ଏମ୍25 କଂକ୍ରିଟ ଅନୁପାତ ବିଷୟରେ ଆପଣ ଜାଣିରଖିବାଯୋଗ୍ୟ ସମସ୍ତ କଥା

ପ୍ରମୁଖ ତଥ୍ୟାବଳୀ

• ଏମ୍25 କଂକ୍ରିଟ ମିଶ୍ରଣ ଅନୁପାତ 28 ଦିନ ପରେ 25 ଏମପିଏର ବିଶ୍ୱସନୀୟ ଶକ୍ତି ସୁନିଶ୍ଚିତ କରେ, ଯାହା ବିଭିନ୍ନ ମାନକ ବିଲ୍ଡିଂ ଢାଞ୍ଚାରେ ଏହାର ବ୍ୟବହାର, କାର୍ଯ୍ୟଦକ୍ଷତା ଏବଂ ଖର୍ଚ୍ଚକୁ ସନ୍ତୁଳିତ କରିବାକୁ ଅନୁମତି ଦେଇଥାଏ ।

• ଗୋଟିଏ ଭାଗ ସିମେଣ୍ଟ, ଗୋଟିଏ ଭାଗ ପାଣି, ଦୁଇ ଭାଗ ବାଲି ଏବଂ ଚାରି ଭାଗ ଏଗ୍ରିଗେଟ୍ ର ଏକ ମାନକ ମିଶ୍ରଣ ସହିତ, ଏମ୍25 କଂକ୍ରିଟ୍ ସୁଲଭତା ଏବଂ ଢାଞ୍ଚାଗତ ଅଖଣ୍ଡତା ମଧ୍ୟରେ ଏକ ଉତ୍କୃଷ୍ଟ ସମ୍ମିଶ୍ରଣ ପ୍ରଦାନ କରିଥାଏ ।

• ବ୍ୟୟ-ଦକ୍ଷତା ଏମ୍25କୁ ନିର୍ମାଣ କ୍ଷେତ୍ରରେ ଏକ ଲୋକପ୍ରିୟ ପସନ୍ଦ କରିଥାଏ, ଯାହା ଅତ୍ୟଧିକ ଖର୍ଚ୍ଚ ବିନା ଅଧିକାଂଶ ମାନକ ପ୍ରକଳ୍ପ ପାଇଁ ପର୍ଯ୍ୟାପ୍ତ ଶକ୍ତି ପ୍ରଦାନ କରିପାରିବ ।

• ଏମ୍25 ମିଶ୍ରଣ ଭାରତୀୟ ମାନକ କୋଡ୍ ପରି ବିଶ୍ୱସ୍ତରୀୟ ନିର୍ମାଣ ମାନଦଣ୍ଡକୁ ଅନୁସରଣ କରେ, ଯାହା ପ୍ରକଳ୍ପଗୁଡ଼ିକରେ ନିରନ୍ତରତା ଏବଂ ଗୁଣବତ୍ତା ସୁନିଶ୍ଚିତ କରେ ।

• ଏମ୍25 କଂକ୍ରିଟ ଅନୁପାତ ଗଣନା କରିବା ପାଇଁ ଲକ୍ଷ୍ୟିତ ଶକ୍ତି, ଜଳ-ସିମେଣ୍ଟ ଅନୁପାତ ଏବଂ ସର୍ବୋତ୍ତମ ସ୍ଥାୟୀତ୍ୱ ଏବଂ କାର୍ଯ୍ୟକ୍ଷମତା ପାଇଁ ଜଳର ସଠିକ ନିର୍ଦ୍ଧାରଣ ଏବଂ ଏଗ୍ରିଗେଟ୍ ଭଳି ବିଷୟବସ୍ତୁ ଉପରେ ଧ୍ୟାନ ଦିଆଯିବା ଆବଶ୍ୟକ ।

• ସ୍ଲାବ୍, ଡ୍ରାଇଭୱେ, ଫୁଟପାଥ୍, ସ୍ତମ୍ଭ, ବିମ୍, ରିଟେନିଂ କାନ୍ଥ ଏବଂ ଏପରିକି ବିଭିନ୍ନ ବିଲ୍ଡିଂ ପ୍ରକଳ୍ପରେ ପ୍ରାକ୍-ନିର୍ମିତ ଢାଞ୍ଚା ନିର୍ମାଣ ପାଇଁ ଏହି ମିଶ୍ରଣ ଉପଯୋଗୀ ହୋଇଥାଏ ।

କଂକ୍ରିଟର ଏମ୍25 ଅନୁପାତ କ'ଣ?

ଏମ୍25 କଂକ୍ରିଟ ଅନୁପାତ ହେଉଛି ଏକ ନିର୍ଦ୍ଦିଷ୍ଟ ଶ୍ରେଣୀ ବା ଗ୍ରେଡ୍ ର କଂକ୍ରିଟ ଉତ୍ପାଦନ ପାଇଁ ବ୍ୟବହାର କରାଯାଉଥିବା ଏକ ସୂତ୍ର ଯାହା 28 ଦିନ ପର୍ଯ୍ୟନ୍ତ କିଓରିଂ ପାଇବା ପରେ, 25 ମେଗାପାସ୍କେଲ (ଏମପିଏ) ଶକ୍ତିରେ ପହଞ୍ଚିଥାଏ । ଏହି ଡିଜାଇନ୍ ମିଶ୍ରଣରେ ଗୋଟିଏ ଭାଗ ସିମେଣ୍ଟ, ଗୋଟିଏ ଭାଗ ପାଣି, ଦୁଇ ଭାଗ ବାଲି ଏବଂ ଚାରି ଭାଗ ପରିମାଣ ଅନୁଯାୟୀ ଏଗ୍ରିଗେଟ୍ ଏକତ୍ରିତ ହୋଇଥାଏ । ଏମ25 ମିଶ୍ରଣ ଅନୁପାତର ଉଦ୍ଦେଶ୍ୟ ହେଉଛି କଂକ୍ରିଟକୁ ଅତ୍ୟଧିକ ଜଟିଳ କିମ୍ବା ବ୍ୟୟବହୁଳ ନ କରି ବିଭିନ୍ନ ଢାଞ୍ଚାଗତ ପ୍ରୟୋଗ ପାଇଁ ତାହାର ଆବଶ୍ୟକ ଶକ୍ତିକୁ ସୁନିଶ୍ଚିତ କରିବା । ଏହା ନିର୍ମାଣ ପ୍ରକଳ୍ପଗୁଡିକ ପାଇଁ ବ୍ୟବହାରର ସହଜତା, ସାମର୍ଥ୍ୟ ଏବଂ ପ୍ରଦର୍ଶନ ମଧ୍ୟରେ ସନ୍ତୁଳନ ରକ୍ଷା କରିଥାଏ ।

ଏମ୍25 କଂକ୍ରିଟ ମିଶ୍ରଣ ଅନୁପାତର ବୈଶିଷ୍ଟ୍ୟ

 ଏମ୍25 କଂକ୍ରିଟ ମିଶ୍ରଣ, ଅତ୍ୟନ୍ତ ଲାଭପ୍ରଦ ଅଟେ, ଯେଉଁ କାରଣରୁ ନିର୍ମାଣ କ୍ଷେତ୍ରରେ ଏହା ଏକ ଆଦର୍ଶ ପସନ୍ଦ ଅଟେ । ଏଠାରେ ଏମ୍25 ଅନୁପାତ କଂକ୍ରିଟ ମିଶ୍ରଣର କେତେକ ନିଆରା ବୈଶିଷ୍ଟ୍ୟ ଉଲ୍ଲେଖ କରାଯାଇଛି, ଯାହା ନିର୍ମାଣ ପ୍ରକଳ୍ପଗୁଡିକରେ ଏହାର ବ୍ୟାପକ ବ୍ୟବହାର ଏବଂ କାର୍ଯ୍ୟଦକ୍ଷତାରେ ଯୋଗଦାନ କରିଥାଏ:

1) ଶକ୍ତି ଏବଂ ସ୍ଥାୟୀତ୍ୱ

ଏମ୍25 ମିଶ୍ରଣ 28 ଦିନର କିଓରିଂ ପରେ 25 ଏମପିଏ ଶକ୍ତି ହାସଲ କରି ପ୍ରଭାବଶାଳୀ ସ୍ଥାୟୀତ୍ୱ ପ୍ରଦାନ କରିଥାଏ । ଏହି ଶକ୍ତି ଏହାକୁ ବିଭିନ୍ନ ମାନକ ନିର୍ମାଣ ପ୍ରକଳ୍ପ ପାଇଁ ଉପଯୁକ୍ତ କରିଥାଏ, ଅର୍ଥାତ୍ ହେଭି-ଡ୍ୟୁଟି ଆବଶ୍ୟକତାକୁ ଛାଡ଼ିଦେଲେ ପର୍ଯ୍ୟାପ୍ତ ଶକ୍ତି ଆବଶ୍ୟକ କରୁଥିବା ସ୍ଲାବ୍, ବିମ୍, ସ୍ତମ୍ଭ, ଏପରିକି ରାସ୍ତା ନିର୍ମାଣ ଭଳି ପ୍ରକଳ୍ପଗୁଡ଼ିକ ଅନ୍ତର୍ଭୁକ୍ତ ।

2) ଢାଞ୍ଚାଗତ ଅଖଣ୍ଡତା

ଉପାଦାନଗୁଡ଼ିକର ସନ୍ତୁଳିତ ଅନୁପାତ ଯୋଗୁଁ, ଏମ୍25 କଂକ୍ରିଟ ଉତ୍କୃଷ୍ଟ ଢାଞ୍ଚାଗତ ଅଖଣ୍ଡତା ପ୍ରଦାନ କରିପାରିଥାଏ । ଏହା ଏଗ୍ରିଗେଟ୍ - ଭଙ୍ଗା ପଥର କିମ୍ବା ଗୋଡ଼ି - ଏବଂ ସବୁକିଛି ଏକାଠି ବାନ୍ଧିରଖୁଥିବା ସିମେଣ୍ଟ ପେଷ୍ଟ ମଧ୍ୟରେ ଏକ ଭଲ ବନ୍ଧନ ସୁନିଶ୍ଚିତ କରିଥାଏ । ଏହା ଫଳରେ ଏକ ଦୃଢ଼, ଏକୀକୃତ ଢାଞ୍ଚା ସୃଷ୍ଟି ହୁଏ ଯାହା ଚାପ ପ୍ରତିରୋଧୀ ଏବଂ ପ୍ରଭାବଶାଳୀ ଭାବରେ ଭାର ବହନ କରିପାରେ ।

3) ମୂଲ୍ୟ ଫଳପ୍ରଦତା

ଏମ୍25 କଂକ୍ରିଟ ଅନେକ ନିର୍ମାଣ ପ୍ରକଳ୍ପ ପାଇଁ ଏକ ଶସ୍ତା ସମାଧାନ ପ୍ରଦାନ କରେ | ଏହାର ଶକ୍ତି ଏବଂ ସାମର୍ଥ୍ୟର ସନ୍ତୁଳନକୁ ଦୃଷ୍ଟିରେ ରଖି, ଏହା ଅନେକ ମାନକ ନିର୍ମାଣ କାର୍ଯ୍ୟ ପାଇଁ ଏକ ଲୋକପ୍ରିୟ ପସନ୍ଦ ଅଟେ । ଏହା ବିଲ୍ଡରମାନଙ୍କୁ ଢାଞ୍ଚାଗତ ଅଖଣ୍ଡତା ବଜାୟ ରଖିବା ଏବଂ ପ୍ରକଳ୍ପ ଖର୍ଚ୍ଚକୁ ନିୟନ୍ତ୍ରଣରେ ରଖିବା ମଧ୍ୟରେ ସନ୍ତୁଳନ ହାସଲ କରିବାରେ ସାହାଯ୍ୟ କରେ ।

4) ମାନକୀକରଣ ଏବଂ ଅନୁପାଳନ

 ନିର୍ମାଣରେ ନିରାପତ୍ତା ଏବଂ ଗୁଣବତ୍ତା ବଜାୟ ରଖିବା ପାଇଁ ଶିଳ୍ପମାନ ଜରୁରୀ ହୋଇଥାଏ । ଏକ ମାନକ ଡିଜାଇନ୍ ମିଶ୍ରଣ ଭାବରେ, ଏମ୍25 କଂକ୍ରିଟ ଅନୁପାତ ଭାରତୀୟ ମାନକ କୋଡ୍ ଦ୍ୱାରା ନିର୍ଦ୍ଧାରିତ ମାନଦଣ୍ଡ ସମେତ ବିଶ୍ୱସ୍ତରରେ ସ୍ୱୀକୃତ ମାନଦଣ୍ଡ କୁ ଅନୁସରଣ କରେ । ଏହାର ଅର୍ଥ ଏହା ଏହାର ଆଶାନୁରୂପ ପ୍ରଦର୍ଶନର ବିଶ୍ୱସନୀୟତା ଏବଂ ନିଶ୍ଚିତତା ପ୍ରଦାନ କରେ |

5) ଦକ୍ଷ ନିର୍ମାଣ ପ୍ରକ୍ରିୟା

 ଦକ୍ଷ ନିର୍ମାଣ ପ୍ରକ୍ରିୟାରେ ଏହାର ଅବଦାନ ପାଇଁ ଏମ୍25 କଂକ୍ରିଟ ଅନୁପାତ ମିଶ୍ରଣକୁ ମଧ୍ୟ ପ୍ରଶଂସା କରାଯାଏ । ଏହାର ମାନକ ପ୍ରକୃତି ଏବଂ ସହଜରେ ଅନୁସରଣ କରାଯାଉଥିବା ମିଶ୍ରଣ ଅନୁପାତ ଯୋଗୁଁ, ଏହା ମିଶ୍ରଣ ପ୍ରକ୍ରିୟା ସମୟରେ ତ୍ରୁଟିକୁ ହ୍ରାସ କରିବାରେ ସାହାଯ୍ୟ କରେ, ନିର୍ମାଣ ସମୟସୀମାକୁ ତ୍ୱରାନ୍ୱିତ କରିବାରେ ସାହାଯ୍ୟ କରେ ଏବଂ ଏକ ସହଜ କାର୍ଯ୍ୟପ୍ରବାହ ପାଇଁ ଅନୁମତି ଦିଏ ।

ଏମ୍25 କଂକ୍ରିଟ ଅନୁପାତ କିପରି ଗଣନା କରିବେ?

ଅଳ୍ପକେତୋଟି ଉପାଦାନକୁ ଏକାଠି ମିଶାଇଦେଲେ ଆଦର୍ଶ କଂକ୍ରିଟ ମିଶ୍ରଣ ବିକଶିତ ହୋଇଯାଏ ନାହିଁ । ଏଠାରେ ସଠିକ ଓ ନିଖୁଣ ହିସାବ ଅଛି, ଏହା ସୁନିଶ୍ଚିତ କରେ ଯେ ଆମର ମିଶ୍ରଣ ତାହାର ଲକ୍ଷ୍ୟିତ ଶକ୍ତି ହାସଲ କରିବ, ଉତ୍କୃଷ୍ଟ ସ୍ଥାୟୀତ୍ୱ ପ୍ରଦର୍ଶନ କରିବ ଏବଂ ସର୍ବୋତ୍ତମ କାର୍ଯ୍ୟଦକ୍ଷତା ପ୍ରଦାନ କରିବ । ତଳେ, ଆସନ୍ତୁ ଏକ ଆଦର୍ଶ ମିଶ୍ରଣ ପାଇଁ ଏମ୍25 କଂକ୍ରିଟ ଅନୁପାତ ଗଣନା ଉପରେ ବିଶେଷ ନଜର ପକାଇବା ଏବଂ ବୁଝିବା।

1) ଲକ୍ଷ୍ୟିତ ଶକ୍ତି ଗଣନା କରନ୍ତୁ

ଲକ୍ଷ୍ୟିତ ଶକ୍ତି ହେଉଛି ସେହି ଶକ୍ତି ଯାହାକୁ ଆମେ ଆମର କଂକ୍ରିଟ ମିଶ୍ରଣ କିଓରିଂ ହେବା ପାଇବା ପାଇଁ ଲକ୍ଷ୍ୟ ରଖିଥାଉ । ଏମ୍25 କଂକ୍ରିଟ ପାଇଁ ସେହି ଶକ୍ତିଟି ହେଉଛି 25 ଏମପିଏ । ଏମ୍25 କଂକ୍ରିଟ ଅନୁପାତ ମିଶ୍ରଣକୁ ଏଭଳି ଭାବେ ଡିଜାଇନ୍ କରାଯାଇଥାଏ ଯାହାଫଳରେ ତାହା କଠୋରତା ହାସଲ କରିବା ଏବଂ ସେଟ୍ ହେବା ପାଇଁ ସମୟ ମିଳିବା ପରେ ଉପରୋକ୍ତ ଶକ୍ତି ହାସଲ କରିବା ନିଶ୍ଚିତ ହୋଇଯାଇଥାଏ ।

2) ଜଳ-ସିମେଣ୍ଟ ଅନୁପାତ ଚୟନ କରନ୍ତୁ

ଜଳ-ସିମେଣ୍ଟ ଅନୁପାତ ଏକ ଗୁରୁତ୍ୱପୂର୍ଣ୍ଣ ଉପାଦାନ ଅଟେ । ଏହି ଅନୁପାତ ହେଉଛି ଏକ ମିଶ୍ରଣରେ ସିମେଣ୍ଟର ଓଜନ ଦ୍ୱାରା ବିଭାଜିତ କରାଯାଇଥିବା ପାଣିର ଓଜନ, ଯାହା କଂକ୍ରିଟର ଶକ୍ତି, ସ୍ଥାୟୀତ୍ୱ ଏବଂ କାର୍ଯ୍ୟକ୍ଷମତାକୁ ପ୍ରଭାବିତ କରେ । ଆମର M25 କଂକ୍ରିଟକୁ ତାହାର ଲକ୍ଷ୍ୟିତ ସ୍ଥାୟୀତ୍ୱ ଏବଂ ଶକ୍ତିରେ ପହଞ୍ଚିବା ସୁନିଶ୍ଚିତ କରିବା ପାଇଁ ସଠିକ୍ ଅନୁପାତ ଚୟନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ ।

3) ଜଳର ମାତ୍ରା ଚୟନ କରନ୍ତୁ

ଏକ ମିଶ୍ରଣରେ ଆବଶ୍ୟକ ହେଉଥିବା ଜଳର ପରିମାଣ ବିଭିନ୍ନ କାରକ ଉପରେ ନିର୍ଭର କରିଥାଏ, ଯେପରିକି ବ୍ୟବହୃତ ହୋଇଥିବା ଏଗ୍ରିଗେଟ୍ ର ଆକାର ଏବଂ ପ୍ରକାର । କଂକ୍ରିଟ୍ ର ବାଞ୍ଛିତ କାର୍ଯ୍ୟକ୍ଷମତା ଏବଂ ନିର୍ଦ୍ଦିଷ୍ଟ ମିଶ୍ରଣ ଡିଜାଇନ୍ ଆଧାରରେ ଆପଣ ଏହାକୁ ନିର୍ଦ୍ଧାରଣ କରନ୍ତି।

4) ସିମେଣ୍ଟର ମାତ୍ରା ଗଣନା କରନ୍ତୁ

ପାଣିର ପରିମାଣ ଏବଂ ଜଳ-ସିମେଣ୍ଟ ଅନୁପାତ ନିର୍ଦ୍ଧାରଣ କରିବା ପରେ, ଆପଣ ଜାଣିପାରିବେ ଯେ ଆପଣଙ୍କ ମିଶ୍ରଣରେ କେତେ ସିମେଣ୍ଟ ଆବଶ୍ୟକ ହେବ । ଯେହେତୁ ଜଳ-ସିମେଣ୍ଟ ଅନୁପାତ ସିମେଣ୍ଟର ଓଜନ ଦ୍ୱାରା ବିଭକ୍ତ ଜଳର ଓଜନ ସହିତ ସମାନ, ତେଣୁ ଆପଣ ନିଜ ସିମେଣ୍ଟର ପରିମାଣ ପାଇବା ପାଇଁ ବ୍ୟବହୃତ ଜଳର ପରିମାଣକୁ ଜଳ-ସିମେଣ୍ଟ ଅନୁପାତ ସହିତ ଗୁଣନ କରିପାରିବେ ।

5) ଏଗ୍ରିଗେଟ୍ ର ଗଣନା କରନ୍ତୁ

ତା’ପରେ, ଏଗ୍ରିଗେଟ୍ ର ମାତ୍ରା ପାଇବା ପାଇଁ, ବ୍ୟବହାର କରିବାକୁ ଥିବା ଏଗ୍ରିଗେଟର ସର୍ବାଧିକ ଆକାର, ଏହାର ଗଠନ - ଚିକ୍କଣ କି ଖଦଡ଼ା - ଏବଂ କଂକ୍ରିଟର ବାଞ୍ଛିତ କାର୍ଯ୍ୟକ୍ଷମତା ଏବଂ କମ୍ପ୍ରେସିଭ୍ ଶକ୍ତି ଭଳି ବିଷୟଗୁଡ଼ିକୁ ବିଚାରକୁ ନିଅନ୍ତୁ । ଏହି କାରଣଗୁଡିକ, ଜଳ ଏବଂ ସିମେଣ୍ଟର ଜଣାଶୁଣା ପରିମାଣ ସହିତ, ଆବଶ୍ୟକ ଏଗ୍ରିଗେଟ୍ ର ପରିମାଣ ଗଣନାରେ ସାହାଯ୍ୟ କରିବ ।

6) ଜଳ ର ପରିମାଣ ଏବଂ ଫାଇନ-ଟୁ-ଏଗ୍ରିଗେଟ ଅନୁପାତ ନିର୍ଦ୍ଧାରଣ କରନ୍ତୁ

ଶେଷରେ, ଅନ୍ୟ ସମସ୍ତ ମାପ ଜାଣିବା ସହିତ, ଆପଣ ନିର୍ଦ୍ଧାରଣ କରିପାରିବେ ଯେ ଆପଣଙ୍କ ମିଶ୍ରଣରେ ମୋଟା ଏଗ୍ରିଗେଟ୍ (ପଥର ପରି) ତୁଳନାରେ କେତେ ସୂକ୍ଷ୍ମ ଏଗ୍ରିଗେଟ୍ (ବାଲି ପରି) ଆବଶ୍ୟକ। ଏହି ଦୁଇଟି ମଧ୍ୟରେ ଅନୁପାତ କଂକ୍ରିଟ ଶକ୍ତି ଏବଂ କାର୍ଯ୍ୟଦକ୍ଷତାକୁ ପ୍ରଭାବିତ କରେ । ଆପଣଙ୍କ ଏଗ୍ରିଗେଟ୍ ରେ ଥିବା ଆର୍ଦ୍ରତା ଉପରେ ଆଧାର କରି ଆପଣଙ୍କୁ ଆପଣଙ୍କ ଜଳ ର ପରିମାଣ କୁ ଆଡଜଷ୍ଟ କରିବାକୁ ପଡିପାରେ ।

ଏମ୍25 କଂକ୍ରିଟର ବ୍ୟବହାର

 ଏମ୍25 କଂକ୍ରିଟ, ଏହାର ଶକ୍ତି-ରୁ-କାର୍ଯ୍ୟଯୋଗ୍ୟତା ଅନୁପାତ ଯୋଗୁଁ, ନିର୍ମାଣ ପ୍ରକଳ୍ପଗୁଡିକରେ ବ୍ୟାପକ ପ୍ରୟୋଗରେ ଲାଗିଥାଏ । ଯଦିଓ ଏହାର ବ୍ୟବହାର କେବଳ ଏତିକିରେ ସୀମିତ ନୁହେଁ, ଏଠାରେ ଏମ୍25 କଂକ୍ରିଟର କିଛି ସାଧାରଣ ପ୍ରୟୋଗ ଅଛି:

1) ସ୍ଲାବ୍

ଉଭୟ ଆବାସିକ ଏବଂ ବାଣିଜ୍ୟିକ କୋଠା ପାଇଁ ବିଭିନ୍ନ ପ୍ରକାର ସ୍ଲାବ୍ ନିର୍ମାଣରେ ଏମ୍25 କଂକ୍ରିଟ ଅନୁପାତ ପ୍ରାୟତଃ ବ୍ୟବହୃତ ହୁଏ । ଏହା ଏକ କଠିନ, ସମତଳ ପୃଷ୍ଠ ପ୍ରଦାନ କରେ ଯାହା ଏହିପରି ଢାଞ୍ଚାରେ ସାଧାରଣ ଭାରକୁ ସହ୍ୟ କରିପାରିବ ଓ ଦୀର୍ଘସ୍ଥାୟୀ କାର୍ଯ୍ୟଦକ୍ଷତା ସୁନିଶ୍ଚିତ କରିପାରିବ ।

2) ଡ୍ରାଇଭୱେଜ୍

ଯାନବାହନ ଓଜନ ବହନ କରିବା ଆବଶ୍ୟକ କରୁଥିବା ଡ୍ରାଇଭୱେଗୁଡିକ ପାଇଁ, କଂକ୍ରିଟର ଏମ୍25 ମିଶ୍ରଣ ଅନୁପାତ ଏକ ଉତ୍ତମ ବିକଳ୍ପ ଅଟେ । ଏହା ଏକ ମଜବୁତ ଏବଂ ପାଣିପାଗ ପ୍ରତିରୋଧୀ ପୃଷ୍ଠକୁ ସୁନିଶ୍ଚିତ କରେ ଯାହା କାର୍ ଏବଂ ହାଲୁକା ଟ୍ରକଗୁଡିକର ନିୟମିତ ଗତିବିଧି ଏବଂ ଓଜନକୁ ସହ୍ୟ କରିବାରେ ସକ୍ଷମ ହୋଇଥାଏ ।

3) ପେଭମେଣ୍ଟ ଓ ଫୁଟପାଥ୍

ଯେକୌଣସି ପଥଚାରୀ ପରିବେଶରେ ସୁରକ୍ଷିତ ଏବଂ ସ୍ଥାୟୀ ପାଦ ଟ୍ରାଫିକ୍ ନିମନ୍ତେ ଉଦ୍ଦିଷ୍ଟ ପଥ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଏବଂ ଏହି ଉଦ୍ଦେଶ୍ୟରେ M25 କଂକ୍ରିଟ ପ୍ରାୟତଃ ବ୍ୟବହୃତ ହୁଏ । ଯଥେଷ୍ଟ ପାଦ ଯାତାୟତକୁ ସହନ କରିବାର କ୍ଷମତା ଥିବାରୁ ପେଭମେଣ୍ଟ ଏବଂ ଫୁଟପାଥ୍ ପାଇଁ ଏହା ଏକ ସାଧାରଣ ପସନ୍ଦ ହୋଇଥାଏ।

4) କଲମ୍ ଏବଂ ବିମ୍

ଏମ୍25 କଂକ୍ରିଟ୍ ଗ୍ରେଡ୍ ର କମ୍ପ୍ରେସିଭ୍ ଶକ୍ତି ଏହାକୁ କ୍ଷୁଦ୍ରରୁ ମଧ୍ୟମ ଆକାରର କୋଠା ଗୁଡ଼ିକ ପାଇଁ ସୁଦୃଢ଼ ସ୍ତମ୍ଭ ଏବଂ ବିମ୍ ନିର୍ମାଣ ପାଇଁ ଏକ ଆଦର୍ଶ ପସନ୍ଦରେ ପରିଣତ କରିଥାଏ । ଏହା ଆବଶ୍ୟକ ସପୋର୍ଟ ଏବଂ ସ୍ଥାୟୀତ୍ୱ ପ୍ରଦାନ କରେ, ସୁନିଶ୍ଚିତ କରେ ଯେ କୋଠାଗୁଡ଼ିକ ସ୍ଥିର ଏବଂ ସୁରକ୍ଷିତ ରହିବ ।

5) ରିଟେନିଂ ୱାଲ୍

ଭୂମିର ପାର୍ଶ୍ୱିକ ଚାପକୁ ସମ୍ଭାଳିବା ପାଇଁ କାନ୍ଥଗୁଡ଼ିକୁ ଯଥେଷ୍ଟ ମଜବୁତ କରାଯିବା ଆବଶ୍ୟକ ହୋଇଥାଏ । ଏମ୍25 କଂକ୍ରିଟ ଅନୁପାତ, ଏହାର ପ୍ରଶଂସନୀୟ ଶକ୍ତି ଏବଂ ସ୍ଥାୟୀତ୍ୱ ସହିତ, ଏହି ଆବଶ୍ୟକତାଗୁଡିକ ପାଇଁ ଉପଯୁକ୍ତ ହୋଇଥାଏ ଏବଂ ଏହାକୁ ପ୍ରାୟତଃ ରିଟେନିଂ ୱାଲ୍ ନିର୍ମାଣରେ ବ୍ୟବହାର କରାଯାଇଥାଏ ।

6) ପ୍ରି-ଫାବ୍ରିକେଟେଡ୍ ଷ୍ଟ୍ରକ୍ଚର୍

କେତେକ ନିର୍ମାଣ ପ୍ରକଳ୍ପ ପାଇଁ ବ୍ଲକ, ପ୍ୟାନେଲ ଏବଂ ସୀମା କାନ୍ଥ ଭଳି ପ୍ରାକ୍-ନିର୍ମିତ କିମ୍ବା ପ୍ରି-କାଷ୍ଟ ଉପାଦାନ ଆବଶ୍ୟକ ହୋଇପାରେ । ଏହିପରି ଉପାଦାନଗୁଡିକ ପାଇଁ, ଏମ୍25 କଂକ୍ରିଟ 28 ଦିନର କିଓରିଂ ପରେ ହାସଲ କରିଥିବା  ଶକ୍ତି ତଥା ତାହାର ସ୍ଥିରତା ଓ ସବୁ ଋତୁ ପାଇଁ ଉପଯୁକ୍ତତା ଯୋଗୁଁ ଏକ ଆଦର୍ଶ ପସନ୍ଦ ହୋଇଥାଏ ।