Share:
• ಪೇಂಟ್ ಹುಡಿಯಾಗುವುದು ಒಂದು ಸಾಮಾನ್ಯ ದೋಷವಾಗಿದ್ದು, ಅಲ್ಲಿ ಪೇಂಟ್ ಪದರವು ಕ್ಷೀಣಿಸುತ್ತದೆ, ದಿನ ಕಳೆದಂತೆ ಮೇಲ್ಮೈ ಮೇಲೆ ಪುಡಿಯ ಶೇಷವನ್ನು ಬಿಡುತ್ತದೆ.
• ಹವಾಮಾನ ಮತ್ತು ಯುವಿ ಕಿರಣಗಳಿಗೆ ತೆರೆದುಕೊಳ್ಳುವುದರಿಂದ, ಕಡಿಮೆ ಗುಣಮಟ್ಟದ ಪೇಂಟ್ ಉಪಯೋಗಿಸುವುದು, ಅಸಮರ್ಪಕ ಹೊರಮೈ ತಯಾರಿಕೆ ಮತ್ತು ಸರಿಯಾಗಿ ಹಚ್ಚದಿರುವುದು ಪೇಂಟ್ ಹುಡಿಗೆ ಕಾರಣವಾಗುತ್ತವೆ.
• ಪೇಂಟ್ ಹುಡಿಯ ಕುರಿತು ತಿಳಿದುಕೊಳ್ಳುವುದು, ಪರಿಹರಿಸುವುದು ಹಾಗೂ ತಡೆಗಟ್ಟುವುದು ಇದೆಲ್ಲವೂ ಸಮಗ್ರ ಮೇಲ್ಮೈ ಆರೈಕೆ, ಸೂಕ್ತವಾದ ಉತ್ಪನ್ನದ ಆಯ್ಕೆ ಹಾಗೂ ಪೇಂಟ್ ಮಾಡಲಾಗಿರುವ ಮೇಲ್ಮೈಗಳನ್ನು ಸಂರಕ್ಷಿಸುವ ನಿರ್ವಹಣೆಯನ್ನು ಒಳಗೊಂಡಿರುತ್ತದೆ.
ಕಟ್ಟಡದ ಮೇಲ್ಮೈಗಳ ಮೇಲೆ ಕಂಡು ಬರುವ ಗೋಡೆ ಹುಡಿಯಿಂದ ನೀವು ಪೇಂಟ್ ಚಾಕಿಂಗ್ ಅನ್ನು ಗುರುತಿಸಬಹುದು. ಇದು ಪೇಂಟ್ ಮಾಡಿರುವ ಸ್ಥಳದಲ್ಲಿ ಪದರು ಏಳುವುದು ಅಥವಾ ದಿನಕಳೆದಂತೆ ಬಣ್ಣವು ಮಾಸಿದ ಮೇಲ್ಮೈಯಲ್ಲಿ ಆಗುವ ಬಣ್ಣದ ದೋಷವಾಗಿರುತ್ತದೆ. ನಂತರ ಕ್ರಮೇಣ ಒಡೆಯುದರೊಂದಿಗೆ ಮೇಲ್ಮೈಯಲ್ಲಿ ಪೇಂಟ್ ಪುಡಿಯ ಶೇಷವನ್ನು ಬಿಡುತ್ತದೆ.
ಈ ವಿದ್ಯಮಾನವು ಸಾಮಾನ್ಯವಾಗಿ ಹವಾಮಾನ, ಅಲ್ಟ್ರಾವಯಲೆಟ್ ಕಿರಣಗಳಿಗೆ ಒಡ್ಡಿಕೊಳ್ಳುವುದರಿಂದ ಅಥವಾ ದಿನಕಳೆದಂತೆ ಪೇಂಟ್ ಹಾಳಾಗಲು ಕಾರಣವಾಗುವ ಇತರ ಪರಿಸರ ಅಂಶಗಳಿಂದ ಉಂಟಾಗುತ್ತದೆ. ಹುಡಿಯ ಶೇಷವನ್ನು ಸುಲಭವಾಗಿ ತೆಗೆದುಹಾಕಬಹುದು ಅಥವಾ ತೊಳೆಯಬಹುದು. ಇದು ದೀರ್ಘಾವಧಿಯ ಬಾಳಿಕೆ ಮತ್ತು ರಕ್ಷಣೆಯ ಅಗತ್ಯವಿರುವ ಪೇಂಟ್ ಮೇಲ್ಮೈಗಳಿಗೆ ಸಮಸ್ಯೆಗಳನ್ನು ತಂದೊಡ್ಡುತ್ತದೆ. ಮತ್ತಷ್ಟು ತಿಳಿದುಕೊಳ್ಳಲು ನೀವು ಬಯಸಿದರೆ, ಅದನ್ನು ಸರಿಪಡಿಸುವ ವಿಧಾನಗಳೂ ಸೇರಿದಂತೆ ಪೇಂಟ್ ಹುಡಿ ಕುರಿತು ಇನ್ನಷ್ಟು ಓದಲು ಕೆಳಗೆ ಸ್ಕ್ರಾಲ್ ಮಾಡಿ.
ಬಣ್ಣದ ಹುಡಿಯು ಮನೆಮಾಲೀಕರು ಹಾಗೂ ವೃತ್ತಿಪರ ಪೇಂಟರ್ಗಳನ್ನು ನಿರಾಶೆಗೊಳಿಸುವ ಮತ್ತು ಹೇವರಿಕೆ ಬರಿಸುವ ಸಮಸ್ಯೆಯಾಗಿದೆ. ಆರಂಭದಲ್ಲಿಯೇ ಪೇಂಟ್ ಹುಡಿಯು ಯಾಕೆ ಉಂಟಾಗಬಹುದು ಎಂಬುದನ್ನು ಹತ್ತಿರದಿಂದ ನೋಡೋಣ.
ದಿನಕಳೆದಂತೆ ಪೇಂಟ್ ಮೇಲೆ ಸೂರ್ಯನ ಬಿಸಿಲು ಬೀಳುವುದು, ಶಾಖಕ್ಕೆ ತುತ್ತಾಗುವುದು ಮತ್ತು ಅದು ತೇವಾಂಶಕ್ಕೆ ಒಳಗಾದಾಗ ಪೇಂಟ್ ಹುಡಿ ಉಂಟಾಗಬಹುದು. ಇದು ಪೇಂಟ್ ಮೇಲ್ಮೈಯು ಪುಡಿಯಾಗಲು ಕಾರಣವಾಗಬಹುದು, ಅದರ ಪರಿಣಾಮವಾಗಿ ಮೇಲ್ಮೈಯಲ್ಲಿ ಪುಡಿ ಅಥವಾ ಹುಡಿಯ ಶೇಷವು ಉಂಟಾಗುತ್ತದೆ.
ಹವಾಮಾನ ಮತ್ತು ಯುವಿ ಕಿರಣಗಳನ್ನು ತಡೆದುಕೊಳ್ಳಲು ಸೂಕ್ತವಾದ ಸಂಯೋಜಕಗಳನ್ನು ಹೊಂದಿರದ ಕಡಿಮೆ-ಗುಣಮಟ್ಟದ ಪೇಂಟ್ ಅನ್ನು ಬಳಸುವುದು ಕೂಡ ಪೇಂಟ್ ಹುಡಿ ಉಂಟಾಗುವಂತೆ ಮಾಡುತ್ತದೆ.
ಪೇಂಟ್ ಮಾಡುವ ಮೊದಲು ಗೋಡೆಯ ಮೇಲ್ಮೈಯನ್ನು ಚೆನ್ನಾಗಿ ಸ್ವಚ್ಛಗೊಳಿಸದಿದ್ದರೆ, ಪ್ರೈಮರ್ ಹಚ್ಚಿರದಿದ್ದರೆ ಅಥವಾ ಸಿದ್ಧಗೊಳಿಸದೇ ಪೇಂಟ್ ಹಚ್ಚುವುದು ಪೇಂಟ್ ಹುಡಿಗೆ ಕಾರಣವಾಗುತ್ತವೆ. ಮೇಲ್ಮೈಯಲ್ಲಿರುವ ಯಾವುದೇ ಕೊಳಕು, ಧೂಳು ಅಥವಾ ಇತರ ಮಾಲಿನ್ಯಕಾರಕಗಳು ಪೇಂಟ್ ಸರಿಯಾಗಿ ಹತ್ತಿಕೊಳ್ಳದಂತೆ ತಡೆಯುತ್ತವೆ.
ಒಂದು ಕೋಟ್ ಹಚ್ಚಿದ ನಂತರ ಅದು ಒಣಗಲು ಬಿಡದಂತೆ ಮತ್ತೊಂದು ಕೋಟ್ ಹಚ್ಚುವುದು ಅಥವಾ ತಯಾರಕರ ಸೂಚನೆಗಳನ್ನು ಅನುಸರಿಸದೆ ಪೇಂಟ್ ಅನ್ನು ತಪ್ಪಾಗಿ ಹಚ್ಚುವುದು ಕೂಡ ಪೇಂಟ್ ಹುಡಿ ಆಗುವಂತೆ ಮಾಡುತ್ತದೆ.
ಪೇಂಟ್ ಹುಡಿಯನ್ನು ಸರಿಪಡಿಸಲು, ನೀವು ಪುಡಿಯ ಶೇಷವನ್ನು ತೆಗೆದುಹಾಕಬೇಕು ಮತ್ತು ಮೇಲ್ಮೈಯನ್ನು ಸ್ವಚ್ಛ, ನಯವಾಗಿಸಿಕೊಂಡು ಮತ್ತೆ ಪೇಂಟ್ ಹಚ್ಚಬೇಕು. ಅನುಸರಿಸಬೇಕಾದ ಹಂತಗಳು ಇಲ್ಲಿವೆ:
ಮೇಲ್ಮೈಯಿಂದ ಎಲ್ಲಾ ಸಡಿಲವಾದ ಮತ್ತು ಪುಡಿಯ ವಸ್ತುಗಳನ್ನು ತೆಗೆದುಹಾಕಲು ಪ್ರೆಶರ್ ವಾಷರ್, ಸ್ಕ್ರಬ್ ಬ್ರಷ್ ಅಥವಾ ಮತ್ಯಾವುದೇ ಶುಚಿಗೊಳಿಸುವ ವಿಧಾನವನ್ನು ಬಳಸಿ. ಹೊಲಸಾಗಿರುವ ಪ್ರದೇಶಗಳಿಗೆ, ಪೇಂಟ್ ಹುಡಿಯ ಶೇಷವನ್ನು ತೆಗೆದುಹಾಕಲು ನೀವು ಪೇಂಟ್ ಸ್ಕ್ರಾಪರ್ ಅಥವಾ ಸ್ಯಾಂಡ್ ಪೇಪರ್ ಅನ್ನು ಬಳಸಬೇಕಾಗುತ್ತದೆ.
ಸ್ವಚ್ಛಗೊಳಿಸಿದ ನಂತರ, ಮುಂದಿನ ಹಂತಕ್ಕೆ ಮುಂದುವರಿಯುವ ಮೊದಲು ಮೇಲ್ಮೈ ಸಂಪೂರ್ಣ ಒಣಗಲು ಅವಕಾಶ ಮಾಡಿಕೊಡಿ. ಉಷ್ಣಾಂಶ ಹಾಗೂ ತೇವಾಂಶವನ್ನು ಅವಲಂಬಿಸಿ ಇದಕ್ಕೆ ಹಲವು ಗಂಟೆಗಳು ಬೇಕಾಗಬಹುದು.
ಸುಣ್ಣ ಹಚ್ಚಿದ ಬಳಿಕ ಮೇಲ್ಮೈಗಳಿಗೆ ನಿರ್ದಿಷ್ಟವಾಗಿ ವಿನ್ಯಾಸಗೊಳಿಸಲಾದ ಗುಣಮಟ್ಟದ ಪ್ರೈಮರ್ ಹಚ್ಚಿರಿ. ಇದು ಮೇಲ್ಮೈ ಕಾಣದಂತೆ ಮುಚ್ಚಲು ಸಹಾಯ ಮಾಡುವುದರೊಂದಿಗೆ ಹೊಸದಾಗಿ ಹಚ್ಚುವ ಬಣ್ಣಕ್ಕೆ ಅಗತ್ಯವಾದ ಬೇಸ್ ಅನ್ನು ಒದಗಿಸುತ್ತದೆ.
ಪ್ರೈಮರ್ ಒಣಗಿದ ನಂತರ, ಮೇಲ್ಮೈ ಹಾಗೂ ಪರಿಸರಕ್ಕೆ ಹೊಂದಿಕೊಳ್ಳುವಂತಹ ಉನ್ನತ ಗುಣಮಟ್ಟದ ಪೇಂಟ್ ಟಾಪ್ಕೋಟ್ ಅನ್ನು ಹಚ್ಚಿರಿ. ಹಚ್ಚಿದ ಬಳಿಕ ಎಷ್ಟು ಸಮಯ ಒಣಗಿಸಬೇಕು ಎಂಬುದಕ್ಕಾಗಿ ತಯಾರಕರು ಕೊಟ್ಟಿರುವ ಸೂಚನೆಗಳನ್ನು ಮರೆಯದೇ ಅನುಸರಿಸಿ.
ಭವಿಷ್ಯದಲ್ಲಿ ಪೇಂಟ್ ಹುಡಿ ಉಂಟಾಗದಂತೆ ತಡೆಯಲು, ಪೇಂಟ್ ಮಾಡಿದ ಮೇಲ್ಮೈಯನ್ನು ಸರಿಯಾಗಿ ನಿರ್ವಹಿಸುವುದನ್ನು ಖಚಿತಪಡಿಸಿಕೊಳ್ಳಿ. ಇದು ಆಗಾಗ ಶುಚಿಗೊಳಿಸುವುದು, ಆವರ್ತಕ ತಪಾಸಣೆ ಮತ್ತು ಅಗತ್ಯವಿರುವಂತೆ ಸುಧಾರಣೆಗೊಳಿಸುವುದನ್ನು ಪೇಂಟಿಂಗ್ ಒಳಗೊಂಡಿರುತ್ತದೆ. ಕೆಲವು ಸಂದರ್ಭಗಳಲ್ಲಿ, ಈ ವಿಧಾನಗಳನ್ನು ಉಪಯೋಗಿಸಿ ಸರಿಪಡಿಸಲು ಆಗದಷ್ಟು ಪೇಂಟ್ ಹುಡಿ ಬಹಳಷ್ಟು ಹೆಚ್ಚಾಗಿರಬಹುದು. ಆಗ ಸಂಪೂರ್ಣ ಮೇಲ್ಮೈಗೆ ಮತ್ತೆ ಪೇಂಟ್ ಮಾಡಬೇಕಾಗುತ್ತದೆ ಎಂಬುದು ಗಮನಿಸಬೇಕಾದ ವಿಷಯವಾಗಿದೆ. ಈ ಸಂದರ್ಭದಲ್ಲಿ, ಗುಣಮಟ್ಟದ, ದೀರ್ಘಕಾಲ ಬಾಳಿಕೆಯ ಖಚಿತಪಡಿಸುವ ವೃತ್ತಿಪರ ಪೇಂಟಿಂಗ್ ಕಾಂಟ್ರಾಕ್ಟರ್ಗಳನ್ನು ನೇಮಿಸಿಕೊಳ್ಳುವುದು ಉತ್ತಮ.
ಪೇಂಟ್ ಮಾಡಿರುವ ಮೇಲ್ಮೈಗೆ ಪೇಂಟ್ ಹುಡಿ ಆಗದಂತೆ ತಡೆಯಲು ತೆಗೆದುಕೊಳ್ಳಬೇಕಾದ ಕ್ರಮಗಳ ಹಂತಗಳು ಇಲ್ಲಿವೆ:
ಉತ್ತಮ-ಗುಣಮಟ್ಟದ ಬಣ್ಣವನ್ನು ಬಳಸಿ ಅದನ್ನು ನಿರ್ದಿಷ್ಟವಾಗಿ ಮೇಲ್ಮೈ ಮತ್ತು ಪರಿಸರಕ್ಕಾಗಿ ವಿನ್ಯಾಸಗೊಳಿಸಲಾಗಿದೆ. ಅಗ್ಗದ, ಕಡಿಮೆ-ಗುಣಮಟ್ಟದ ಬಣ್ಣಗಳು ಚಾಕಿಂಗ್ ಮತ್ತು ಇತರ ರೀತಿಯ ಬಣ್ಣದ ವೈಫಲ್ಯಕ್ಕೆ ಹೆಚ್ಚು ಒಳಗಾಗುತ್ತವೆ.
ಪೇಂಟ್ ಮಾಡುವ ಮೊದಲು ಮೇಲ್ಮೈ ಸ್ವಚ್ಛವಾಗಿದೆ, ಒಣಗಿದೆ ಮತ್ತು ಧೂಳು, ಕೊಳಕು ಮತ್ತು ಇತರ ಮಾಲಿನ್ಯಕಾರಕಗಳಿಂದ ಮುಕ್ತವಾಗಿದೆ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಅಗತ್ಯವಿದ್ದರೆ ಜಿಡ್ಡನ್ನು ತೆಗೆಯುವ ಅಥವಾ ಶುಚಿಗೊಳಿಸುವ ಪದಾರ್ಥಗಳನ್ನು ಬಳಸಿ ಸ್ವಚ್ಛಗೊಳಿಸಿ ಮತ್ತು ಪೇಂಟಿಂಗ್ ಮಾಡುವ ಮೊದಲು ಮೇಲ್ಮೈಯನ್ನು ಸಂಪೂರ್ಣವಾಗಿ ಒಣಗಲು ಬಿಡಿ.
ವಿಶೇಷವಾಗಿ ಮೇಲ್ಮೈ ಮತ್ತು ವಾತಾವರಣಕ್ಕಾಗಿ ತಯಾರಿಸಿರುವ ಉತ್ತಮ ಗುಣಮಟ್ಟದ ಪ್ರೈಮರ್ ಅನ್ನು ಬಳಸಿ. ಪ್ರೈಮರ್ ಹಚ್ಚುವುದರಿಂದ ಸರಿಯಾಗಿ ಅಂಟಿಕೊಳ್ಳುವುದನ್ನು ಖಚಿತಪಡಿಸುತ್ತದೆ ಮತ್ತು ಪೇಂಟ್ ಹುಡಿಯಾಗುವುದು ಮತ್ತು ಬೇರೆ ಇತರೇ ಪೇಂಟ್ ಸಮಸ್ಯೆಗಳು ಆಗದಂತೆ ನೋಡಿಕೊಳ್ಳುತ್ತದೆ.
ಹಚ್ಚುವುದು ಮತ್ತು ಒಣಗಿಸುವ ಸಮಯಗಳಿಗಾಗಿ ತಯಾರಕರ ಸೂಚನೆಗಳನ್ನು ಅನುಸರಿಸಬೇಕು. ವಿಪರೀತ ಉಷ್ಣಾಂಶ ಅಥವಾ ಒದ್ದೆಯಾದ ಸಮಯಗಳಲ್ಲಿ ಪೇಂಟ್ ಮಾಡಬೇಡಿ. ಏಕೆಂದರೆ ಇದು ಪೇಂಟ್ ಪದರಿನ ಗುಣಮಟ್ಟ ಮತ್ತು ಬಾಳಿಕೆ ಮೇಲೆ ಪರಿಣಾಮ ಬೀರಬಹುದು.
ಪೇಂಟ್ ಹುಡಿಯಾಗುತ್ತಿರುವ, ಫೇಡ್ ಆಗುತ್ತಿರುವ ಅಥವಾ ಇತರ ದೋಷಗಳ ಲಕ್ಷಣಗಳಿವೆ ಎಂದು ಪೇಂಟ್ ಮಾಡಿರುವ ಮೇಲ್ಮೈಯನ್ನು ಆಗಾಗ ಪರೀಕ್ಷಿಸಿ. ಆಗಾಗ ಮೇಲ್ಮೈಯನ್ನು ಸ್ವಚ್ಛಗೊಳಿಸಿ ಮತ್ತು ಸವೆತ ಅಥವಾ ಹಾನಿಯ ಲಕ್ಷಣಗಳನ್ನು ಕಂಡುಬರುವ ಪ್ರದೇಶಗಳನ್ನು ಸರಿಪಡಿಸಿ.
ನಿರ್ದಿಷ್ಟವಾಗಿ ಮೇಲ್ಮೈ ಕಠಿಣ ಪರಿಸರಕ್ಕೆ ಒಡ್ಡಿಕೊಂಡರೆ
ಕೊನೆಯದಾಗಿ, ಪೇಂಟ್ ಹುಡಿಯು ಪೇಂಟ್ ಮಾಡಿದ ಮೇಲ್ಮೈಗಳಲ್ಲಿ ಸಾಮಾನ್ಯ ಸಮಸ್ಯೆಯಾಗಿರಬಹುದು. ಹಾಗಂತ ಅದನ್ನು ನೀವು ಹಾಗೆ ಬಿಡುವ ವಿಷಯವಲ್ಲ. ಪೇಂಟ್ ಹುಡಿಯಾಗುವದಕ್ಕೆ ಕಾರಣಗಳನ್ನು ತಿಳಿದುಕೊಳ್ಳುವ ಮೂಲಕ, ಅದು ಆಗದಂತೆ ತಡೆಯಲು ನೀವು ಕ್ರಮಗಳನ್ನು ತೆಗೆದುಕೊಳ್ಳಬಹುದು. ಜೊತೆಗೆ ಈಗಾಗಲೇ ಪೇಂಟ್ ಹುಡಿಯಾಗಿದ್ದರೆ, ಆಗಿರುವ ಹಾನಿಯನ್ನು ಸರಿಪಡಿಸಲು ನೀವು ಕ್ರಮ ತೆಗೆದುಕೊಳ್ಳಬೇಕು. ನೀವು ಮನೆಮಾಲೀಕರಾಗಿರಲಿ ಅಥವಾ ವೃತ್ತಿಪರ ಪೇಂಟರ್ ಆಗಿರಲಿ, ಸರಿಯಾದ ಮೇಲ್ಮೈ ತಯಾರಿಕೆಯ ತಂತ್ರಗಳನ್ನು ಅನುಸರಿಸಬೇಕು. ಉತ್ತಮ ಗುಣಮಟ್ಟದ ಪೇಂಟ್ ಅನ್ನು ಬಳಸುವುದು ಮತ್ತು ಪೇಂಟ್ ಹೊರಪದರನ್ನು ಕಠಿಣ ಪರಿಸರ ಪರಿಸ್ಥಿತಿಗಳಿಂದ ರಕ್ಷಿಸುವುದು ಪೇಂಟ್ ಹುಡಿ ಆಗುವುದನ್ನು ಬಹಳ ಕಾಲ ಪಡೆಯುತ್ತದೆ. ಮತ್ತು ಪೇಂಟ್ ಹುಡಿಯಾಗಿರುವುದನ್ನು ನೀವು ಗಮನಿಸಿದರೆ, ಅದನ್ನು ತ್ವರಿತವಾಗಿ ಪರಿಹರಿಸುವುದು ನಿಮ್ಮ ಪೇಂಟ್ನ ಸೌಂದರ್ಯ ಮತ್ತು ದೀರ್ಘಾಯುಷ್ಯವನ್ನು ಸಂರಕ್ಷಿಸಲು ಸಹಾಯ ಮಾಡುತ್ತದೆ.
