Share:
ವಾಸ್ತುಶಾಸ್ತ್ರದ ಪ್ರಕಾರ ಮಲಗುವ ಕೋಣೆಯ ಸೂಕ್ತ ಬಣ್ಣದ ಆಯ್ಕೆಯು ಕೇವಲ ಸೌಂದರ್ಯದ ದೃಷ್ಟಿಯಿಂದ ಮಾತ್ರವಲ್ಲ,ಒಂದು ಸಮತೋಲಿತ ವಾತಾವರಣವನ್ನು ಸೃಷ್ಟಿಸುವ ನಿಟ್ಟಿನಲ್ಲೂ ಮುಖ್ಯ. ಬಣ್ಣಗಳ ಆಯ್ಕೆಯು ಮನೋಲಹರಿ ಮತ್ತು ಶಕ್ತಿಯನ್ನು ಬಹುವಾಗಿ ಪ್ರಭಾವಿಸುತ್ತದೆ. ಮಲಗುವ ಕೋಣೆಯ ಬಣ್ಣವು ವಿಶ್ರಾಂತಿಯನ್ನು ಉತ್ತೇಜಿಸುವಂತಿರಬೇಕು ಏಕೆಂದರೆ ಅದು ನವೋತ್ಸಾಹವನ್ನು ತುಂಬುವಂತಹ ಜಾಗವಾಗಿದೆ.
ನಿರ್ದಿಷ್ಟ ಬಣ್ಣಗಳು ಮಲಗುವ ಕೋಣೆಯಲ್ಲಿ ಉತ್ತಮ ನಿದ್ದೆ ಮತ್ತು ಒಟ್ಟಾರೆ ಯೋಗಕ್ಷೇಮವನ್ನು ಪ್ರಚೋದಿಸುತ್ತವೆ. ವಾಸ್ತವವಾಗಿ ನಯವಾದ ಮತ್ತು ಹಿತವಾದ ಬಣ್ಣಗಳಾದ ನೀಲಿ ಅಥವಾ ಹಸಿರು ಮೊದಲಾದವು ಗಾಢನಿದ್ದೆ ಮತ್ತು ವಿಶ್ರಾಂತಿಯನ್ನು ಪೋಷಿಸುವ ಮಲಗುವ ಕೋಣೆಯ ಬಣ್ಣಗಳಾಗಿವೆ. ಈ ಬಣ್ಣಗಳು ಮನಸ್ಸು ಮತ್ತು ದೇಹದ ಮೇಲೆ ಶಾಂತತೆಯ ಅನುಭೂತಿಯನ್ನು ಉಂಟುಮಾಡುತ್ತವೆ ಎಂದು ನಂಬಲಾಗಿದ್ದು, ಹಾಗಾಗಿ ಮಲಗುವ ಕೋಣೆಗೆ ಹೆಚ್ಚು ಸೂಕ್ತವಾಗಿವೆ.
ವಾಸ್ತು ಪ್ರಕಾರ ಮಲಗುವ ಕೋಣೆಗೆ ಸೂಕ್ತ ಬಣ್ಣದ ಆಯ್ಕೆಯು ನಿಮ್ಮ ಮನೋಲಹರಿ ಮತ್ತು ಯೋಗಕ್ಷೇಮವನ್ನು ಸಾಕಷ್ಟು ಪ್ರಭಾವಿಸುತ್ತದೆ. ಇಲ್ಲಿ ನಾವು ಮಲಗುವ ಕೋಣೆಗೆ ಶಿಫಾರಸು ಮಾಡಬಹುದಾದ ಅತ್ಯುತ್ತಮ ಬಣ್ಣಗಳ ಬಗ್ಗೆ ವಿಸ್ಕೃತ ಮಾಹಿತಿಯನ್ನು ನೀಡಿದ್ದೇವೆ.
ಮಲಗುವ ಕೋಣೆಯಲ್ಲಿ ನೀಲಿ ಬಣ್ಣವು ನೆಮ್ಮದಿ ಮತ್ತು ಪ್ರಶಾಂತತೆಯನ್ನು ತರುತ್ತದೆ. ವಾಸ್ತು ಪ್ರಕಾರ ಮಲಗುವ ಕೋಣೆಯಲ್ಲಿ ನೀಲಿ ಬಣ್ಣವು ಆಕಾಶ ಮತ್ತು ನೀರನ್ನು ಹೋಲುವುದರಿಂದ ವಿರಮಿಸಲು ಅಗತ್ಯವಾದ ಒಂದು ಬಗೆಯ ಶಾಂತ ಭಾವವನ್ನು ತುಂಬುತ್ತದೆ. ವಾಸ್ತುವಿನ ಪ್ರಕಾರ ಮಲಗುವ ಕೋಣೆಗೆ ಈ ಬಣ್ಣ ಒಂದು ಅತ್ಯುತ್ತಮ ಆಯ್ಕೆ, ಏಕೆಂದರೆ ಇದು ಒತ್ತಡವನ್ನು ಕಡಿಮೆ ಮಾಡಿ ಸುಖನಿದ್ರೆಗೆ ಸಹಕರಿಸುತ್ತದೆ. ಇದು ದೊಡ್ಡವರು ಮತ್ತು ಮಕ್ಕಳು ಇಬ್ಬರಿಗೂ ಹೊಂದುವಂತಿದ್ದು, ಧ್ಯಾನ ಮತ್ತು ಮಾನಸಿಕ ಹೀಲಿಂಗ್ ಪ್ರಕ್ರಿಯೆಗಳಿಗೂ ಈ ಬಣ್ಣವು ಸಹಕಾರಿಯಾಗಿದೆ.
ವಾಸ್ತು ಪ್ರಕಾರ ಹಸಿರು ಬಣ್ಣವೂ ಮಲಗುವ ಕೋಣೆಗೆ ಮತ್ತೊಂದು ಸರಿಯಾದ ಆಯ್ಕೆ. ಇದು ಪ್ರಕೃತಿಯನ್ನು ಸೂಚಿಸುತ್ತದೆ ಮತ್ತು ಸಮತೋಲನ ಮತ್ತು ಸಹಬಾಳ್ವೆಯನ್ನು ಪ್ರಚೋದಿಸುತ್ತದೆ. ಮಲಗುವ ಕೋಣೆಯಲ್ಲಿ ಹಸಿರು ಬಣ್ಣವನ್ನು ಬಳಸುವುದರಿಂದ ಮನಸ್ಸು ಪ್ರಫುಲ್ಲಗೊಳ್ಳುವುದಲ್ಲದೆ ನವಚೈತನ್ಯವೂ ಉಂಟಾಗುತ್ತದೆ. ಆದ್ದರಿಂದ ಇದು ಮಲಗುವ ಕೋಣೆಗೆ ಒಂದು ಅತ್ಯುತ್ತಮ ಆಯ್ಕೆಯಾಗಿದೆ. ಇದು ಆರೋಗ್ಯದ ಸಮತೋಲನಕ್ಕೂ ಸಹಕಾರಿಯೆಂದು ನಂಬಲಾಗಿದ್ದು, ವಿಶ್ರಾಂತಿ ಮತ್ತು ಆತಂಕದ ನಿವಾರಣೆಯನ್ನು ಪ್ರೋತ್ಸಾಹಿಸುತ್ತದೆ.
ಹಳದಿಯು ವಾಸ್ತು ಪ್ರಕಾರ ಸಂತೋಷ ಮತ್ತು ಧನಾತ್ಮಕ ಶಕ್ತಿಯನ್ನು ಪ್ರಚೋದಿಸುವ ಹರ್ಷದ ಬಣ್ಣವಾಗಿದೆ. ವಾಸ್ತುವಿನ ಪ್ರಕಾರ ಹಳದಿ ಬಣ್ಣವು ಸೂರ್ಯನ ಪ್ರಖರತೆಯನ್ನು ಆವಾಹಿಸುವ ಬಣ್ಣವಾಗಿದ್ದು ಬೆಚ್ಚನೆಯ ಮತ್ತು ಸ್ನೇಹಶೀಲ ವಾತಾವರಣವನ್ನು ನೀಡುತ್ತದೆ. ಈ ಬಣ್ಣವು ಪ್ರಖರ ಆದರೂ ಹಿತವಾದ ವಾತಾವರಣವನ್ನು ಬಯಸುವವರಿಗೆ ಹೇಳಿ ಮಾಡಿಸಿದಂತಿದ್ದು ವಾಸ್ತು ಪ್ರಕಾರವೂ ಮಾಸ್ಟರ್ ಬೆಡ್‌ರೂಮಿಗೆ ಉತ್ತಮ ಆಯ್ಕೆಯಾಗಿದೆ.
ತಿಳಿ ಗುಲಾಬಿ ಬಣ್ಣವು ಪ್ರೀತಿ ಮತ್ತು ಪರಿಶುದ್ಧತೆಯ ಸಂಕೇತವಾಗಿದ್ದು ವಾಸ್ತು ಪ್ರಕಾರ ಮಲಗುವ ಕೋಣೆಗೆ ಉತ್ತಮ ಆಯ್ಕೆಯಾಗಿದೆ. ಇದು ಮಲಗುವ ಕೋಣೆಯಲ್ಲಿ ಆರಾಮದಾಯಕ ಮತ್ತು ಲಾಲನೆಯ ವಾತಾವರಣವನ್ನು ಸೃಷ್ಟಿಸುವುದರಿಂದ ಸಂಬಂಧಗಳು ಗಟ್ಟಿಗೊಳ್ಳಲು ಸಹಕರಿಸುತ್ತದೆ. ಗುಲಾಬಿ ಬಣ್ಣವು ಪ್ರಶಾಂತ ವಾತಾವರಣವನ್ನು ಪ್ರೋತ್ಸಾಹಿಸುವುದರಿಂದ ಮಕ್ಕಳ ಕೋಣೆ ಮತ್ತು ಮಾಸ್ಟರ್ ಬೆಡ್ರೂಮ್ ಎರಡಕ್ಕೂ ಇದು ಸೂಕ್ತವಾಗಿದೆ.
ತಿಳಿ ನೇರಳೆ ಅಥವಾ ಲ್ಯಾವೆಂಡರ್ ಬಣ್ಣವು ಮಲಗುವ ಕೋಣೆಗಳಿಗೆ ಮತ್ತೊಂದು ಉತ್ತಮ ಆಯ್ಕೆಯಾಗಿದೆ. ವಾಸ್ತು ಪ್ರಕಾರ ಮಲಗುವ ಕೋಣೆಯಲ್ಲಿ ತಿಳಿ ನೇರಳೆ ಬಣ್ಣವು ಅಧ್ಯಾತ್ಮಿಕ ಬೆಳವಣಿಗೆ ಮತ್ತು ವಿರಾಮಕ್ಕೆ ಅನುಕೂಲಕರವಾಗಿದೆ. ಈ ಬಣ್ಣವು ಶಾಂತ ಪರಿಣಾಮಕ್ಕೆ ಹೆಸರಾಗಿದ್ದು ಒತ್ತಡವನ್ನು ಕಡಿಮೆ ಮಾಡುತ್ತದೆ. ಇದು ನಾವು ವಿರಮಿಸುವ ಜಾಗವಾದ ಬೆಡ್ ರೂಮಿಗೆ ಆದರ್ಶ ವರ್ಣ ಸಂಯೋಜನೆಯಾಗುತ್ತದೆ.
ವಾಸ್ತು ಪ್ರಕಾರ ಮಾಸ್ಟರ್ ಬೆಡ್‌ರೂಮಿನ ಬಣ್ಣವು ಗಾಢನಿದ್ದೆ ಮತ್ತು ವಿರಾಮಕ್ಕೆ ಅನುಕೂಲವಾಗುವಂತಿರಬೇಕು ಮಣ್ಣಿನ ಅಥವಾ ಮೈ ಬಣ್ಣವನ್ನು ಹೋಲುವ ಕಂದು, ಬೀಜ್ ಅಥವಾ ಯಾವುದೇ ಮೃದು ಬಣ್ಣಗಳನ್ನು ಹೆಚ್ಚಾಗಿ ಶಿಫಾರಸು ಮಾಡಲಾಗುತ್ತದೆ ಏಕೆಂದರೆ ಇವು ಮನಸ್ಸನ್ನು ಉನ್ಮಾದಗೊಳಿಸುವುದಿಲ್ಲ ಈ ಬಣ್ಣಗಳು ಕೋಣೆಗೆ ಸ್ಥಿರತೆ ಮತ್ತು ಆರಾಮದಾಯಕ ವಾತಾವರಣವನ್ನು ನೀಡುತ್ತವೆ.
ನಿಮ್ಮ ಮಲಗುವ ಕೋಣೆಯನ್ನು ಅಲಂಕರಿಸುವಾಗ ಸೂಕ್ತ ಬಣ್ಣದ ಆಯ್ಕೆ ನಿರ್ಣಾಯಕ. ಭಾರತದ ಪುರಾತನ ವಿಜ್ಞಾನವಾದ ವಾಸ್ತುಶಾಸ್ತ್ರವು ಬಣ್ಣಗಳು ಹೇಗೆ ನಿಮ್ಮ ಸ್ಥಳದ ಶಕ್ತಿಯನ್ನು ಪ್ರಭಾವಿಸುತ್ತವೆ ಎಂದು ವಿವರಿಸುತ್ತದೆ. ಕೆಲವು ಬಣ್ಣಗಳು ಧನಾತ್ಮಕತೆ ಮತ್ತು ನೆಮ್ಮದಿಯನ್ನು ಹೆಚ್ಚಿಸುವಂತಿದ್ದರೆ ಇನ್ನು ಕೆಲವು ಬಣ್ಣಗಳನ್ನು ಮಲಗುವ ಕೋಣೆಯಲ್ಲಿ ಬಳಸದಿರುವುದೇ ಒಳ್ಳೆಯದು. ಈಗ ಮಲಗುವ ಕೋಣೆಯ ಬಣ್ಣಗಳ ಬಗ್ಗೆ ಗಮನ ಹರಿಸೋಣ ವಾಸ್ತು ಪ್ರಕಾರ ಸಮನ್ವಯದ ವಾತಾವರಣವನ್ನು ಸೃಷ್ಟಿಸುವ ಬಣ್ಣಗಳ ಬಗ್ಗೆ ನೀವು ಸ್ಪಷ್ಟತೆಯನ್ನು ಹೊಂದಿರಬೇಕು.
ಏಕೆ ಬಳಸಬಾರದು: ಕಪ್ಪು ಬಣ್ಣವು ಹೆಚ್ಚು ಶಕ್ತಿಯನ್ನು ಹೀರಿಕೊಳ್ಳುವುದರಿಂದ ನಿಮ್ಮ ಮಲಗುವ ಕೋಣೆಯ ವಾತಾವರಣದಲ್ಲಿ ಅಸಮತೋಲನ ಉಂಟಾಗಬಹುದು. ಇದು ಋಣಾತ್ಮಕತೆಯನ್ನು ತುಂಬಬಹುದು ಮತ್ತು ಅದರಿಂದ ನಿಮಗೆ ನೆಮ್ಮದಿಯ ನಿದ್ದೆ ಬಾರದಿರಬಹುದು.
ವಾಸ್ತುವಿನ ದೃಷ್ಟಿಕೋನ: ಮಲಗುವ ಕೋಣೆಯ ವಾಸ್ತು ಬಣ್ಣಗಳ ನಿಯಮಗಳ ಅನುಸಾರ, ಗಾಢ ಬಣ್ಣಗಳು ನಿಶ್ಚಲತೆಯನ್ನು ಬಿಂಬಿಸುತ್ತವೆ ಮತ್ತು ಅಭಿವೃದ್ಧಿ ಹಾಗೂ ಧನಾತ್ಮಕ ಹರಿವಿಗೆ ತಡೆಯೊಡ್ಡುತ್ತವೆ.
ಏಕೆ ಬಳಸಬಾರದು: ಕೆಂಪು ಬಣ್ಣವು ರೋಮಾಂಚನಕಾರಿ ಮತ್ತು ಲವಲವಿಕೆಯ ಬಣ್ಣವಾಗಿದ್ದರೂ ಇದು ಆಕ್ರಮಣಕಾರಿ ಸಹ ಆಗಿದೆ. ಇದು ಶಕ್ತಿಯನ್ನು ಬಹಳವಾಗಿ ಹೆಚ್ಚಿಸುವುದರಿಂದ ವಿಶ್ರಾಂತಿ ಹೊಂದುವುದು ಕಠಿಣವಾಗುತ್ತದೆ.
ವಾಸ್ತುವಿನ ದೃಷ್ಟಿಕೋನ: ಕೆಂಪು ಪ್ರಚೋದನೆಯ ಬಣ್ಣವಾಗಿದ್ದು ಶಾಂತಿಯನ್ನು ಕೆಡಿಸಬಹುದು ಮತ್ತು ವಾಸ್ತು ಪ್ರಕಾರ ಇದು ಮಲಗುವ ಕೋಣೆಯಲ್ಲಿ ಬಳಸಲು ಯೋಗ್ಯವಲ್ಲ.
ಏಕೆ ಬಳಸಬಾರದು: ಗಾಢ ಕಂದು ಬಣ್ಣದ ಬಳಕೆಯಿಂದ ಕೋಣೆಯು ಮುಚ್ಚಿದಂತೆ ಭಾಸವಾಗುತ್ತದೆ. ಇದು ತೀವ್ರ ಭಾವಗಳನ್ನು ಹುಟ್ಟುಹಾಕಿ ನಿಮ್ಮ ಚಿತ್ತವನ್ನು ಕೆಡಿಸಬಹುದು.
ವಾಸ್ತುವಿನ ದೃಷ್ಟಿಕೋನ: ವಾಸ್ತುಶಾಸ್ತ್ರದ ಪ್ರಕಾರ ಮಲಗುವ ಕೋಣೆಯಲ್ಲಿ ಬೆಳಕು ಮತ್ತು ಮುಕ್ತಭಾವವನ್ನು ನೀಡಲು ತಿಳಿಯಾದ ಬಣ್ಣಗಳಿಗೆ ಆದ್ಯತೆ.
ಏಕೆ ಬಳಸಬಾರದು: ಪ್ರಕಾಶಮಾನವಾದ ಹಳದಿ ಬಣ್ಣವು ಸಂತೋಷವನ್ನು ಹೆಚ್ಚಿಸುವುದಾಗಿದ್ದರೂ ಕೆಲವೊಮ್ಮೆ ಅತಿ ಪ್ರಚೋದನೆಯನ್ನು ಉಂಟುಮಾಡಿ ವಿಶ್ರಾಂತಿಯ ಸಮಯವನ್ನು ಕೆಡಿಸುತ್ತದೆ.
ವಾಸ್ತುವಿನ ದೃಷ್ಟಿಕೋನ: ವಾಸ್ತು ಪ್ರಕಾರ ಮಲಗುವ ಕೋಣೆಯ ಬಣ್ಣವು ಪ್ರಶಾಂತವಾಗಿರಬೇಕು. ತಿಳಿಹಳದಿಯನ್ನು ಬಳಸಬಹುದು ಆದರೆ ಕಣ್ಣುಕುಕ್ಕುವ, ಪ್ರಕಾಶಮಾನವಾದ ಬಣ್ಣಗಳನ್ನು ಶಿಫಾರಸು ಮಾಡುವುದಿಲ್ಲ.
ಏಕೆ ಬಳಸಬಾರದು: ನಿಯಾನ್ ಬಣ್ಣಗಳು ಚಿತ್ತವನ್ನು ವ್ಯಾಕುಲಗೊಳಿಸಬಹುದು ಮತ್ತು ಮಲಗುವ ಕೋಣೆಗೆ ಅವಶ್ಯಕವಾದ ನೆಮ್ಮದಿ ಮತ್ತು ಶಾಂತಿಯನ್ನು ಕೆಡಿಸಬಹುದು.
ವಾಸ್ತುವಿನ ದೃಷ್ಟಿಕೋನ: ವಾಸ್ತುಪ್ರಕಾರ ಮಲಗುವ ಕೋಣೆಗೆ ಅವಶ್ಯವಾದ ಶಾಂತ ಹಾಗೂ ನೆಮ್ಮದಿಯ ವಾತಾವರಣಕ್ಕೆ ಈ ಗಾಢಬಣ್ಣಗಳು ವಿರುದ್ಧವಾಗಬಹುದು.
ಮಲಗುವ ಕೋಣೆಯು ವಿಶ್ರಾಂತಿ ಮತ್ತು ಚೈತನ್ಯವನ್ನು ಪಡೆಯುವ ಸ್ಥಳವಾದ್ದರಿಂದ ಸೂಕ್ತ ವರ್ಣ ಸಂಯೋಜನೆ ಇಲ್ಲಿ ಅವಶ್ಯವಾಗಿದೆ. ಸೂಕ್ತ ಬಣ್ಣದ ಬಳಕೆಯು ಮಲಗುವ ಕೋಣೆಯಲ್ಲಿ ಶಾಂತ ವಾತಾವರಣವನ್ನು ಪೋಷಿಸುತ್ತದೆ. ಆದ್ದರಿಂದ ಸೂಕ್ತ ವರ್ಣ ಸಂಯೋಜನೆಯು ವಾಸ್ತು ಪ್ರಕಾರ ಒಳ್ಳೆಯ ನಿದ್ದೆ ಮತ್ತು ಧನಾತ್ಮಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
