Share:
ઘરનું નિર્માણ કરવાની માર્ગદર્શિકા
અમારા ઉત્પાદનો
ઉપયોગી સાધનો
ઘરનું નિર્માણ કરવાની માર્ગદર્શિકા
અલ્ટ્રાટૅક બિલ્ડિંગ ઉત્પાદનો
Share:
તમારા ઘરની બ્લુપ્રિન્ટ, જેને અનેક વાર ઘરના નકશા તરીકે સંદર્ભિત કરવામાં આવે છે, તે શું બાંધકામ કરવાનું છે તેની વિઝ્યુઅલ રજૂઆત છે. તેમાં માત્ર રૂમ અને જગ્યાઓના લેઆઉટને જ નહીં પરંતુ દૈનિક જીવનના પ્રવાહનો સમાવેશ પણ કરવામાં આવે છે. ઘરના નકશાની યોગ્ય ડિઝાઇન જગ્યાની કાર્યક્ષમતા વધારે છે, કુદરતી લાઇટિંગને વધારે છે, વેન્ટિલેશનને પ્રોત્સાહિત કરે છે અને આખરે તમારા નિવાસ સ્થાનની જગ્યાનો આરામ અને તેની કાર્યક્ષમતાને સુનિશ્ચિત કરે છે. તે તમારા ઘરને મૂર્ત વાસ્તવિકતા બનાવવાની દિશામાં પ્રથમ પગલું છે.
એક માળનું ઘર એ તેવા પ્રકારનું ઘર છે જ્યાં બેડરૂમ, નિવાસ સ્થાનની જગ્યા અને રસોડા સહિત દરેક રૂમ એક જ સ્તર પર સ્થિત છે. આ ઘરના નકશાની ડિઝાઇન સીડીની જરૂરિયાતને દૂર કરે છે, જે ઘરનું સરળ અને સુલભ વાતાવરણ ઇચ્છતા લોકો માટે તેને આદર્શ બનાવે છે. તેની તરફેણ ખાસ કરીને તે લોકો દ્વારા કરવામાં આવે છે જેમને હલનચલન સંબંધિત સમસ્યાઓ હોય અથવા તમામ સુવિધાઓને સરળતાપૂર્વક પહોંચ મેળવી શકાય તે મુજબ પ્લાન કરવામાં આવે છે.
1) પરિવારના વૃદ્ધ સભ્યો અને હલનચલન સંબંધિત સમસ્યાઓ ધરાવતી વ્યક્તિઓ માટે નફાકારક ડીલ.
2) તેને ઓછી બાંધકામ સામગ્રીની જરૂર પડે છે અને લાક્ષણિકપણે તેની જાળવણી વધુ સરળ અને કિફાયતી બને છે.
3) તે કોમ્પેક્ટ વિસ્તારની અંદર પૂરતી નિવાસ સ્થાનની જગ્યા પૂરી પાડે છે.
4) આ ડિઝાઇન નિયમિતપણે પગથિયાં ચઢવાની જરૂરિયાતને દૂર કરે છે.
સ્ટુડિયો એપાર્ટમેન્ટનું લેઆઉટ વિશાળ ખુલ્લી જગ્યા દ્વારા વર્ગીકૃત થાય છે, જેમાં નિવાસ સ્થાનનો વિસ્તાર, બેડરૂમ અને રસોડાને એક રૂમમાં જોડવામાં આવે છે. લાક્ષણિક રીતે, બાથરૂમ એ ડિઝાઇનમાં એકમાત્ર અલગ જગ્યા હોય છે. ઘરના નકશાનું આ ડિઝાઇન લેઆઉટ ઘણીવાર શહેરી સેટિંગ્સમાં જોવા મળે છે તેવા નાના નિવાસના વિસ્તારોને મહત્તમ બનાવવા માટે જ ડિઝાઇન કરવામાં આવ્યું છે. સુઘડ, હૂંફાળા વાતાવરણમાં આવશ્યક ચીજવસ્તુઓ ઑફર કરીને, શહેરી રહેઠાણ પ્રત્યનો આ એક કિફાયતી અભિગમ છે.
1) તેની ઓપન લેઆઉટ ડિઝાઇનને કારણે, એપાર્ટમેન્ટના દરેક ચોરસ ઇંચનો ઘણી વૈવિધ્યપૂર્ણ રીતે ઉપયોગ કરી શકાય છે.
2) ફ્લોર પ્લાનની વૈવિધ્યતાને કારણે, રહેવાસીઓ તેમની જરૂરિયાતો અને જીવનશૈલીના આધારે મલ્ટિફંક્શનલ ફર્નિચરની રચનાત્મક વ્યવસ્થા કરી શકે છે.
3) નાની જગ્યા એટલે ઓછું ઘરકામ અને જાળવણી, જે નવરાશની પ્રવૃત્તિઓ માટે વધુ સમય ફાળવવામાં મદદ કરે છે.
4) યુવા વયસ્કો અથવા તેમની જીવન યાત્રાની શરૂઆત કરી રહેલા યુગલો માટે યોગ્ય, વાજબી કિંમતે આરામદાયક નિવાસ સ્થાન ઑફર કરે છે.
બે માળનો ડુપ્લેક્સ એ બે અલગ-અલગ ઘરોમાં વિભાજિત બિલ્ડીંગ છે, જેમાં દરેક બે માળમાં ફેલાયેલી છે. ઘરના નકશાની ડિઝાઇનમાં લાક્ષણિકપણે ગ્રાઉન્ડ ફ્લોર પર શેર કરવામાં આવતી લિવિંગ સ્પેસ (નિવાસ સ્થાનની જગ્યાઓ) અને ઉપરના માળે બેડરૂમનો સમાવેશ થાય છે, જે શહેરી અથવા ઉપનગરીય સેટિંગ્સમાં ઊભી (વર્ટિકલ) જગ્યાઓનો કાર્યક્ષમ ઉપયોગ કરે છે. આ લેઆઉટ તેવા લોકો માટે ફાયદાકારક છે જેઓ તેમના ઘરની અંદર અલગ લિવિંગ સ્પેસ (નિવાસ સ્થાનની જગ્યાઓ) અને સ્લીપિંગ ઝોન (બેડરૂમ) હોય તેવી ઈચ્છા ધરાવતા હોય.
1) આ લેઆઉટ ઘરની અંદર સ્પષ્ટ ઝોનિંગ (જુદા ક્ષેત્ર) પ્રદાન કરે છે જે મોટા પરિવાર અથવા મહેમાનો સાથે પણ ગોપનીયતામાં વધારો કરી શકે છે.
2) નાના જમીન વિસ્તારો ધરાવતા સંપત્તિ માલિકો માટે, આ ડિઝાઇન ઉપયોગી ફ્લોર સ્પેસને બમણી કરી શકે છે.
3) તેની કોમ્પેક્ટ સાઈઝને લીધે, ડુપ્લેક્સ શહેરના રહેણાંક વિસ્તારો અથવા ગેટેડ સમુદાયોમાં સંપૂર્ણ રીતે ફિટ થઈ શકે છે.
4) ઘરની વધુ જાહેર જગ્યાઓથી અલગ થવાને કારણે ગોપનીયતાની ભાવના પૂરી પાડે છે.
એલ-(L) આકારનો ફ્લોર પ્લાન, જેમ કે નામ સૂચવે છે, રૂમને 'L' આકારમાં ગોઠવે છે, જે ઘરના જાહેર અને ખાનગી ક્ષેત્રને અનુકૂળ રીતે અલગ કરે છે. આ હાઉસ મૅપ પ્લાન કુદરતી રીતે આંગણા અથવા પેશિયોને સમાવી શકે છે, જે આઉટડોર લિવિંગનો આનંદ માણતા ઘરના માલિકો માટે આકર્ષક બની શકે છે .
1) એલ-(L) આકાર કુદરતી રીતે સેન્ટ્રલ આઉટડોર ક્ષેત્રનું નિર્માણ કરે છે જે લૉન, આંગણા અથવા બગીચા માટે યોગ્ય બની રહે છે.
2) એલ-(L) આકારના રૂમ ઓછામાં ઓછા બે ખૂણાઓથી કુદરતી પ્રકાશ મેળવે છે.
3) તેના 'એલ-(L)' આકારને લીધે, આ નાનો હોમ ફ્લોર પ્લાન ઘરના વિવિધ વિભાગો વચ્ચે ગોપનીયતા જાળવી રાખે છે.
ટાઉનહાઉસ એ શહેરી જીવન માટે ડિઝાઇન કરવામાં આવતા બહુમાળી ઘરો છે. તે સાંકડી, ઊભી રચનાઓ દ્વારા વર્ગીકૃત થાય છે અને ઘણીવાર નજીકની બિલ્ડીંગ્સ સાથે દિવાલો શેર કરે છે. આ હાઉસ ફ્લોર મૅપ ડિઝાઇન ગીચ વસ્તી ધરાવતા વિસ્તારોમાં સામાન્ય રીતે કોમ્પેક્ટ ફૂટપ્રિન્ટની અંદર રહેવા, જમવા અને સૂવા માટે અલગ અલગ વિસ્તારો પૂરા પાડતા અનેક માળ પર જગ્યાના કાર્યક્ષમ ઉપયોગ પર ભાર મૂકે છે.
1) ભીડવાળા શહેરોમાં, આ ઊભા સ્ટ્રક્ચર ઉપલબ્ધ દરેક જગ્યાનો ઉપયોગ કરે છે.
2) અલગ અલગ માળ સાથે, રહેવાસીઓ રહેવાની, કામ કરવાની અને સૂવાની જગ્યાઓને વ્યાખ્યાયિત કરી શકે છે.
3) છતને રુફટોપ બગીચો અથવા ટેરેસ જેવી કાર્યાત્મક જગ્યામાં રૂપાંતરિત કરી શકાય છે.
4) ટાઉનહાઉસ એ એકત્રિત પડોશ અને સમુદાયનો અનુભવ પ્રદાન કરી શકે છે.
બંગલો સ્ટાઇલના ઘરો એક માળના હોય છે, તેમ છતાં તેમની આર્કિટેક્ચરલ સંસ્કૃતિ અને વિશિષ્ટ ડિઝાઇનના તત્વો, જેમ કે પહોળા વરંડા, ઢાળવાળી છત અને કારીગરી (ક્રાફ્ટ્સમેનશિપ) પર ભાર દ્વારા તે અલગ પડે છે. સાઉથ એશિયન આર્કિટેક્ચર અને પશ્ચિમી અનુકૂલનોના મિશ્રણમાંથી ઉદ્ભવતા, બંગલો માત્ર વિશેષ લેઆઉટ જ નથી ધરાવતા પરંતુ સૌંદર્યલક્ષી પણ હોય છે જે આરામદાયક, સંકલિત જીવંત પર્યાવરણને પ્રોત્સાહન પૂરું પાડે છે.
1) એક જ માળ પર દરેક વસ્તુ સાથે, બંગલોમાં દાદરા/સીડીનો સમાવેશ થતો નથી.
2) બંગલો એ ભારતના આર્કિટેક્ચરલ ઇતિહાસનો એક ભાગ છે
3) સીડીઓ અને બહુવિધ સ્તરો વિના, અકસ્માતોનું જોખમ નોંધપાત્ર રીતે ઘટે છે
4) વરંડા અથવા પોર્ચનો સમાવેશ આઉટડોર જીવનશૈલીને પ્રોત્સાહિત કરે છે
સ્પ્લિટ-લેવલ હાઉસમાં તેવા ફ્લોર પ્લાન હોય છે જ્યાં સ્પ્લિટ લેવલ (વિભાજિત સ્તરો) હોય છે અથવા સ્ટેગર્ડ હોય છે, લાક્ષણિકપણે જે જમીનના કુદરતી ઢોળાવને સમાવવા માટે ડિઝાઇન કરવામાં આવે છે. આ સ્ટાઇલ કેટલાક દાદરાઓની હરોળ દ્વારા જોડાયેલા વિવિધ સ્તરોમાં બેડરૂમ અને લિવિંગ રૂમ જેવી રહેવાની જગ્યાઓને અસરકારક રીતે અલગ પાડે છે, જે સમગ્ર ઘરમાં કનેક્ટેડ ફ્લો જાળવી રાખીને ગોપનીયતા પ્રદાન કરે છે.
1) જો સંપત્તિ ઢાળવાળા અથવા અસમાન ભૂપ્રદેશ પર હોય તો આ ડિઝાઇન ખાસ કરીને મદદરૂપ થાય છે.
2) ઘરની અંદરના વિવિધ સ્તરો સુવ્યવસ્થિત વિશિષ્ટ ક્ષેત્રોનું નિર્માણ કરે છે અને તે સાથે જ તે ક્ષેત્રોને અનુકૂળતાપૂર્વક નજીક પણ રાખે છે.
3) અલગ-અલગ ઝોન, વ્યસ્ત ઘરોમાં પણ, સામાન્ય વિસ્તારોથી દૂર શાંત જગ્યાનું નિર્માણ કરે છે.
4) વિવિધ ફ્લોર લેવલ ઘરને અંદરથી અને બહારથી અનોખી સૌંદર્યલક્ષી આકર્ષક અપીલ પ્રદાન કરે છે.
ગુંબજ આકારના ઘરો તેમના વળાંકવાળા, ગોળાકાર સ્ટ્રક્ચર સાથે અલગ પડે છે જે નિવાસ સ્થાનનો અનન્ય અનુભવ પ્રદાન કરે છે. ભૌમિતિક ઘરના નકશાની ડિઝાઇન માત્ર સૌંદર્યલક્ષી જ નહીં પણ કાર્યાત્મક પણ હોય છે, કારણ કે તે ઘરની ઉર્જા કાર્યક્ષમતા અને સ્ટ્રક્ચરલ ટકાઉપણાંમાં યોગદાન આપે છે, જે તેને બિનપરંપરાગત અને પર્યાવરણ-અનુકૂળ (ઇકો-ફ્રેન્ડલી) નિવાસની ઈચ્છા ધરાવતા લોકો માટે એક આકર્ષક વિકલ્પ બનાવે છે.
1) ગોળ આકાર હવાના પરિભ્રમણને સુધારે છે, અને ગરમી અને ઠંડકને લગતા ખર્ચમાં ઘટાડો કરે છે
2) વિશિષ્ટ ગોળાકાર સાથે આવું ઘર અલગ તરી આવે છે.
3) ગોળાકાર ડિઝાઇન સ્ટ્રક્ચરલ તાણને સમાનરૂપે વિતરિત કરે છે, જે તેને અત્યંત ટકાઉ અને ભૂકંપ-પ્રતિરોધક બનાવે છે.
4) ગુંબજની ડિઝાઇનની લઘુત્તમતા ઉપયોગમાં લેવાયેલી એકંદર સામગ્રીને નોંધપાત્ર રીતે ઘટાડી શકે છે.
તેમના સમપ્રમાણતાવાળા રવેશ અને સંગઠિત ફ્લોર પ્લાન્સ માટે સરળતાથી ઓળખી શકાય તેવા કોલોનિયલ-સ્ટાઈલના ઘર લાક્ષણિકપણે એક સેન્ટ્રલ હૉલ ધરાવે છે જેમાં બંને બાજુ સમાન અંતરે રૂમ હોય છે. આ ઘરો મોટાભાગે બે અથવા વધુ માળાના હોય છે અને ઐતિહાસિક આર્કિટેક્ચરલ શૈલીઓનું પ્રતિનિધિત્વ કરતા સુશોભન તત્વો સાથે પરિપૂર્ણ હોય છે.
1) કોલોનિયલ-સ્ટાઈલના ઘરો મોટે ભાગે પ્રતિષ્ઠા અને ભવ્યતા સાથે સંકળાયેલા હોય છે.
2) ઘરની સમપ્રમાણતાને લીધે, એક સંતુલન નિર્માણ થાય છે જે સૌંદર્યલક્ષી રીતે શાંતિ પ્રદાન કરનારું અને આહ્લાદક બની શકે છે.
3) તેમની પરંપરાગત રીતે મોટી સાઈઝને ધ્યાનમાં લેતાં, આ ઘરો આરામદાયક રીતે મોટા પરિવારોને સમાવી શકે છે.
4) કોલોનિયલ-સ્ટાઈલના ઘરોનું સ્ટ્રક્ચર સુવ્યાખ્યાયિત ખાનગી (બેડરૂમ) અને જાહેર (રહેવા માટે, ડાઇનિંગ રૂમ) ક્ષેત્રોની મંજૂરી આપે છે.
કન્ટેનર ઘરો સ્ટીલ શિપિંગ કન્ટેનરમાંથી બનાવવામાં આવે છે, જે તેમને અનન્ય અને ટકાઉ રહેવાની જગ્યાઓમાં પરિવર્તિત કરે છે. આ ઘરો બહુ સામાન્ય હોતા નથી પરંતુ તેમની ઘરના નકશાની ન્યૂનતમવાદી ડિઝાઇન અને મોડ્યુલર સ્ટ્રક્ચર માટે જુદા તરી આવે છે, જે સર્જનાત્મક આર્કિટેક્ચરલ ઉકેલો સરળ બનાવે છે. કાયમી રહેઠાણ તરીકે સેવા પૂરી પાડવા ઉપરાંત, કન્ટેનર હોમ્સનો ઉપયોગ અવારનવાર કામચલાઉ ઑફિસો અથવા રહેઠાણ માટે બાંધકામ સ્થળો ખાતે થાય છે. કન્ટેનર ઘરોમાં નાના હોમ ફ્લોર પ્લાન હોય છે જે ઘરના બાંધકામ દરમિયાન કામચલાઉ આવાસ અને નવીન, પર્યાવરણને અનુકૂળ ઘરો તરીકે બહુમુખી (વર્સેટાઈલ) હોય છે.
1) ઉપયોગમાં લેવાયેલ શિપિંગ કન્ટેનરનું અપસાયકલિંગ કરીને, આ ઘરો બાંધકામના અપવ્યયને નોંધપાત્ર રીતે ઘટાડી શકે છે અને સંસાધનોનું સંરક્ષણ કરી શકે છે.
2) ઘણીવાર, કન્ટેનરનો ઉપયોગ પ્રારંભિક સ્ટ્રક્ચર સંબંધિત ખર્ચમાં નોંધપાત્ર ઘટાડો કરી શકે છે.
3) ઘરનું મૂળભૂત સ્ટ્રક્ચર પહેલેથી જ બાંધવામાં આવ્યું હોવાથી - કન્ટેનરને ફક્ત ગોઠવવાની અને ફીટ કરવાની જરૂર પડે છે.
4) બહુમુખી ડિઝાઇન પૂરી પાડતા, બહુવિધ કન્ટેનરને વિવિધ રૂપરેખાંકનોમાં જોડી શકાય છે.
તમારા પરિવારની સાઈઝ, તમારી રોજિંદી જીવનશૈલી, તમારી ગોપનીયતાની જરૂરિયાતો, તમારા ભાવિની જરૂરિયાતોની આકારણી કરીને કેટલાક નાના ઘર માટેના ફ્લોર પ્લાન્સ વચ્ચે નક્કી કરીને શરૂ કરો.
સરળ અને જટિલતારહિત ઘરના નકશાની ડિઝાઇનને પ્રાધાન્ય આપો. આનાથી માત્ર બાંધકામ પ્રક્રિયા જ સરળ નથી બનતી પરંતુ ખર્ચ-અસરકારકતાની જાળવણીમાં પણ મદદ મળે છે.
યાદ રાખો, જટિલ ડિઝાઇન ઊંચા ખર્ચ અને બાંધકામ સંબંધિત પડકારો તરફ દોરી જઈ શકે છે. કાર્યક્ષમતા અને બજેટ વચ્ચે શ્રેષ્ઠ સંતુલન માટે તેને સરળ રાખો.
આર્કિટેક્ટ્સ અથવા ડિઝાઇન પ્રોફેશનલ્સને સમાવિષ્ટ કરો કે જેઓ તમારા વિઝનને સમજી શકે અને તેને તમારી બધી આવશ્યકતાઓને પૂર્ણ કરતા વ્યવહારિક, સરળ ઘરના નકશામાં રૂપાંતરિત કરી શકે.
એવી ડિઝાઇન પર ભાર મૂકો જે માત્ર ટૂંકા ગાળા માટે જ નહીં, પરંતુ લાંબા ગાળે પણ કરકસરયુક્ત હોય. આમાં ઉર્જા કાર્યક્ષમતા અને જાળવણી ખર્ચનો સમાવેશ થાય છે.
બિલ્ડરો બિનજરૂરી જટિલતાઓ વિના અમલ કરી શકે તેવી ડિઝાઇન પસંદ કરો, જે વિલંબને ટાળવામાં અને મજૂરી ખર્ચ ઘટાડવામાં મદદ કરી શકે છે.
આ મુદ્દાઓ પર ધ્યાન કેન્દ્રિત કરીને, તમે તમારી અનન્ય પસંદગીઓ અને જરૂરિયાતોને અનુરૂપ ઘરના નકશાની સરળ, કાર્યાત્મક અને અસરકારક ડિઝાઇન પ્રાપ્ત કરી શકો છો.
તમે જેમાંથી પસંદ કરી શકો છો તે સરળ ઘરના નકશાના પ્રકારોના આ માત્ર કેટલાક ઉદાહરણો છે. યાદ રાખો, તમારા માટે શ્રેષ્ઠ ડિઝાઈન એ માત્ર તમારી આજની જરૂરિયાતોને જ સંતોષતી નથી, પણ તમારી ભવિષ્યની જીવનશૈલી અને જરૂરિયાતોની પણ ગણતરી રાખે છે. ડિઝાઇન નક્કી કરતાં પહેલાં તમારા પરિવારની સાઈઝ, પ્લોટનું ભૌગોલિક સ્થાન, તમારું બજેટ અને તમારી વ્યક્તિગત પસંદગીઓને ધ્યાનમાં લો. ઘરના આયોજન બાબતે તમને મનઃપૂર્વક શુભેછાઓ!
