మీ ఇల్లు వాస్తుకు అనుగుణంగా ఉందని నిర్ధారించుకోవడానికి మెయిన్ డోర్ వాస్తు చిట్కాలు

వాస్తు ప్రకారం ప్రధాన ద్వారాన్ని నిర్మించడంలో గల ప్రాముఖ్యత

వాస్తు శాస్త్రంలో, సానుకూల శక్తి  శ్రేయస్సు కోసం ప్రారంభ బిందువుగా పరిగణించబడుతున్నందున ఇంటి ప్రధాన ద్వారం కీలకమైన అంశంగా పరిగణించబడుతుంది. ఇంట్లోకి సామరస్యపూర్వకమైన  స్వాగతించే వాతావరణాన్ని ఆహ్వానించడంలో ప్రధాన ద్వారం సరైన స్థానంలో ఉండడం, దాని దిశ, డిజైన్ వంటివి ముఖ్యమైన పాత్ర పోషిస్తాయి. వాస్తు మార్గదర్శకాల ప్రకారం ప్రధాన ద్వారాన్ని ఎందుకు ఏర్పాటు చేసుకోవాలో ఇక్కడ చూడండి:

1. శక్తి ప్రవాహం

వాస్తు సూత్రాల ప్రకారం, ప్రధాన ద్వారం శక్తి ద్వారంలా పనిచేస్తుంది, ఇది సానుకూల శక్తిని ఇంట్లోకి ప్రవేశపెడుతుంది. ప్రధాన ద్వారం వాస్తు మార్గదర్శకాలకు అనుగుణంగా ఏర్పాటు చేసుకుంటే, ఇది నివాస స్థలమంతటా శక్తిని సాఫీగా ప్రవహింపజేస్తుంది, సానుకూలమైన, శక్తివంతమైన వాతావరణాన్ని సృష్టిస్తుంది.

2. పంచభూతాల సంతులన

వాస్తు శాస్త్రం పంచభూతాల సమతుల్యతను నొక్కి చెబుతుంది - భూమి, నీరు, అగ్ని, వాయువు, ఆకాశం.  సింహద్వారం సరిగ్గా పెట్టాల్సిన చోట పెడితే, అది ఈ పంచభూతాల సమన్వయాన్నీ, ఏకీకరణనీ సాధ్యమయేలా చేస్తుంది, ఇంటిలో సమతుల్య శక్తి ప్రవాహం ఉండేలా చూస్తుంది.

3. శ్రేయస్సుకి ఆహ్వానం

ప్రధాన ద్వారం శ్రేయస్సునీ, సమృద్ధినీ లోపలికి ఆహ్వానించే ప్రవేశ మార్గమనే నమ్మకం ఉంది.  సింహ ద్వారం కోసం వాస్తు సూత్రాలను అనుసరించడం వలన మీ ఇంటికి సానుకూల వైబ్రేషన్లనీ, అవకాశాలనీ ఆకర్షించడానికి సహాయపడుతుంది, నివసించేవారికి సంపూర్ణ శ్రేయస్సు, సౌభాగ్యాన్ని వృద్ధి చేస్తుంది.

4. ఆరోగ్యవంతమైన మానసిక భావాలు

వాస్తు మార్గదర్శకాల ప్రకారం రూపొందించబడిన ప్రధాన ద్వారం ఆ ఇంట్లో నివసించేవారి మానసిక శ్రేయస్సుపై సానుకూల ప్రభావాన్ని చూపుతుంది. అందంగా ఉన్న ప్రధాన ద్వారం చక్కగా అమర్చబడితే ఇంటిలో భద్రత, శాంతి, సంతోషం, భావానికి దోహదపడుతుంది.

సింహద్వారం వాస్తు చిట్కాలు

ఇప్పుడు, ప్లేస్మెంట్, సైజు, మెటీరియల్, రంగు, నేమ్ప్లేట్, మెట్ల సంఖ్య, ఉంచాల్సిన దేవతల విగ్రహాలు మీ ఇంటి ప్రధాన ద్వారం కోసం లైటింగ్ విషయానికి వస్తే పరిగణించవలసిన కొన్ని నిర్దిష్ట వాస్తు ఆలోచనలు  చిట్కాలను అన్వేషిద్దాం.

1. ప్రవేశ దిశ

వాస్తు ప్రకారం, ప్రధాన ద్వారం దిశ చాలా ముఖ్యమైనది. తూర్పు, ఉత్తరం లేదా ఈశాన్య దిక్కులు అత్యంత పవిత్రమైనవిగా పరిగణించబడతాయి. ఈ ప్రధాన ద్వారం దిశలు, వాస్తు ప్రకారం, ఇంట్లోకి సానుకూల శక్తి  సమృద్ధిని ప్రవహింపజేస్తాయని నమ్ముతారు, అందులో నివసించేవారి శ్రేయస్సును నిర్ధారిస్తుంది.

2. తలుపు పరిమాణం

ప్రధాన ద్వారం  పరిమాణం ఇంటి మొత్తం పరిమాణానికి అనులోమానుపాతంలో ఉండాలి. చాలా చిన్నది లేదా చాలా పెద్దది కాని తలుపు ఇంటి లోపల శక్తి ప్రవాహంలో సమతుల్యతను కాపాడుకోవడానికి సహాయపడుతుంది. ఇది ఇంటి సౌందర్యానికి కూడా దోహదపడుతుంది.

3. సింహద్వారం మెటీరియల్

వీలున్నచోట చెక్క తలుపులను ఉపయోగించమని వాస్తు నొక్కి చెబుతుంది. చెక్క తలుపులు శక్తి ప్రవాహంపై సానుకూల ప్రభావాన్ని చూపుతాయనీ, ఆత్మీయత, అనురాగంతో లోపలికి స్వాగతం పలుకుతాయని భావిస్తారు. అయితే, చెక్క తలుపులు పెట్టడం సాధ్యం కాకపోతే వాస్తు సూత్రాలకు అనుగుణంగా ఉన్నంత వరకు మెటల్ లేదా ఫైబర్ గ్లాస్ వంటి ఇతర మెటీరియల్స్‌నీ ఉపయోగించవచ్చు.

4. ప్రధాన తలుపు రంగు

వాస్తులో సింహ ద్వారం రంగు ముఖ్యమైనది. సానుకూలతనీ, సమృద్ధిని సూచించే రంగులను ఎంచుకోండి. వాస్తు ప్రకారం సింహ ద్వారం రంగుకి పసుపు, గోధుమ, తెలుపు రంగులు తరచుగా మంగళకరమైన ఎంపికలుగా పరిగణించబడతాయి. ఈ రంగులు సానుకూల శక్తిని ఆహ్వానిస్తాయని నమ్ముతారు, అయితే నలుపు వంటి ముదురు రంగులకు దూరంగా ఉండాలి.

5. నేమ్‌ప్లేట్

ప్రధాన ద్వారం వెలుపల ఉంచిన నేమ్‌ప్లేట్ ఇంటికి సానుకూల శక్తినీ,  శ్రేయస్సునీ తెచ్చి పెడుతుందని నమ్ముతారు. ఇది స్పష్టంగా కనిపించేలా ఉండాలి, ఇంట్లో ఉండేవారి పేర్లు అక్కడ రాయబడాలి. ఇది ప్రవేశానికి వ్యక్తిగతమైన భావనని జోడించడమే కాకుండా వాతావరణం మొత్తాన్నీ సానుకూలంగా చేయడానికి దోహదం చేస్తుంది.

6. మెట్ల సంఖ్య

సింహ ద్వారం వద్దకు వెళ్లే మెట్ల సంఖ్య 3, 5 లేదా 7 వంటి బేసి సంఖ్యగా ఉండడం మంచిది. బేసి సంఖ్యలు వాస్తు సూత్రాల ప్రకారం అదృష్టంతోనూ, సానుకూల శక్తి ప్రవాహంతోనూ సంబంధం కలిగి ఉంటాయి. అవి బాహ్య వాతావరణం  నుంచి లోపలికి సామరస్యమైన మార్పుని స్వాగతిస్తాయనే నమ్మకం ఉంది.

7. ఉంచవలసిన దేవతల విగ్రహాలు

ప్రధాన ద్వారం దగ్గర దేవతల విగ్రహాలు లేదా చిత్రాలను ఉంచడం ఒక సాధారణ ప్రవేశ ద్వార వాస్తు పద్ధతి.  అడ్డంకులను తొలగించే దైవంగా ప్రసిద్ధికెక్కిన వినాయక ప్రతిమని ఈ ప్రయోజనం కోసం ఎంపిక చేసుకోవచ్చు. ప్రవేశ ద్వారం వద్ద ఆ దైవం ఉంటే, సానుకూలతను ఆహ్వానించబడుతుందనీ, ఆ స్వామి ఆటంకాల్ని తొలగిస్తాడనీ, ఇంట్లోకి సానుకూల ప్రవేశాన్ని కల్పిస్తాడనీ అందరూ నమ్ముతారు.

8. లైట్లు

సింహ ద్వారం చుట్టూ తగినంత లైటింగ్ అవసరం. బాగా వెలుతురు ఉండే ప్రవేశాలు ఇంటి భద్రతను పెంచడమే కాకుండా ఇంట్లోకి వెళ్లాలనిపించేలా ఉత్సాహపూరితమైన వాతావరణాన్ని సృష్టిస్తాయి, ఇది సరైన ప్రధాన ద్వారం నుంచి ఇంటి ప్రవేశ వాస్తును రూపొందిస్తుంది. మెయిన్ డోర్ దగ్గర సరైన లైటింగ్ ఉండడమనేది మొదటిసారిగా చూడగానే ఒక పాజిటివ్ ఇంప్రెషన్ క్రియేట్ చేయడానికీ, ప్రవేశ ద్వారపు శక్తిని అత్యధికంగా పెంచడానికీ కీలకమైన అంశంగా ఉంటుంది.