ଚିନାମାଟି ବନାମ ସେରାମିକ୍: ପାର୍ଥକ୍ୟ କ’ଣ ଏବଂ ଆପଣ କେଉଁଟିକୁ ବାଛିବା ଉଚିତ୍?

ଚିନାମାଟି (ପୋର୍ସେଲିନ୍) ଟାଇଲ୍ କ’ଣ?

ଚିନାମାଟି (ପୋର୍ସେଲିନ୍) ଟାଇଲ୍ ହେଉଛି ଏକ ପ୍ରକାର ସେରାମିକ୍ ଟାଇଲ୍ ଯାହା ଅଧିକ ସୂକ୍ଷ୍ମ ଚିକିଟା ମାଟିକୁ ଉଚ୍ଚତର ତାପମାତ୍ରାରେ ପୋଡ଼ାଯାଇ ତିଆରି ହୋଇଥାଏ । ପୋଡ଼ିବାର ଏହି ପ୍ରକ୍ରିୟା ଏକ ଅଧିକ ଘନ ଏବଂ ଅଧିକ ଦୀର୍ଘସ୍ଥାୟୀ ଟାଇଲ୍ ତିଆରି କରିଥାଏ, ଯାହାର ଜଳ ଅବଶୋଷଣ ହାର ୦.୫%ରୁ କମ୍ ହୋଇଥାଏ । ଚିନାମାଟି ଟାଇଲ୍‌ର ଘନତ୍ୱ କାରଣରୁ ସେଗୁଡ଼ିକ ଅତ୍ୟଧିକ ଦାଗ, ରାଞ୍ଚୁଡ଼ା ଦାଗ ତଥା ଆର୍ଦ୍ରତା ପ୍ରତିରୋଧୀ ହୋଇଥାଏ । ପାଦରେ ଅଧିକ ଚଲାବୁଲା ହେଉଥିବା ଜାଗା କିମ୍ବା ପାଣି ସଂସ୍ପର୍ଶରେ ଆସୁଥିବା ସ୍ଥାନଗୁଡ଼ିକ ପାଇଁ ତାହା ଉତ୍କୃଷ୍ଟ ବିକଳ୍ପ ଅଟେ, ଯଥା - ବାଥ୍‌‌‌‌ରୁମ୍ ଏବଂ କିଚେନ୍ । ଚିନାମାଟି ଟାଇଲ୍ ବିବିଧ ରଙ୍ଗ, ଆକୃତି ଏବଂ ଫିନିଶ୍ ସମେତ ବ୍ୟାପକ ବର୍ଗର ଡିଜାଇନ୍ ସହିତ ଉପଲବ୍ଧ ହୋଇଥାଏ ।

ଚିନାମାଟି ଟାଇଲ୍ସର ଏକ ପ୍ରମୁଖ ଲାଭ ହେଉଛି ଯେ, ସେଗୁଡ଼ିକ ବ୍ୟାପକ ବର୍ଗମାଳାର ଡିଜାଇନ, ରଙ୍ଗ, ଆକୃତି ଏବଂ ଫିନିଶ୍‌‌ରେ ଉପଲବ୍ଧ ହୋଇଥାଏ । ତେଣୁ, ଇଣ୍ଟେରିୟର୍ ଡିଜାଇନ୍ କରିବା ସମୟରେ ଆପଣଙ୍କୁ କୌଣସି ବୁଝାମଣା କରିବାକୁ ପଡ଼ି ନ ଥାଏ । ଚକଚକିଆ ଓ ପଲିଶ୍‌‌ଡରୁ ଆରମ୍ଭ କରି ଟେକ୍ଚର୍ଡ ଏବଂ ରଷ୍ଟିକ୍ ରୂପ ପର୍ଯ୍ୟନ୍ତ, ଚିନାମାଟି ଟାଇଲ୍ ପ୍ରାକୃତିକ ପଥର, କାଠ, ଏପରିକି କପଡ଼ାର ରୂପକୁ ଅନୁକରଣ କରିପାରିଥାଏ । ଏହା ଫଳରେ ଆପଣ ନିଜ ଜାଗାକୁ ଯେଭଳି ରୂପରେ ସଜାଇବାକୁ ଚାହିଁବେ ତାକୁ ସେହି ରୂପ ଦେଇପାରିବେ । ଅତିରିକ୍ତ ଭାବେ, ଗ୍ରାଉଟିଂ ସମୟରେ ଚିନାମାଟି ଟାଇଲ୍ ସହିତ ଇପକ୍ସି ଗ୍ରାଉଟ୍ ବ୍ୟବହାର କରିବା ଦ୍ୱାରା ବର୍ଦ୍ଧିତ ସ୍ଥାୟିତ୍ୱ ଏବଂ ଦାଗ ପ୍ରତିରୋଧକ କ୍ଷମତା ମିଳିଥାଏ ଏବଂ ଦୀର୍ଘସ୍ଥାୟୀ ତଥା ରକ୍ଷଣାବେକ୍ଷଣରେ ସହଜ ସ୍ଥାପନା ସୁନିଶ୍ଚିତ ହୋଇଥାଏ ।

ସେରାମିକ୍ ଟାଇଲ୍ କ’ଣ?

ଅନ୍ୟପକ୍ଷରେ, ସେରାମିକ୍ ଟାଇଲ୍‌‌ଗୁଡ଼ିକ ଚିକିଟା ମାଟି, ଖଣିଜ ଦ୍ରବ୍ୟ ଏବଂ ପାଣି ଦ୍ୱାରା ନିର୍ମିତ ହୋଇଥାଏ । ସେଗୁଡ଼ିକୁ ଚିନାମାଟି ଟାଇଲ୍‌ଠାରୁ କମ୍ ତାପମାତ୍ରାରେ ପୋଡ଼ାଯାଇଥାଏ । ଏହାଫଳରେ ସାମାନ୍ୟ କମ୍ ଘନତ୍ୱବିଶିଷ୍ଟ ଏବଂ ଅଧିକ ଛିଦ୍ରାଳ ଉତ୍ପାଦ ପ୍ରାପ୍ତ ହୋଇଥାଏ । ସେରାମିକ୍ ଟାଇଲ୍‌‌ଗୁଡ଼ିକର ଜଳ ଅବଶୋଷଣ ହାର ସାଧାରଣତଃ ୦.୫%ରୁ ଅଧିକ ହୋଇଥାଏ । ଯଦିଓ, ଏହି ଟାଇଲ୍‌‌ଗୁଡ଼ିକ ଚିନାମାଟି ଟାଇଲ୍ ତୁଳନାରେ କମ୍ ଦୀର୍ଘସ୍ଥାୟୀ, ତଥାପି ତାହା ଘଷରା ଓ ରାଞ୍ଚୁଡ଼ା ଦାଗକୁ ଭଲଭାବେ ପ୍ରତିରୋଧ କରିପାରିଥାଏ । ତେଣୁ, ସେଗୁଡ଼ିକ ଅଧିକାଂଶ ଆବାସିକ ପ୍ରୟୋଗ ପାଇଁ ଉପଯୁକ୍ତ ହୋଇଥାଏ । ସେରାମିକ୍ ଟାଇଲ୍‌‌ଗୁଡ଼ିକ ବିବିଧ ଭେରାଇଟିର ଷ୍ଟାଇଲ୍, ଆକାର ଓ ଟେକ୍ସର୍‌‌ରେ ଉପଲବ୍ଧ ହୋଇଥାଏ, ଯାହା ଫଳରେ ଆପଣ ନିଜର ସୃଜନଶୀଳତାକୁ ମୁକ୍ତ ଭାବେ ଅଭିବ୍ୟକ୍ତ କରିପାରିଥାନ୍ତି ଓ ନିଜ ସ୍ଥାନକୁ ନିଜ ପସନ୍ଦର ରୂପ ଦେଇପାରିଥାନ୍ତି ।

ବିଭିନ୍ନ ଡିଜାଇନ୍ ପସନ୍ଦକୁ ସୁହାଇବା ପାଇଁ ସେରାମିକ୍ ଟାଇଲ୍ ଗୁଡ଼ିକ ବ୍ୟାପକ ଭେରାଇଟିର ଷ୍ଟାଇଲ୍, ଆକାର ଏବଂ ଟେକ୍ସରରେ ଆସିଥାଏ । ଆପଣଙ୍କ ପସନ୍ଦ ହୁଏତ ଏକ ସଫାସୁତୁରା ଓ ନ୍ୟୂନତମ ଡିଜାଇନ୍ ରହିଥିବା ରୂପ ହୋଇପାରେ କିମ୍ବା ଅଧିକ ନିର୍ଭୀକ ଏବଂ ରଙ୍ଗବେରଙ୍ଗ ସାଜସଜ୍ଜା ହୋଇପାରେ; ଆପଣଙ୍କ ପସନ୍ଦକୁ ସୁହାଉଥିବା ରୂପରେ ସେରାମିକ୍ ଟାଇଲ୍ସ ଉପଲବ୍ଧ ହୋଇଥାଏ । ସେଗୁଡ଼ିକ ବିବିଧ ଫିନିଶ୍, ଯେପରିକି ମ୍ୟାଟ୍, ଗ୍ଲସି, ଟେକ୍ସର୍ଡ, ପ୍ୟାଟର୍ନଯୁକ୍ତ ବିକଳ୍ପରେ ମିଳିଥାଏ ।

ଚିନାମାଟି ଓ ସେରାମିକ୍ ଟାଇଲ୍ସ ମଧ୍ୟରୁ କେଉଁଟା ଅଧିକ ଭଲ?

ଚିନାମାଟି ଅଧିକ ଭଲ କି ସେରାମିକ୍ ଟାଇଲ୍ ଅଧିକ ଭଲ ତାହା ଚୂଡ଼ାନ୍ତ ରୂପେ ଆପଣଙ୍କ ନିର୍ଦ୍ଦିଷ୍ଟ ଆବଶ୍ୟକତା ଏବଂ ଟାଇଲ୍ ଲଗାଯାଉଥିବା ସ୍ଥାନର ପରିବେଶ ଉପରେ ନିର୍ଭର କରିଥାଏ । ପ୍ରତ୍ୟେକ ପ୍ରକାର ପାଇଁ ନିମ୍ନଲିଖିତ ମୁଖ୍ୟ ଗୁଣଧର୍ମକୁ ବିଚାରକୁ ନିଆଯାଇପାରିବ:

୧. ସ୍ଥାୟିତ୍ୱ

ଚିନାମାଟି ଟାଇଲ୍ସ ଅଧିକ ଘନ ଏବଂ ଅଧିକ ଦୀର୍ଘସ୍ଥାୟୀ ହୋଇଥାଏ । ତେଣୁ ସେଗୁଡ଼ିକ ଖଣ୍ଡିଆଖାବରା, ରାଞ୍ଚୁଡ଼ା ଦାଗ ଓ ଆର୍ଦ୍ରତାକୁ ଦକ୍ଷତାର ସହ ପ୍ରତିରୋଧ କରିପାରେ । ସେରାମିକ୍ ଟାଇଲ୍ସ, ଯଦିଓ ସାମନ୍ୟ କମ୍ ଘନତ୍ୱ ବିଶିଷ୍ଟ, ତଥାପି ତାହା ଦୀର୍ଘସ୍ଥାୟୀ ଓ ଅଧିକାଂଶ ଆବାସିକ ପ୍ରୟୋଗ ପାଇଁ ଉପଯୁକ୍ତ ହୋଇଥାଏ ।

୨. ଜଳ ପ୍ରତିରୋଧ

ଚିନାମାଟି ଟାଇଲ୍ସର ଜଳ ଅବଶୋଷଣ ହାର କମ୍ ରହିଥାଏ, ତେଣୁ ସେଗୁଡ଼ିକ ପାଣିଜନିତ କ୍ଷୟକ୍ଷତିକୁ ଅଧିକ ଫଳପ୍ରଦ ଢଙ୍ଗରେ ପ୍ରତିରୋଧ କରିପାରିଥାଏ । ସେରାମିକ୍ ଟାଇଲ୍ସ ଅଧିକ ଛିଦ୍ରାଳ ହୋଇଥିଲେ ମଧ୍ୟ ତାହାକୁ କମ୍ ପାଣିର ସଂସ୍ପର୍ଶରେ ଆସୁଥିବା କିମ୍ବା ଉପଯୁକ୍ତ ଭାବେ ସିଲ୍ ହୋଇଥିବା ସ୍ଥାନଗୁଡ଼ିକରେ ବ୍ୟବହାର କରାଯାଇପାରିବ ।

୩. ଡିଜାଇନ୍ ବିକଳ୍ପ

ଉଭୟ ଚିନାମାଟି ଏବଂ ସେରାମିକ୍ ଟାଇଲ୍ସ ବ୍ୟାପକ ବର୍ଗମାଳାର ଡିଜାଇନ୍ ବିକଳ୍ପ ସମେତ ବିବିଧ ରଙ୍ଗ, ପ୍ୟାଟର୍ନ ଓ ଫିନିଶ୍‌‌ରେ ଉପଲବ୍ଧ ହୋଇଥାଏ । ଚିନାମାଟି ଟାଇଲ୍ସରେ ଅଧିକ ସୂକ୍ଷ୍ମ ଡିଜାଇନ୍ କାରୁକାର୍ଯ୍ୟ ରହିପାରେ, କିନ୍ତୁ ସେରାମିକ୍ ଟାଇଲ୍ସରେ ମଧ୍ୟ ବିଭିନ୍ନ ସୌନ୍ଦର୍ଯ୍ୟବୋଧକୁ ସୁହାଇଲା ଭଳି ଡିଜାଇନ୍‌‌ର ପର୍ଯ୍ୟାପ୍ତ ବିକଳ୍ପ ଉପଲବ୍ଧ ଅଟେ ।

୪. ମୂଲ୍ୟ

ନିର୍ମାଣ ପ୍ରକ୍ରିୟା ଏବଂ ଉଚ୍ଚତର ଗୁଣବତ୍ତା ଯୋଗୁଁ ସେରାମିକ୍ ଟାଇଲ୍ସ ତୁଳନାରେ ଚିନାମାଟି ଟାଇଲ୍ସ ଅଧିକ ମହଙ୍ଗା ହୋଇଥାଏ । ସେରାମିକ୍ ଟାଇଲ୍ସ ପକେଟ୍‌‌କୁ ସୁହାଇଲା ଭଳି ମୂଲ୍ୟରେ ମିଳିବା ସହିତ ସେଥିରେ ବିଭିନ୍ନ ସୌନ୍ଦର୍ଯ୍ୟ ବିକଳ୍ପ ମଧ୍ୟ ଉପଲବ୍ଧ ହୋଇଥାଏ ।

ମୋଟାମୋଟି ଭାବେ ଦେଖିବାକୁ ଗଲେ, ଚିନାମାଟି ଓ ସେରାମିକ୍ ଟାଇଲ୍ସଗୁଡ଼ିକ ସମାନ କି? ନା, ସେଗୁଡ଼ିକ ସମାନ ନୁହେଁ । ବାଥ୍‌‌ରୁମ୍ ଓ କିଚେନ୍ ଭଳି ଅତ୍ୟଧିକ ଦୀର୍ଘସ୍ଥାୟିତ୍ୱ ଏବଂ ଆର୍ଦ୍ରତା ପ୍ରତିରୋଧ ଆବଶ୍ୟକ କରୁଥିବା ସ୍ଥାନଗୁଡ଼ିକରେ ଚିନାମାଟି ଟାଇଲ୍ସ ଅଧିକ ଉପଯୁକ୍ତ ହୋଇଥାଏ । ଅନ୍ୟପକ୍ଷରେ, ସେରାମିକ୍ ଟାଇଲ୍ସ ଅଧିକାଂଶ ଆବାସିକ ପ୍ରୟୋଗ ପାଇଁ ଏକ ବହୁ ଉପଯୋଗୀ ଏବଂ ମୂଲ୍ୟ ସାଶ୍ରୟୀ ବିକଳ୍ପ ସାବ୍ୟସ୍ତ ହୋଇଥାଏ । ତେଣୁ, ସେରାମିକ୍ ତୁଳନାରେ ଚିନାମାଟି ଅଧିକ ଭଲ କିମ୍ବା ଚିନାମାଟି ତୁଳନାରେ ସେରାମିକ୍ ଅଧିକ ଭଲ ତାହା ନିର୍ଦ୍ଧାରଣ କରିବା ଏବଂ ଚୂଡ଼ାନ୍ତ ନିଷ୍ପତ୍ତି ଗ୍ରହଣ କରିବା ପୂର୍ବରୁ ଆପଣ ଉପରୋକ୍ତ ଦିଗଗୁଡ଼ିକୁ ବିଚାରକୁ ନେବା ଜରୁରୀ ହୋଇଥାଏ ।