Share:
వాస్తు ప్రకారం అద్దం దిశ మీ ఇల్లు లేదా కార్యాలయంలో అద్దం స్థానం లేదా స్థానాల్ని సూచిస్తుంది. ఈ ప్రదేశం యాదృచ్ఛికమైనది కాదు, మంచి ఫలితాల కోసం కొన్ని నియమాలు లేదా సూత్రాలను అనుసరించాలి. వాస్తు ప్రకారం, అద్దాలు శక్తిని గ్రహించి ప్రతిబింబించే శక్తిని కలిగి ఉంటాయి, అవి ప్రతిబింబించే ఏ వస్తువుల శక్తినైనా బాగా పెంచుతాయి. సరైన స్థలంలో అమర్చినపుడు, అద్దాలు ఆ స్థలానికి సానుకూల శక్తిని పెంచుతాయి. అలాగే, ఉంచకూడని స్థలంలో అమర్చినపుడు, అద్దాలు ఆ స్థలానికి ప్రతికూల శక్తిని కలిగిస్తాయి.
ముఖ్యంగా, వాస్తు ప్రకారం అద్దం దిశ అనేది మీ ఇల్లు లేదా కార్యాలయంలో అత్యంత సానుకూలతను తీసుకురావడానికి, ఏదైనా ప్రతికూల శక్తిని తొలగించడానికి అద్దాలను ఎక్కడ ఎలా ఉంచాలనే విషయం స్పష్టంగా చెప్తుంది. మానవులుగా మన శ్రేయస్సు మన వాతావరణానికి బలంగా అనుసంధానించబడి ఉంది, మన జీవించే ప్రదేశాల్లోనూ, పని ప్రదేశాల్లోనూ చైతన్యవంతంగా మార్పులు చేయడం, అద్దం దిశలను అనుసరించడం ద్వారా వాస్తు అక్కడ నివసించే లేదా పని చేసే వ్యక్తుల మానసిక స్థితిని మార్చగలదు, సమగ్ర ఆరోగ్యంలో గుర్తించదగిన మంచి మెరుగుదలలను తీసుకురాగలదు.
పడకగదికి సంబంధించిన వాస్తు చిట్కాల విషయానికి వస్తే, అద్దం ఉంచే విషయంలో చాలా జాగ్రత్తగా ఉండాలని సూచించబడింది. అద్దాలను నేరుగా మంచం ఎదురుగా ఉంచకూడదు లేదా అవి నిద్రిస్తున్న వ్యక్తిని ప్రతిబింబించే చోట ఉంచకపోవడం మంచిది. ఇది వ్యక్తికి బాధల్నీ, అసౌకర్యాన్నీ కలిగిస్తుంది, ఆరోగ్య సమస్యలు తెచ్చిపెడుతుందని నమ్ముతారు. వాస్తు ప్రకారం అద్దం దిశలో అమర్చడానికి, పడకగది ఉత్తరం లేదా తూర్పు గోడలపై అద్దాలను ఉంచడం మంచిది, అవి నేరుగా మంచానికి ఎదురుగా ఉండకుండా చూసుకోవాలి. మీ వ్యక్తిగత శక్తిపై ప్రతికూల ప్రభావం చూపకుండా ఉండటానికి, ముఖ్యంగా రాత్రి సమయంలో, ఉపయోగంలో లేనప్పుడు అద్దాన్ని కప్పి ఉంచాలని కూడా సిఫార్సు చేయబడింది.
లివింగ్ రూమ్ అనేది మీరు విశాలమైన చోటునీ, బాగా వెలుతురు ఉన్న ప్రదేశాన్నీ ఏర్పాటు చేసుకునేందుకు అద్దాలను ఉపయోగించగల ప్రాంతం. వాస్తు ప్రకారం అద్దం దిశను అనుసరించి, ఉత్తరం లేదా తూర్పు గోడలపై అద్దాలకు సరైన ప్లేస్‌మెంట్ ఉంటుంది. దీనివల్ల ఇంట్లో ఉండే వ్యక్తులకు ఐశ్వర్యం, అదృష్టం లభిస్తాయని నమ్ముతారు. అద్దం డైనింగ్ టేబుల్ లేదా సంపద లేదా సమృద్ధిని సూచించే ఏదైనా ఇతర ప్రదేశానికి ఎదురుగా ఉండేలా చూసుకోండి, ఇది ప్రతిబింబం ద్వారా సమృద్ధినీ, శక్తినీ రెట్టింపు చేస్తుంది.
ఆఫీసు సెట్టింగ్‌లో అద్దాలు స్పష్టతనీ, సానుకూల శక్తి ప్రవాహాన్ని పెంచే విధంగా అమర్చాలి. వాస్తు ప్రకారం అద్దం దిశ సూత్రాలను అనుసరించి కార్యాలయంలో ఉత్తర లేదా తూర్పు గోడపై ఉంచిన అద్దం కొత్త అవకాశాల వృద్ధికి ప్రతీకగా బహిరంగ స్థలం లేదా ద్వారం దృశ్యాన్ని ప్రతిబింబిస్తుంది. పని ప్రదేశంలో నేరుగా అద్దాలను ఉంచకుండా ఉండటం చాలా ముఖ్యం ఎందుకంటే ఇది ఒత్తిడికీ, పరధ్యానానికీ ఉండే అవకాశాలను పెంచుతుంది. అలాగే, అద్దంలో అసంపూర్తిగా ఉన్న ప్రాజెక్ట్‌లు లేదా చిందరవందరగా కనిపించకూడదని గుర్తుంచుకోండి, ఎందుకంటే ఇది పనిభారాన్ని రెట్టింపు చేస్తుంది, చక్కని పనివిధానానికి ఆటంకాన్ని కలిగిస్తుంది.
1) ఉత్తరం లేదా తూర్పు గోడ మీద అద్దం ఉంచండి: ఇది సానుకూల శక్తిని ఆకర్షించడానికి అనువైనది.
2) అందమైన దృశ్యాలను ప్రతిబింబించడానికి అద్దాలను ఉపయోగించండి: అద్దాన్ని ప్రకృతిని ప్రతిబింబించే ప్రదేశంలో లేదా అందమైన కళాఖండాన్ని ఉంచడం వల్ల సానుకూల శక్తిని రెట్టింపు చేస్తుంది.
3) అద్దాన్ని శుభ్రంగా స్పష్టంగా ఉంచండి: అద్దాన్ని శుభ్రపరచడం చాలా ముఖ్యం, ఎందుకంటే ఇది స్వచ్ఛత, సానుకూల శక్తిని ప్రతిబింబిస్తుంది.
4) పూర్తి నిడివి గల అద్దాన్ని ఉపయోగించండి: ఇటువంటి అద్దాలు మొత్తం శరీరం ప్రతిబింబాన్ని నిర్ధారిస్తాయి, తద్వారా శక్తి ప్రవాహం అంతరాయం కలిగించదు.
5) లైటింగ్ పెంచడానికి అద్దాలు పెట్టండి: మీ స్థలం మసకగా కనిపిస్తున్నట్లయితే, సహజ కాంతిని ప్రతిబింబించేలా మీ ఇల్లు లేదా కార్యాలయాన్ని ప్రకాశవంతం చేయడానికి అద్దాలు పెట్టండి.
1) మంచం ముందు అద్దాలు పెట్టకండి: పడక గదుల్లో ఇది చాలా ముఖ్యమైనది, ఎందుకంటే ఇది అశాంతికి దారితీస్తుందనీ, ఆరోగ్య సమస్యలను కలిగిస్తుందని నమ్ముతారు.
2) ముక్కలైన లేదా పగిలిన అద్దాలను వాడకండి: ఇది మీ ఇల్లు లేదా కార్యాలయంలో శక్తిని విచ్ఛిన్నం చేయవచ్చు లేదా చెదరగొట్టవచ్చు.
3) ఏ తలుపు ముందూ కూడా అద్దం పెట్టకండి: ఇది ఇంటి ప్రధాన ద్వారానికీ, లోపలి తలుపులకీ వర్తిస్తుంది, ఎందుకంటే ఇవి శక్తిని తిప్పికొట్టగలవు.
4) ప్రతికూల చిత్రాన్ని ప్రతిబింబించకుండా ఉండండి: అద్దం గజిబిజిగానూ, చెత్త లేదా ప్రతికూల శక్తిని ప్రసరించే ఏ విధమైన వస్తువుల్నీ ప్రతిబింబించకూడదు.
5) పాత, మసకబారిన అద్దాలను ఉపయోగించవద్దు: ఈ ప్రతిబింబాలు శక్తిని తిప్పికొడతాయి, వాస్తు శాస్త్రంలో ఇవి అశుభమైనవిగా పరిగణించబడతాయి.
వాస్తు ప్రకారం అద్దం దిశకు సంబంధించి ఈ సాధారణ నియమాలను అనుసరించడం ద్వారా వాస్తు ప్రకారం అద్దాన్ని జాగ్రత్తగా ఉంచడం ద్వారా, మీరు మీ ఇంట్లోనూ, కార్యాలయంలోనూ వీలైనంత సానుకూల శక్తి ప్రవాహాన్ని స్వాగతించవచ్చు.
చివరిగా చెప్పేదేమంటే, వాస్తు శాస్త్రం ప్రకారం, మీ ఇల్లు లేదా కార్యాలయంలో అద్దాలను ఉంచడం కేవలం అందం కోసమే కాదు, అంతకు మించినది. సానుకూలత, శ్రేయస్సు సామరస్యంతో నిండిన స్థలాన్ని సృష్టించడానికి శక్తిని నిర్దేశించడం దీని ఉద్దేశ్యం. మీరు మీ స్థలాన్ని రీడిజైన్ చేస్తున్నా లేదా అద్దాన్ని మార్చుకున్నా, వాస్తు ప్రకారం అద్దం దిశలో ఈ చిన్న అంశాలు మీ శ్రేయస్సుపైనా, విజయంపైనా తీవ్ర ప్రభావాలను చూపుతాయి.
