വാൾ ടൈലിംഗിനെക്കുറിച്ചും അത് സ്ഥാപിക്കുന്നതിനെക്കുറിച്ചും നിങ്ങൾ അറിയേണ്ടതെല്ലാം

വാൾ ടൈൽ സ്ഥാപിക്കാൻ ആവശ്യമായ മറ്റ് വസ്തുക്കൾ

ചുവരിൽ ടൈൽ സ്ഥാപിക്കുന്നത് എങ്ങനെയെന്ന് പഠിക്കുമ്പോൾ, ടൈൽ പതിപ്പിക്കാനായി ചുവരുകൾ ഒരുക്കാനും മോടിയുള്ളതും ഈടുള്ളതുമായ ചുവരുകൾ സൃഷ്ടിക്കാനുമായി ഇനിപ്പറയുന്ന മെറ്റീരിയലുകൾ ആവശ്യമാണ്.

1. സിമെന്റ്

സിമെന്റ് ഉണങ്ങിയ സ്ഥലത്ത് സൂക്ഷിക്കാൻ ഓർമ്മിക്കുക; ചാന്ത് നിർമ്മിക്കാൻ നിങ്ങൾക്ക് ഇത് ആവശ്യമാണ്.

2. മണൽ

സിമെന്റും വെള്ളവും ചേർത്ത് ചാന്ത് നിർമ്മിക്കാൻ നിങ്ങൾക്ക് ഇത് വേണം.

3. ടൈൽ ഒട്ടിക്കാനുള്ള പശ

നിങ്ങളുടെ വാൾ ടൈൽ ഫിറ്റിംഗിനായി വിപണിയിൽ ലഭ്യമായ റെഡിമെയ്ഡ് ടൈൽ പശകൾ ഉപയോഗിക്കാം.

4. ടൈലുകൾ

വാൾ ടൈൽ ഒട്ടിക്കുമ്പോൾ നിങ്ങളുടെ പ്രദേശത്തിന്റെ അഴകിന് അനുയോജ്യമായ മികച്ച ഗുണനിലവാരമുള്ള ടൈലുകൾ തിരഞ്ഞെടുക്കുക.

5. കയ്യുറകൾ

സുരക്ഷിതമായ കയ്യുറകൾ ധരിക്കുന്നത് സിമെന്റിന്റെ പൊള്ളൽ ഏൽക്കുന്നതിൽ നിന്നും ടൈലിന്റെ പശ മൂലമുണ്ടാകുന്ന അസ്വസ്ഥതകളിൽ നിന്നും നിങ്ങളെ സംരക്ഷിക്കും.

6. എപ്പോക്സി ഗ്രൗട്ട്

ടൈലിന്റെ വിടവുകൾക്കിടയിൽ ഒരു ടച്ച് സീൽ സൃഷ്ടിക്കുന്നതിന് വാൾ ടൈലിംഗ് പ്രക്രിയയിൽ ഈ മെറ്റീരിയൽ ആവശ്യമാണ്.

7. ഗ്രൗട്ട് പരത്തുന്നതിനുള്ള ഉപകരണം

വാൾ ടൈലുകൾ സ്ഥാപിക്കുമ്പോൾ എപ്പോക്സി ഗ്രൗട്ട് സുഗമമായി പ്രയോഗിക്കാൻ ഈ ഉപകരണം ആവശ്യമാണ്.

8. സ്പോഞ്ച്

ടൈൽ വെച്ചുകഴിയുമ്പോൾ അധികമുള്ള ഗ്രൗട്ട് തുടച്ചുമാറ്റാൻ വൃത്തിയുള്ളതും നനഞ്ഞതുമായ ഒരു സ്പോഞ്ച് ആവശ്യമാണ്.

9. അളക്കാനുള്ള ടേപ്പ്

ചുമരിൽ ടൈൽ സ്ഥാപിക്കുന്നതിനുള്ള ഏരിയയുടെ അളവുകൾ അനുസരിച്ച്, കണക്കാക്കിയതുപോലെ ശരിയായ അളവിലുള്ള മെറ്റീരിയലുകളാണ് നിങ്ങൾ ഉപയോഗിച്ചതെന്ന് ഉറപ്പാക്കാൻ ടേപ്പ് ആവശ്യമാണ്.

10. ഡയമണ്ട് കട്ടർ

നിങ്ങളുടെ ആവശ്യങ്ങൾക്കനുസരിച്ച് ടൈലുകൾ മുറിക്കാൻ ഈ ഉപകരണം ആവശ്യമാണ്.

11. പലകകൾ

ടൈലുകൾ നിലത്ത് നിന്ന് ഏതാനും ഇഞ്ച് ഉയരത്തിൽ വെക്കാൻ നിങ്ങൾക്ക് പലക ആവശ്യമാണ്.

12. കരണ്ടി

വാൾ ടൈലുകൾ സ്ഥാപിക്കാനായി നിങ്ങൾ ഉണ്ടാക്കുന്ന ചാന്ത് മിശ്രിതം പ്രയോഗിക്കാൻ ഈ ഉപകരണം ആവശ്യമാണ്.

വാൾ ടൈലിംഗിനായുള്ള ഘട്ടം ഘട്ടമായുള്ള രീതി

നിങ്ങളുടെ വീടിന് ഒരു അലങ്കാരമായി മനോഹരവും മോടിയുള്ളതുമായ വാൾ ടൈൽ സ്ഥാപിക്കുന്നതിന് വാൾ ടൈലിംഗിനായുള്ള ഘട്ടം ഘട്ടമായുള്ള  ഈ രീതി പിൻപറ്റുക.

1) ടൈലിംഗിനായി ചുവർ ഒരുക്കുക.

1. കോൺക്രീറ്റ്, ക്യൂർ ചെയ്ത ചാന്ത് പ്രതലങ്ങൾ, കല്പണികൾ, ടൈൽ ഇടേണ്ട പ്ലൈവുഡ് പ്രതലങ്ങൾ എന്നിവ പരന്നതും ഉണങ്ങിയതും ഘടനാപരമായി മികച്ചതും നല്ല വൃത്തിയുള്ളതുമായിരിക്കണം.

2. സാൻഡിംഗ്, സ്ക്രാപ്പിംഗ്, ഒരുപക്ഷേ ചിപ്പിംഗ് അല്ലെങ്കിൽ പ്രോ-സ്ട്രിപ്പ് സീലർ എഡിറ്റീവ് റിമൂവർ എന്നിവ ഉപയോഗിച്ച് എല്ലാ മാലിന്യങ്ങളും നീക്കം ചെയ്യണം. തകരാറുകൾ എന്തെങ്കിലുമുണ്ടെങ്കിൽ പരിഹരിക്കണം.

3. ചുവരിൽ ടൈൽ ഒട്ടിക്കാനുള്ള ഭാഗത്ത് ഇളകിയ മണ്ണോ മറ്റ് കേടുപാടുകളും ഉണ്ടോ എന്ന് നോക്കുക, കാരണം വിള്ളലുകൾ ഭിത്തി ദുർബലമാണെന്നും അത് പരിഹരിക്കണമെന്നും സൂചിപ്പിക്കുന്നു.

4. ഭിത്തിയിൽ അമർത്തിക്കൊണ്ട് നിങ്ങൾക്ക് ഭിത്തിയുടെ മാർദ്ദവം പരിശോധിക്കാൻ കഴിയും, പ്രത്യേകിച്ച് സ്റ്റഡുകളിൽ. ഇത് മാർദ്ദവമുള്ളതാണെന്ന് തോന്നുന്നെങ്കിൽ, അതിന് കുറച്ച് പണി ചെയ്യേണ്ടി വന്നേക്കാം.

5. ടൈലുകൾ നേരിട്ട് ഡ്രൈവാളിൽ ഒട്ടിക്കുന്നതിനുപകരം ഒരു വലിയ ഏരിയയിൽ ടൈൽ ഇടാൻ നിങ്ങൾ പദ്ധതിയിടുകയാണെങ്കിൽ ഒരു ടൈലിംഗ് ബോർഡ് ഉപയോഗിക്കാൻ ഓർക്കുക. ഡ്രൈ വാളിനേക്കാൾ കൂടുതൽ ജലപ്രതിരോധ ശേഷിയുള്ള വസ്തുവാണ് ടൈലിംഗ് ബോർഡ്, ഇത് ടൈൽ വെച്ചുകഴിയുമ്പോൾ വിള്ളൽ, കോട്ടം എന്നിവ വരാതിരിക്കാൻ സഹായിക്കും.

2) താപനില പരിശോധന

റൂം, ഭിത്തി ടൈലിംഗിനുള്ള എല്ലാ മെറ്റീരിയലുകളും, പശ എന്നിവ 24 മണിക്കൂർ മുമ്പും ടൈലുകൾ സ്ഥാപിച്ചുകഴിഞ്ഞ് 48 മണിക്കൂറും താപനില 10° -ക്കും 21° -ക്കും ഇടയിലായിരിക്കാൻ ശ്രദ്ധിക്കണം.

3) ലേഔട്ട് പ്ലാനിംഗ്

• ഒരു അളക്കുന്ന ടേപ്പും ചോക്കും ഉപയോഗിച്ച്, വാൾ ടൈലുകൾ സ്ഥാപിക്കാനുള്ള പ്രതലത്തിന്റെ മധ്യരേഖകൾ (ലംബമായും തിരശ്ചീനമായും) അടയാളപ്പെടുത്തുക. നിങ്ങളുടെ വാൾ ടൈലുകൾ നേരെ വെക്കാനും ഏരിയയെ ടൈലിംഗ് വിഭാഗങ്ങളായി തിരിക്കാനും ഇത് നിങ്ങളെ സഹായിക്കും.

• നിങ്ങളുടെ വാൾ ടൈലുകൾ നിങ്ങൾ ഉദ്ദേശിക്കുന്ന രീതിയിൽ തന്നെ കാണപ്പെടുന്നുവെന്ന് ഉറപ്പാക്കാൻ അവ ഡ്രൈ ഫിറ്റ് ചെയ്യുക.

• ഇപ്പോൾ നിങ്ങൾ രൂപഘടനയിൽ തൃപ്തരാണ്, ചുവരിൽ ടൈലിന്റെ അരികുകളും കോണുകളും എങ്ങനെ യോജിപ്പിക്കാമെന്ന് പ്ലാൻ ചെയ്യുക.

• ടൈലുകൾ സ്ഥാപിക്കാനായി അവയുടെ വലിപ്പവും നിങ്ങൾ കണക്കിലെടുക്കേണ്ടതുണ്ട്. വലിയ ടൈലുകളാണോ ചെറിയ ടൈലുകളാണോ പണി തുടങ്ങാൻ ഉപയോഗിച്ചുതുടങ്ങേണ്ടതെന്ന് തീരുമാനിക്കാൻ, ഓരോ വരിയിലും ടൈൽ ഇടേണ്ട ഏരിയ എത്രയാണെന്ന് അളന്നുനോക്കുക.

• ഒടുവിൽ ഡയമണ്ട് കട്ടർ ഉപയോഗിച്ച് ടൈലുകൾ അതിനനുസരിച്ച് മുറിക്കുക.

4) ലെവലിംഗ്

1. തൽക്കാലത്തേക്ക് വെക്കുന്ന പലകക്കഷണം ലെവലാണെന്നും ആദ്യ നിര ടൈലിന് മുകളിൽ വെച്ചിട്ടുണ്ടെന്നും ഉറപ്പാക്കുക.

2. പലകയ്ക്കു മുകളിൽ വാൾ ടൈൽ വെച്ചുകഴിഞ്ഞാൽ, നിങ്ങൾക്ക് താത്കാലിക പലക നീക്കം ചെയ്ത് താഴെയുള്ള വരിയിൽ ടൈലുകൾ വെച്ചുതുടങ്ങാം.

5) മിക്സിംഗ്

വാൾ ടൈലുകൾ ഫിറ്റുചെയ്യുന്നതിന് നിങ്ങൾക്ക് നേർപ്പിച്ച ചാന്ത് ആവശ്യമാണ്. ചാന്ത് നിർമ്മിക്കാനായി, നിർമ്മാതാവിന്റെ നിർദ്ദേശങ്ങൾ അനുസരിക്കുമ്പോൾ, നിങ്ങൾക്ക് പൊതുവായ ഒരു തമ്പ് റൂൾ തിരഞ്ഞെടുക്കാം - ഒരു ബക്കറ്റിലേക്ക് ചേരുവകൾ (സിമന്റ്, മണൽ) ഇടുക, മിക്സ് ചെയ്യുമ്പോൾ അതോടൊപ്പം തന്നെ അതിൽ സാവധാനം വെള്ളവും ഒഴിച്ചുകൊടുക്കുക. ഓർക്കുക, ശരിയായ വാൾ ടൈൽ ഫിറ്റിംഗിനായി ചാന്തിന്, പീനട്ട് ബട്ടർ പോലുള്ള സ്ഥിരത ഉണ്ടായിരിക്കണം. ആദ്യമായി ഇത് മിക്സ് ചെയ്യുമ്പോൾ "തണുക്കാനും" നിങ്ങൾ അനുവദിക്കണം, അതായത് വീണ്ടും ഇളക്കുന്നതിന് മുമ്പ് 10-15 മിനിറ്റെങ്കിലും കഴിയണം.

6) ചാന്ത് ഉപയോഗിക്കൽ

1. പണി തുടങ്ങുമ്പോൾ കരണ്ടിയുടെ പരന്ന വശം കൊണ്ട് ചാന്ത് പ്രയോഗിച്ചു തുടങ്ങാം.

2. ഇതിനുശേഷം, 45 ഡിഗ്രി കോണിൽ നിർദ്ദേശിച്ച നോച്ച് കരണ്ടി ഉപയോഗിച്ച് നിങ്ങൾക്ക് ചാന്ത് ഒരു തുല്യമായ ഒരു പാറ്റേണിൽ പരത്താം.

3. ചാന്ത് ഒരു നേരായ പാറ്റേണിൽ ഉപരിതലത്തിലൂടെ ചലിപ്പിച്ച് മുന്നോട്ടുപോകുക.

7) ടൈൽ ഇടൽ

ചെറുതായി ചെരിച്ചുപിടിച്ച് ചാന്തിലേക്ക് വാൾ ടൈൽ അമർത്തുക, ടൈൽ സ്ഥാപിക്കുന്ന പ്രക്രിയയിലുടനീളം ലൈനുകൾ കറക്റ്റ് ആണെന്ന് പരിശോധിച്ചുകൊണ്ടിരിക്കുക.

ടൈലുകൾ ഉറപ്പിക്കുമ്പോൾ, അധികം മർദ്ദം കൊടുക്കുരുത്, വിന്യസിക്കുമ്പോഴും അധികം ബലം പ്രയോഗിക്കരുത്.

8) ഗ്രൗട്ടിംഗ്

1. 24 മണിക്കൂറിന് ശേഷം, ടൈലുകളുടെ ജോയിന്റുകളിൽ ഗ്രൗട്ട് പ്രയോഗിച്ച് ടൈലിന്റെ ഉപരിതലം വൃത്തിയാക്കുക.

2. 45° കോണിൽ ഗ്രൗട്ട് ഫ്ലോട്ട് ഉപയോഗിച്ച് എപ്പോക്സി ഗ്രൗട്ട് പരത്തുക, വിലങ്ങനെയുള്ള വരകൾ ഉപയോഗിച്ച് ഗ്രൗട്ടിനെ വിടവുകളിലേക്ക് തള്ളിക്കയറ്റാൻ ശ്രമിക്കുക.

3. ഗ്രൗട്ട് ഫ്ലോട്ട് ഉപയോഗിച്ച് ടൈലുകളിൽ അധികമുള്ള ഗ്രൗട്ട് നീക്കം ചെയ്ത് 20 മിനിറ്റ് നേരം ക്യൂർ ചെയ്യാൻ അനുവദിക്കുക.

4. അത് കഴിഞ്ഞ്, ടൈലുകളിൽ നിന്ന് അവശേഷിക്കുന്ന അധിക ഗ്രൗട്ട് നീക്കം ചെയ്യാൻ വൃത്തിയുള്ളതും നനഞ്ഞതുമായ സ്പോഞ്ച് ഉപയോഗിച്ച് ടൈലുകൾ തുടയ്ക്കുക.

5. ഒരു ഗ്രൗട്ട് സീലർ ഉപയോഗിച്ച് ടൈലുകളുടെ വിടവ് അടയ്ക്കുക, ഇത് വിടവുകളിൽ പൂപ്പൽ വരുന്നതിനെ തടയും.