Share:
ஒரு வழி ஸ்லாப் என்பது ஒரு எளிய கான்கிரீட் ஸ்லாப் ஆகும். சுமையை ஒரு திசையில் மட்டும் ஏற்றுக்கொள்ள இரண்டு எதிர் பக்கங்களிலும் பீம்கள் வைத்து இதை கட்டமைப்பார்கள். இந்த வகை ஸ்லாபில், நீண்ட இடைவெளிக்கும் குறுகிய இடைவெளிக்கும் உள்ள விகிதம் இரண்டு அல்லது அதற்கு மேல் இருக்கும். ஒரு திசையில் மட்டுமே வளைத்து கொடுக்கும் வகையில் தான் இந்த ஸ்லாப் வடிவமைக்கப்படும், பொதுவாக குறுகிய திசையில் தான் வைக்கப்படும்.
மறுப்பக்கம், இந்த இரண்டு வழி ஸ்லாப்பை நான்கு பக்கமும் பீம்கள் வைத்து, இரண்டு திசைகளிலும் வளைந்துக் கொடுக்கும் வகையில் கட்டமைப்பார்கள். இது அதிக சுமைகளையும் நீண்ட இடைவெளிகளையும் கையாளத் தகுதியானது இந்த இரண்டு வழி ஸ்லாப் நான்கு பக்கமும் பீம்களால் ஆதரிக்கப்பட்டு, இரண்டு திசைகளிலும் வளைந்துக் கொடுக்கும் வகையில் இருக்கும். இது நீண்ட மற்றும் குறிகிய திசையிலும் இடைவெளிக் கொண்டிருக்கும்.
ஒரு வழி மற்றும் இரண்டுவழி ஸ்லாப்களுக்கு இடையிலான சில முக்கிய வேறுபாடுகள் உள்ளன. அந்த முக்கிய வேறுபாடுகளை விளக்கும் ஒரு அட்டவணை இங்கே கொடுக்கப்பட்டுள்ளது:
| அம்சம் | ஒரு வழி ஸ்லாப் |
இரண்டு வழி ஸ்லாப் |
இடைவெளியின் திசை |
ஒரு திசையில் இருக்கும் இடைவெளிகள் |
இரு திசையில் இருக்கும் இடைவெளிகள் |
ஆதரவு |
இரண்டு எதிர் பக்கங்களிலும் பீம்கள் இருக்கும் |
நான்கு பக்கங்களிலும் பீம்கள் இருக்கும் |
சுமை மாற்றம் |
இரண்டு பீம்களுக்கு சுமையைக் கொடுத்துவிடும் |
தூண்கள் அல்லது சுவர்களுக்கு சுமையைக் கொடுத்துவிடும் |
கனம் |
ஒப்பிட்டு பார்த்தால் இது தான் கனமானது |
ஒப்பிட்டு பார்த்தல் இது மெல்லியது |
வலுவூட்டல் |
குறைவான வலுவூட்டலே தேவை |
இரண்டு திசையிலும் இடைவெளி இருப்பதால் அதிக வலுவூட்டல் தேவைப்படும். |
இடைவெளியின் நீளம் |
குறைந்த இடைவெளிக்கு இது பொருத்தமானது |
நீண்ட இடைவெளிக்கு இது பொருத்தமானது |
பயன்பாடு |
நீண்ட மற்றும் குறுகிய கட்டிடங்களுக்கு பொருத்தமானது |
சதுர அல்லது செவ்வக கட்டிடங்களுக்கு பொருத்தமானது |
இவை இரண்டில் ஒன்றை தேர்வு செய்வது, ப்ராஜெக்டின் குறிப்பிட்ட தேவைகளின் அடிப்படையில் அமைந்துள்ளது. அதாவது, தேவையான இடைவெளி, சுமை தாங்கும் திறன், மற்றும் அழகான வடிவமைப்பு போன்றவற்றை சார்ந்து உள்ளது. எளிமையான டிசைன்கள் மற்றும் குறுகிய முதல் நடுத்தர இடைவெளி வரை இந்த ஒரு வழி ஸ்லாப்களைப் பயன்படுத்தலாம். அதே சமயத்தில், இரண்டு வழி ஸ்லாப்கள் நீண்ட இடைவெளிகளுக்குப் பொருத்தமானதாக இருக்கும். இங்கே சில தூண்களும் தேவைப்படும். ஒரு வழி ஸ்லாப் மற்றும் இரண்டு வழி ஸ்லாப்க்கு இடையேயுள்ள வேறுபாடுகளைப் புரிந்துக் கொண்டால், அதன் நன்மைகள் மற்றும் தீமைகளைப் புரிந்துக் கொண்டால், கட்டமைப்பாளர்களும் இன்ஜினியர்களும் சரியான முடிவுகளை எடுக்க முடியும். குறைவான விலையில், பாதுகாப்பான செயல்திறன் கொண்ட கட்டமைப்புகளை உருவாக்க முடியும்.
