Share:
ಎಲ್ಲಿ ಸ್ಥಿರವಾದ ನೆಲವು ಮೇಲ್ಮೈಗೆ ಹತ್ತಿರವಾಗಿರುತ್ತದೆಯೊ ಅಂಥಲ್ಲಿ ಲೋಡ್ ಬೇರಿಂಗ್ ಗೋಡೆಯ ಸ್ಟ್ರಕ್ಚರ್ ಅನ್ನು ಬಳಸಲಾಗುತ್ತದೆ. ಹೀಗೆ ಮಾಡುವುದರಿಂದ ಗೋಡೆಯ ಫೌಂಡೇಶನ್ ಅದರ ಮೇಲೆ ದೃಢವಾಗಿ ನಿಲ್ಲುತ್ತದೆ. ಕಟ್ಟಡದ ಎತ್ತರಕ್ಕೆ ತಕ್ಕಂತೆ ಗೋಡೆಗಳು ದಪ್ಪವಾಗಿರಬೇಕು, ಅದರಿಂದಾಗಿ ಬಳಸಬಹುದಾದ ನೆಲದ ಸ್ಥಳವು ಕಡಿಮೆ ಆಗುತ್ತದೆ ಜೊತೆಗೆ ವೆಚ್ಚವೂ ಹೆಚ್ಚಾಗುತ್ತದೆ.
ಬಹಳಷ್ಟು ಆಧುನಿಕ ಕಟ್ಟಡಗಳು ಮಹಡಿಗಳಿಗೆ ಆಧಾರವಾಗಿ ಹಗುರವಾದ ಆದರೆ ಬಲವಾದ ವಸ್ತುಗಳಿಂದ ಮಾಡಿದ ಫ್ರೇಮ್ ಸ್ಟ್ರಕ್ಚರ್ಗಳನ್ನು ಬಳಸುತ್ತವೆ. ಇಂತಹ ಕಟ್ಟಡಗಳು ಭಾರ ಹೊರುವ ದಪ್ಪ ಗೋಡೆಗಳ ಬದಲಿಗೆ ತೆಳುವಾದ ಮತ್ತು ಹಗುರವಾದ ಗೋಡೆಗಳನ್ನು ಒಳಗೆ ಮತ್ತು ಹೊರಗೆ ಹೊಂದಿರುತ್ತವೆ. ಲೋಡ್ ಬೇರಿಂಗ್ ಪದ್ದತಿಯಲ್ಲಿ ಗೋಡೆಗಳು ಕಟ್ಟಡದ ಹೊರೆಯನ್ನು ಹೊರುವುದರೊಂದಿಗೆ ಆಧಾರ ಕೊಡುವುದಿಲ್ಲ, ಬದಲಿಗೆ ಹವಾಮಾನ, ಶಬ್ದ, ಶಾಖ ಮತ್ತು ಬೆಂಕಿಯಿಂದ ರಕ್ಷಿಸುತ್ತವೆ.
ಸ್ಟ್ರಕ್ಚರಲ್ ಲೋಡ್ ಬೇರಿಂಗ್ ಏನೆಂದು ಈಗಾಗಲೇ ನಾವು ಅರ್ಥಮಾಡಿಕೊಂಡಿದ್ದೇವೆ, ಈಗ ಅದರ ಪ್ರಕಾರಗಳನ್ನು ನೋಡೋಣ.
ಈಗ ನಾವು ಭಾಗಗಳನ್ನು ಅರ್ಥಮಾಡಿಕೊಂಡಿದ್ದೇವೆ ಮತ್ತು ಲೋಡ್ ಬೇರಿಂಗ್ ಸ್ಟ್ರಕ್ಚರ್ಗಳ ಸ್ಥಿರತೆ ಮತ್ತು ಬಾಳಿಕೆಗೆ ಅವು ಹೇಗೆ ಕೊಡುಗೆ ನೀಡುತ್ತವೆ, ಅವುಗಳ ಪ್ರಯೋಜನಗಳು ಹಾಗೂ ದಕ್ಷತೆಗಳನ್ನು ಅನ್ವೇಷಿಸೋಣ.
ಈ ಕಟ್ಟಡಗಳು ಬಲವಾಗಿ ಹಾಗೂ ಸ್ಥಿರವಾಗಿರುತ್ತವೆ. ಏಕೆಂದರೆ ಅವು ಮೇಲ್ಛಾವಣಿ ಸೇರಿದಂತೆ ಮೇಲಿನ ಮಹಡಿಗಳಿಂದ ಭಾರವನ್ನು ನೇರವಾಗಿ ನೆಲಕ್ಕೆ ವರ್ಗಾಯಿಸುತ್ತವೆ. ಇದು ಸರಳ ರೇಖೆಯಲ್ಲಿ ಬ್ಲಾಕ್ಗಳನ್ನು ಒಟ್ಟಾಗಿ ಇಟ್ಟಿರುವಂತಿರುತ್ತದೆ. ಅಲ್ಲಿನ ಪ್ರತಿ ಬ್ಲಾಕ್ ಅದರ ಮೇಲಿನ ಬ್ಲಾಕ್ಗಳಿಗೆ ಆಧಾರವಾಗಿರುತ್ತದೆ.
ಮನೆಗಳು ಅಥವಾ ಎರಡು ಅಂತಸ್ತಿನ ಕಟ್ಟಡಗಳಂತಹ ಸಣ್ಣ ಸ್ಟ್ರಕ್ಚರ್ಗಳಿಗೆ ಲೋಡ್ ಬೇರಿಂಗ್ ಗೋಡೆಗಳನ್ನು ಬಳಸುವುದು ಅಗ್ಗವಾಗಿದೆ. ಏಕೆಂದರೆ ಆಧಾರಕ್ಕಾಗಿ ಹೆಚ್ಚಿನ ಸ್ಟೀಲ್ ಅಥವಾ ಕಾಂಕ್ರೀಟ್ ಬೀಮ್ಗಳ ಅಗತ್ಯವಿಲ್ಲದೆಯೇ ಕಟ್ಟಡವನ್ನು ಉಳಿಸಿಕೊಳ್ಳುವಲ್ಲಿ ಸ್ಟ್ರಕ್ಚರ್ ಹೆಚ್ಚಿನ ಕೆಲಸವನ್ನು ಮಾಡುತ್ತದೆ.
ಲೋಡ್ ಬೇರಿಂಗ್ ಸ್ಟ್ರಕ್ಚರ್ಗಳಲ್ಲಿ ಗೋಡೆಗಳು ಕೇವಲ ಕಟ್ಟಡವನ್ನು ಎತ್ತಿಹಿಡಿಯುದಕ್ಕಿಂತ ಹೆಚ್ಚಿನದನ್ನು ಮಾಡುತ್ತವೆ. ಅವು ಸ್ಥಳವನ್ನು ರೂಮುಗಳಾಗಿ ವಿಭಜಿಸಲು, ಸಪ್ಪಳವನ್ನು ತಡೆಯಲು ಹಾಗೂ ಉಷ್ಣವನ್ನು ಒಳಗೆ ಅಥವಾ ಹೊರಗೆ ಇರಿಸಲು ಸಹಾಯ ಮಾಡುತ್ತವೆ. ಇವೆಲ್ಲವೂ ಅವರ ಮುಖ್ಯ ಕೆಲಸವನ್ನು ಹೊರತುಪಡಿಸಿ ಮಾಡುವ ಹೆಚ್ಚಿನ ಕೆಲಸಗಳಾಗಿವೆ.
ಈ ರೀತಿಯ ಸ್ಟ್ರಕ್ಚರ್ಗಳಿಗೆ ಬಳಸುವ ಇಟ್ಟಿಗೆಗಳು ಮತ್ತು ಕಾಂಕ್ರೀಟ್ ಬ್ಲಾಕ್‌ಗಳಂತಹ ವಸ್ತುಗಳನ್ನು ಸಾಮಾನ್ಯವಾಗಿ ಸುಲಭವಾಗಿ ಪಡೆಯಬಹುದಾಗಿದೆ. ಇವು ಹೀಗೆ ಸುಲಭವಾಗಿ ಸಿಗುವುದರಿಂದ ವಿಶೇಷ ವಸ್ತುಗಳ ಮೂಲವನ್ನು ಹುಡುಕದೆಯೇ ವಿವಿಧ ಸ್ಥಳಗಳಲ್ಲಿ ಪ್ರಾಜೆಕ್ಟ್‌ಗಳನ್ನು ಪ್ರಾರಂಭಿಸುವುದು ಹಾಗೂ ಪೂರ್ಣಗೊಳಿಸುವುದು ಸುಲಭವಾಗುತ್ತದೆ.
ಕಲ್ಲು ಅಥವಾ ಇಟ್ಟಿಗೆಯಂತಹ ಭಾರವಾದ ವಸ್ತುಗಳು ಶಾಖವನ್ನು ಹೀರಿಕೊಳ್ಳುತ್ತವೆ ಮತ್ತು ಹಿಡಿದಿಟ್ಟುಕೊಳ್ಳುತ್ತವೆ. ಅದರಿಂದಾಗಿ ಇದು ಕಟ್ಟಡದೊಳಗಿನ ತಾಪಮಾನವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಹಗಲಿನಲ್ಲಿ, ಅವು ಶಾಖವನ್ನು ಹೀರಿಕೊಂದು ಒಳಗಿನ ಭಾಗವನ್ನು ತಂಪಾಗಿ ಇಡುತ್ತವೆ. ಮತ್ತು ರಾತ್ರಿವೇಳೆ ಅವು ಸಂಗ್ರಹವಾದ ಈ ಶಾಖವನ್ನು ಬಿಡುಗಡೆ ಮಾಡುವುದರಿಂದ ಸ್ಥಳವನ್ನು ಬೆಚ್ಚಗಾಗಿರಿಸಲು ಸಹಾಯ ಮಾಡುತ್ತವೆ.
ಲೋಡ್ ಬೇರಿಂಗ್ ಗೋಡೆಗಳಲ್ಲಿ ಬಳಸಲಾಗುವ ವಸ್ತುಗಳು ನೈಸರ್ಗಿಕವಾಗಿ ಸಾಮಾನ್ಯವಾಗಿ ಅಗ್ನಿ ನಿರೋಧಕವಾಗಿರುತ್ತವೆ. ಇದು ಅಗ್ನಿ ಅವಘಡಗಳ ಸಂದರ್ಭದಲ್ಲಿ ನಿಮ್ಮ ಕಟ್ಟಡವನ್ನು ಸುರಕ್ಷಿತವಾಗಿಸುತ್ತದೆ. ಹೊರಭಾಗದಲ್ಲಿ ಗದ್ದಲ ಇದ್ದರೂ ಕೂಡ ಒಳಭಾಗವನ್ನು ನಿಶ್ಯಬ್ದವಾಗಿಸುವ, ಸಪ್ಪಳವನ್ನು ತಡೆಯುವಲ್ಲಿ ಅವು ಅತ್ಯುತ್ತಮವಾಗಿವೆ.
ಕೆಲವು ಆಧುನಿಕ ಕಟ್ಟಡ ಸಾಮಗ್ರಿಗಳಿಗೆ ಹೋಲಿಕೆ ಮಾಡಿದರೆ ಕಲ್ಲು ಮತ್ತು ಇಟ್ಟಿಗೆಯಿಂದ ನಿರ್ಮಿಸಲಾಗುವ ಭಾರ ಹೊರುವ ಸ್ಟ್ರಕ್ಚರ್ಗಳಲ್ಲಿ ಬಳಸಲಾಗುವ ಅನೇಕ ವಸ್ತುಗಳು ನೈಸರ್ಗಿಕವಾಗಿರುತ್ತವೆ. ಜೊತೆಗೆ ಹೆಚ್ಚು ಪರಿಸರ ಸ್ನೇಹಿಯಾಗಿರುತ್ತವೆ. ಈ ಎಲ್ಲ ಕಾರಣಗಳಿಂದಾಗಿ ಕೆಲವು ಸಂದರ್ಭಗಳಲ್ಲಿ ಲೋಡ್ ಬೇರಿಂಗ್ ಸ್ಟ್ರಕ್ಚರ್ಗಳನ್ನು ಹೆಚ್ಚು ಸಮರ್ಥನೀಯ ಆಯ್ಕೆಯನ್ನಾಗಿ ಮಾಡಬಹುದು.
ಲೋಡ್ ಬೇರಿಂಗ್ ಸ್ಟ್ರಕ್ಚರ್ಗಳ ಪ್ರಯೋಜನಗಳು ಮತ್ತು ಅವುಗಳ ಎಲ್ಲ ಅಂಶಗಳನ್ನು ಅನ್ವೇಷಿಸಿದ ನಂತರ, ಅವುಗಳ ಸಂಭಾವ್ಯ ಅನಾನುಕೂಲತೆಗಳನ್ನು ಪರಿಗಣಿಸುವುದು ಕೂಡ ಅಷ್ಟೇ ಮುಖ್ಯವಾಗಿದೆ.
ಲೋಡ್ ಬೇರಿಂಗ್ ವಿಧಾನದಲ್ಲಿ ನಿರ್ಮಿಸುವ ಸ್ಟ್ರಕ್ಚರ್ಗಳು ಎತ್ತರದ ಕಟ್ಟಡಗಳಿಗೆ ಸೂಕ್ತವಲ್ಲವಾಗುವುದಿಲ್ಲ. ಸಾಮಾನ್ಯವಾಗಿ ಅವುಗಳನ್ನು ಎರಡು ಅಥವಾ ಮೂರು ಅಂತಸ್ತಿನ ಕಟ್ಟಡಗಳಿಗೆ ಬಳಸಲು ಸೀಮಿತಗೊಳ್ಳುತ್ತವೆ. ಈ ಇತಿಮಿತಿಯು ಗೋಡೆಗಳು ಹೆಚ್ಚು ದಪ್ಪವಾಗಿರುವುದರಿಂದ ಮತ್ತು ಎತ್ತರದ ಸ್ಟ್ರಕ್ಚರ್ಗಳಿಗೆ ಆಧಾರವಾಗಿ ಬಳಸುವುದು ಅಪ್ರಾಯೋಗಿಕವಾಗಿದೆ.
ಲೋಡ್ ಬೇರಿಂಗ್ ಸ್ಟ್ರಕ್ಚರ್ನೊಂದಿಗೆ ಮಾಡುವ ನಿರ್ಮಾಣವು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಯಾಕೆಂದರೆ ಇವುಗಳನ್ನು ಹೆಚ್ಚಾಗಿ ಕಲ್ಲಿನಿಂದ ನಿರ್ಮಾಣ ಮಾಡುವುದರಿಂದ ಕಲ್ಲಿನ ಕೆಲಸದ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಹೀಗಾಗಿ ಪ್ರತಿ ಇಟ್ಟಿಗೆ ಅಥವಾ ಬ್ಲಾಕ್ ಅನ್ನು ಜಾಗರೂಕತೆಯಿಂದ ಇಡುವುದು ಹಾಗೂ ಬೇರೆ ವಸ್ತುಗಳೊಂದಿಗೆ ಹೊಂದಿಕೊಂಡು ಶಕ್ತಿಯನ್ನು ಕೊಡಲು ಸಾಕಷ್ಟು ಸಮಯ ಬೇಕಾಗುತ್ತದೆ.
ಒಂದು ಸಲ ಲೋಡ್ ಬೇರಿಂಗ್ ಗೋಡೆಯನ್ನು ಕಟ್ಟಿದಾಗ ಅದನ್ನು ಸರಿಸುವುದು ಅಥವಾ ತೆಗೆದುಹಾಕುವುದು ಸವಾಲಿನ ಹಾಗೂ ಕೆಲವೊಮ್ಮೆ ಅಸಾಧ್ಯದ ಕೆಲಸವಾಗಿದೆ. ಏಕೆಂದರೆ ಇಡೀ ಸ್ಟ್ರಕ್ಚರ್ನ ಸ್ಥಿರತೆಯು ಆ ಗೋಡೆಯ ಮೇಲೆ ನಿಂತಿರುತ್ತದೆ. ಇದು ಕಟ್ಟಡದ ವಿನ್ಯಾಸವನ್ನು ನವೀಕರಿಸಲು ಅಥವಾ ಬದಲಾಯಿಸಲು ಸುಲಭವಾಗಿ ಸಾಧ್ಯವಾಗುವುದಿಲ್ಲ
ಇಂತಹ ಸ್ಟ್ರಕ್ಚರ್ಗಳಲ್ಲಿನ ಗೋಡೆಗಳು ಭಾರವಾದ ವಸ್ತುಗಳಿಂದ ಮಾಡಲ್ಪಟ್ಟಿರುತ್ತವೆ, ಹೀಗಾಗಿ ಇಡೀ ಕಟ್ಟಡದ ಭಾರವು ಹೆಚ್ಚಾಗುತ್ತದೆ. ಹೆಚ್ಚುವರಿ ತೂಕವನ್ನು ಹೊತ್ತುಕೊಳ್ಳಲು ಲೋಡ್ ಬೇರಿಂಗ್ ಸ್ಟ್ರಕ್ಚರ್ಗಳಿಗೆ ಇದು ಗಟ್ಟಿಯಾದ ಮತ್ತು ಹೆಚ್ಚಾಗಿ ವೆಚ್ಚದಾಯಕ ಅಡಿಪಾಯ ಬೇಕಾಗುತ್ತದೆ.
ಕಲ್ಲಿನ ಗೋಡೆಗಳು (ಇಟ್ಟಿಗೆಗಳು ಅಥವಾ ಕಾಂಕ್ರೀಟ್ ಬ್ಲಾಕ್‌ಗಳಿಂದ ಮಾಡಿದಂತಹವು) ಹೊರೆಗಳನ್ನು ಹೊರಲು ಅತ್ಯುತ್ತಮವಾಗಿವೆ. ಆದರೂ ಕೂಡ ಹವಾಮಾನ ಹಾಗೂ ತಾಪಮಾನ ಬದಲಾವಣೆಗಳನ್ನು ತಡೆಯುವುದರಲ್ಲಿ ಅವು ಯೋಗ್ಯವಾಗಿಲ್ಲ. ಇದು ತಂಪಾಗಿಡಲು ಹಾಗೂ ಬಿಸಿಯಾಗಿರಿಸಲು ಹೆಚ್ಚಿನ ಶಕ್ತಿಯ ವೆಚ್ಚಕ್ಕೆ ಕಾರಣವಾಗಬಹುದು.
ನಿಮ್ಮ ಮನೆಯ ನವೀಕರಣ ಅಥವಾ ರಿಪೇರಿ ಮಾಡುವ ಕುರಿತು ಎಲ್ಲವನ್ನೂ ತಿಳಿದುಕೊಮಡು ನಿರ್ಧಾರಗಳನ್ನು ತೆಗೆದುಕೊಳ್ಳಲು ಭಾರ ಹೊರುವ ಮನೆ ಸ್ಟ್ರಕ್ಚರ್ಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ. ನೆನಪಿಡಿ, ಎಲ್ಲವನ್ನೂ ಎತ್ತಿ ಹಿಡಿದುಕೊಂಡು ಈ ಗೋಡೆಗಳು ಕೋಟೆಯಂತೆ ನಿಶ್ಚಲವಾಗಿ ನಿಲ್ಲುತ್ತವೆ. ನಿರ್ದಿಷ್ಟ ಗೋಡೆಯ ಬಗ್ಗೆ ನಿಮಗೆ ಖಚಿತವಿಲ್ಲದಿದ್ದರೆ, ಯಾವುದೇ ಅಹಿತಕರ ಘಟನೆಗಳನ್ನು ತಪ್ಪಿಸಲು ವೃತ್ತಿಪರರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮವಾಗಿದೆ.
