Share:
ఫ్లోర్ టైల్ క్రాకింగ్ అనేది మీ ఫ్లోర్ టైల్స్ లో బీటలు, పగుళ్లు లేదా ముక్కలై పోవడాన్ని సూచిస్తుంది. ఈ పగుళ్లు ఎంతో చిన్నవిగా పైకి కనిపించని పగుళ్లుగానూ ఉండవచ్చు లేదా టైల్స్ పై భాగాన్ని మాత్రమే ప్రభావితం చేసే పెద్దవిగానూ, పైకి కనిపించే పగుళ్లుగానూ ఉండవచ్చు. చూడడానికి అవి అసహ్యంగా ఉండటమే కాకుండా, కొన్ని సందర్భాల్లో ఈ పగుళ్లు మీ ఇల్లు లేదా వ్యాపార నిర్మాణం సమగ్రతకు పెద్ద ముప్పును కలిగించగల అంతర్లీన నిర్మాణ సమస్యలను సూచిస్తాయి.
మీ టైల్స్ లో పగుళ్లు, చివరికి హెయిర్‌లైన్ క్రాక్స్ వల్ల కూడా టైల్ కి వికృతంగా కనిపించడం మాత్రమే కాక మీ ఫ్లోరింగ్ క్రింద తేమ ప్రవేశించడానికి అవి గేట్‌వేలుగా పనిచేస్తాయి. ఇది బూజు పెరుగుదలకు దారితీస్తుంది. ఇంకా, కాలక్రమేణా, ఈ పగుళ్లు కూడా లోతుగా మారవచ్చు, మీ స్థలంలో ట్రిప్పింగ్ ప్రమాదాలను సృష్టిస్తుంది. ఎపోక్సీ గ్రౌట్ వంటి తగిన పరిష్కారాల్ని అనుసరించి టైల్స్ లో పగుళ్లను పూరించడం ద్వారా వాటి నివారణా, సత్వర మరమ్మతులూ చేసుకోవాలంటే ముందు ఈ పగుళ్లు ఎందుకు వస్తాయో అర్థం చేసుకోవడం చాలా ముఖ్యం.
ఫ్లోర్ టైల్స్ లో పగుళ్లు ఏర్పడటానికి అనేక అంశాలు దోహదం చేస్తాయి. ఫ్లోర్ టైల్స్ పగుళ్లను సమర్థవంతంగా నిరోధించడానికి ఈ కారణాలను అర్థం చేసుకోవడం చాలా ముఖ్యం. అత్యంత సాధారణ ప్రమాద కారకాలు ఇక్కడ ఇవ్వబడ్డాయి:
టైల్ పగుళ్లకు ప్రధాన కారణాలలో ఒకటి హార్డ్ ఇంపాక్ట్స్. టైల్స్ పై భారీ వస్తువులు పడినప్పుడు లేదా టైల్స్ దెబ్బతినే విధంగా ఏవైనా వస్తువులు పడినప్పుడు అవి వెంటనే పగుళ్లు ఏర్పడవచ్చు లేదా కాలక్రమేణా బలహీనపడవచ్చు. టైల్స్ దెబ్బతినకుండా ఉండటానికి టైల్స్ పై ఉన్న ఫర్నిచర్ ని జరిపేటప్పుడూ లేదా ఇతర భారీ వస్తువులను తరలించేటప్పుడూ జాగ్రత్తగా ఉండటం చాలా అవసరం.
ఇన్‌స్టలేషన్ పద్ధతులు సరిగా లేకపోయినా టైల్ పగుళ్లకు దారితీయవచ్చు. అడ్హెసివ్ కవరేజ్ సరిపోకపోవడం, గ్రౌటింగ్ సరిగ్గా చేయకపోవడం లేదా తగినంత సబ్‌స్ట్రేట్ తయారీ చేయకపోవడం వంటివి సాధారణ ఇన్‌స్టలేషన్ లో జరిగే పొరబాట్లు. వీటి ఫలితంగా పగుళ్లు ఏర్పడవచ్చు. అటువంటి సమస్యలను నివారించడానికి సరైన ఇన్‌స్టలేషన్ పద్ధతులను అనుసరించే ప్రొఫెషనల్ టైల్ ఇన్‌స్టాలర్‌ను నియమించుకోవడం చాలా ముఖ్యం.
టైల్స్ పై అధిక బరువు లేదా ఒత్తిడి వల్ల, అందునా ముఖ్యంగా స్ట్రక్చరల్ సపోర్టు సరిపోని ప్రాంతాల్లో, పగుళ్లు ఏర్పడతాయి. భారీ వస్తువులను టైల్స్ పై నేరుగా ఉంచినప్పుడు లేదా కొన్ని ప్రత్యేక స్పాట్స్ పై బాగా బలమైన బరువులు పడినప్పుడు ఇలా జరుగుతుంది. మీ టైల్స్ పై భాగాలపై బరువు సరిగా పంపిణీ అయేలా చూడాలనే విషయం గుర్తుంచుకోండి. పగుళ్లను నివారించడానికి సరైన సపోర్టుని ఉపయోగించండి.
టైల్ మన్నికలో సబ్‌ఫ్లోర్ లేదా అంతర్లీన ఉపరితలం ముఖ్యమైన పాత్ర పోషిస్తుంది. సబ్‌ఫ్లోర్ దెబ్బతిన్నా, పగుళ్లు ఏర్పడినా లేదా ఎగుడు దిగుడుగా ఉన్నా, అది పై టైల్స్ పై ఒత్తిడిని కలిగించి పగుళ్లకు దారి తీస్తుంది. టైల్ ఇన్‌స్టలేషన్‌కు ముందు సబ్‌స్ట్రేట్ మంచి స్థితిలో ఉండేలా చూసుకోండి. ఏవైనా నిర్మాణ సమస్యలను వెంటనే పరిష్కరించండి.
బిల్డింగ్ మెటీరియల్స్ సహజమైన కదలికలు, విస్తరణ కోసం కంట్రోల్ జాయింట్లు లేదా ఎక్స్పాన్షన్ జాయింట్లు రూపొందించబడ్డాయి. టైల్ వేసేటప్పుడు ఈ జాయింట్లని వదిలేస్తే ఫ్లోరింగ్ కదలికలని నిర్బంధించడం అవుతుంది. అది టైల్స్ పై ఒత్తిడిని కలిగిస్తుంది. ఫలితంగా పగుళ్లు, టైల్ పాపింగ్ జరుగుతుంది. కంట్రోల్ జాయింట్లని జాగ్రత్తగా పట్టించుకోండి. సంకోచ వ్యాకోచాల కోసం సరైన టైలింగ్ పద్ధతులను అనుసరించండి.
టైల్స్ పగలకుండా నివారించాలంటే నివారణ అనేది కీలకం. కొన్ని చురుకైన చర్యలు తీసుకోవడం ద్వారా, మీరు ఫ్లోర్ టైల్స్ పగిలే రిస్కుని తగ్గించడం, పగిలిన టైల్‌ను రిపేర్ చేయడంలో ఇబ్బందిని నివారించడం చేయవచ్చు. పగిలిన టైల్స్ ని నివారించడానికి క్రింది చిట్కాలను అమలు చేయడాన్ని పరిగణించండి:
పింగాణీ టైల్స్ చాలా మన్నికైనవి, ఇవి క్రాక్ రెసిస్టెంట్ కావడం వల్ల పగుళ్లకు నిరోధకతను కలిగి ఉంటాయి. ఈ రకమైన టైల్స్ కోసం ఎంచుకోవడం వలన టైల్ క్రాకింగ్ అవకాశాలను గణనీయంగా తగ్గించవచ్చు. పింగాణీ టైల్స్ వాటి బలం అధిక వినియోగాన్ని తట్టుకోగల సామర్థ్యానికి ప్రసిద్ధి చెందాయి. ఇవి ఎక్కువగా నడిచే చోట వినియోగించడానికి అద్భుతమైన ఎంపికగా మారాయి.
టైల్ పగుళ్లను నివారించడానికి సబ్‌ఫ్లోర్‌ను సరిగ్గా సిద్ధం చేయడం చాలా అవసరం. టైల్స్ కోసం స్థిరమైన, సమానమైన ఉపరితలం తయారుచేయడానికి ప్లైవుడ్ కాంక్రీట్ బేస్ ని ఉపయోగించండి. ఇది బరువును సమానంగా పంపిణీ చేయడానికి సహాయపడుతుంది. పునాది స్థిరంగా లేకపోవడం వల్ల పగుళ్లు వచ్చే రిస్కుని తగ్గిస్తుంది.
టైల్ ఇన్‌స్టాలేషన్‌కు ముందు, ఏదైనా బోలుగా లేదా ఎగుడు దిగుడు ప్రాంతాలు ఉన్నాయేమో చూడడం కోసం సబ్‌ఫ్లోర్‌ను పూర్తిగా చెక్ చేయండి. ఈ "డెడ్ స్పాట్స్" టైల్స్ ని బలహీనపరుస్తాయి, వాటిని పగుళ్లకు గురి చేస్తాయి. టైలింగ్ చేయడానికి ముందు సబ్‌ఫ్లోర్‌ను బలోపేతం చేయడం లేదా రిపేర్ చేయడం ద్వారా సమస్యల్ని పరిష్కరించండి.
ఉష్ణోగ్రత హెచ్చుతగ్గులు ఉండే పెద్ద ప్రాంతాలలో లేదా ప్రదేశాల్లో, ఎక్స్పాన్షన్ జాయింట్లు వేయడం చాలా ముఖ్యం. ఈ జాయింట్లు టైల్స్ సహజ కదలికలకి వీలు కలిగిస్తాయి, ఒత్తిడి వల్ల పగుళ్లు ఏర్పడకుండా నివారిస్తాయి. ఒక ప్రొఫెషనల్ ఇన్‌స్టాలర్‌ను సంప్రదించండి లేదా విస్తరణ జాయింట్‌ల సరైన అంతరాన్నీ మరియు ప్లేస్‌మెంట్‌నీ నిర్ణయించడానికి పరిశ్రమ మార్గదర్శకాలను అనుసరించండి.
పగిలిన లేదా ముక్కలైన టైల్స్ సమస్యని ఎదుర్కోవడం చాలా ఇబ్బందిగా ఉంటుంది. కానీ వాటి వెనుక ఉన్న కారణాలను అర్థం చేసుకోవడం మరియు వాటికి నివారణ చర్యలను అమలు చేయడం వల్ల మీ సమయం, డబ్బు ఆదా అవుతుంది, దిగులు పడకుండా మనశ్శాంతిగా ఉంటారు. ఈ బ్లాగ్‌లో వివరించిన మార్గదర్శకాలను అనుసరించడం ద్వారా, మీరు క్రాక్-ఫ్రీ మరియు దీర్ఘకాలం ఉండే టైల్డ్ సర్ఫేసెస్ మీద హాయిగా ఆనందిస్తూ ఉంటారు. మరింత లోతైన టైల్ ఇన్‌స్టాలేషన్ చిట్కాలు టెక్నిక్‌ల కోసం, టైల్ ఇన్‌స్టాలేషన్ చిట్కాలపై సరైన టైల్ ఇన్‌స్టాలేషన్ పద్ధతులపై విలువైన, మరింత నిశితమైన విషయాల్ని అందించే మా వీడియోను చూడండి.
