Share:
• பெயிண்ட் சாக்கிங் என்பது பொதுவான குறையாகும். பெயிண்ட் ஃபிலிம் தரமின்மை அடைவதன் விளைவாக, பெயிண்டின் மேற்பரப்பு தூசி போல பவுடராக மாறுகிறது.
• வானிலை மாற்றங்கள் மற்றும் யுவி ஒளி கதிர்கள், குறைந்த தரமுடைய பெயிண்ட், சரியான மேற்பரப்பு இல்லாதது, தவறான பெயிண்ட் பயன்பாடு போன்றவை பெயிண்ட் சாக்கிங்கிற்கு காரணமாகின்றன.
• பெயிண்ட் பவுடராக மாறுவதை புரிந்து கொண்டு, அதை தடுக்க சரியான நிரந்தர பராமரிப்பும் அவசியமாகும். இது பெயிண்ட்டின் தோற்றத்தை பாதுகாக்கும்.
கட்டிடப் பகுதிகளில் சால்க் பவுடரை போன்று சுவரில் பார்த்தால், அந்த பெயிண்ட் பவுடராக மாறுவதை கண்டறியலாம். இது பெயிண்ட் குறைபாடு காரணமாக இருக்கலாம். சுவரின் மேற்பரப்பில் இருக்கும் பெயிண்ட்டுடைய தடிமன் காலப்போக்கில் அழிந்து, பவுடர் போன்று மாறும்.
சூழல் பாதிப்புகள், பருவநிலை மாற்றங்கள், அல்லது யுவி கதிர்வீச்சுகள் போன்ற காரணங்களால் பெயிண்ட் அழிவதற்கு வாய்ப்புகள் உண்டு.. பவுடரை எளிதாக துடைத்து விடலாம். ஆனால் பெயின்ட் பூசப்பட்ட மேற்பரப்புகளுக்கு சிக்கலாக மாறிவிடும். அதனால் நீண்ட கால ஆயுளும் பாதுகாப்பும் இருக்காது . மேலும் தெரிந்து கொள்ள கீழே படிக்கவும், பெயிண்ட் சாக்கிங் பற்றிய விவரங்களும் அதை சரி செய்யும் வழிகளும் கொடுக்கப்பட்டுள்ளன.
வீட்டு உரிமையாளர்களுக்கும் பெயிண்ட் நிபுணர்களுக்கும் பெயிண்ட் சாக்கிங் என்பது பிரச்சனையாகவும் சிக்கல்லாகவும் இருக்கிறது. பெயிண்ட் சாக்கிங் ஏன் ஏற்படுகிறது என்பதையும் அதன் காரணங்களையும் பார்க்கலாம்.
அதிக நேரம் பெயின்ட் மீது சூரியஒளி, வெப்பம், மற்றும் ஈரப்பதம் நேரடியாக விழுந்தால் பெயிண்ட் சாக் பவுடராக மாறிவிடும். இதனால் பெயிண்ட்டின் மேற்பரப்பு அழிந்து, பவுடர் அல்லது சால்க் போன்று ஆகிவிடும்.
பருவநிலை மற்றும் யுவி கதிர்களை எதிர்க்கும் சேர்க்கைப் பொருட்களை குறைத்து தரம் இல்லாத பெயிண்ட்டை பயன்படுத்தினால், பெயிண்ட் சாக்கிங் ஏற்பட வாய்ப்பு உள்ளது.
பெயிண்ட் பூசுவதற்கு முன் மேற்பரப்பை சுத்தம் செய்யாமலோ, ப்ரைம் செய்யாமலோ, அல்லது தயார் செய்யாமலோ இல்லாவிட்டால், பெயிண்ட் பவுடராக மாற வழிவகுக்கும். மேற்பரப்பில் உள்ள ஏதேனும் மண்ணும், தூசியும் மாசுக்களும் பெயிண்ட்டை ஒட்டாமல் தடுக்கக்கூடும்.
பெயிண்ட் பயன்படுத்தும் போது தவறான முறையில் தடவுவது, உதாரணமாக ஒவ்வொரு அடுக்கு பெயிண்ட் இடையில் போதுமான உலர்வுக்கு நேரம் கொடுக்காமல் விடுவது அல்லது உற்பத்தியாளர் வழிகாட்டுதல்களை பின்பற்றாமல் இருப்பது, பெயிண்ட் சாக்கிங்கிற்கு காரணமாக இருக்கும்.
பெயிண்ட் சாக்கிங்கை சரி செய்ய, முதலில் அந்த பவுடர் எச்சத்தை நீக்கி, மேற்பரப்பை சுத்தமாகவும் மென்மையாகவும் மாற்ற வேண்டும். பின்பற்ற வேண்டிய வழிகள்:
மேற்பரப்பில் இருக்கும் பெயின்ட் பவுடரை முழுமையாக நீக்க, பிரஷர் வாஷர், ஸ்க்ரப் பிரஷ் அல்லது பிற சுத்தம் செய்யும் முறைகளை பயன்படுத்தவும். கடினமான பகுதிகளில் சாண்ட்பேப்பர் பயன்படுத்தி பவுடர் எச்சங்களை நீக்கவும்.
சுத்தம் செய்த பிறகு அடுத்த கட்டத்திற்கு போகும் முன் மேற்பரப்பை முழுமையாக உலர விட வேண்டும். வெப்பம் மற்றும் ஈரப்பதத்தைப் பொறுத்து இவை உலர பல மணி நேரங்கள் எடுத்துக்கொள்ளலாம்.
உயர் தரமான ப்ரைமரை, பவுடர் பெயிண்ட் கொண்ட மேற்பரப்பிற்கு பயன்படுத்தலாம். இது மேற்பரப்பின் புதிய பெயிண்ட்டுக்கு நிலையான அடித்தளமாக இருக்கும்.
ப்ரைமர் உலர்ந்ததும், மேற்பரப்பிற்க்கு பொருத்தமான உயர்தர பெயிண்ட் டாப்கோட்டை பூசவும். உற்பத்தியாளர் வழங்கிய வழிகாட்டுதலின்படி பூசுவதற்கும் உலர்வதற்கும் சரியான நேரங்களை கவனத்தில் கொள்ளவும்.
பெயிண்ட் செய்யப்பட்ட மேற்பரப்பை முறையாக பராமரிக்கவும். சரியாக சுத்தம் செய்ய வேண்டும். கால அவகாச ஆய்வுகளும் தேவையான இடங்களில் பெயிண்ட் டச்-அப் பும் செய்ய வேண்டும். சில சந்தர்ப்பங்களில், பெயிண்ட் பவுடர் மிகவும் கடுமையாக இருந்தால், முழு மேற்பரப்பையும் மீண்டும் பெயிண்ட் செய்ய வேண்டியிருக்கலாம். இந்த நிலையில்,தரமான, நீண்ட கால உழைப்பை பெற, ஒரு தொழில்முறை பெயிண்டிங் கான்ட்ராக்டரை பணியமர்த்தல் வேண்டும்.
மேற்பரப்பில் ஏற்படும் பெயிண்ட் சாக்கிங் குறைபாடுகளைத் தவிர்க்க, பின்பற்ற வேண்டிய வழிமுறைகள்:
மேற்பரப்புக்காகவும் சுற்றுச்சூழலுக்காகவும் வடிவமைக்கப்பட்ட உயர்தர பெயிண்ட்டை பயன்படுத்தவும். குறைந்த தரம் மற்றும் மலிவான பெயிண்ட்கள், பவுடர் பெயிண்ட்டாகவும் குறைபாடுகளுடைய பெயிண்ட்டாகவும் இருக்கும்.
பெயிண்ட் செய்யும் முன் மேற்பரப்பை தூசி, அழுக்கு மற்றும் மாசுக்களின்றி சுத்தமாகவும் உலர்வாகவும் வைத்திருங்கள். தேவைப்பட்டால், சுத்தம் செய்யும் கருவியை பயன்படுத்தி சுத்தம் செய்து, முழுமையாக உலர வைக்க வேண்டும்.
மேற்பரப்பிற்கும் சூழலுக்கும் பொருத்தமான, உயர்தரமான ப்ரைமரைப் பயன்படுத்தவும். பெயிண்ட் சுவரில் சரியாக ஒட்ட ப்ரைமர் உதவி செய்கிறது. இது பெயிண்ட் சாக்கிங் மற்றும் பெயிண்ட் குறைபாடுகளையும் தடுக்கும்.
பூசும் நேரம் மற்றும் உலர்த்தும் நேரம் பற்றி தெளிவாக அறிய, உற்பத்தியாளர் வழங்கிய வழிகாட்டுதல்களை பின்பற்றவும். அதிக வெப்பத்திலும் ஈரமான சூழலிலும் பெயிண்ட் செய்யாமல் இருக்கவும், ஏனெனில் அது பெயிண்ட் தரம் மற்றும் நீடித்தத்தன்மையை பாதிக்கக்கூடும்.
பெயிண்ட் செய்த மேற்பரப்பில் பெயிண்ட் சாக்கிங் ஏற்படுதல், மங்குதல் அல்லது பிற குறைபாடுகள் இருப்பதற்கான ஆய்வை செய்யவும். மேற்பரப்பை சுத்தம் செய்து, சேதம் ஏற்பட்டுள்ள பகுதிகளை டச்-அப் செய்யவும்.
சுற்றுச்சூழல் கடுமையாக இருந்தால், மேற்பரப்பு நேரடியாக பாதிக்க கூடும், அதனால் பெயிண்ட்டிற்கு மேல இன்னொரு கோட்டிங் கொடுக்க வேண்டும்.
சுருக்கமாகச் சொன்னால், பெயிண்ட் சாக்கிங் என்பது பெயிண்ட் செய்யப்பட்ட மேற்பரப்புகளில் ஏற்படும் பிரச்சினை. பெயிண்ட் சாக்கிங் ஏற்படுவதற்கான காரணங்களைப் புரிந்துகொண்டு, அதைத் தவிர்க்க முன்னெச்சரிக்கைகளை எடுக்கலாம். ஏற்கனவே ஏற்பட்டிருந்தால், சேதத்தை சரிசெய்யவும் முடியும். வீட்டு உரிமையாளரும் தொழில்முறை பெயிண்டரும், சரியாக மேற்பரப்பின் தயாரிப்பு முறைகளை பின்பற்றி, உயர்தரமான பெயிண்டைப் பயன்படுத்தினால் கடுமையான சூழல் பாதிப்புகள் ஏற்பட்டாலும் பெயிண்ட் பவுடர் ஆகாமல் தரமாக இருக்கும். பெயிண்ட் பவுடராக இருப்பதைக் கவனித்தால், அதை உடனடியாக சரிசெய்தால், உங்கள் பெயிண்ட்டின் நீடித்தன்மையை பாதுகாக்க முடியும்.
