కాంక్రీటులో హనీకోంబింగ్: కారణాలు, రకాలు దాన్ని ఎలా పరిష్కరించాలి

ముఖ్యంగా చూడాల్సిన విషయాలు

• కాంక్రీటులో హనీకోంబింగ్, ఖాళీలు లేదా కేవిటీస్ వలన, చూడడానికి ఆకర్షణీయంగా ఉండదు, అంతే కాక, అది నిర్మాణ బలాన్ని కూడా పాడు చేస్తుంది. 

• పేలవమైన కంపాక్షన్, సరిగా మిక్స్ చేయకపోవడం, ఫార్మ్‌వర్క్ సమస్యలు, క్యూరింగ్ తేడాలు, ప్లేస్‌మెంట్ సవాళ్లు వంటి కారణాలను గుర్తించడం ఖచ్చితమైన నిర్మాణ పద్ధతుల  ప్రాముఖ్యతను హైలైట్ చేస్తుంది.

• నిర్మాణాత్మక ప్రభావం  తీవ్రతను అర్థం చేసుకోవడానికి తదనుగుణంగా నివారణ వ్యూహాలను ఎంచుకోవడానికి చిన్న, మధ్య తరహా పెద్ద హనీకోంబింగ్‌లను అర్థం చేసుకోవడం చాలా ముఖ్యం.

• కారణాలను గుర్తించడం, ఉపరితలాలను శుభ్రపరచడం నుండి ఖాళీలను పూరించడం, నునుపుగా చేయడం, క్యూరింగ్ చేయడం, జాగ్రత్తగా పరిశీలించడం వరకు, హనీకోంబింగ్‌ని కొన్ని సులభమైన దశలతో మరమ్మతులు చేయవచ్చు.

హనీకోంబింగ్ అంటే ఏమిటి?

కాంక్రీటు విషయంలో హనీకోంబింగ్ అనేది ఫార్మ్‌వర్క్‌ని అసంపూర్తిగా నింపడం వల్ల లేదా కాంక్రీటు కుదింపు సరిగా చేయని కారణంగా గట్టిపడిన కాంక్రీటులో మిగిలిపోయిన ఖాళీలు లేదా కావిటీలను సూచిస్తుంది. కాంక్రీటులో హనీకోంబింగ్ కాంక్రీటు నిర్మాణ సమగ్రతను బలహీనపరుస్తుంది. ఈ ప్రదేశంలోకి నీరు చొచ్చుకుపోయే అవకాశం ఉంటుంది, అది రీఇన్‌ఫోర్స్‌మెంట్‌ తుప్పు పట్టడానికీ, ఇతర మన్నిక సమస్యలకీ దారితీస్తుంది. 

అయినప్పటికీ, హనీకోంబింగ్‌ని నిరోధించడానికి మీరు చేయగల అనేక విషయాలు ఉన్నాయి. ఈ బ్లాగ్‌లో, హనీకోంబింగ్‌కి సంబంధించిన ప్రతిదానికీ, దాని కారణాల నుండి దాని మరమ్మత్తు వరకు, దానిని పరిష్కరించే మార్గాల వరకు మనం పరిశీలిద్దాం. ముందుగా కారణాలను పరిశీలిద్దాం.

కాంక్రీటులో హనీకోంబింగ్ ఏర్పడటానికి కారణాలు:

కాంక్రీటులో హనీకోంబింగ్ సాధారణంగా క్రింది ఒకటి లేదా అంతకంటే ఎక్కువ కారకాల వల్ల సంభవిస్తుంది: సరైన సంపీడనం (కంపాక్షన్) లేకపోవడం:

1. సరిగా లేని కంపాక్షన్

ఇది ట్రాప్డ్ ఎయిర్ వాయిడ్స్‌ (బలవంతంగా ఏర్పడ్డ గాలి ఖాళీల)కి దారి తీస్తుంది, ఇది హనీకోంబింగ్ ఏర్పడటానికి కారణమవుతుంది. ఇది సాధారణంగా కాంక్రీటు ప్లేస్‌మెంట్ కుదింపు సమయంలో తగినంత వైబ్రేషన్ ఇవ్వకపోవడం దీనికి కారణంగా ఉంటుంది. 

2. సరిగా లేని మిక్స్‌ నిష్పత్తి

తప్పుగా కలిపిన మిక్స్‌ నిష్పత్తిని ఉపయోగించడం వలన కాంక్రీటులో హనీకోంబింగ్ ఏర్పడుతుంది. ఉదాహరణకు, మిక్స్‌లో ఎక్కువ నీటిని ఉపయోగించడం వలన కాంక్రీటు మరింత జారుడుగా తయారవుతుంది, ఇది గట్టిగా ఉండే కంకరని వేరుచేస్తుంది, ఆ విధంగా అది వేరే చోట సెటిల్‌ అవడానికి దారితీస్తుంది.

3. ఫార్మ్‌వర్క్ సమస్యలు

పేలవంగా నిర్మించబడిన ఫార్మ్‌వర్క్ కూడా హనీకోంబింగ్‌కి దారి తీస్తుంది. ఫార్మ్‌వర్క్ సరిగ్గా మూసివేయబడకపోతే లేదా గట్టిగా సరిపోకపోతే, కాంక్రీటు బయటకు రావచ్చు, ఫలితంగా పని అంతా పూర్తయిపోయిన తర్వాత ప్రొడక్ట్‌లో ఖాళీలు, అసమానతలు ఏర్పడతాయి. దీన్ని నివారించడానికి, షట్టరింగ్ సాధారణం. నిర్మాణంలో షట్టరింగ్ అనేది కాంక్రీటు సెట్ చేయబడే వరకు సపోర్ట్‌ని అందించడానికి నిర్మాణంలో ఉపయోగించే తాత్కాలిక నిర్మాణం.

4. సరిగా చేయని క్యూరింగ్

కాంక్రీటు సరిగ్గా క్యూర్ చేయకపోతే, అది హనీకోంబింగ్‌తో సహా పగుళ్లు, ఖాళీలు ఏర్పడటానికి దారితీస్తుంది. కాంక్రీటు బలాన్నీ, మన్నికనీ పొందేలా చేయడానికి సరైన క్యూరింగ్ అవసరం.

5. కాంక్రీట్ పోసేటప్పుడు ఎదురయ్యే సమస్యలు

చాలా దూరం నుండి కాంక్రీట్ పోయడం లేదా తప్పు పరికరాలను ఉపయోగించడం వంటి తప్పు ప్లేస్‌మెంట్ పద్ధతులు కూడా హనీకోంబింగ్ ఏర్పడటానికి కారణమవుతాయి. కట్టడం పూర్తయ్యేసరికి ఆ నిర్మాణం దీర్ఘకాల మన్నిక కలిగి ఉండడానికి కాంక్రీటులో హనీకోంబింగ్ మూల కారణాలను గుర్తించడం, అలాగే వాటిని నివారించడం చాలా ముఖ్యం. 

కాంక్రీటులో హనీకోంబింగ్ రకాలు 

కాంక్రీటులో హనీకోంబింగ్ అనేది ఫార్మ్‌వర్క్‌ను అసంపూర్తిగా నింపడం లేదా కాంక్రీటు కుదింపు సరిగా లేని కారణంగా గట్టిపడిన కాంక్రీటులో మిగిలిపోయిన ఖాళీలు లేదా కావిటీలను సూచిస్తుంది. హనీకోంబింగ్ చిన్న నుండి మధ్యస్థం నుండి పెద్ద వరకు వివిధ పరిమాణాలలో సంభవించవచ్చు.

1. చిన్న హనీకోంబింగ్‌లు:

కాంక్రీటులోని చిన్న హనీకోంబింగ్‌లు సాధారణంగా 10మి.మీ. కంటే తక్కువ సైజులో ఉంటాయి. కాంక్రీటు వేసి కుదించిన తర్వాత మిగిలి ఉన్న చిన్న ఖాళీలు లేదా ఉపరితల అసమానతల వలన ఇవి సంభవించవచ్చు. ఈ చిన్న హనీకోంబింగ్‌లు సాధారణంగా నిర్మాణానికి సమస్యగా మారవు కానీ కట్టడం పని పూర్తయిపోయిన తర్వాత చూడడానికి అంత అందంగా ఉండకపోవచ్చు.

2. మధ్య తరహా హనీకోంబింగ్‌లు:

కాంక్రీటులో మధ్యస్థ-పరిమాణ హనీకోంబింగ్‌లు సాధారణంగా 10మి.మీ. 50 మి.మీ. మధ్య సైజులో ఉంటాయి. కంపాక్షన్‌ సమయంలో తగినంత వైబ్రేషన్‌ లేక లేదా పేలవమైన ఫార్మ్‌వర్క్ ఇన్‌స్టలేషన్ వంటి సమస్యల కారణంగా సంభవించవచ్చు. ఈ హనీకోంబింగ్‌లు కాంక్రీటు బలాన్నీ, మన్నికనీ తగ్గిస్తాయి. కట్టడ నిర్మాణం పూర్తయ్యాక నిర్మాణ సమగ్రతను నిర్ధారించడానికి దీనికి నివారణ చర్యలు చేపట్టాల్సిన అవసరం ఉండవచ్చు.

3. పెద్ద హనీకోంబింగ్‌లు:

కాంక్రీటులో పెద్ద హనీకోంబింగ్‌లు సాధారణంగా 50 మి.మీ. కంటే ఎక్కువ సైజులో ఉంటాయి. సరిగా చేయని ఫార్మ్‌వర్క్, ప్లేస్‌మెంట్ లేదా కుదింపు సరిగా లేకపోవడం లేదా కాంక్రీటును పోయడానికి ముందు ఫార్మ్‌వర్క్ నుండి ఏవైనా శిథిలాలు లేదా అడ్డంకులను తొలగించడంలో వైఫల్యం వంటి సమస్యల వల్ల సంభవించవచ్చు. పెద్ద హనీకోంబింగ్‌లు కాంక్రీటు నిర్మాణ సమగ్రతను గణనీయంగా తగ్గిస్తాయి, పెద్ద మరమ్మతులు లేదా రిప్లేస్‌మెంట్‌ అవసరం కావచ్చు.