போர்சலின் vs செராமிக் டைல்: வேறுபாடு என்ன மற்றும் நீங்கள் எதைத் தேர்வு செய்ய வேண்டும்?

போர்சலின் டைல் என்றால் என்ன?

போர்சலின் டைல் என்பது, அதிக வெப்பநிலையில் சுடப்பட்ட நேர்த்தியான களிமண்ணிலிருந்து உருவாக்கப்பட்ட ஒரு வகை செராமிக் டைல் ஆகும். இந்த சுடும் செயல்முறையானது 0.5%-க்கும் குறைவான நீர் உறிஞ்சும் விகிதம் கொண்ட, அடர்த்தியான மற்றும் அதிகம் நீடித்து உழைக்கக்கூடிய டைலை உருவாக்குகிறது. போர்சலின் டைல்ஸின் அடர்த்தியின் காரணமாக அவை கறை, கீறல்கள் மற்றும் ஈரப்பதத்தால் அதிகம் பாதிக்கப்படுவதில்லை, இதனால் அவை குளியலறைகள் மற்றும் சமயலறைகள் போன்ற, மக்கள் அதிகம் வந்து செல்லும் இடங்களில் அல்லது அதிக நீர் பயன்பாடு உள்ள இடங்களில் சிறப்பான தேர்வாக உள்ளது. போர்சலின் டைல்ஸ் பல்வேறு நிறங்கள், பேட்டர்ன்கள் மற்றும் பூச்சுகள் உட்பட, பலவகையான வடிவமைப்பு ஆப்ஷன்களை வழங்குகின்றன.

போர்சலின் டைல்ஸின் முக்கியமான நன்மைகளில் ஒன்று அவற்றின் விரிவான பல்வகை வடிவமைப்பு ஆகும். அவை பலவகையான நிறங்களில், பேட்டர்ன்களில் மற்றும் பூச்சுகளில் வருகின்றன, அதனால் உட்புற வடிவமைப்பில் எண்ணிலடங்காத படைப்புத்திறன் சார்ந்த வடிவமைப்புகளை அனுமதிக்கிறது. நேர்த்தியானது மற்றும் பாலிஷ் செய்யப்பட்டது முதல் டெக்ஸ்சர் சேர்க்கப்பட்டது மற்றும் ரஸ்டிக்கானது வரை, போர்சலின் டைல்ஸால் இயற்கையான கல், மரம் அல்லது துணியின் தோற்றத்தைக் கூட கொண்டுவர முடியும், இவ்வாறு உங்களின் இடத்திற்கு விருப்பமான அழகியலை அடை உங்களுக்கு உதவுகிறது. மேலும், கிரவுட்டிங் என்று வரும்போது, போர்சலின் டைல்ஸுடன் எபாக்ஸி கிரவுட் பயன்படுத்துவது மேம்பட்ட நீடித்து உழைக்கும் தன்மை மற்றும் கறை எதிர்ப்பு தன்மையை வழங்கி, நீடித்திருக்கும் மற்றும் எளிதாகப் பராமரிக்கக்கூடிய இன்ஸ்டலேஷனை உறுதி செய்கிறது.

செராமிக் டைல் என்றால் என்ன?

"மறுபுறம், செராமிக் டைல்ஸ், களிமண், கனிமங்கள் மற்றும் தண்ணீரின் கலவையிலிருந்து உருவாக்கப்படுகிறது. இவை போர்சலின் டைல்ஸை விட குறைவான வெப்பநிலையில் சுடப்படுவதின் விளைவாக, கொஞ்சம் அடர்த்தி குறைவான மற்றும் நிறைய நுண் துளைகள் உள்ள தயாரிப்பு உருவாகிறது. செராமிக் டைல்ஸ் பொதுவாக 0.5%-க்கும் அதிகமான நீர் உறிஞ்சும் விகிதம் கொண்டதாகும். இவை போர்சலின் டைல்ஸை விட சற்று குறைவான நீடித்துழைக்கும் தன்மை கொண்டிருந்தாலும், இவற்றில் தேய்மானம் குறைவாக இருக்கும், அதனால் இவை பெரும்பாலான வீட்டு பயன்பாடுகளுக்கு ஏற்றவையாகும். செராமிக் டைல்ஸ் பல்வேறு ஸ்டைல்களில், அளவுகளில் மற்றும் டெக்ஸ்சர்களில் வருவதால், உங்களின் இடத்தில் படைப்புத்திறன் சார்ந்த வெளிப்பாடு மற்றும் கஸ்டமைசேஷனுக்கு உதவுகிறது.

செராமிக் டைல்ஸ் வெவ்வேறு வடிவமைப்பு விருப்பங்களை வழங்குவதற்காக பல்வேறு ஸ்டைல்கள், அளவுகள் மற்றும் டெக்ஸ்சர்களை வழங்குகிறது. நீங்கள் சுத்தமான மற்றும் குறைந்தபட்ச தோற்றத்தை விரும்பினாலும் அல்லது போல்டான வைப்ரன்ட் தோற்றத்தை விரும்பினாலும், உங்களுக்கு விருப்பமான அழகியலுக்கு பொருந்தும் செராமிக் டைல்ஸ் கிடைக்கும். அவை மேட், க்ளோஸி, டெக்ஸ்சர்டு, மற்றும் பேட்டர்ன் ஆப்ஷன்கள் உட்பட பல்வேறு பூச்சுகளில் காணப்படும்.

போர்சலின் vs செராமிக் டைல்ஸ் இடையே எது சிறந்தது?

போர்சலின் அல்லது செராமிக் டைல் சிறந்ததா என்பதைத் தீர்மானிப்பது உங்களின் குறிப்பிட்ட தேவைகளையும், அந்த டைல்ஸ் இன்ஸ்டால் செய்யப்படும் சுற்றுப்புறத்தையும் சார்ந்ததாகும். ஒவ்வொரு வகைக்கும் கருத்தில் கொள்ள வேண்டிய சில முக்கியமான பண்புகள் இதோ:

1. நீடித்து உழைக்கும் தன்மை

போர்சலின் டைல்ஸ், அடர்த்தியானது மற்றும் மிகவும் நீடித்து உழைக்கக்கூடியது என்பதால், சிப்ஸ், ஸ்கிராட்ச்கள் மற்றும் ஈரப்பதத்திற்கு எதிராக அதிக எதிர்ப்புத்திறனைக் கொண்டுள்ளது. செராமிக் டைல்ஸ், கொஞ்சம் குறைவான அடர்த்தியைக் கொண்டிருந்தாலும், அவை நீடித்து உழைக்கக்கூடியதும் பெரும்பாலான வீட்டு பயன்பாடுகளுக்கு ஏற்றதுமாகும்.

2. வாட்டர் ரெசிஸ்டன்ஸ்

போர்சலின் டைல்ஸ் குறைவான தண்ணீர் உறிஞ்சும் விகிதத்தைக் கொண்டுள்ளதால் அதிக நீர் சேதத்தைத் தடுக்கிறது. செராமிக் டைல்ஸ், அதிக நுண் துளை கொண்டவையாக இருந்தாலும், தண்ணீர் பயன்பாடு குறைவாக உள்ள அல்லது நன்கு சீல் செய்யப்பட்ட பகுதிகளிலும் பயன்படுத்தலாம்.

3. வடிவமைப்பு ஆப்ஷன்கள்

போர்சலின் மற்றும் செராமிக் டைல்ஸ் ஆகிய இரண்டும் பல்வேறு நிறங்கள், பேட்டர்ன்கள் மற்றும் பூச்சுகள் உட்பட, பலவகையான வடிவமைப்பு ஆப்ஷன்களை வழங்குகின்றன. போர்சலின் டைல்ஸ் அதிக சிக்கலான வடிவமைப்புகளைக் கொண்டிருக்கலாம், ஆனால் செராமிக் டைல்ஸ் வெவ்வேறு அழகியல்களுக்கு பொருத்தமான ஏராளமான தேர்வுகளை வழங்குகிறது.

4. விலை

போர்சலின் டைல் அவற்றின் உற்பத்தி செயல்முறை மற்றும் உயர் தரத்தின் காரணமாக செராமிக் டைல்ஸை விட விலை அதிகமானதாக உள்ளது. பொதுவாக, செராமிக் டைல்ஸ் அழகியல் தோற்றத்தை வழங்கும் அதே வேளையில் சிக்கனமானதாகவும் உள்ளது.

மொத்தத்தில், போர்சலின் மற்றும் செராமிக் டைல்கள் ஒரே மாதிரியானவையா? இல்லை. அதிகம் நீடித்து உழைக்கும் தன்மை மற்றும் ஈரப்பதம் எதிர்ப்பு தேவைப்படும், குளியலறைகள் மற்றும் சமயலறைகள் போன்ற இடங்களுக்கு போர்சலின் டைல்ஸ் சிறந்ததாகும். மறுபுறம், செராமிக் டைல்ஸ், பெரும்பாலான வீட்டு பயன்பாடுகளுக்கு ஏற்ற பன்முக தன்மை கொண்ட சிக்கனமான ஆப்ஷன் ஆகும். எனவே, செராமிக்கை விட போர்சலின் சிறந்ததா அல்லது போர்சலினை விட செராமிக் சிறந்ததா என்பதை தீர்மானித்து, போர்சலின் vs செராமிக் இடையே இறுதி முடிவை எடுக்கும்போது நீங்கள் மேலே உள்ள காரணிகளைக் கருத்தில் கொள்ள வேண்டும்.