ಏಕಮುಖ ಮತ್ತು ದ್ವಿಮುಖ ಸ್ಲಾಬ್ಗಳ ನಡುವಿನ ವ್ಯತ್ಯಾಸವನ್ನು ತಿಳಿಯುವುದು

ಮುಖ್ಯಾಂಶಗಳು 

• ಏಕಮುಖ ಸ್ಲಾಬ್ ಎರಡು ಕಡೆ ತೊಲೆಗಳಿಂದ ಆಧರಿಸಲ್ಪಟ್ಟಿದ್ದು ಭಾರವನ್ನು ಒಂದೇ ದಿಕ್ಕಿನಲ್ಲಿ ಹೊರುತ್ತದೆ, ಇದು ಉದ್ದನೆಯ ಮತ್ತು ಸಪೂರದ ರಚನೆಗಳಿಗೆ ಸೂಕ್ತವಾಗಿದೆ.

• ದ್ವಿಮುಖ ಸ್ಲಾಬ್ ಎಲ್ಲಾ ಕಡೆಗಳಿಂದ ತೊಲೆಗಳಿಂದ ಆಧರಿಸಲ್ಪಟ್ಟಿದ್ದು ಎರಡು ದಿಕ್ಕಿನಲ್ಲಿ ಬಾಗಿರುತ್ತದೆ, ಹೆಚ್ಚಿನ ಭಾರ ಮತ್ತು ವ್ಯಾಪ್ತಿಗೆ ಇದು ಸೂಕ್ತವಾಗಿದೆ.

• ಏಕಮುಖಿ ಸ್ಲಾಬ್ ಭಾರವನ್ನು ಎರಡು ತೊಲೆಗಳ ಮೇಲೆ ಬಿಡುತ್ತದೆ; ದ್ವಿಮುಖ ಸ್ಲಾಬ್ ಗೋಡೆ ಅಥವಾ ಕಂಬಗಳಿಗೆ ಭಾರವನ್ನು ವರ್ಗಾಯಿಸುತ್ತದೆ.

• ಏಕಮುಖ ಸ್ಲಾಬ್‍ಗೆ ಕಡಿಮೆ ಉಕ್ಕು ಸಾಕಾಗುತ್ತದೆ; ದ್ವಿಮುಖ ಸ್ಲಾಬ್ ಎರಡು ಕಡೆ ವ್ಯಾಪಿಸಿರುವುದರಿಂದ ಹೆಚ್ಚು ಬೇಕಾಗುತ್ತದೆ. 

• 3.6 ಮೀಟರ್ ತನಕದ ವ್ಯಾಪ್ತಿಗೆ ಏಕಮುಖ ಸ್ಲಾಬ್‍ಗಳು ಲಾಭದಾಯಕ; ದ್ವಿಮುಖ ಸ್ಲಾಬ್‍ಗಳು 6 ಮೀಟರ್ ತನಕದ ವ್ಯಾಪ್ತಿಗೆ ಸಮರ್ಥವಾಗಿರುತ್ತವೆ.

ಏಕಮುಖ ಸ್ಲಾಬ್ ಎಂದರೇನು?

 ಏಕಮುಖ ಸ್ಲಾಬ್ ಎರಡು ಬದಿಗಳಲ್ಲಿ ತೊಲೆಗಳಿಂದ ಆಧರಿಸಲ್ಪಟ್ಟ ಒಂದು ಸರಳ ರೂಪದ ಕಾಂಕ್ರೀಟ್ ಸ್ಲಾಬ್ ಆಗಿದ್ದು ಒಂದು ದಿಕ್ಕಿನಲ್ಲಿ ಭಾರವನ್ನು ಹೊರುವಂತಿರುತ್ತದೆ. ಈ ಬಗೆಯ ಸ್ಲಾಬ್‍ನಲ್ಲಿ ಉದ್ದನೆಯ ಮತ್ತು ಗಿಡ್ಡದ ವ್ಯಾಪ್ತಿಗಳ ನಡುವಣ ಅನುಪಾತವು ಎರಡು ಅಥವಾ ಅದಕ್ಕಿಂತ ಹೆಚ್ಚಿರುತ್ತದೆ. ಇದರ ವಿನ್ಯಾಸವು ಒಂದು ದಿಕ್ಕಿನಲ್ಲಿ ಮಾತ್ರ ಬಾಗುವಿಕೆಯನ್ನು ತಡೆಯುವಂತಿದ್ದು, ವಿಶೇಷವಾಗಿ ಸಣ್ಣ ವ್ಯಾಪ್ತಿಯನ್ನು ಹೊಂದಿರುತ್ತದೆ.

ದ್ವಿಮುಖ ಸ್ಲಾಬ್ ಎಂದರೇನು?

 ದ್ವಿಮುಖ ಸ್ಲಾಬ್ ಎಲ್ಲಾ ನಾಲ್ಕು ಕಡೆಗಳಿಂದ ವಿವಿಧ ತೊಲೆಗಳಿಂದ ಆಧರಿಸಲ್ಪಟ್ಟಿದ್ದು ಎರಡು ದಿಕ್ಕಿನಲ್ಲಿ ಬಾಗುವಂತಿರುತ್ತದೆ. ಇದು ಹೆಚ್ಚಿನ ಭಾರವನ್ನು ತಡೆಯುವ ಶಕ್ತಿ ಹೊಂದಿದ್ದು ಏಕಮುಖ ಸ್ಲಾಬ್‍ಗಿಂತ ಹೆಚ್ಚಿನ ವ್ಯಾಪ್ತಿ ಹೊಂದಿರುತ್ತದೆ. ದ್ವಿಮುಖ ಸ್ಲಾಬ್ ನಾಲ್ಕೂ ಕಡೆಗಳಿಂದ ತೊಲೆಗಳಿಂದ ಆಧರಿಸಲ್ಪಟ್ಟಿದ್ದು ಎರಡು ದಿಕ್ಕಿನಲ್ಲಿ ಬಾಗುವಿಕೆಯನ್ನು ತಡೆಯುವಂತೆ ವಿನ್ಯಾಸಗೊಂಡಿರುತ್ತವೆ. ಇದು ಉದ್ದ ಮತ್ತು ಗಿಡ್ಡಎರಡೂ ಬದಿಗಳಲ್ಲಿ ವ್ಯಾಪಿಸಿರುತ್ತದೆ.

ಏಕಮುಖ ಮತ್ತು ದ್ವಿಮುಖ ಸ್ಲಾಬ್ ವ್ಯತ್ಯಾಸಗಳು

 ಏಕಮುಖ ಮತ್ತು ದ್ವಿಮುಖ ಸ್ಲಾಬ್‍ಗಳ ನಡುವೆ ಕೆಲವು ವ್ಯತ್ಯಾಸಗಳಿವೆ. ಆ ನಿರ್ದಿಷ್ಟ ವ್ಯತ್ಯಾಸಗಳನ್ನು ಕೆಳಗಿನ ಕೋಷ್ಟಕದಲ್ಲಿ ನೀಡಲಾಗಿದೆ.

ಏಕಮುಖ ಸ್ಲಾಬ್‍ನ ಅನುಕೂಲ ಮತ್ತು ಅನಾನುಕೂಲಗಳು

ಅನುಕೂಲತೆಗಳು:

• 3.6 ಮೀಟರ್ ತನಕದ ವ್ಯಾಪ್ತಿಗೆ ಲಾಭದಾಯಕ

• ಕಡಿಮೆ ಉಕ್ಕಿನ ಬಳಕೆ ಸಾಕಾಗುತ್ತದೆ

• ಸ್ಲಾಬ್ ದಪ್ಪವಾಗಿರುವುದರಿಂದ ಹೆಚ್ಚಿನ ಬಲವನ್ನು ನೀಡುತ್ತದೆ.

ಅನಾನುಕೂಲಗಳು:

• ಒಂದೇ ದಿಕ್ಕಿನಲ್ಲಿ ಬಾಗುವಿಕೆ ಆಗುವುದರಿಂದ ಭಾರದ ಹಂಚಿಕೆಯ ಮಿತಿ ಕಡಿಮೆಯಿರುತ್ತದೆ.

• ಕಡಿಮೆ ಸ್ಟೀಲ್ ಬಳಕೆಯಿಂದ ಸ್ಲಾಬ್‍ನ ದಪ್ಪ ಹೆಚ್ಚಾಗುತ್ತದೆ.

ದ್ವಿಮುಖ ಸ್ಲಾಬ್‍ನ ಅನುಕೂಲ ಮತ್ತು ಅನಾನುಕೂಲಗಳು

ಅನುಕೂಲತೆಗಳು:

• 6 × 6 ಗಾತ್ರದ ಹಲಗೆಗಳಿಗೆ ಲಾಭದಾಯಕ

• ಹೆಚ್ಚು ಸ್ಟೀಲ್ ಬಳಕೆ ಸ್ಲಾಬನ್ನು ತೆಳ್ಳಗಾಗಿಸುತ್ತದೆ.

• ಎರಡೂ ಬದಿಗಳಲ್ಲಿ ಭಾರದ ಹಂಚಿಕೆಯಾಗುವುದರಿಂದ ಕಟ್ಟಡದ ಬಲವು ವೃದ್ಧಿಸುತ್ತದೆ.

ಅನಾನುಕೂಲಗಳು:

• ಏಕಮುಖ ಸ್ಲಾಬ್‍ಗೆ ಹೋಲಿಸಿದರೆ ಸಂಕೀರ್ಣ ವಿನ್ಯಾಸವನ್ನು ಹೊಂದಿರುತ್ತದೆ.

• ನುರಿತ ಕೆಲಸಗಾರರ ಅಗತ್ಯವಿದೆ.

• ಅಧಿಕ ನಿರ್ಮಾಣ ವೆಚ್ಚ