உங்கள் வீட்டைக் கட்டுவதற்கான முதல் அடி, ஒரு வலுவான மற்றும் திடமான அடித்தளத்தை அமைப்பதாகும். முதலில், மனையிடத்திலிருந்து பாறைகள் மற்றும் சிதிலங்கள் அகற்றப்படும். தோண்டத் துவங்குவதற்கு முன்பு, அமைவிடத்திட்ட வரைபடக் குறியிடல்கள் திட்டத்தின் படி இருப்பதை உறுதி செய்யவும். உங்களின் கட்டுமானக் குழு மனையிடத்தை மட்டம் செய்து, அடித்தளம் இடுவதற்காகத் துளைகள் மற்றும் குழிகளைத் தோண்டுவார்கள்.

கான்கிரீட் ஊற்றப்பட்ட பின்னர், அது நன்றாகச் செட் ஆவதற்காக விட்டுவிட்டு, பின்னர் முழுமையாகத் தண்ணீர் ஊற்றப்பட வேண்டும். தண்ணீர் ஊற்றிய பின்னர், நீர்காப்பு மற்றும் கரையான் எதிர்ப்பு ட்ரீட்மெண்ட் செய்வது நல்லது. அல்ட்ராடெக் ILW+ ஓதத்தடுப்புப் பூச்சிற்கு ஏற்றது. பின்னர், அடித்தளச் சுவர்களைச் சுற்றியுள்ள சுவர்களை உங்கள் குழு மண்ணால் மீண்டும் நிரப்ப வேண்டும்.

உங்கள் வீட்டின் கான்கிரீட் கட்டமைப்பு தயாரான பின்னர், நீங்கள் குழாய் மற்றும் மின்சார அமைப்புகளை நிறுவும் வேலையைத் தொடங்கலாம். உள்ளே நுழைந்த பின்னர், மின்சாரப் பலகைகள் மற்றும் ஸ்விட்சுகள் உங்களுக்கு அணுகக்கூடியதாக இருப்பதை உறுதி செய்யவும். மாசுபடுதலைத் தவிர்ப்பதற்காகக் கழிவுநீர் குழாய் எப்போதும் குடிநீர் குழாய்க்குக் கீழே இருக்க வேண்டும். மறைவடக்க மின் வேலைப்பாட்டிற்கு, பிளாஸ்டர் பயன்படுத்தப்படுவதற்கு முன்பு வயர்களுடன்கூடிய PVC குழாய்கள் சுவர்களுக்குள் அமைக்கப்படுகின்றன. இது அழகியல் ரீதியாகக் கவர்ச்சியாக மட்டுமில்லாமல், ஈரப்பதம், வெப்பநிலை மற்றும் எலிகள் போன்றவற்றிடமிருந்து வயர்களைப் பாதுகாக்கிறது. இது முடிவடைந்ததும், சுவர்களில் பிளாஸ்டர் பூசப்படும்.

இறுதியாக, உங்களின் கட்டுமானக் குழு டைல்களைப் பொருத்துவார்கள், மின்சாரப் பலகைகள், கேபினட்கள், சமையலறை கவுண்டர்டாப்கள், முதலியனவற்றை நிறுவுவார்கள். அனைத்தும் பொருத்தப்பட்டவுடன், உங்கள் வீடு பெயிண்ட் செய்யப்படலாம் அல்லது வால்பேப்பர்களுடன் சேர்த்துப் பிளாஸ்டர் பூசப்படலாம். உங்கள் வீட்டுக்கான இறுதி அலங்காரம் குறித்து உங்களின் குடும்ப உறுப்பினர்களுடன் கலந்தாலோசிக்கவும்.