Share:
പലപ്പോഴും ഹൗസ് മാപ്പ് എന്ന് വിളിക്കപ്പെടുന്ന നിങ്ങളുടെ വീടിന്റെ ബ്ലൂപ്രിന്റ്, എന്താണ് നിർമ്മിക്കേണ്ടത് എന്നതിന്റ് ദൃശ്യാവിഷ്കാരമാണ്. ഇത് മുറികളുടെയും സ്ഥലങ്ങളുടെയും കേവലം ലേഔട്ട് മാത്രമല്ല, അനുദിന ജീവിതത്തിന്റെ ഒഴുക്കും ഉൾക്കൊള്ളുന്നതാണ്. ഒരു നല്ല ഹൗസ് മാപ്പ് ഡിസൈൻ, സ്ഥലത്തിന്റെ കാര്യക്ഷമത കൂട്ടുകയും സ്വാഭാവിക വെളിച്ചം വർദ്ധിപ്പിക്കുകയും വായുസഞ്ചാരം സുഗമമാക്കുകയും ആത്യന്തികമായി നിങ്ങളുടെ താമസസ്ഥലത്തിന്റെ സുഖവും പ്രവർത്തക്ഷമതയും ഉറപ്പാക്കുകയും ചെയ്യുന്നു. നിങ്ങളുടെ വീട് ശരിക്കും യാഥാർത്ഥ്യമാക്കുന്നതിനുള്ള ആദ്യപടിയാണിത്.
കിടപ്പുമുറികൾ, സ്വീകരണ മുറി, അടുക്കള എന്നിവയുൾപ്പെടെ എല്ലാ മുറികളും ഒരു നിലയിൽത്തന്നെ നിർമ്മിക്കുന്ന ഒരു തരം വീടാണ് ഒറ്റനില വീട്. ഈ ഹൗസ് മാപ്പ് ഡിസൈനിൽ കോണിപ്പടികളുടെ ആവശ്യമില്ല, ഇത് വളച്ചുകെട്ടില്ലാത്തതും ആയാസരഹിതവും ആയ ഒരു ജീവിത അന്തരീക്ഷം തേടുന്നവർക്ക് അനുയോജ്യമാണ്. യാത്രാ പ്രശ്‌നങ്ങൾ ഉള്ളവരോ അല്ലെങ്കിൽ എല്ലാ സൗകര്യങ്ങളും എളുപ്പത്തിൽ ലഭിക്കാൻ ആഗ്രഹിക്കുന്നവരോ ആണ് ഇത് പ്രത്യേകിച്ചും ഇഷ്ടപ്പെടുന്നത്.
1) പ്രായമേറിയ കുടുംബാംഗങ്ങൾക്കും നടക്കാൻ ബുദ്ധിമുട്ടുള്ളവർക്കും വേണ്ടിയാണ് ഇത്.
2) ഇതിന് നിർമ്മാണ സാമഗ്രികൾ കുറച്ച് മതിയാകും, ഇത് സാധാരണയായി പരിപാലിക്കാൻ എളുപ്പവും ചെലവ് കുറഞ്ഞതുമാണ്.
3) ഇത് ഒതുക്കമുള്ള ഒരു ഏരിയയ്ക്കുള്ളിൽ ആവശ്യത്തിന് താമസ സ്ഥലം നൽകുന്നു.
4) ഈ ഡിസൈനിൽ പണിതാൽ പതിവായി പടികൾ കയറുന്നത് ഒഴിവാക്കാം.
ഒരു സ്റ്റുഡിയോ അപ്പാർട്ട്മെന്റിന്റെ ലേഔട്ട് ഒരു വിശാലമായ തുറന്ന സ്ഥലമാണ്, സ്വീകരണമുറി, കിടപ്പുമുറി, അടുക്കള എന്നിവയെല്ലാം ഒരു മുറിയിൽത്തന്നെ ആയിരിക്കും. സാധാരണയായി, ഈ ഡിസൈനിൽ കുളിമുറി മാത്രം വേറിട്ട സ്ഥലത്തായിരിക്കും. ഈ ഹൗസ് മാപ്പ് ഡിസൈൻ ലേഔട്ട് രൂപകൽപ്പന ചെയ്തിരിക്കുന്നത് ഒരു ചെറിയ ലിവിംഗ് ഏരിയ പരമാവധി വലുതാക്കാനാണ്, മിക്കപ്പോഴും നഗരങ്ങളിലാണ് ഈ ക്രമീകരണം കാണപ്പെടുന്നത്. വൃത്തിയുള്ളതും സൗകര്യപ്രദവുമായ ഒരു ചുറ്റുപാടിൽ അടിസ്ഥാനസൗകര്യങ്ങളുള്ള നഗര ജീവിതത്തിന് താങ്ങാനാവുന്ന ഒന്നാണിത്.
1) ഓപ്പൺ ലേഔട്ട് ഡിസൈൻ കാരണം, അപ്പാർട്ട്മെന്റിന്റെ ഓരോ ചതുരശ്ര ഇഞ്ചും പല വിധങ്ങളിൽ ഉപയോഗിക്കാൻ കഴിയും.
2) ഫ്ലോർ പ്ലാനിന്റെ വൈവിധ്യം കാരണം, താമസക്കാർക്ക് അവരുടെ ആവശ്യങ്ങളെയും ജീവിതശൈലിയെയും അടിസ്ഥാനമാക്കി വിവിധ ഉപയോഗങ്ങൾക്കുള്ള ഫർണിച്ചർ നല്ല രീതിയിൽ ക്രമീകരിക്കാൻ കഴിയും.
3) ഒരു ചെറിയ സ്ഥലം എന്നതിന്റെ അർത്ഥം, കുറഞ്ഞ അളവിലുള്ള വീട്ടുജോലികളും ഗൃഹപരിപാലനവും മതിയെന്നാണ്, ഒഴിവുസമയ പ്രവർത്തനങ്ങൾക്ക് കൂടുതൽ സമയവും ലഭിക്കും.
4) ജീവിത യാത്ര തുടങ്ങുന്ന ചെറുപ്പക്കാർക്കും ദമ്പതികൾക്കും അനുയോജ്യമാണിത്, ന്യായമായ ചെലവിൽ സൗകര്യപ്രദമായ താമസ സ്ഥലം ലഭിക്കുന്നു.
രണ്ട് നിലകളുള്ള കെട്ടിടം രണ്ട് വ്യത്യസ്ത വീടുകളായി തിരിച്ചിരിക്കുന്ന ഒരു കെട്ടിടമാണ്, ഓരോന്നും രണ്ട് നിലകളിലായി വ്യാപിച്ചുകിടക്കുന്നു. ഈ ഹൗസ് മാപ്പ് ഡിസൈനിൽ, സാധാരണയായി താഴത്തെ നിലയിൽ പൊതുവായുള്ള സ്വകരണമുറിയും മുകളിലത്തെ നിലയിൽ കിടപ്പുമുറികളിലും ക്രമീകരിക്കും, ഇത് നഗരപ്രദേശങ്ങളിലും നഗരപരിസരങ്ങളിലും ഒക്കെ, ലഭ്യമായ സ്ഥലം കാര്യക്ഷമമായി ഉപയോഗിക്കാൻ സഹായിക്കുന്നു. വീടിനുള്ളിൽ സ്വീകരണമുറിയും കിടപ്പുമുറികളും പ്രത്യേകമായി വേണമെന്ന് ആഗ്രഹിക്കുന്നവർക്ക് ഈ ലേഔട്ട് പ്രയോജം ചെയ്യും.
1) ഈ ലേഔട്ട്, വീടിനുള്ളിൽ ഓരോന്നിനും വെവ്വേറെ സ്ഥലങ്ങൾ ലഭ്യമാക്കുന്നു, ഇത് ഒരു വലിയ കുടുംബത്തിലെ അംഗങ്ങളുടെയും അതിഥികളുടെയും കാര്യത്തിൽ പോലും സ്വകാര്യത വർദ്ധിപ്പിക്കും.
2) പ്രോപ്പർട്ടി കുറവുള്ള ആളുകൾക്ക് ഈ ഡിസൈൻ അനുസരിച്ച്, ഉപയോഗിക്കാവുന്ന സ്ഥലം ഇരട്ടിയാക്കാൻ കഴിയും.
3) ഒതുക്കമുള്ളതുകൊണ്ട്, രണ്ട് നില കെട്ടിടം സിറ്റി റെസിഡൻഷ്യൽ ഏരിയകളിലോ സുരക്ഷിത പ്രദേശങ്ങളിലോ തികച്ചും അനുയോജ്യമാണ്.
4) വീട്ടിൽ കൂടുതലും പൊതുവായി ഉപയോഗിക്കുന്ന സ്ഥലങ്ങളിൽ നിന്ന് വേർതിരിച്ചിരിക്കുന്നതിനാൽ ഇത് ഒരു സ്വകാര്യതാബോധം നൽകുന്നു.
L ആകൃതിയിലുള്ള ഫ്ലോർ പ്ലാൻ, പേര് സൂചിപ്പിക്കുന്നത് പോലെ, മുറികൾ 'L' ആകൃതിയിൽ ക്രമീകരിക്കും, ഇത് വീടിന്റെ പൊതുവായ സ്ഥലങ്ങളെയും സ്വകാര്യമായ സ്ഥലങ്ങളെയും സൗകര്യപ്രദമായി വേർതിരിക്കുന്നു. ഈ ഹൗസ് മാപ്പ് പ്ലാനിൽ സ്വാഭാവികമായും ഒരു മുറ്റമോ നടുമുറ്റമോ ഉണ്ടായിരിക്കും, ഇത് ഔട്ട്ഡോർ ജീവിതം ആസ്വദിക്കുന്നവർക്ക് കൂടുതൽ ആകർഷകമാണ്.
1) 'L' ആകൃതി സ്വാഭാവികമായും മധ്യത്തിൽ ഒരു ഔട്ട്ഡോർ ഏരിയ ലഭ്യമാക്കുന്നു, ഇത് പുൽത്തകിടി, മുറ്റം അല്ലെങ്കിൽ പൂന്തോട്ടം എന്നിവയ്ക്ക് അനുയോജ്യമാണ്.
2) 'L' ആകൃതിയിലുള്ള മുറികൾക്ക് കുറഞ്ഞത് രണ്ട് കോണുകളിൽ നിന്ന് സ്വാഭാവിക പ്രകാശം ലഭിക്കുന്നു.
3) അതിന്റെ 'L' ആകൃതി കാരണം, ഈ ചെറിയ ഹോം ഫ്ലോർ പ്ലാൻ, വീടിന്റെ വിവിധ വിഭാഗങ്ങളിൽ സ്വകാര്യത നിലനിർത്തുന്നു.
നഗര ജീവിതത്തിനായി രൂപകൽപ്പന ചെയ്ത ബഹുനില വീടുകളാണ് ടൗൺഹൗസുകൾ. ഇടുങ്ങിയതും ലംബവുമായ സ്ട്രക്ചറുകളും മിക്കപ്പോഴും അടുത്തുള്ള കെട്ടിടങ്ങളുമായി ചുവരുകൾ പങ്കിടുന്നു എന്നതുമാണ് ഇവയുടെ സവിശേഷത. ഈ ഹൗസ് ഫ്ലോർ മാപ്പ് ഡിസൈൻ, വിവിധ നിലകളിലുടനീളം സ്ഥലം സൗകര്യപ്രദമായി ഉപയോഗിക്കാൻ കഴിയുന്ന വിധത്തിലുള്ളതാണ്, ജനസാന്ദ്രതയുള്ള പ്രദേശങ്ങളിൽ ഒതുങ്ങിയ ഒരു അടിത്തറയ്ക്കുള്ളിൽ താമസിക്കാനും ഭക്ഷണം കഴിക്കാനും ഉറങ്ങാനും വെവ്വേറെ സ്ഥലങ്ങൾ നൽകുന്നു.
1) തിരക്കേറിയ നഗരങ്ങളിൽ, ഉയരത്തിലുള്ള ഇത്തരം കെട്ടിടം ലഭ്യമായ എല്ലാ സ്ഥലവും ഉപയോഗിക്കുന്നു.
2) വെവ്വേറെ നിലകളാതിനാൽ, സ്വീകരണസ്ഥലങ്ങളും ജോലി ചെയ്യുന്നതും ഉറങ്ങുന്നതുമായ സ്ഥലങ്ങളും പ്രത്യേകം വേർതിരിച്ചിട്ടുണ്ട്.
3) റൂഫിന്റെ മുകൾവശം പൂന്തോട്ടം അല്ലെങ്കിൽ ടെറസ് പോലുള്ള പ്രവർത്തന സ്ഥലമാക്കി മാറ്റാൻ കഴിയും.
4) ടൗൺഹൗസുകൾ അയൽക്കാരുമായി അടുത്ത് ഇടപഴകാനും സമൂഹ ജീവിതം നയിക്കാനും സഹായകരമാണ്.
ബംഗ്ലാവ് സ്റ്റൈലിലുള്ള വീടുകൾ ഒറ്റനിലയാണ്, എന്നിരുന്നാലും അവയുടെ വാസ്തുവിദ്യാ പാരമ്പര്യവും വിശാലമായ വരാന്തകൾ, ചരിവുള്ള മേൽക്കൂരകൾ, കരകൗശലവിദ്യകൾ കൊണ്ടുള്ള അലങ്കാരം തുടങ്ങിയ സവിശേഷമായ ഡിസൈൻ ഘടകങ്ങളും ഇതിനെ വേറിട്ടുർത്തുന്നു. ദക്ഷിണേഷ്യൻ വാസ്തുവിദ്യയുടെയും പാശ്ചാത്യ ശൈലിയുടെ അനുകരണങ്ങളുടെയും സംയോജനത്തിൽ നിന്ന് ഉണ്ടായ ബംഗ്ലാവുകൾ, അതിന്റെ ലേഔട്ടിന്റെ കാര്യത്തിൽ മാത്രമല്ല, സുഖകരവും ഏകീകൃതവുമായ ജീവിത അന്തരീക്ഷത്തെ പ്രോത്സാഹിപ്പിക്കുന്ന മനോഹാരിതയുടെ കാര്യത്തിലും മികച്ചതാണ്.
1) എല്ലാം ഒരൊറ്റ നിലയിലായതിനാൽ, ബംഗ്ലാവുകളിൽ പടികളുടെ ആവശ്യമില്ല.
2) ബംഗ്ലാവുകൾ ഇന്ത്യയുടെ വാസ്തുവിദ്യാ ചരിത്രത്തിന്റെ ഭാഗമാണ്
3) പടികളും ഒന്നിലധികം നിലകളും ഇല്ലാത്തതുകൊണ്ട്, അപകടങ്ങളുടെ സാധ്യത ഗണ്യമായി കുറയുന്നു
4) വരാന്തയോ പൂമുഖമോ ഉള്ളതുകൊണ്ട് ഒരു ഔട്ട്ഡോർ ജീവിതശൈലിക്ക് അനുയോജ്യമാണ്
സ്പ്ലിറ്റ് ലെവൽ വീടുകളുടെ ഫ്ലോർ പ്ലാനിൽ, നിലകൾ വിഭജിക്കുകയോ ക്രമീകരിക്കുകയോ ചെയ്യുന്നു, സാധാരണയായി ഭൂമിയുടെ സ്വാഭാവിക ചരിവ് ഉൾക്കൊണ്ടുകൊണ്ടാണ് ഇത് രൂപകൽപ്പന ചെയ്യുന്നത്. ഈ ശൈലി, കിടപ്പുമുറികൾ, സ്വീകരണമുറികൾ എന്നിങ്ങനെയുള്ള ലിവിംഗ് സ്പേസുകളെ, ചെറിയ കോണിപ്പടികളാൽ ബന്ധിപ്പിച്ചുകൊണ്ട് വ്യത്യസ്ത തലങ്ങളാക്കി വേർതിരിക്കുന്നു, ഇത് വീടിനെ അങ്ങോളമിങ്ങോളം പരസ്പരം കൂട്ടിയിണക്കിക്കൊണ്ട് സ്വകാര്യത നൽകുന്നു.
1) പ്രോപ്പർട്ടി ചെരിവുള്ളതോ നിരപ്പല്ലാത്തതോ ആണെങ്കിൽ ഈ ഡിസൈൻ പ്രത്യേകിച്ചും ഗുണകരമാണ്.
2) വ്യത്യസ്ത തലങ്ങൾ വീടിനുള്ളിൽ നന്നായി വേർതിരിച്ച സോണുകൾക്ക് ഇടം നൽകുന്നു, അതേസമയം അവ അടുത്തടുത്താണെന്നതും ഒരു സൗകര്യമാണ്.
3) പല അംഗങ്ങളുള്ള ഒരു കുടുംബമാണെങ്കിൽപ്പോലും, പൊതുവായ സ്ഥലങ്ങളിൽ നിന്ന് വേറിട്ട ഈ ഭാഗങ്ങൾ ശാന്തമായ ഒരു ഇടം ലഭ്യമാകുന്നു.
4) വ്യത്യസ്ത നിലകൾ, വീടിന് സവിശേഷതയുള്ള മനോഹരമായ ആകർഷണത്വം നൽകുന്നു, വീടിന് അകത്തും പുറത്തും
താഴികക്കുടത്തിന്റെ ആകൃതിയിലുള്ള വീടുകൾ അവയുടെ വളഞ്ഞ, ഗോളാകൃതിയിലുള്ള ഘടനകൊണ്ട് വേറിട്ടുനിൽക്കുന്നു, അത് അനുപമമായ ജീവിതാനുഭവം നൽകുന്നു. ജ്യാമിതീയ ഹൗസ് മാപ്പ് ഡിസൈൻ സുന്ദരമാണെന്നു മാത്രമല്ല, പ്രവർത്തക്ഷമവുമാണ്, കാരണം ഇത് വീടിന്റെ ഊർജ്ജ കാര്യക്ഷമതയ്ക്കും ഘടനാപരമായ ഈടുനിൽപ്പിനും സഹായിക്കുന്നതിനാൽ, ഇത് പാരമ്പര്യവുമായി ബന്ധമില്ലാത്തതും പരിസ്ഥിതി സൗഹൃദവുമായ വാസസ്ഥലം തേടുന്നവർക്കുള്ള ആകർഷകമായ ഒരു തിരഞ്ഞെടുപ്പാണ്.
1) വൃത്താകൃതിയിലുള്ള ആകൃതി വായുസഞ്ചാരം മെച്ചപ്പെടുത്തുകയും ചൂടാക്കൽ, തണുപ്പിക്കൽ ചെലവുകൾ കുറയ്ക്കുകയും ചെയ്യുന്നു
2) സവിശേഷമായ വൃത്താകൃതിയോടുകൂടിയ ഈ വീട് അത് വേറിട്ടുതന്നെ നിൽക്കും.
3) ഗോളാകൃതിയിലുള്ള ഡിസൈൻ, കെട്ടിടത്തിന്റെ മർദ്ദം ഒരേപോലെ വിഭജിക്കുന്നു, ഇത് വളരെ കെട്ടുറപ്പുള്ളതും ഭൂകമ്പത്തെ പ്രതിരോധിക്കുന്നതുമാണ്.
4) താഴികക്കുടത്തിന്റെ രൂപത്തിലുള്ള ചെലവ് കുറഞ്ഞ ഡിസൈൻ, ഉപയോഗിക്കുന്ന മൊത്തത്തിലുള്ള മെറ്റീരിയലിനെ ഗണ്യമായി കുറയ്ക്കും.
അനുരൂപമായ മുൻവശങ്ങൾക്കും ക്രമീകൃതമായ ഫ്ലോർ പ്ലാനുകൾക്കും പേരുകേട്ട കൊളോണിയൽ ശൈലിയിലുള്ള വീടുകൾ ഇരുവശത്തും തുല്യ അകലത്തിലുള്ള മുറികളുള്ള ഒരു സെൻട്രൽ ഹാൾ ഉൾപ്പെടെയുള്ളതാണ്. ഈ വീടുകൾ പലപ്പോഴും രണ്ടോ അതിലധികമോ നിലകളിലായി വ്യാപിച്ചുകിടക്കുന്നു, പൂർണ്ണമായ അലങ്കാരങ്ങൾ സഹിതം ഇവ ചരിത്രപരമായ വാസ്തുവിദ്യാ ശൈലികളെ പ്രതിനിധീകരിക്കുന്നതാണ്.
1) കൊളോണിയൽ ശൈലിയിലുള്ള വീടുകൾ മിക്കപ്പോഴും അന്തസ്സും അഴകുമായി ബന്ധപ്പെട്ടിരിക്കുന്നു.
2) വീടിന്റെ പൊരുത്തം കാരണം, ഇതിന് സൗന്ദര്യപരമായി ശാന്തവും ഹൃദ്യവുമാക്കാൻ കഴിയുന്ന ഒരു സന്തുലിതാവസ്ഥയുണ്ട്.
3) പരമ്പരാഗതമായി കൂടുതൽ വലുപ്പമുള്ളതിനാൽ, ഈ വീടുകൾക്ക് വലിയ കുടുംബങ്ങളെ സുഖകരമായി ഉൾക്കൊള്ളാൻ കഴിയും.
4) ഒരു കൊളോണിയൽ വീടിന്റെ ഘടന നന്നായി ക്രമീകരിച്ച സ്വകാര്യ (കിടപ്പുമുറികൾ), പൊതു (സ്വീകരണ, ഡൈനിംഗ് റൂമുകൾ) ഏരിയകൾക്ക് സ്ഥലം അനുവദിക്കുന്നു.
സ്റ്റീൽ ഷിപ്പിംഗ് കണ്ടെയ്നറുകളിൽ നിന്നാണ് കണ്ടെയ്നർ വീടുകൾ ഡിസൈൻ ചെയ്യുന്നത്, അവയെ അനുപമവും സുസ്ഥിരവുമായ താമസസ്ഥലങ്ങളാക്കി മാറ്റുന്നു. ഈ വീടുകൾ അത്ര സാധാരണമല്ല, എന്നാൽ സർഗ്ഗാത്മക വാസ്തുവിദ്യാ പരിഹാരങ്ങൾ അനുവദിച്ചുകൊണ്ട് ചെലവ് കുറഞ്ഞ ഹൗസ് മാപ്പ് ഡിസൈനിന്റെയും മോഡുലാർ ഘടനയുടെയും പേരിൽ ഇത് വേറിട്ടുനിൽക്കുന്നു. സ്ഥിര താമസത്തിന് പുറമെ, താൽക്കാലിക ഓഫീസുകൾക്കോ താമസസൗകര്യങ്ങൾക്കോ വേണ്ടി നിർമ്മാണ സൈറ്റുകളിൽ കണ്ടെയ്നർ ഹോമുകൾ പതിവായി ഉപയോഗിക്കുന്നു. കണ്ടെയ്നർ വീടുകൾക്ക് ചെറിയ വീടിനുള്ള ഫ്ലോർ പ്ലാനുകൾ ഉണ്ട്, അവ ഭവന നിർമ്മാണത്തിലെ താൽക്കാലിക പാർപ്പിടങ്ങളായും നൂതനവും പരിസ്ഥിതി സൗഹൃദവുമായ വീടുകളായും വൈവിധ്യമാർന്നതാണ്.
1) ഉപയോഗിച്ച ഷിപ്പിംഗ് കണ്ടെയ്നറുകൾ രൂപപ്പെടുത്തിയെടുക്കുന്നതിനാൽ, ഈ വീടുകൾക്ക് നിർമ്മാണ മാലിന്യങ്ങൾ ഗണ്യമായി കുറയ്ക്കാനും ചെലവ് കുറയ്ക്കാനും കഴിയും.
2) പലപ്പോഴും, കണ്ടെയ്നറുകൾ ഉപയോഗിക്കുന്നതിനാൽ പ്രാരംഭ നിർമ്മാണ ചെലവ് ഗണ്യമായി കുറയ്ക്കാനാകും.
3) വീടിന്റെ അടിസ്ഥാന ഘടന ഇതിനകം നിർമ്മിച്ചതാണ് - കണ്ടെയ്നറുകൾ ക്രമീകരിക്കുകയും ഘടിപ്പിക്കുകയും ചെയ്താൽ മാത്രം മതി.
4) ഒന്നിലധികം കണ്ടെയ്നറുകൾ വ്യത്യസ്ത ആകൃതികളിൽ കൂട്ടി യോജിപ്പിക്കാൻ കഴിയും, ഇതിലൂടെ വൈവിധ്യമാർന്ന ഡിസൈനുകൾ ഉണ്ടാക്കാനാകും.
ചെറിയ ഹോം ഫ്ലോർ പ്ലാനുകളിൽ ഏത് വേണമെന്ന് തീരുമാനിക്കാനായി, നിങ്ങളുടെ കുടുംബത്തിന്റെ വലുപ്പം, അനുദിന ജീവിതശൈലി, നിങ്ങളുടെ വ്യക്തിപരമായ ആവശ്യങ്ങൾ, ഭാവി ആവശ്യങ്ങൾ എന്നിവ വിലയിരുത്തിക്കൊണ്ട് തുടങ്ങുക.
ലളിതവും സങ്കീർണ്ണതകളില്ലാത്തതുമായ ഒരു ഹോം നക്ഷ ഡിസൈൻ ലക്ഷ്യമിടുക. ഇത് നിർമ്മാണ പ്രക്രിയയെ സുഗമമാക്കുക മാത്രമല്ല, ചെലവ് കുറയ്ക്കാനും സഹായിക്കുന്നു.
സങ്കീർണ്ണമായ ഒരു ഡിസൈൻ, ചെലവ് കൂടാനും നിർമ്മാണപരമായ ബുദ്ധിമുട്ടുകൾക്കും കാരണമായേക്കാമെന്ന് ഓർക്കുക, പ്രവർത്തനക്ഷമതയും ബജറ്റും തമ്മിൽ മികച്ച രീതിയിൽ ഒത്തുപോകാനായി ഇത് ലളിതമാക്കുക.
നിങ്ങളുടെ കാഴ്ചപ്പാട് മനസിലാക്കുന്നവരും നിങ്ങളുടെ എല്ലാ ആവശ്യകതകളും സഹിതം പ്രായോഗികവും യഥാർത്ഥവുമായ ഒരു ഭവനം എന്ന ലക്ഷ്യം സാധിച്ചുതരാൻ കഴിയുന്നവരുമായ ആർക്കിടെക്റ്റുകളുമായോ ഡിസൈൻ പ്രൊഫഷണലുകളുമായോ സംസാരിക്കുക.
ഹ്രസ്വകാലത്തേക്ക് മാത്രമല്ല, ദീർഘകാലാടിസ്ഥാനത്തിലും സാമ്പത്തികമായി ലാഭകരമായ ഡിസൈനുകൾക്ക് ഊന്നൽ നൽകുക. ഊർജ്ജ കാര്യക്ഷമതയും പരിപാലന ചെലവുകളും പരിഗണിക്കുന്നത് ഇതിൽ ഉൾപ്പെടുന്നു.
അനാവശ്യമായ സങ്കീർണതകളില്ലാതെ നിർമ്മാതാക്കൾക്ക് നടപ്പിലാക്കാൻ കഴിയുന്ന ഡിസൈനുകൾ തിരഞ്ഞെടുക്കുക, ഇത് കാലതാമസം ഒഴിവാക്കാനും തൊഴിൽ ചെലവ് കുറയ്ക്കാനും സഹായിക്കും.
ഈ കാര്യങ്ങളിൽ ശ്രദ്ധ കേന്ദ്രീകരിക്കുമ്പോൾ, നിങ്ങളുടെ പ്രത്യേക മുൻഗണനകൾക്കും ആവശ്യങ്ങൾക്കും അനുയോജ്യമായ ലളിതവും പ്രവർത്തനക്ഷമവും ഫലപ്രദവുമായ ഒരു ഹൗസ് മാപ്പ് ഡിസൈൻ സ്വന്തമാക്കാൻ നിങ്ങൾക്ക് കഴിയും.
നിങ്ങൾക്ക് തിരഞ്ഞെടുക്കാൻ കഴിയുന്ന ലളിതമായ ഹൗസ് മാപ്പ് ഡിസൈനുകളുടെ ചില ഉദാഹരണങ്ങൾ മാത്രമാണ് ഇവ. ഓർമ്മിക്കുക, നിങ്ങൾ തിരഞ്ഞെടുക്കുന്ന ഏറ്റവും മികച്ച ഡിസൈൻ ഇന്നത്തെ നിങ്ങളുടെ ആവശ്യങ്ങൾ തൃപ്തിപ്പെടുത്തുന്നത് മാത്രമായിരിക്കരുത്, ഭാവിയിലെ നിങ്ങളുടെ ജീവിതശൈലിയും ആവശ്യകതകളും മുൻകൂട്ടി കാണുകയും വേണം. ഒരു ഡിസൈൻ തീരുമാനിക്കുന്നതിന് മുമ്പ് നിങ്ങളുടെ കുടുംബത്തിന്റെ വലുപ്പം, പ്ലോട്ടിന്റെ ഭൂമിശാസ്ത്രപരമായ സ്ഥാനം, നിങ്ങളുടെ ബജറ്റ്, വ്യക്തിപരമായ മുൻഗണനകൾ എന്നിവ കണക്കിലെടുക്കുക. സന്തോഷകരമായ ഭവന പദ്ധതി!
