Share:
പ്രധാന കണ്ടെത്തലുകൾ
• വായുഅറകളും പൊള്ളയായ ഭാഗങ്ങളും മൂലമുണ്ടാകുന്ന കോൺക്രീറ്റിലെ ഹണികോമ്പിംഗ് കാഴ്ചയ്ക്കുള്ള ഭംഗിയെ മാത്രമല്ല, കെട്ടിടത്തിന്റെ കെട്ടുറപ്പിനെയും ബാധിക്കുന്നു.
• ദുർബലമായ സാന്ദ്രത, മിക്സിങ്ങിലെ അപാകത, ഫോം വർക്ക് പ്രശ്നങ്ങൾ, ക്യൂറിംഗ് പിഴവുകൾ, പ്ലേസ്മെന്റിന്റെ പ്രശ്നങ്ങൾ തുടങ്ങിയ കാരണങ്ങൾ തിരിച്ചറിയുന്നത് കൃത്യമായ നിർമ്മാണ രീതികളുടെ പ്രാധാന്യം എടുത്തുകാണിക്കുന്നു.
• നിർമ്മാണത്തിലെ കുഴപ്പത്തിന്റെ തീവ്രത മനസിലാക്കുന്നതിനും അതിനനുസരിച്ച് പരിഹാര മാർഗ്ഗങ്ങൾ തിരഞ്ഞെടുക്കുന്നതിനും ഹണികോമ്പിംഗ്, ചെറുതാണോ ഇടത്തരമാണോ വലുതാണോ എന്ന് മനസ്സിലാക്കേണ്ടത് പ്രധാനമാണ്.
• കാരണങ്ങൾ തിരിച്ചറിയുന്നതും ഉപരിതലം വൃത്തിയാക്കുന്നതും മുതൽ പൊള്ളയായ ഭാഗങ്ങളുടെ നികത്തൽ, മിനുക്കൽ, ക്യൂറിംഗ്, സൂക്ഷ്മ പരിശോധന എന്നിവ വരെ, ഹണികോമ്പിംഗ് എളുപ്പത്തിൽ ചെറിയ ഘട്ടങ്ങളിലൂടെ പരിഹരിക്കാൻ കഴിയും.
കോൺക്രീറ്റ് ചെയ്ത സമയത്ത്, ഫോം വർക്ക് പൂർത്തിയാകാത്തതോ കോൺക്രീറ്റിന്റെ അനുചിതമായ സംയോജനമോ കാരണം ഉറച്ച കോൺക്രീറ്റിൽ അവശേഷിക്കുന്ന വായുഅറകളെയോ പൊള്ളയായ ഭാഗങ്ങളെയോ ആണ് ഹണികോംബിംഗ് സൂചിപ്പിക്കുന്നത്. കോൺക്രീറ്റിലെ ഹണികോംബിംഗ് കോൺക്രീറ്റിന്റെ ഘടനാപരമായ കെട്ടുറപ്പിനെ ദുർബലപ്പെടുത്തുകയും വെള്ളം അരിച്ചിറങ്ങാനുള്ള സാധ്യത കൂട്ടുകയും ചെയ്യും, ഇത് തേയ്മാനങ്ങൾക്കും കെട്ടുറപ്പിനെ ബാധിക്കുന്ന മറ്റ് പ്രശ്നങ്ങൾക്കും കാരണമാകും.
എന്നിരുന്നാലും, ഹണികോംമ്പിംഗ് തടയാൻ നിങ്ങൾക്ക് ചെയ്യാൻ കഴിയുന്ന പല കാര്യങ്ങളുണ്ട്. ഈ ബ്ലോഗിൽ, ഹണികോംമ്പിംഗുമായി ബന്ധപ്പെട്ട എല്ലാ കാര്യങ്ങളും, അതിന്റെ കാരണങ്ങൾ മുതൽ അതിന്റെ അറ്റകുറ്റപ്പണി, അത് പരിഹരിക്കാനുള്ള വഴികൾ എന്നിവയും ഞങ്ങൾ ചർച്ച ചെയ്യും. അതിന്റെ കാരണങ്ങളിലേക്ക് നമുക്ക് കടക്കാം.
കോൺക്രീറ്റിലെ ഹണികോമ്പിംഗ് സാധാരണയായി ഇനിപ്പറയുന്ന ഒന്നോ അതിലധികമോ കാരണങ്ങളാലാണ് ഉണ്ടാകുന്നത്: സംയോജനത്തിലെ പാകപ്പിഴ:
ഇത് ഹണികോമ്പിംഗിന് കാരണമാകുന്ന വായു അറകൾ രൂപപ്പെടാൻ ഇടയാക്കും. ഇത് സാധാരണയായി സംഭവിക്കുന്നത് കോൺക്രീറ്റ് ഇടുമ്പോഴും ഒതുക്കുമ്പോഴും വേണ്ടത്ര വൈബ്രേഷൻ കൊടുക്കാത്തതു മൂലമാണ്.
തെറ്റായ അനുപാതത്തിൽ മിക്സ് ചെയ്യുന്നതും കോൺക്രീറ്റിലെ ഹണികോമ്പിംഗിന് കാരണമാകും. ഉദാഹരണത്തിന്, മിക്സ് ചെയ്യുമ്പോൾ വളരെയധികം വെള്ളം ഉപയോഗിക്കുന്നത് കോൺക്രീറ്റിനെ കൂടുതൽ ദ്രാവക രൂപത്തിലാക്കും, ഇത് അഗ്രെഗേറ്റുകൾ ഒറ്റപ്പെട്ടുപോകാനും ഉറച്ചുപോകാനും കാരണമാകും.
ദുർബലമായി നിർമ്മിച്ച ഫോം വർക്കും ഹണികോമ്പിംഗിന് കാരണമാകും. ഫോം വർക്ക് ശരിയായി സീൽ ചെയ്തിട്ടില്ലെങ്കിൽ അല്ലെങ്കിൽ ഉറപ്പായി യോജിച്ചിട്ടില്ലെങ്കിൽ, കോൺക്രീറ്റിന് ചോർച്ച സംഭവിക്കാം, ഇത് പണി തീർന്നുകഴിയുമ്പോൾ പൊള്ളയായ അറകൾ രൂപപ്പെടാനും മറ്റ് ക്രമക്കേടുകൾക്കും കാരണമാകും. ഇതൊഴിവാക്കാൻ സാധാരണയായി ഷട്ടറിംഗ് ചെയ്യുന്നു. കോൺക്രീറ്റ് സെറ്റ് ആകുന്നതുവരെ പിടിച്ചുനിൽക്കാൻ സഹായിക്കുന്നതിന് നിർമ്മാണത്തിൽ ഉപയോഗിക്കുന്ന ഒരു താൽക്കാലിക സ്ട്ക്ചറാണ് ഷട്ടറിംഗ്.
കോൺക്രീറ്റിന്റെ ക്യൂറിംഗ് ശരിയായി നടന്നില്ലെങ്കിൽ, ഇത് ഹണികോമ്പിംഗ് ഉൾപ്പെടെ, വിള്ളലുകളും പൊള്ളയായ അറകളും രൂപപ്പെടാൻ കാരണമാകും. കോൺക്രീറ്റിന് ഉറപ്പും ഈടും ലഭിക്കുന്നുണ്ടെന്ന് ഉറപ്പാക്കാൻ ശരിയായ ക്യൂറിംഗ് അത്യാവശ്യമാണ്.
വളരെ ഉയരത്തിൽ നിന്ന് കോൺക്രീറ്റ് ഒഴിക്കുക അല്ലെങ്കിൽ അനുചിതമായ ഉപകരണങ്ങൾ ഉപയോഗിക്കുക പോലെയുള്ള കോൺക്രീറ്റ് ഇടുന്നതിലെ പിഴവുകളും ഹണികോമ്പിംഗിന് കാരണമാകും. ഫിനിഷ് ചെയ്ത് ചെയ്ത് കഴിയുമ്പോൾ നിർമ്മിതി മികച്ചതും ഈടുനിൽക്കുന്നതുമാണെന്ന് ഉറപ്പാക്കാൻ കോൺക്രീറ്റിലെ ഹണികോമ്പിംഗിന്റെ മൂലകാരണങ്ങൾ തിരിച്ചറിയുകയും അത് പരിഹരിക്കുകയും ചെയ്യേണ്ടത് പ്രധാനമാണ്.
ഫോം വർക്ക് പൂർത്തിയാകാത്തതോ കോൺക്രീറ്റിന്റെ അനുചിതമായ സംയോജനമോ കാരണം കോൺക്രീറ്റ് ഉറച്ചുകഴിയുമ്പോൾ രൂപപ്പെടുന്ന വായുഅറകളെയോ പൊള്ളയായ ഭാഗങ്ങളെയോ ആണ് കോൺക്രീറ്റിലെ ഹണികോമ്പിംഗ് സൂചിപ്പിക്കുന്നത്. ചെറുത്, ഇടത്തരം, വലുത് ഇങ്ങനെ വ്യത്യസ്ത വലുപ്പങ്ങളിൽ ഹണികോംമ്പിഗ് ഉണ്ടാകാം.
കോൺക്രീറ്റിലെ ചെറിയ ഹണികോമ്പുകൾ സാധാരണയായി 10 മില്ലിമീറ്ററിൽ താഴെ വലുപ്പമുള്ളവയാണ്, കോൺക്രീറ്റ് ഇട്ട് ഒതുക്കിയ ശേഷം അവശേഷിക്കുന്ന ചെറിയ പൊള്ളയായ ഭാഗങ്ങളോ ഉപരിതലത്തിലെ പ്രശ്നങ്ങളോ മൂലമാകാം ഇത് സംഭവിക്കുന്നത്. ഈ ചെറിയ ഹണികോംമ്പുകൾ സാധാരണയായി നിർമ്മിതിയുടെ കെട്ടുറപ്പിനെ ബാധിക്കാറില്ല, പക്ഷേ പണി പൂർത്തിയായി കഴിയുമ്പോൾ കാഴ്ചയ്ക്കുള്ള ഭംഗിയെ ബാധിക്കും.
കോൺക്രീറ്റിലെ ഇടത്തരം വലുപ്പമുള്ള ഹണികോമ്പുകൾ സാധാരണയായി 10 മില്ലിമീറ്റർ മുതൽ 50 മില്ലിമീറ്റർ വരെ വലുപ്പമുള്ളവയാണ്, കോൺക്രീറ്റ് ഒതുക്കുന്ന സമയത്ത് വേണ്ടത്ര വൈബ്രേഷൻ കൊടുക്കാത്തതോ അല്ലെങ്കിൽ ഫോം വർക്ക് സ്ഥാപിച്ചതിലെ പിഴവുകളോ കാരണം ഇത് സംഭവിക്കാം. ഈ ഹണികോമ്പുകൾ കോൺക്രീറ്റിന്റെ ഉറപ്പും ഈടും കുറച്ചേക്കാം, കൂടാതെ പണി പൂർത്തിയായി കഴിയുമ്പോൾ നിർമ്മാണത്തിന്റെ കെട്ടുറപ്പ് ഉറപ്പാക്കുന്നതിന് ഇതിന് പരിഹാരം കാണുകയും ചെയ്യേണ്ടി വന്നേക്കാം.
കോൺക്രീറ്റിലെ വലിയ ഹണികോമ്പുകൾ സാധാരണയായി 50 മില്ലിമീറ്ററിൽ കൂടുതൽ വലുപ്പമുള്ളവയാണ്, അപര്യാപ്തമായ ഫോം വർക്ക്, കോൺക്രീറ്റ് ഇട്ടതിലെയോ സംയോജിപ്പിച്ചതിലെയോ അപാകത, കോൺക്രീറ്റ് ഒഴിക്കുന്നതിന് മുമ്പ് ഫോം വർക്കിൽ നിന്ന് എന്തെങ്കിലും അവശിഷ്ടങ്ങളോ തടസ്സങ്ങളോ നീക്കം ചെയ്യാതിരുന്നത് തുടങ്ങിയവയെല്ലാം ഇതിന് കാരണമാകാം. വലിയ ഹണികോമ്പുകൾക്ക് കോൺക്രീറ്റിന്റെ ഘടനാപരമായ കെട്ടുറപ്പിനെ ദുർബലപ്പെടുത്താൻ കഴിയും, അപ്പോൾ വലിയ അറ്റകുറ്റപ്പണികളോ മാറ്റിസ്ഥാപിക്കലോ വേണ്ടി വന്നേക്കാം.
ഉപസംഹാരമായി, കോൺക്രീറ്റ് നിർമ്മാണത്തിൽ ഹണികോമ്പിംഗ് ഒരു സാധാരണ പ്രശ്നമാണ്, ഇത് പണി പൂർത്തിയായ കെട്ടിടത്തിന്റെ ദൃഢതയും കെട്ടുറപ്പും കുറയാൻ കാരണമായേക്കാം. വേണ്ട രീതിയിലുള്ള കൂട്ട്, മിക്സിംഗ് അനുപാതം, ഫോം വർക്ക്, ക്യൂറിംഗ്, കോൺക്രീറ്റ് ഇടുന്ന രീതികൾ എന്നിവയെല്ലാം ഹണികോമ്പിംക് തടയാൻ സഹായിക്കും. കൂടാതെ, പണി പൂർത്തിയായ കെട്ടിടം ഘടനാപരമായി മികച്ചതും കെട്ടുറപ്പുള്ളതുമാണെന്ന് ഉറപ്പാക്കാൻ അനുയോജ്യമായ മെറ്റീരിയലുകളും സാങ്കേതിക വിദ്യകളും ഉപയോഗിച്ച് അറ്റകുറ്റപ്പണികൾ നടത്താം. അതിനാൽ കോൺക്രീറ്റിൽ ഒരു ഹണികോമ്പിംഗ് കാണുമ്പോൾ, എന്താണ് ചെയ്യേണ്ടതെന്ന് ഇപ്പോൾ നിങ്ങൾക്കറിയാം!
കോൺക്രീറ്റിന്റെ പ്രവർത്തനക്ഷമതയെക്കുറിച്ച് കൂടുതലറിയാൻ കോൺക്രീറ്റ് സംയോജിപ്പിക്കൽ എന്ന ഈ വീഡിയോ പരിശോധിക്കുക.
