ಕಾಂಕ್ರೀಟ್​ನಲ್ಲಿ ಹನಿಕೊಂಬಿಂಗ್: ಹಾಗೆ ಆಗಲು ಕಾರಣಗಳು, ಪ್ರಕಾರಗಳು ಮತ್ತು ಅದನ್ನು ಸರಿಪಡಿಸುವುದು ಹೇಗೆ

ಪ್ರಮುಖಾಂಶಗಳು

• ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್​ಗಳು ಖಾಲಿ ಜಾಗಗಳು ಅಥವಾ ಕುಳಿಗಳಿಂದ ಉಂಟಾಗುತ್ತದೆ. ಇದು ನೋಟದ ಮೇಲೆ ಪರಿಣಾಮ ಬೀರುವುದರೊಂದಿಗೆ ಸ್ಟ್ರಕ್ಚರ್​ನ ಶಕ್ತಿಯನ್ನೂ ಕಡಿಮೆ ಮಾಡುತ್ತದೆ. 

• ಕಳಪೆ ಸಂಕೋಚನ, ಸರಿಯಾಗಿ ಮಿಶ್ರಣ ಮಾಡದಿರುವುದು, ಫಾರ್ಮ್‌ವರ್ಕ್ ಸಮಸ್ಯೆಗಳು, ಕ್ಯೂರಿಂಗ್ ಸರಿಯಾಗಿ ಮಾಡದಿರುವುದು ಮತ್ತು ನಿಯೋಜನೆಯ ಸವಾಲುಗಳು. ಇವುಗಳನ್ನು ಮೊದಲೇ ಗುರುತಿಸುವುದು ಕನ್​​ಸ್ಟ್ರಕ್ಷನ್ ಮಾಡುವ ಅಭ್ಯಾಸಗಳ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ.

• ಸ್ಟ್ರಕ್ಚರಲ್ ಪ್ರಭಾವದ ತೀವ್ರತೆಯನ್ನು ಅರ್ಥಮಾಡಿಕೊಳ್ಳಲು ಮತ್ತು ಅದಕ್ಕೆ ಅನುಗುಣವಾಗಿ ಪರಿಹಾರ ತಂತ್ರಗಳನ್ನು ಕಂಡುಕೊಳ್ಳಲು, ಅವುಗಳ ಸೈಜ್​ ಅನ್ನು ಅಂದರೆ ಚಿಕ್ಕ, ಮಧ್ಯಮ ಮತ್ತು ದೊಡ್ಡ ಸೈಜ್​ ಎಂಬುದನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ.

• ಕಾರಣಗಳನ್ನು ಕಂಡುಕೊಳ್ಳುವುದು ಮತ್ತು ಹೊರಮೈ ಸ್ವಚ್ಛಮಾಡುವುದರಿಂದ ಶುರುಮಾಡಿ ಖಾಲಿಜಾಗಗಳನ್ನು ತುಂಬುವುದು, ನಯಗೊಳಿಸುವುದು, ಕ್ಯೂರಿಂಗ್ ಮಾಡುವುದು ಮತ್ತು ನಿಖರವಾದ ತಪಾಸಣೆ ಮಾಡುವ ಮೂಲಕ ಹನಿಕೊಂಬಿಂಗ್​ಗಳನ್ನು ಸುಲಭವಾದ ಕೆಲವು ಉಪಾಯಗಳೊಂದಿಗೆ ಸರಿಪಡಿಸಬಹುದು.

ಹನಿಕೊಂಬಿಂಗ್ ಎಂದರೆ ಏನು?

ಕಾಂಕ್ರೀಟ್‌ ಮಾಡುವ ಸಂದರ್ಭದಲ್ಲಿ, ಫಾರ್ಮ್‌ವರ್ಕ್‌ನ ಅರ್ಧಮರ್ಧ ತುಂಬುವುದು ಅಥವಾ ಕಾಂಕ್ರೀಟ್‌ನ ಅಸಮರ್ಪಕ ಸಂಕೋಚನದಿಂದಾಗಿ ಗಟ್ಟಿಯಾದ ಕಾಂಕ್ರೀಟ್‌ನಲ್ಲಿ ಉಳಿದಿರುವ ಖಾಲಿಜಾಗಗಳು ಅಥವಾ ಕುಳಿಗಳನ್ನು ಹನಿಕೊಂಬಿಂಗ್ ಸೂಚಿಸುತ್ತದೆ.  ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್ ಕಾಂಕ್ರೀಟ್‌ನ ಸ್ಟ್ರಕ್ಚರಲ್ ಸಮಗ್ರತೆಯನ್ನು ದುರ್ಬಲಗೊಳಿಸುತ್ತದೆ. ಜೊತೆಗೆ ಹೆಚ್ಚು ನೀರು ಒಳಗೆ ಹೋಗುವಂತೆ ಮಾಡುತ್ತದೆ, ಇದು ಹೆಚ್ಚಾಗಿ ತುಕ್ಕು ಹಿಡಿಯುವು ಮತ್ತು ಇತರ ಬಾಳಿಕೆ ಸಮಸ್ಯೆಗಳಿಗೆ ಕಾರಣವಾಗಬಹುದು.

ಆದರೂ ಕೂಡ, ಹನಿಕೊಂಬಿಂಗ್​ ಉಂಟಾಗದಂತೆ ಮಾಡಲು ಹಲವು ಕೆಲಸಗಳಿವೆ. ಈ ಬ್ಲಾಗ್‌ನಲ್ಲಿ, ಹನಿಕೊಂಬಿಂಗ್​ಗಳಿಗೆ ಸಂಬಂಧಿಸಿದ ಎಲ್ಲವನ್ನೂ, ಅಂದರೆ ಅದಕ್ಕೆ ಕಾರಣಗಳಿಂದ ಶುರುಮಾಡಿ ಅದರ ದುರಸ್ತಿಗೆ ಮತ್ತು ಅದನ್ನು ಸರಿಪಡಿಸುವ ಮಾರ್ಗಗಳನ್ನು ನಾವು ತೋರಿಸುತ್ತೇವೆ. ನಾವೀಗ ಕಾರಣಗಳನ್ನು 

ಕಾಂಕ್ರೀಟ್ ಮಾಡುವಾಗ ಹನಿಕೊಂಬಿಂಗ್​ ಉಂಟಾಗುವುದಕ್ಕೆ ಕಾರಣಗಳು:

ಸಾಮಾನ್ಯವಾಗಿ ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್ ಕೆಳಗಿನ ಒಂದು ಅಥವಾ ಒಂದಕ್ಕಿಂತ ಹೆಚ್ಚಿನ ಅಂಶಗಳಿಂದ ಉಂಟಾಗುತ್ತದೆ: ಕಳಪೆ ಸಂಕೋಚನ:

1. ಅಸಮರ್ಪಕ ಸಂಕೋಚನ

 ಇದು ನಿರ್ಮಾಣದಲ್ಲಿ ಗಾಳಿ ತುಂಬಿಕೊಂಡು ಖಾಲಿ ಜಾಗೆ ಉಳಿಯುವುದರಿಂದ, ಹನಿಕೊಂಬಿಂಗ್​ಗೆ ಕಾರಣವಾಗಬಹುದು. ಇದು ಸಾಮಾನ್ಯವಾಗಿ ಕಾಂಕ್ರೀಟ್​ ಹಾಕುವಾಗ ಮತ್ತು ನಂತರ ಸಂಕೋಚನ ಮಾಡುವ ಸಮಯದಲ್ಲಿ ಸಾಕಷ್ಟು ಅದರುವ ಕಾರಣದಿಂದ ಉಂಟಾಗುತ್ತದೆ.

2. ಅಸಮರ್ಪಕ ಮಿಶ್ರಣದ ಅನುಪಾತ

ಮಿಶ್ರಣದ ಅಸಮರ್ಪಕ ಅನುಪಾತಗಳನ್ನು ಬಳಸುವುದು ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್​ಗೆ ಕಾರಣವಾಗಬಹುದು.  ಉದಾಹರಣೆಗೆ, ಮಿಶ್ರಣ ಮಾಡುವಾಗ ಹೆಚ್ಚು ನೀರು ಹಾಕುವುದರಿಂದ ಕಾಂಕ್ರೀಟ್ ಹೆಚ್ಚು ತೆಳ್ಳಗಾಗಬಹುದು. ಅದರಿಂದ ನಯವಿಲ್ಲದ ಸಮುಚ್ಚಯಗಳ ಪ್ರತ್ಯೇಕತೆ ಮತ್ತು ನೆಲೆಗೊಳ್ಳುವಿಕೆಗೆ ಕಾರಣವಾಗಬಹುದು.

3. ಫಾರ್ಮ್‌ವರ್ಕ್ ಸಮಸ್ಯೆಗಳು

ಕಳಪೆ ಗುಣಮಟ್ಟದ ಫಾರ್ಮ್‌ವರ್ಕ್ ಹಾಕುವುದು ಕೂಡ ಹನಿಕೊಂಬಿಂಗ್​ಗೆ ಕಾರಣವಾಗಬಹುದು. ಫಾರ್ಮ್​ವರ್ಕ್​​ ಅನ್ನು ಸರಿಯಾಗಿ ಸಿದ್ಧತೆ ಮಾಡಿಕೊಳ್ಳದಿದ್ದರೆ ಅಥವಾ ಅದು ಬಿಗಿಯಾಗಿ ಹಿಡಿದುಕೊಳ್ಳದಿದ್ದಲ್ಲಿ ಕಾಂಕ್ರೀಟ್ ಸೋರಿಕೆಯಾಗಬಹುದು. ಅದರ ಪರಿಣಾಮವಾಗಿ ಪೂರ್ಣಗೊಳಿಸಿದ ನಿರ್ಮಾಣದಲ್ಲಿ ಪೊಳ್ಳುಗಳು ಮತ್ತು ಖಾಲಿ ಜಾಗೆಗಳು ಉಂಟಾಗುತ್ತವೆ. ಇದಾಗದಂತೆ ನೋಡಿಕೊಳ್ಳಲು, ಶಟರ್ ಮಾಡುವುದು ಸಾಮಾನ್ಯವಾಗಿದೆ. ನಿರ್ಮಾಣದಲ್ಲಿ ಶಟರ್ ಎನ್ನುವುದು ಕಾಂಕ್ರೀಟ್ ಅನ್ನು ಗಟ್ಟಿಗೊಳಿಸುವವರೆಗೆ ಅದನ್ನು ಹಿಡಿದಿಟ್ಟುಕೊಳ್ಳಲು ನಿರ್ಮಾಣದಲ್ಲಿ ಬಳಸಲಾಗುವ ತಾತ್ಕಾಲಿಕ ಸ್ಟ್ರಕ್ಚರ್ ಆಗಿದೆ.

4. ಅಸಮರ್ಪಕ ಕ್ಯೂರಿಂಗ್

ಕಾಂಕ್ರೀಟ್ ಅನ್ನು ಸರಿಯಾಗಿ ಸಂಸ್ಕರಿಸದಿದ್ದರೆ, ಇದು ಹನಿಕೊಂಬಿಂಗ್ ಸೇರಿದಂತೆ ಬಿರುಕುಗಳು ಮತ್ತು ಪೊಳ್ಳುಗಳು ಉಂಟಾಗಲು ಕಾರಣವಾಗಬಹುದು. ಕಾಂಕ್ರೀಟ್ ಶಕ್ತಿ ಮತ್ತು ಬಾಳಿಕೆ ಬರುವಂತೆ ಆಗುವುದನ್ನು ಖಚಿತಪಡಿಸಿಕೊಳ್ಳಲು ಸರಿಯಾಗಿ ಕ್ಯೂರಿಂಗ್ ಮಾಡುವುದು ಅತ್ಯಗತ್ಯ.

5. ಹಾಂಕ್ರೀಟ್ ಹಾಕುವುದರ ಸಮಸ್ಯೆಗಳು

ಅತ್ಯಂತ ದೂರದಿಂದ ಕಾಂಕ್ರೀಟ್ ಅನ್ನು ಸುರಿಯುವುದು ಅಥವಾ ಅಸಮರ್ಪಕ ಸಾಧನಗಳನ್ನು ಬಳಸಿ ಕಾಂಕ್ರೀಟ್ ಹಾಕುವಂತಗ ಅಸಮರ್ಪಕ ತಂತ್ರಗಳು ಕೂಡ ಹನಿಕೊಂಬಿಂಗ್​ಗೆ ಕಾರಣವಾಗಬಹುದು. ಹಾಕಲು ಸಿದ್ಧಪಡಿಸಿಕೊಂಡಿರುವ ವಸ್ತುವು ರಚನಾತ್ಮಕವಾಗಿ ಉತ್ತಮ ಮತ್ತು ಬಾಳಿಕೆ ಬರುವಂತೆ ಮಾಡಲು ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್​ಗಳ ಮೂಲ ಕಾರಣಗಳನ್ನು ಗುರುತಿಸುವುದು ಮತ್ತು ಪರಿಹರಿಸುವುದು ಮುಖ್ಯವಾಗಿದೆ. 

ಕಾಂಕ್ರೀಟ್​ನಲ್ಲಿ ಹನಿಕೊಂಬಿಂಗ್ ವಿಧಗಳು

ಕಾಂಕ್ರೀಟ್‌ನಲ್ಲಿ ಹನಿಕೊಂಬಿಂಗ್​ ಫಾರ್ಮ್‌ವರ್ಕ್‌ನಲ್ಲಿ ಸರಿಯಾಗಿ ಹಾಕದಿರುವುದು ಅಥವಾ ಕಾಂಕ್ರೀಟ್‌ನ ಅಸಮರ್ಪಕ ಸಂಕೋಚನದಿಂದಾಗಿ ಗಟ್ಟಿಯಾದ ಕಾಂಕ್ರೀಟ್‌ನಲ್ಲಿ ಉಳಿದಿರುವ ಪೊಳ್ಳುಗಳು ಅಥವಾ ಕುಳಿಗಳನ್ನು ಸೂಚಿಸುತ್ತದೆ. ಚಿಕ್ಕದರಿಂದ ದೊಡ್ಡದರವರೆಗೆ, ಹಿಗೆ ಹನಿಕೊಂಬಿಂಗ್ ವಿವಿಧ ಸೈಜ್​ಗಳಲ್ಲಿ ಉಂಟಾಗಬಹುದು.

1. ಚಿಕ್ಕ ಹನಿಕೊಂಬಿಂಗ್​ಗಳು:

ಕಾಂಕ್ರೀಟ್‌ನಲ್ಲಿನ ಸಣ್ಣ ಹನಿಕೊಂಬಿಂಗ್​ಗಳು ಸಾಮಾನ್ಯವಾಗಿ 10 ಮಿ.ಮೀ.ಗಿಂತ ಕಡಿಮೆ ಸೈಜ್​ನಲ್ಲಿರುತ್ತವೆ. ಹಾಗೂ ಕಾಂಕ್ರೀಟ್ ಅನ್ನು ಹಾಕಿದ ಮತ್ತು ಸಂಕುಚಿತಗೊಳಿಸಿದ ನಂತರ ಉಳಿದಿರುವ ಸಣ್ಣ ಪೊಳ್ಳುಗಳು ಅಥವಾ ಹೊರಮೈ ಮೇಲಿನ ಕುಳಿಗಳಿಂದ ಉಂಟಾಗಬಹುದು. ಈ ಸಣ್ಣ ಹನಿಕೊಂಬಿಂಗ್​ಗಳು ಸಾಮಾನ್ಯವಾಗಿ ಸ್ಟ್ರಕ್ಚರ್​ ಮೇಲೆ ಹೆಚ್ಚಿನ ಪರಿಣಾಮ ಬೀರದಿರಬಹುದು. ಆದರೆ ಸಿದ್ಧಪಡಿಸಿದ ಪ್ರೊಡಕ್ಟ್​ನ ಸೌಂದರ್ಯದ ಮೇಲೆ ಪರಿಣಾಮ ಬೀರಬಹುದು.

2. ಮಧ್ಯಮ ಗಾತ್ರದ ಹನಿಕೊಂಬಿಂಗ್​ಗಳು:

ಕಾಂಕ್ರೀಟ್‌ನಲ್ಲಿ ಮಧ್ಯಮ ಗಾತ್ರದ ಹನಿಕೊಂಬ್​ಗಳು ಸಾಮಾನ್ಯವಾಗಿ 10 ಮಿ.ಮೀ.ನಿಂದ 50 ಮಿ.ಮೀ. ಗಾತ್ರದಲ್ಲಿರುತ್ತವೆ. ಜೊತೆಗೆ ಸಂಕುಚಿತಗೊಳಿಸುವ ಸಮಯದಲ್ಲಿ ಸಾಕಷ್ಟು ಅದರುವುದು ಅಥವಾ ಕಳಪೆ ಫಾರ್ಮ್‌ವರ್ಕ್ ಹಾಕುವಂತಹ ಸಮಸ್ಯೆಗಳಿಂದ ಆಗಬಹುದು. ಈ ಹನಿಕೊಂಬಿಂಗ್​ಗಳು ಕಾಂಕ್ರೀಟ್‌ನ ಶಕ್ತಿ ಮತ್ತು ಬಾಳಿಕೆಗಳನ್ನು ಕಡಿಮೆ ಮಾಡಬಹುದು. ಹೀಗಾಗಿ ಸಿದ್ಧಪಡಿಸಿದ ಪ್ರೊಡಕ್ಟ್​​ನ ಸ್ಟ್ರಕ್ಚರಲ್ ಸಮಗ್ರತೆಯನ್ನು ಖಚಿತಪಡಿಸಿಕೊಳ್ಳಲು ಇದಕ್ಕೆ ಪರಿಹಾರ ಕಂಡುಕೊಳ್ಳುವ ಅಗತ್ಯವಿರುತ್ತದೆ.

3. ದೊಡ್ಡದಾದ ಹನಿಕೊಂಬ್​ಗಳು:

ಕಾಂಕ್ರೀಟ್‌ನಲ್ಲಿರುವ ದೊಡ್ಡ ಹನಿಕೊಂಬಿಂಗ್​ಗಳು ಸಾಮಾನ್ಯವಾಗಿ 50 ಮಿ.ಮೀ.ಗಿಂತ ದೊಡ್ಡದಿರುತ್ತವೆ. ಮತ್ತು ಅಸಮರ್ಪಕ ಫಾರ್ಮ್‌ವರ್ಕ್, ಸರಿಯಾಘಿ ಹಾಕದಿರುವುದು ಅಥವಾ ಸಂಕುಚಿತಗೊಳಿಸುವಿಕೆ ಅಥವಾ ಕಾಂಕ್ರೀಟ್ ಸುರಿಯುವ ಮೊದಲು ಫಾರ್ಮ್‌ವರ್ಕ್‌ನಲ್ಲಿರುವ ಯಾವುದೇ ಚೂರುಗಳು ಅಥವಾ ಕಸಕಡ್ಡಿಗಳನ್ನು ತೆಗೆದುಹಾಕದಿರುವ ಸಮಸ್ಯೆಗಳಿಂದ ಉಂಟಾಗಬಹುದು. ದೊಡ್ಡ ಹನಿಕೊಂಬಿಂಗ್​ಗಳು ಕಾಂಕ್ರೀಟ್​ನ ಸ್ಟ್ರಕ್ಚರಲ್ ಸಮಗ್ರತೆಯನ್ನು ಗಮನಾರ್ಹವಾಗಿ ಕಡಿಮೆ ಮಾಡಬಹುದು. ಅದರೊಂದಿಗೆ ದೊಡ್ಡ ರಿಪೇರಿ ಅಥವಾ ಬದಲಿಸುವ ಅಗತ್ಯವಿರುತ್ತದೆ.