Share:
ஃப்ளை ஆஷ் பிரிக்ஸ், ஃப்ளை ஆஷ் போன்ற தொழிற்சாலை கழிவுப் பொருட்களிலிருந்து தயாரிக்கப்படுகின்றன இது நிலக்கரியில் இயங்கும் மின் உற்பத்தி நிலையங்களில் உருவாகும் துணை விளை பொருட்களாகும். ஃப்ளை ஆஷ் சிமென்ட், தண்ணீர் மற்றும் இதர பொருட்களுடன் கலந்து பேஸ்டை உருவாக்கி, பின்னர் அச்சுகளில் ஊற்றி அதிக வெப்பநிலையில் சுடப்பட்டு நீடித்துழைக்கும், இலகுரக கற்களை உருவாக்குகின்றனர்.
சிவப்பு செங்கற்கள், இது களிமண் செங்கல் என்றும் அழைக்கப்படுகிறது, இது இயற்கை களிமண்ணால் செய்யப்பட்ட பொருள் ஆகும், இது செவ்வக வடிவங்களில் வார்க்கப்பட்டு அதிக வெப்பநிலையில் சூளையில் சுடப்படுகிறது. இது உலகளவில் பயன்படுத்தப்படும் பழமையான மற்றும் மிகவும் பாரம்பரியமான கட்டுமானப் பொருட்களில் ஒன்றாகும்.
இரண்டு வகையான செங்கற்களுக்கும் அவற்றுக்கென நன்மைகள் மற்றும் தீமைகள் இருந்தாலும், ஃப்ளை ஆஷ் மற்றும் சிவப்பு செங்கற்களுக்கு இடையே மிகப் பெரிய வேறுபாடு உள்ளது.
ஃப்ளை ஆஷ் செங்கற்கள் தொழில்துறை கழிவுப் பொருட்களைப் பயன்படுத்தி தயாரிக்கப்படுகின்றன, முதன்மையாக நிலக்கரி எரியும் மின் உற்பத்தி நிலையங்களில் இருந்து ஃப்ளை ஆஷ் பெறப்படுகின்றன. இந்த கழிவுப் பொருளுடன் சிமென்ட், மணல் மற்றும் தண்ணீருடன் இணைந்து ஒரு பேஸ்ட்டை உருவாக்கப்பட்டு பின்னர் அதை வடிவமைத்து கற்கள் உருவாக்கப்படுகின்றன. அதேசமயம், சிவப்பு செங்கற்கள் களிமண்ணிலிருந்து தயாரிக்கப்படுகின்றன, இது இயற்கையான மண்ணிலிருந்து உருவாகின்றன, இது பல இடங்களில் ஏராளமாக கிடைக்கின்றன. களிமண்ணை தண்ணீரில் கலந்து, செங்கல் வடிவில் வார்த்து, கெட்டிப்படுத்துவதற்காக சூளைகளில் சுட்டு எடுக்கப்படுகின்றன.
ஃப்ளை ஆஷ் பிரிக்ஸ் குறைந்த வெப்ப காப்பு பண்புகளை கொண்டிருக்கின்றன மற்றும் குளிர் காலநிலையில் வெப்பத்தை திறம்பட தக்கவைத்து கொள்வதில்லை. மாறாக, சிவப்பு செங்கற்கள் அதிக அடர்த்தி மற்றும் குறைந்த வெப்ப கடத்துத்திறன் காரணமாக ஒலி மற்றும் வெப்ப காப்பு இரண்டையும் வழங்குகின்றன. வெப்பநிலை கட்டுப்பாடு மற்றும் இரைச்சல் குறைப்பு ஆகியவை முக்கியமாக இருக்கும் சூழல்களுக்கு சிவப்பு செங்கற்களே சிறந்த கட்டுமான பொருளாக இருக்கும்.
ஃப்ளை ஆஷ் பிரிக்ஸ் ஒரு மென்மையான மேற்பரப்பு பூச்சினை வழங்குகின்றன, இதனால் ப்ளாஸ்டெரிங் தேவை குறைகிறது. இவற்றின் மென்மையான அமைப்பு அழகான தோற்றத்தினை வழங்குகிறது மற்றும் ஒட்டுமொத்த கட்டுமான நேரத்தையும் செலவையும் குறைக்கிறது. மாறாக, சிவப்பு செங்கற்களில் மென்மையான மற்றும் ஃபினிஷ் செய்யப்பட்ட தோற்றத்தை வழங்க ப்ளாஸ்டெரிங் தேவைப்படுகிறது.
சிவப்பு செங்கற்களுடன் ஒப்பிடும்போது ஃப்ளை ஆஷ் பிரிக்ஸ் எடை குறைந்தவை. உற்பத்திச் செயல்பாட்டில் இலகுரகப் பொருளான ஃப்ளை ஆஷ் சேர்ப்பதால், ஃப்ளை ஆஷ் கற்களின் ஒட்டுமொத்த அடர்த்தி குறைகிறது. இந்த இலகுரக இயல்பால் இவற்றைக் கையாளவும், தேவையான இடங்களுக்கு கொண்டு செல்லவும் மற்றும் கட்டுமானத்தின் போது நிறுவவும் எளிதாகிறது. இதற்கு நேர்மாறாக, செங்கற்களில் பயன்படுத்தப்படும் களிமண் காரணமாக அவை கனமாகவும் அடர்த்தியாகவும் இருக்கும். சிவப்பு செங்கற்களின் அதிக அடர்த்தியால் பயன்படுத்தப்படும் கட்டமைப்புகளுக்கு கூடுதல் வலிமை மற்றும் நிலைத்தன்மையை வழங்குகிறது.
செங்கற்கள் அவற்றின் வலிமை மற்றும் நீடித்த தன்மைக்கு பெயர் பெற்றவை. ஃப்ளை ஆஷ் பிரிக்ஸ்களுடன் ஒப்பிடும்போது இவை அதிக இறுக்க வலிமையைக் கொண்டுள்ளன, இவை சுமை தாங்கும் பயன்பாடுகளுக்கு ஏற்றதாக அமைகின்றன. சிவப்பு செங்கற்களின் அதிக வலிமையானது குறிப்பிடத்தக்க சிதைவு அல்லது உடைப்பு இல்லாமல் அதிக சுமைகளைத் தாங்குகிறது. ஃப்ளை ஆஷ் பிரிக்ஸ் சிவப்பு செங்கற்களுடன் ஒப்பிடும்போது குறைந்த இறுக்க வலிமையைக் கொண்டுள்ளன, ஆனால் இவை பல கட்டுமான நோக்கங்களுக்காக ஏற்ற போதுமான வலிமையைக் கொண்டுள்ளன.
செங்கற்களுடன் ஒப்பிடுகையில், ஃப்ளை ஆஷ் கற்கள் அதிக நீர் உறிஞ்சும் தன்மையைக் கொண்டிருக்கின்றன. ஃப்ளை ஆஷ் கற்களின் நுண்ணிய தன்மையுடன் நுண்ணிய துகள்களின் இருப்பு இணைந்து, நீர் உறிஞ்சுதலை அதிகரிக்கிறது. இந்த அதிக நீர் உறிஞ்சுதல் தன்மை, சரியாக பாதுகாக்கப்படாவிட்டாலோ அல்லது வாட்டர்ப்ரூஃப் செய்யப்படாவிட்டாலோ, ஃப்ளை ஆஷ் கற்காளை ஈரப்பதம் தொடர்பான பிரச்சனைகளான வெடிப்பு மற்றும் உதிர்தல் (ஸ்பாலிங்) போன்ற பிரச்சனைகளுக்கு ஆளாக்குகிறது. செங்கற்கள், அவற்றின் அடர்த்தியான அமைப்பால், பொதுவாக குறைந்த நீர் உறிஞ்சுதல் விகிதத்தைக் கொண்டிருக்கின்றன மற்றும் ஈரப்பதம் தொடர்பான பிரச்சனைகளும் குறைவாகவே உள்ளன.
ஃப்ளை ஆஷ் கற்கள் சிவப்பு செங்கற்களை விட இலகுவான எடை கொண்டவை. ஃப்ளை ஆஷ் கற்களின் இலகுரக தன்மை, கட்டுமானத்தின் போது அவற்றைக் கையாள்வதையும், தேவையான இடத்திற்கு கொண்டு செல்வதையும் மற்றும் நிறுவுதலையும் எளிதாக்குகிறது. செங்கற்கள், கனமாக இருப்பதால், போக்குவரத்து மற்றும் நிறுவலுக்கு அதிக முயற்சி மற்றும் உழைப்பு தேவைப்படுகிறது. ஃப்ளை ஆஷ் பிரிக்ஸ் vs செங்கற்களுக்கு இடையேயான எடையைப் பொறுத்தவரை, கட்டுமானத்திற்கேற்ற கற்களை தேர்ந்தெடுப்பது சிறந்த விருப்பமாக இருக்கும்.
இந்த விளக்கங்கள், ஃப்ளை ஆஷ் பிரிக்ஸ் மற்றும் செங்கற்கள் ஆகியவற்றுக்கு இடையேயான வேறுபாடுகளை ஆழமாகப் புரிந்துகொண்டு, அவற்றின் பண்புகள், தோற்றங்கள் மற்றும் கட்டுமானத் திட்டங்களில் பயன்படுத்துவதற்கேற்றவற்றை தேர்ந்தெடுப்பதற்கு உதவும்.
ஃப்ளை ஆஷ் பயன்படுத்துவது பல நன்மைகளை வழங்குகிறது, அவற்றுள் சில:
ஃப்ளை ஆஷ் கற்கள் சுற்றுச்சூழலுக்கு தீங்கு விளைவிக்காதவை. தொழிற்சாலை கழிவுப் பொருட்களைப் பயன்படுத்துவதன் மூலம், நிலப்பரப்பை ஆக்கிரமிக்கும் தேவையற்ற பொருட்கள் குறையும், பசுமையான எதிர்காலத்திற்கு வழி வகுக்கும்
ஃப்ளை ஆஷ் கற்கள் மூலம், இயற்கையாகவே ஆற்றல் சேமிக்கப்படுகிறது. பாரம்பரிய செங்கற்களுடன் ஒப்பிடும்போது இவற்றின் உற்பத்தி செயல்முறைக்கு குறைந்த ஆற்றலே போதும், இதன் விளைவாக கிரீன்ஹவுஸ் வாயு வெளியேற்றம் குறைகிறது மற்றும் மிக குறைவான கார்பன் தடமே ஏற்படுகிறது.
ஃப்ளை ஆஷ் பிரிக்ஸ் இறகை போன்ற மெல்லிய எடையினை கொண்டவை, இது அவற்றைக் கையாளவும் கொண்டு செல்வதற்குமான சிரமத்தினை குறைக்கின்றன. கட்டுமானத்தின் போது செலவிடும் நேரத்தையும் முயற்சியையும் மிச்சப்படுத்திடலாம், உங்கள் திட்ட முன்னேற்றமும் சீராக இருக்கும்.
இந்த செலவு குறைந்த பிரிக்ஸ் உங்கள் முதலீட்டிற்கு எப்போதுமில்லாத மதிப்பை வழங்குகின்றன, உங்கள் பட்ஜெட் தரத்தில் சமரசம் செய்யாமல் கட்டுமான தரத்தினை உறுதி செய்திடும்.
ஃப்ளை ஆஷ் கற்கள் உங்கள் கட்டுமானத் திட்டத்திற்கு சிறந்த இன்சுலேஷனை வழங்குகின்றன. இவற்றின் குறிப்பிடத்தக்க இன்சுலேஷன் பண்புகள் வெப்பநிலையை கட்டுப்படுத்தவும், ஆற்றல் நுகர்வை குறைக்கவும் மற்றும் ஆண்டு முழுவதும் உங்கள் இடத்தை வசதியாக வைத்திருக்கவும் உதவுகின்றன.
ஃப்ளை ஆஷ் செங்கற்களின் பண்புகள் இவற்றின் பிரபலத்திற்கு காரணமாகவும் மற்றும் கட்டுமானத் திட்டங்களில் பொருத்தமான இடங்களில் பயன்படுத்துவதற்குமேற்ற பங்களிக்கின்றன:
ஃப்ளை ஆஷ் செங்கற்கள் 75-100 கிலோ/செ.மீ 2 வரை ஈர்க்கக்கூடிய இறுக்க வலிமையைப் கொண்டிருக்கின்றன. இவை வெறும் செங்கற்கள் அல்ல; இவை சுமை தாங்கும் கட்டமைப்புகளின் முதுகெலும்பாக இருக்கின்றன, இவை அதிக சுமை தாங்கும் திறனை கொண்டுள்ளன.
செங்கற்களின் அதிக உருகுநிலை மற்றும் நச்சுத்தன்மையற்ற தன்மையால் தீ பரவும் போது தீங்கு விளைவிக்கும் புகைகளை வெளியிடாது. ஃப்ளை ஆஷ் கற்கள் மிக சிறப்பான தீ எதிர்ப்புத் திறனை வழங்குகின்றன என்பதால், உங்கள் கட்டிடத்தில் பாதுகாப்பாக உணர்வீர்கள்.
ஃப்ளை ஆஷ் பிரிக்ஸ் சிறந்த சவுண்ட் இன்சுலேஷன் பண்புகளைக் கொண்டுள்ளன, ஊடுருவும் இரைச்சல் அதிர்வுகளை திறம்பட உள்ளிழுத்து கொள்கின்றன. இதன் மூலம் இடம் அமைதியாகி, பரபரப்பான நகரம் அல்லது பரபரப்பான சுற்றுப்புறத்தின் இரைச்சலிலிருந்து உங்களைக் காக்கும்.
ஃப்ளை ஆஷ் கற்கள் நீடித்து நிலைத்திருக்கும், காலமெல்லாம் புயலை எதிர்க்கும் திறன் கொண்டவை. இவை வானிலை, அரிப்பு மற்றும் இரசாயன தாக்குதல்களுக்கு எதிராக வலுவாக இருக்க கூடியவை. வெப்பம் முதல் மழை வரை, ஃப்ளை ஆஷ் கற்கள் அவற்றின் கட்டமைப்பு ஒருங்கிணைப்பை தக்கவைத்துக்கொள்கின்றன.
ஃப்ளை ஆஷ் கற்கள் அதன் சிறந்த நிலைத்தன்மையை வெளிப்படுத்துகின்றன. தொழில்துறை கழிவுப் பொருட்களிலிருந்து வடிவமைக்கப்பட்ட ஃப்ளை ஆஷ் பிரிக்ஸ் போன்றவற்றால் நில மாசு நன்றாகவே குறைகிறது. ஃப்ளை ஆஷ் கற்கள் சுற்றுச்சூழல் மாசுபாட்டைக் குறைப்பதற்கும் உங்கள் கட்டுமானத்தில் கார்பன் தடயத்தைக் குறைப்பதற்கும் சிறந்த பங்களிக்கின்றன.
ஃப்ளை ஆஷ் பிரிக்ஸ் கட்டுமானத்தின் வரம்புகளை தாண்டியும் பயன்படுத்தக் கூடியது.
Also Read : Types of AAC Blocks
ஃப்ளை ஆஷ் பிரிக்ஸ் vs சிவப்பு செங்கற்களுக்கு இடையே தேர்வு செய்யும்போது, உங்கள் திட்டத்திற்கான சரியான பொருத்தத்தைக் கண்டறிவதே சிறந்தது. ஒவ்வொரு வகை செங்கல்லின் நன்மைகள் மற்றும் தீமைகளை மதிப்பிடுவதும் மற்றும் செங்கற்கள் சோதனை மூலம் அவற்றை மதிப்பாய்வு செய்வதும் அவசியம். எல்லாவற்றிற்கும் மேலாக, உங்கள் கட்டுமானத் திட்டம் பாதுகாப்பாகவும், நீடித்ததாகவும், முடிந்தவரை திறமையாகவும் இருக்க வேண்டும். எனவே, எந்த வகையான செங்கல் உங்கள் தேவைகளுக்கு மிகவும் பொருத்தமானது என்பதைக் கருத்தில் கொள்ள நேரம் ஒதுக்குங்கள். உங்கள் கட்டுமான பொருட்களைப் பற்றி நீங்கள் எவ்வளவு அதிகமாக அறிந்திருக்கிறீர்களோ, அவ்வளவு சிறப்பாக உங்கள் கட்டுமானத் திட்டத்தைப் பற்றிய முடிவுகளை எடுக்க முடியும்.
