Share:
• பாதுகாப்பை அதிகரிப்பதற்கும், அழகிய தோற்றத்தைப் பராமரிப்பதற்கும் விரிசலடைந்த ஃப்ளோர் டைல்ஸைச் சரி செய்வது முக்கியமாகும்.
• வெற்றிகரமாகச் சரி செய்வதற்கு, அதெசிவ், மாற்று டைல்ஸ், மற்றும் பாதுகாப்பு உபகரணங்கள் உள்ளிட்ட தேவையான கருவிகளை சேகரித்து வைத்துக்கொள்ளவும்.
• சரி செய்யும் செயல்முறையின் போது, அருகில் உள்ள பகுதிகளைக் கவர் செய்து, பாதுகாப்பு உபகரணத்தை அணிவதன் மூலம் பாதுகாப்பிற்கு முக்கியத்துவம் வழங்கவும்.
• சுத்தம் செய்வது முதல் கிரவுட்டிங் வரை, படிப்படியான செயல்முறையைப் பின்பற்றி, சேதத்தைத் தடுக்க ஒவ்வொரு கட்டத்திலும் கவனமாகச் செயல்படுத்துவதை உறுதி செய்யவும்.
உடைந்த ஃப்ளோர் டைல்ஸை சரி செய்ய உங்களுக்கு உதவுவதற்காக சரியான கருவியுடன் தொடங்குவோம்:
உங்களுக்கு முதலில் அதெசிவ் தேவைப்படும். உங்களின் குறிப்பிட்ட டைல்ஸ் வகை மற்றும் நீங்கள் பணியாற்றும் மேற்பரப்பிற்கு ஏற்ற உயர்தரமான அதெசிவைத் தேர்வு செய்யவும். புதிய டைல்ஸ் முக்கியமான மற்றொரு மெட்டீரியல் ஆகும். ஒருங்கிணைந்த தோற்றத்தைப் பராமரிப்பதற்காக, ஏற்கனவே உள்ள டைல்ஸின் அளவு, நிறம் மற்றும் டெக்ஸ்சருடன் பொருத்தமான மாற்று டைல்ஸைத் தேர்ந்தெடுக்கவும். புதிய டைல்ஸை வைத்ததும் டைல்ஸின் இடையே உள்ள இடைவெளிகளை நிரப்ப உங்களுக்கு கிரவுட் தேவைப்படும். சீரான ஃபினிஷைப் பெறுவதற்கு புதிய கிரவுட்டின் நிறம் ஏற்கனவே உள்ள கிரவுட்டின் நிறத்துடன் பொருந்துவதை உறுதி செய்யவும். இறுதியாக, அருகில் உள்ள டைல்ஸைப் பாதுகாக்கவும், சரியான அலைன்மெண்ட்டை உறுதி செய்யவும், மிகையான அதெசிவைக் கையாளவும், சுத்தமான கிரவுட் லைனைப் பராமரிக்கவும் மாஸ்கிங் டேப் உதவுகிறது.
டைல்ஸ் இடையிலிருந்து பழைய மற்றும் சீர்குலைந்த கிரவுட்டைத் திறம்பட அகற்ற கிரவுட் ரிமூவரைப் பயன்படுத்தலாம். மேலும், மரம், உலோகம் மற்றும் மேசனரி உள்ளிட்ட பல்வேறு மெட்டீரியல்களில் துளையிட காம்பி ட்ரில் உதவும். இவற்றுடன் சேர்த்து, டைல்ஸ், மோர்டார் அல்லது மற்ற மெட்டீரியல்களை வெட்டி அகற்றுவதற்காக, ஒரு சுத்தியலுடன் ஒரு சுத்தியல் உளி பயன்படுத்தப்படுகிறது. கிரவுட் ஸ்பிரெட்டர் என்பது டைல்ஸ் இடையே கிரவுட்டை சீராகப் பூசுவதற்கு பயன்படுத்தப்படும் ஒரு கருவி ஆகும். கிரவுட்டைச் சுத்தமாகவும் சீராகவும் பூசி, டைல்ஸ் இடையிலான இடைவெளிகள் போதுமான அளவு நிரப்பப்பட்டுள்ளதை உறுதி செய்ய இது உதவுகிறது. மற்றொரு முக்கியமான கருவி டைல் ஸ்பேஸர் ஆகும், இது டைல்ஸுக்கு இடையே சமச்சீரான இடைவெளி இருப்பதை உறுதி செய்து கிரவுட்டிங் செயல்முறைக்கு உதவுவதற்காக, சீரான இடைவெளியைப் பராமரிக்கிறது. 2-3 அங்குலம் கொண்ட பிளேடு மற்றும் மாற்று பிளேடுகளைக் கொண்ட ஒரு ட்ரிம்மிங் கத்தியானது, டைல்ஸ், கிரவுட் அல்லது அதெசிவ் போன்ற மெட்டீரியல்களை வெட்டி ஒரு வடிவத்திற்கு கொண்டுவர பயன்படுகிறது. கருவிகளைச் சுத்தம் செய்வதற்கு, மேற்பரப்புகளைத் துடைப்பதற்கு மற்றும் டைல் இன்ஸ்டலேஷனின் போது மிகையான கிரவுட் அல்லது அதெசிவைக் கையாள்வதற்கு ஒரு வாளி தண்ணீர் மற்றும் ஒரு ஸ்பாஞ்ச் அவசியமாகும். ஸ்பாஞ்ச் பயன்படுத்துவது கட்டுப்படுத்தப்பட்ட துல்லியமான சுத்தப்படுத்தலுக்கு உதவுகிறது.
எப்போதும் அவசியமில்லை என்றாலும், கையுறைகளை அணிவது கூர் முனைகள் மற்றும் டைல்ஸை மாற்றும்போது பயன்படுத்தப்படும் மெட்டீரியல்களிடமிருந்து உங்களின் கைகளைப் பாதுகாக்கலாம். டைல்ஸை மாற்றும் செயல்முறை முழுவதும் பாதுகாப்பு கண்ணாடிகளை அணிவதன் மூலம் சிதிலங்கள் மற்றும் கூர்முனைகளிடமிருந்து உங்களின் கண்களைப் பாதுகாக்கவும். டஸ்ட் மாஸ்க் என்பது விரிசலடைந்த டைல்ஸைச் சரி செய்யும்போது பயன்படுத்தக்கூடிய மதிப்புமிக்க பாதுகாப்பு உபகரணம் ஆகும். இது உங்களின் சுவாச நலனை, பாதுகாப்பு தரநிலைகளுடன் இணங்குவதை மற்றும் சுத்தமான ஆரோக்கியமான பணி சூழலை உறுதி செய்ய உதவுகிறது.
முதலில், தேவையான அனைத்து பாதுகாப்பு உபகரணங்களும் உங்களிடம் இருப்பதை உறுதி செய்யவும். விரிசலடைந்த ஃப்ளோர் டைல்ஸை எப்படி சரி செய்வது என்பது குறித்து இப்போது கலந்துரையாடுவோம்.
அலங்கோலமான இடம் சரி செய்வதை விட அதிக சேதத்தையே ஏற்படுத்தும். சுத்தமான செட்டப்புடன் தொடங்குவதை உறுதி செய்யவும். மென்மையான துணியைப் பயன்படுத்தி சுற்றியுள்ள பகுதியை உலரச்செய்யவும். உடைந்த/விரிசலடைந்த டைல்ஸைச் சரி செய்யும்போது தூசி பறக்கும் என்பதால், பணியைத் தொடங்குவதற்கு முன் ஒரு டஸ்ட் ஷீட்டை விரிக்க வேண்டும். அருகில் ப்ளக் ஓட்டைகள் இருந்தால், தூசி சென்று அடைக்காமல் இருப்பதற்காக அவற்றை மூடவும். இவை டைல் விரிசலைச் சரி செய்வதை உறுதி செய்வதற்கான அடிப்படை ஆரம்ப புள்ளிகள் ஆகும்.
விரிசலடைந்த டைல்ஸின் கிரவுட்டை லூஸ் ஆக்க உதவுவதற்காகக் கிரவுட் ரிமூவரைப் பயன்படுத்தவும். டைல்ஸில் உள்ள விரிசலை எப்படி சரி செய்வது என்பதைக் கண்டறிய முயற்சி செய்யும் இந்த செயல்முறையில், சுற்றியுள்ள டைல்ஸை நீங்கள் சேதப்படுத்தாமல் இருப்பதை உறுதி செய்யவும். நீங்கள் தவறுதலாக வழுக்கிச் சென்று மற்றொரு டைல்ஸில் விரிசல் ஏற்படுத்தாமல் இருக்க, சேதமடைந்த டைல்ஸின் நடுவில் மாஸ்கிங் டேப்பைப் பயன்படுத்தவும்.
கிரவுட்டை அகற்றுவது மிகவும் முக்கியமான பணி ஆகும், ஏனெனில் டைல்ஸ் இடையே அப்படியே விடப்படும் மிகுதியான கிரவுட் டைல்ஸைச் சுற்றி இறுக்கத்தை ஏற்படுத்தி விரிசல்களுக்கு வழிவகுக்கலாம்.
விரிசலடைந்த டைல்ஸில் துளையிடுவதற்காக ட்ரில் மிஷினைப் பயன்படுத்தவும். கீழே பொருத்தப்பட்டுள்ள எதாவது பைப்கள் அல்லது கேபிள்களை நீங்கள் சேதப்படுத்தக்கூடும் என்பதால் நீங்கள் வேகமாகத் துளையிடாததை உறுதி செய்யவும். உடைந்த டைல்ஸின் நடு பகுதியில் டேப்பிற்குள் மெதுவாகத் துளையிடத் தொடங்கவும்.
துளையிட்டதும், மேலும் ஆழமாகத் துளையிடுவதற்காக நீங்கள் வேகமாக நகர்த்தலாம்.
உடைந்த டைல்ஸை எப்படி அகற்றுவது என்பதைப் புரிந்துகொள்ள இந்த படிநிலை உங்களுக்கு உதவும். ட்ரில் செய்யும்போது நீங்கள் உருவாக்கிய துளைகளில் இருந்து டைல்ஸின் துண்டுகளை அகற்ற தொடங்க உளியைப் பயன்படுத்தவும்.
முரட்டுத்தனமாகவும், பொறுமை இல்லாமலும் இதை செய்யக்கூடாது, டைல்ஸின் மையத்திலிருந்து தொடங்கி பக்கங்களை நோக்கி நகரவும். அந்த துண்டுகள் பக்கத்தில் உள்ள டைல்ஸைச் சேதப்படுத்தாத வகையில் கவனமாக இருக்கவும்.
அதில் எதாவது அதெசிவ் மீதமிருந்தால், அதை ட்ரிம்மிங் கத்தியைப் பயன்படுத்தி அகற்றவும்.
இது, உடைந்த ஃப்ளோர் டைல்ஸை எப்படி சரி செய்வதென்பது குறித்த செயல்முறையில் மிகவும் முக்கியமான படிநிலைகளில் ஒன்றாகும். முதலில், மாற்று டைல்ஸ் சரியாகப் பொருந்துகிறதா என்பதை உறுதி செய்ய எந்தவொரு அதெசிவும் இல்லாமல் மாற்று டைல்ஸை வைக்க முயற்ச்சி செய்யவும். அது மற்ற ஃப்ளோர்/சுவர் டைல்ஸுக்கு வெளியே நீட்டிக்கொண்டிருந்தால், புதிய டைல்ஸைப் பொருத்துவதற்கு முன் கூடுதலாக உள்ள அதெசிவை அகற்ற வேண்டும்.
செட்டிங் உங்களுக்கு திருப்திகரமானதும், கிரவுட் ஸ்பிரெட்டர் பயன்படுத்தி உங்களின் மாற்று டைல்ஸுக்கு பின்னால் அதெசிவைப் பூசி, புதிய டைல்ஸ் உங்களின் ஃப்ளோரில்/சுவரில் சீராகப் பொருந்துவதும் வகையில் அதை உறுதியாக வைக்கவும்.
உடைந்த ஃப்ளோர் டைல்ஸை எப்படி சரி செய்வது என்ற உங்களின் முயற்சியில் நீங்கள் வெற்றி பெற்று, புதிய டைல்ஸைப் பொருத்தியதும், அது அடையாமல் இருப்பதை உறுதி செய்வதற்காக டைல்ஸை நீங்கள் கிரவுட் செய்ய வேண்டும். இதை செய்வதற்கு, முதலில், கிரவுட் பொருந்தும் வகையிலும், அதெசிவ் உலர்வதற்கு முன் டைல்ஸ் நகராமல் இருப்பதை உறுதி செய்யவும், இடைவெளியைப் பராமரிப்பதற்காக டைல் ஸ்பேஸர்களைப் பொருத்தவும்.
ஒரு நாளுக்கு பிறகு, நீங்கள் ஸ்பேஸர்களை அகற்றிவிட்டு, மாற்று டைல்ஸைச் சுற்றியுள்ள இடைவெளியில் புதிய கிரவுட்டைச் சேர்க்கலாம்.
ஃப்ளோர் டைல்ஸ் விரிசலடைவது மற்றும் மேலெழும்புவதைச் சரி செய்வதற்கான இந்த வழிகாட்டி, தேவைப்படும்போது உதவிகரமாக இருக்கலாம். விரிசலடைந்த ஃப்ளோர் டைல்ஸைச் சரி செய்வதற்கான கருவிகள், பாதுகாப்பு உபகரணங்கள் மற்றும் செயல்முறைகள் இப்போது நீங்கள் அறிந்துள்ளீர்கள். விரிசலடைந்த ஃப்ளோர் டைல்ஸை எப்படி சரி செய்வது என்ற இந்த விரிவான வழிகாட்டி மூலம், விரிசலடைந்த டைல்ஸை மாற்றி, உங்கள் டைல் மேற்பரப்பின் தேற்றத்தை மீட்கும் பணியைக் கையாள நீங்கள் நன்கு தயாராக இருப்பீர்கள்.
