್ತು ಅಂದಾಜು ಮಾಡುವುದು.
2. ನಿರ್ಮಾಣ ಪ್ರಕ್ರಿಯೆಯಲ್ಲಿ ಉಂಟಾಗಬಹುದಾದ ಯಾವುದೇ ಸಂಭಾವ್ಯ ಮಾರ್ಪಾಡುಗಳನ್ನು ನಿರೀಕ್ಷಿಸುವುದು ಮತ್ತು ಲೆಕ್ಕ ಹಾಕುವುದು.
3. ಆರೋಗ್ಯ ಮತ್ತು ಸುರಕ್ಷತೆಯ ವಿಶೇಷಣಗಳ ಅನುಸರಣೆಯನ್ನು ಖಚಿತಪಡಿಸುವುದು.
4. ಕ್ಲೈಂಟ್ಗಳು ಮತ್ತು ಸಬ್ಕಾಂಟ್ರಾಕ್ಟರ್‌ಗಳು ಸೇರಿದಂತೆ ಒಳಗೊಂಡಿರುವ ಎಲ್ಲರ ಮಧ್ಯೆ ಅತ್ಯುತ್ತಮ ಸಂವಹನವನ್ನು ಸರಳಗೊಳಿಸುವುದು.
5. ಯೋಜನೆಗೆ ಸಂಬಂಧಿಸಿದ ಕಾನೂನು ಮತ್ತು ನಿಯಂತ್ರಕ ಅವಶ್ಯಕತೆಗಳನ್ನು ಗುರುತಿಸುವುದು ಮತ್ತು ಅನುಸರಿಸುವುದು.
ಯೋಜನಾ ನಿರ್ವಹಣೆಯಲ್ಲಿ ಕಾಂಟ್ರಾಕ್ಟರ್‌ಗಳು ಮಹತ್ವದ ಪಾತ್ರವನ್ನು ವಹಿಸಿಕೊಳ್ಳುತ್ತಾರೆ. ನಿರ್ಮಾಣ ಪ್ರಕ್ರಿಯೆಯ ವಿವಿಧ ಅಂಶಗಳನ್ನು ಮೇಲ್ವಿಚಾರಣೆ ಮಾಡುತ್ತಾರೆ. ಅವರ ಜವಾಬ್ದಾರಿಗಳು ಈ ಮುಂದಿನವುಗಳನ್ನು ಒಳಗೊಂಡಿವೆ:
1. ನಿರ್ಮಾಣ ಚಟುವಟಿಕೆಗಳಿಗೆ ನಿಗದಿಪಡಿಸಿದ ಬಜೆಟ್ ಅನ್ನು ನಿರ್ವಹಿಸುವುದು, ಆರ್ಥಿಕ ದಕ್ಷತೆಯನ್ನು ಖಚಿತಪಡಿಸುವುದು.
2. ನಿರ್ದಿಷ್ಟ ಕಾಮಗಾರಿಗಳನ್ನು ಪೂರ್ಣಗೊಳಿಸಲು ಅಗತ್ಯ ಪರಿಣತಿಯನ್ನು ಹೊಂದಿರುವ ಸರಿಯಾದ ಸಬ್ಕಾಂಟ್ರಾಕ್ಟರ್ರು ಮತ್ತು ಜನರನ್ನು ನೇಮಕ ಮಾಡಿಕೊಳ್ಳುವುದು.
3. ಸುಗಮವಾಗಿ ಯೋಜನೆಯನ್ನು ಕಾರ್ಯಗತಗೊಳಿಸಲು ಅಗತ್ಯವಿರುವ ಉಪಕರಣಗಳು, ಸಾಮಗ್ರಿಗಳು ಮತ್ತು ಇತರ ಸೇವೆಗಳನ್ನು ಸಂಯೋಜಿಸುವುದು ಮತ್ತು ನಿರ್ವಹಿಸುವುದು.
4. ಪರಿಸರಕ್ಕೆ ಆಗುವ ಹಾನಿಯನ್ನು ಕಡಿಮೆ ಮಾಡಲು ಪರಿಣಾಮಕಾರಿ ತ್ಯಾಜ್ಯ ನಿರ್ವಹಣಾ ಪದ್ದತಿಯನ್ನು ಅನುಷ್ಠಾನಗೊಳಿಸುವುದು.
5. ಒಪ್ಪಂದದ ದಾಖಲೆಗಳ ನಿಯಮಗಳ ಆಧಾರದ ಮೇಲೆ ಬಿಲ್‌ಗಳನ್ನು ಸಿದ್ಧಪಡಿಸುವುದು ಮತ್ತು ಸಲ್ಲಿಸುವುದು.
ಕಾಂಟ್ರಾಕ್ಟರ್ರು ನಿರ್ದಿಷ್ಟಪಡಿಸಿದ ಸಮಯದ ವೇಳಾಪಟ್ಟಿ, ಗುಣಮಟ್ಟದ ಮಾನದಂಡಗಳು ಮತ್ತು ಸುರಕ್ಷತಾ ಮಾರ್ಗಸೂಚಿಗಳಿಗೆ ಬದ್ಧವಾಗಿರುವುದನ್ನು ಖಚಿತಪಡಿಸಿಕೊಳ್ಳಲು ಯೋಜನೆಗಳನ್ನು ಅತ್ಯಂತ ಹತ್ತಿರದಿಂದ ಮೇಲ್ವಿಚಾರಣೆ ಮಾಡುತ್ತಾರೆ. ಅವರ ಮೇಲ್ವಿಚಾರಣೆಯ ಜವಾಬ್ದಾರಿಗಳು ಇವುಗಳನ್ನು ಒಳಗೊಂಡಿವೆ:
1. ಬದಲಾವಣೆಗಳು ಮತ್ತು ಫೀಡ್ಬ್ಯಾಕ್ ಆಧಾರದ ಮೇಲೆ ಯೋಜನೆಯ ಕಾರ್ಯಸೂಚಿಯನ್ನು ನಿಯಮಿತವಾಗಿ ಪರಿಶೀಲಿಸುವುದು, ಮಾರ್ಪಡಿಸುವುದು ಮತ್ತು ಪರಿಷ್ಕರಿಸುವುದು.
2. ಸಂಪನ್ಮೂಲಗಳನ್ನು ಅತ್ಯುತ್ತಮವಾಗಿಸಲು ಮತ್ತು ದಕ್ಷತೆಯನ್ನು ಹೆಚ್ಚಿಸಲು ಮಿತವ್ಯಯದ ನಿರ್ಮಾಣ ತಂತ್ರಗಳನ್ನು ಬಳಸಿಕೊಳ್ಳುವುದು.
3. ತೊಡಗಿಸಿಕೊಂಡಿರುವ ಎಲ್ಲಾ ವ್ಯಕ್ತಿಗಳಿಗೆ ಸುರಕ್ಷಿತ ಕೆಲಸದ ವಾತಾವರಣವನ್ನು ನಿರ್ವಹಿಸಲು ಸುರಕ್ಷತೆ-ಸಂಬಂಧಿತ ಸಮಸ್ಯೆಗಳನ್ನು ಮೇಲ್ವಿಚಾರಣೆ ಮಾಡುವುದು ಮತ್ತು ಪರಿಹರಿಸುವುದು.
ನಿರ್ಮಾಣ ಪ್ರಕ್ರಿಯೆಯ ಉದ್ದಕ್ಕೂ ಕಾನೂನು ಅನುಸರಣೆಯನ್ನು ಖಾತರಿಪಡಿಸುವ ಜವಾಬ್ದಾರಿಯನ್ನು ಕಾಂಟ್ರಾಕ್ಟರ್ರು ಹೊರುತ್ತಾರೆ. ಇವನ್ನು ಒಳಗೊಂಡಿದೆ:
1. ಕಟ್ಟಡ ಪರವಾನಗಿ ಅರ್ಜಿಗಳನ್ನು ನಿರ್ವಹಿಸುವುದು ಮತ್ತು ನಿಯಂತ್ರಕ ಅಗತ್ಯತೆಗಳ ಅನುಸರಣೆಯನ್ನು ಖಚಿತಪಡಿಸಿಕೊಳ್ಳುವುದು.
2. ಯೋಜನೆಯು ಅಗತ್ಯವಿರುವ ಎಲ್ಲಾ ಕಾನೂನು ಮತ್ತು ನಿಯಂತ್ರಕ ಮಾನದಂಡಗಳನ್ನು ಪೂರೈಸುತ್ತದೆ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು.
3. ನಿರ್ಮಾಣಕ್ಕೆ ಅಗತ್ಯವಾದ ಅನುಮತಿಗಳು, ಲೈಸನ್ಸ್ಗಳು ಮತ್ತು ಪರವಾನಗಿಗಳನ್ನು ಪಡೆದುಕೊಳ್ಳುವುದು.
ನಿರ್ಮಾಣ ಸ್ಥಳಗಳಲ್ಲಿ ಆರೋಗ್ಯ ಮತ್ತು ಸುರಕ್ಷತೆಗೆ ಆದ್ಯತೆ ನೀಡುವಲ್ಲಿ ಗುತ್ತಿಗೆದಾರರು ನಿರ್ಣಾಯಕ ಪಾತ್ರ ವಹಿಸುತ್ತಾರೆ. ಅವರು ಇದಕ್ಕೆ ಜವಾಬ್ದಾರರು:
1. ಕೆಲಸಗಾರರ ಮತ್ತು ಸೈಟ್ ಸಂದರ್ಶಕರ ಯೋಗಕ್ಷೇಮವನ್ನು ಖಾತ್ರಿಪಡಿಸುವ ಕಾರ್ಯಸಾಧ್ಯವಾದ ಸುರಕ್ಷತಾ ನೀತಿಯನ್ನು ಸ್ಥಾಪಿಸುವುದು. ಇದು ಅಪಾಯಕ್ಕೆ ಸಂಬಂಧಿಸಿದ ನಿರ್ವಹಣೆ ತಂತ್ರಗಳು, ತುರ್ತು ಪ್ರತಿಕ್ರಿಯೆ ವ್ಯವಸ್ಥೆಗಳು ಮತ್ತು ಅವುಗಳನ್ನು ತಡೆಗಟ್ಟುವ ಕ್ರಮಗಳನ್ನು ಒಳಗೊಂಡಿರಬಹುದು.
2. ನಿರ್ಮಾಣ ಸ್ಥಳದಲ್ಲಿ ಎಲ್ಲಾ ವ್ಯಕ್ತಿಗಳು ಸುಸಜ್ಜಿತರಾಗಿದ್ದಾರೆ ಮತ್ತು ಅಗತ್ಯ ಸುರಕ್ಷತಾ ಸಾಧನಗಳನ್ನು ಬಳಸುತ್ತಾರೆ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು.
3. ಅಪಘಾತಗಳು ಮತ್ತು ಗಾಯದ ಅಪಾಯವನ್ನು ಕಡಿಮೆ ಮಾಡಲು ಕಾರ್ಮಿಕರಿಗೆ ಸುರಕ್ಷತೆಯ ಅರಿವು ಮೂಡಿಸುವುದು ಮತ್ತು ತರಬೇತಿಯನ್ನು ಒದಗಿಸುವುದು.
ಸಂಕ್ಷಿಪ್ತವಾಗಿ ಹೇಳುವುದಾದರೆ, ನಿರ್ಮಾಣ ಯೋಜನೆಗಳಲ್ಲಿ ಗುತ್ತಿಗೆದಾರರ ಪಾತ್ರವು ಬಹುಮುಖಿಯಾಗಿದೆ ಮತ್ತು ಯೋಜನೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಲು ಪ್ರಮುಖವಾಗಿದೆ. ಯೋಜನಾ ಪೂರ್ವ ಸಿದ್ಧತೆ, ನಿರ್ವಹಣೆ, ಮೇಲ್ವಿಚಾರಣೆ, ಕಾನೂನು ಪಾಲನೆ ಮತ್ತು ಸುರಕ್ಷಿತ ಕೆಲಸದ ವಾತಾವರಣವನ್ನು ನಿರ್ಮಾಣ ಮಾಡುವುದಕ್ಕೆ ಅವರು ಜವಾಬ್ದಾರರಾಗಿರುತ್ತಾರೆ. ಕಾಂಟ್ರಾಕ್ಟರ್‌ಗಳು ಯೋಜನೆಗಳನ್ನು ಸಮರ್ಥವಾಗಿ ಮತ್ತು ಪರಿಣಾಮಕಾರಿಯಾಗಿ ಪೂರ್ಣಗೊಳಿಸಲು ಅಗತ್ಯವಾದ ಪರಿಣತಿ, ಸಂಪನ್ಮೂಲಗಳು ಮತ್ತು ಸಮನ್ವಯವನ್ನು ತರುತ್ತಾರೆ. ಕಾಂಟ್ರಾಕ್ಟರ್‌ಗಳ ಪಾತ್ರ ಮತ್ತು ಜವಾಬ್ದಾರಿಗಳನ್ನು ಅರ್ಥಮಾಡಿಕೊಳ್ಳುವ ಮೂಲಕ, ಕ್ಲೈಂಟ್ಗಳು ಮತ್ತು ಪಾಲುದಾರರು ನಿರ್ಮಾಣ ಯೋಜನೆಗಳಿಗೆ ಈ ಪ್ರಮುಖ ಕೊಡುಗೆದಾರರೊಂದಿಗೆ ಸಹಕಾರದಿಂದ ಕೆಲಸ ಮಾಡಬೇಕು.
