Share:
ನಾವು ದಕ್ಷಿಣಾಭಿಮುಖ ಮನೆಗಳಿಗೆ ಅಗತ್ಯವಿರುವ ವಾಸ್ತುವಿನ ಅಂಶಗಳನ್ನು ಚರ್ಚಿಸಿದಾಗಲೆಲ್ಲಾ, ಅದು ಕೇವಲ ನಿಮ್ಮ ಮನೆಯ ಅಭಿಮುಖದ ಬಗ್ಗೆ ಮಾತ್ರವಾಗಿರದೇ ಮನುಷ್ಯನ ಜೀವನ ಮತ್ತು ಪ್ರಕೃತಿಯ ಐದು ಅಂಶಗಳನ್ನು ಒಟ್ಟುಗೂಡಿಸುವ ಒಂದು ವಿಧಾನವಾಗಿರುತ್ತದೆ ಎಂಬುದನ್ನು ನೆನಪಿಟ್ಟುಕೊಳ್ಳಬೇಕು. ದಕ್ಷಿಣಾಭಿಮುಖವಾಗಿರುವ ಮನೆಗೆ ವಾಸ್ತುವಿನ ಅಳವಡಿಕೆಯ ಉದ್ಧೇಶವು ಈ ದಿಕ್ಕಿಗೆ ಸಂಬಂಧಿಸಿದಂತೆ ಸಾಮಾನ್ಯವಾಗಿ ತಪ್ಪಾಗಿ ಅರ್ಥೈಸಲಾದ ನಕಾರಾತ್ಮಕ ಶಕ್ತಿಯನ್ನು ಧನಾತ್ಮಕ ಮತ್ತು ಸಮತೋಲಿತವಾಗಿ ಪರಿವರ್ತಿಸುವುದಾಗಿರುತ್ತದೆ. ಪ್ರತಿಯೊಂದು ದಿಕ್ಸೂಚಿ ದಿಕ್ಕು ಸಹ ವಿಶಿಷ್ಟ ಗುಣಗಳನ್ನು ಹೊಂದಿದೆ ಎಂಬುದನ್ನು ಅರಿತುಕೊಂಡು, ಅದನ್ನು ಸರಿಯಾಗಿ ಬಳಸಿಕೊಂಡಾಗ, ದಕ್ಷಿಣಾಭಿಮುಖ ಮನೆಯೂ ಸೇರಿದಂತೆ ಯಾವುದೇ ಮನೆಗೆ ಸಮೃದ್ಧಿ ಮತ್ತು ಸಂತೋಷವನ್ನು ತರಬಹುದು ಎಂಬುದನ್ನು ತಿಳಿಯುವುದು ಮುಖ್ಯವಾಗಿರುತ್ತದೆ.
ದಕ್ಷಿಣ ದಿಕ್ಕು ಹಿಂದೂ ಪುರಾಣಗಳಲ್ಲಿ ಸಾವನ್ನು ಪ್ರತಿನಿಧಿಸುವ ದೇವತೆಯಾದ ಯಮನಿಗೆ ಸೇರಿದೆ. ಈ ಅಂಶದ ಕಾರಣದಿಂದಾಗಿ, ದಕ್ಷಿಣಾಭಿಮುಖ ಮನೆಗಳು ನಕಾರಾತ್ಮಕ ಶಕ್ತಿಯನ್ನು ಆಹ್ವಾನಿಸುತ್ತವೆ ಎಂಬ ದುರದೃಷ್ಟಕರ ನಂಬಿಕೆ ಚಾಲ್ತಿಗೆ ಬರಲು ಕಾರಣವಾಗಿದೆ. ಈ ಪರಿಕಲ್ಪನೆಯು ಹೆಚ್ಚಾಗಿ ಜನರನ್ನು ಎಚ್ಚರವಹಿಸುವಂತೆ ಮಾಡುತ್ತದೆ. ಆದರೆ, ಸರಿಯಾಗಿ ನೋಡಿದರೆ, ದಕ್ಷಿಣಾಭಿಮುಖ ಮನೆಯ ವಾಸ್ತುವಿನ ಮೂಲಕ, ಇತರ ಯಾವುದೇ ದಿಕ್ಕಿನಂತೆ ದಕ್ಷಿಣ ದಿಕ್ಕು ಸಹ ಸಕಾರಾತ್ಮಕ ಶಕ್ತಿಯ ಮೂಲವನ್ನು ಒದಗಿಸುತ್ತದೆ ಎಂಬುದನ್ನು ನಾವು ತಿಳಿದುಕೊಳ್ಳಬೇಕು.
ವಾಸ್ತು ಶಾಸ್ತ್ರದ ಪ್ರಕಾರ, ದಕ್ಷಿಣಾಭಿಮುಖ ಮನೆಗಳ ಪ್ರವೇಶ ಬಾಗಿಲನ್ನು ಇರಿಸುವಿಕೆಯನ್ನು ಸಾಮಾನ್ಯವಾಗಿ ದಕ್ಷಿಣ ಪ್ರವೇಶ ವಾಸ್ತು ಎಂದು ಕರೆಯಲಾಗುತ್ತದೆ ಹಾಗೂ ಇದು ಒಂದು ನಿರ್ಣಾಯಕ ಅಂಶವಾಗಿದೆ ಏಕೆಂದರೆ ಇದು ನಿಮ್ಮ ಮನೆಯ ಒಳಗೆ ಶಕ್ತಿಯ ತರುವ ಹೆಬ್ಬಾಗಿಲಾಗಿ ಕಾರ್ಯನಿರ್ವಹಿಸುತ್ತದೆ. ಅದನ್ನು ದಕ್ಷಿಣಾಭಿಮುಖ ಗೋಡೆಯ ಬಲಭಾಗದಲ್ಲಿ ಇರಿಸುವ ಮತ್ತು ಅದನ್ನು ಬಲಕ್ಕೆ ಒಳಮುಖವಾಗಿ ತೆರೆದುಕೊಳ್ಳುವಂತೆ ಮಾಡುವ ಮೂಲಕ, ನೀವು ಸಕಾರಾತ್ಮಕ ಮತ್ತು ಪ್ರಯೋಜನಕಾರಿ ಶಕ್ತಿಗಳು ಒಳಕ್ಕೆ ಹರಿದು ಬರಲು ಅವಕಾಶವನ್ನು ನೀಡುತ್ತೀರಿ. ಆ ಮೂಲಕ ಶಾಂತಿ ಮತ್ತು ಸಮೃದ್ಧಿಯನ್ನು ನೆಲೆಗೊಳಿಸುತ್ತೀರಿ.
ಅಂಡರ್‌ಗ್ರೌಂಡ್‌ ನೀರಿನ ಟ್ಯಾಂಕ್ ಅಥವಾ ಸ್ಟೋರೇಜ್ ಸಾಮಾನ್ಯವಾಗಿ ನಿಮ್ಮ ಸೈಟ್‌ನ ಈಶಾನ್ಯ ಭಾಗದಲ್ಲಿರಬೇಕು. ವಾಸ್ತುವಿನ ಪ್ರಕಾರ, ನೀರು ಸಂಪತ್ತು ಮತ್ತು ಸಮೃದ್ಧಿಯ ಸಂಕೇತವಾಗಿರುತ್ತದೆ. ಹೀಗಾಗಿ, ಈ ಪ್ರದೇಶದಲ್ಲಿ ನಿಮ್ಮ ನೀರಿನ ಸ್ಟೋರೇಜ್ ಅನ್ನು ನಿರ್ಮಿಸುವುದರಿಂದ ನಿಮ್ಮ ಮನೆಯಲ್ಲಿ ಧನಾತ್ಮಕ, ಸಂಪತ್ತನ್ನು ಆಕರ್ಷಿಸುವಂತಹ ಶಕ್ತಿಯ ಹರಿವನ್ನು ಹೆಚ್ಚಿಸಬಹುದು.
ದಕ್ಷಿಣಾಭಿಮುಖವಾದ ಮನೆ ವಾಸ್ತುವಿನಲ್ಲಿ, ಗೋಡೆಗಳ ದಪ್ಪವೂ ಸಹ ಪ್ರಮುಖ ಪಾತ್ರವನ್ನು ವಹಿಸುತ್ತದೆ. ನಿಮ್ಮ ಮನೆಯ ದಕ್ಷಿಣ ಮತ್ತು ಪಶ್ಚಿಮ ಗೋಡೆಗಳನ್ನು ದಪ್ಪ ಮತ್ತು ಎತ್ತರವಾಗಿ ನಿರ್ಮಿಸುವ ಮೂಲಕ, ನಿಮ್ಮ ಮನೆಯನ್ನು ಯಾವುದೇ ರೀತಿಯ ನಕಾರಾತ್ಮಕ ಶಕ್ತಿಗಳನ್ನು ಯಶಸ್ವಿಯಾಗಿ ತಡೆಗಟ್ಟಬಹುದು. ದಪ್ಪವಾದ ಗೋಡೆಗಳು ಸ್ಟ್ರಕ್ಚರ್‌ಗೆ ಸ್ಥಿರತೆ ಮತ್ತು ಸಾಮರ್ಥ್ಯದ ಅಂಶವನ್ನು ನೀಡುತ್ತವೆ.
ವಾಸ್ತು ಶಾಸ್ತ್ರದ ಪ್ರಕಾರ ದಕ್ಷಿಣಾಭಿಮುಖ ಮನೆಗಳಲ್ಲಿನ ಅಡುಗೆಮನೆಯು ಆಗ್ನೇಯ ಭಾಗದಲ್ಲಿರಬೇಕು. ಬೆಂಕಿ ಇಲ್ಲಿ ಪ್ರಧಾನ ಅಂಶವಾಗಿರುತ್ತದೆ ಮತ್ತು ಅಡುಗೆಮನೆಯನ್ನು ಈ ದಿಕ್ಕಿನಲ್ಲಿ ನಿರ್ಮಿಸುವುದು ಎಂದರೆ ಈ ಬೆಂಕಿ ಅಂಶವನ್ನು ಬುದ್ಧಿವಂತಿಕೆಯಿಂದ ಬಳಸುವುದಾಗಿರುತ್ತದೆ. ಇದು ನಿಮ್ಮ ಮನೆಯ ವಾಸಿಸುವವರ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಹೆಚ್ಚಿನ ಶಕ್ತಿಯನ್ನು ನೀಡುತ್ತದೆ.
ಮಾಸ್ಟರ್ ಬೆಡ್ ರೂಮ್ ನೈಋತ್ಯ ದಿಕ್ಕಿನಲ್ಲಿರಬೇಕು, ಏಕೆಂದರೆ ಈ ದಿಕ್ಕು ಸ್ಥಿರತೆಯನ್ನು ನೀಡುತ್ತದೆ ಮತ್ತು ನೆಮ್ಮದಿಯ ನಿದ್ರೆಯನ್ನು ಉತ್ತೇಜಿಸುತ್ತದೆ. ಇದು ಸಂಬಂಧಗಳನ್ನು ಬಲಪಡಿಸುತ್ತದೆ ಮತ್ತು ಸಾಮರಸ್ಯವನ್ನು ಉಂಟು ಮಾಡಲು ನೆರವಾಗುತ್ತದೆ ಎಂದು ನಂಬಲಾಗಿದೆ. ಆದರೆ, ಬೆಡ್ ರೂಂಗಳನ್ನು ಎಂದಿಗೂ ಈಶಾನ್ಯದಲ್ಲಿ ನಿರ್ಮಿಸಬಾರದು. ಏಕೆಂದರೆ ಇದು ದಕ್ಷಿಣಾಭಿಮುಖ ಮನೆ ವಾಸ್ತುವಿನ ಪ್ರಕಾರ ಅಶಾಂತಿ ಮತ್ತು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು.
ಆಗ್ನೇಯಕ್ಕೆ ಮುಖ ಮಾಡಿರುವ ಮನೆಗಳು ಅಪಶಕುನವನ್ನು ಮತ್ತು ದುರದೃಷ್ಟವನ್ನು ತರುತ್ತವೆ ಎಂಬುದು ಸಾಮಾನ್ಯ ತಪ್ಪು ಕಲ್ಪನೆ. ವಾಸ್ತವವಾಗಿ, ಪ್ರವೇಶ ಬಾಗಿಲನ್ನು ಸರಿಯಾದ ಸ್ಥಾನದಲ್ಲಿ ಹೊಂದಿರುವಂತಹ ದಕ್ಷಿಣಾಭಿಮುಖ ಮನೆಯ ವಾಸ್ತು ತತ್ವಗಳೊಂದಿಗೆ ಸರಿಯಾಗಿ ಹೊಂದಿಕೆಯಾದಾಗ, ಈ ಮನೆಗಳು ಇತರೆ ದಿಕ್ಕಿಗೆ ಮುಖ ಮಾಡಿರುವ ಮನೆಗಳಂತೆ ಸಾಮರಸ್ಯ ಮತ್ತು ಸಮೃದ್ಧಿಯನ್ನು ಹೊಂದಿರುತ್ತವೆ.
ಇನ್ನೊಂದು ತಪ್ಪುಕಲ್ಪನೆಯ ಪ್ರಕಾರ ಆಗ್ನೇಯಕ್ಕೆ ಮುಖ ಮಾಡಿರುವ ಮನೆಯಲ್ಲಿ ಮನೆಯಲ್ಲಿ ವಾಸಿಸುವವರಿಗೆ ಆರ್ಥಿಕ ಅಸ್ಥಿರತೆ ಮತ್ತು ನಷ್ಟ ಉಂಟಾಗುತ್ತದೆ ಎಂಬುದನ್ನು ಸೂಚಿಸುತ್ತದೆ. ಆದರೆ, ಹಣಕಾಸಿನ ಫಲಿತಾಂಶಗಳು ಸಾಮಾನ್ಯವಾಗಿ ಅಲ್ಲಿ ವಾಸಿಸುವ ವ್ಯಕ್ತಿಯು ಮಾಡುವ ಕೆಲಸ ಮತ್ತು ದಕ್ಷಿಣಾಭಿಮುಖ ಮನೆಯ ತತ್ವಗಳಿಗೆ ಅನುಸಾರವಾಗಿ ವಾಸ್ತು ಶಾಸ್ತ್ರವನ್ನು ಪಾಲಿಸುವ ಒಟ್ಟಾರೆ ಸಾಮರ್ಥ್ಯಕ್ಕೆ ಹೆಚ್ಚು ನಿಕಟ ಸಂಬಂಧವನ್ನು ಹೊಂದಿರುತ್ತದೆಯೇ ಹೊರತು ಆ ಮನೆಯ ದಿಕ್ಕಿಗೆ ಸಂಬಂಧಿಸಿರುವುದಿಲ್ಲ.
ಆಗ್ನೇಯಕ್ಕೆ ಮುಖ ಮಾಡಿರುವ ಮನೆಯಲ್ಲಿ ವಾಸಿಸುವರು ಹೆಚ್ಚಿನ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಾರೆ ಎಂಬ ನಂಬಿಕೆ ತಪ್ಪು ತಿಳುವಳಿಕೆಯಾಗಿದೆ. ಆರೋಗ್ಯವು ವಿವಿಧ ಅಂಶಗಳ ಮೇಲೆ ಅವಲಂಬಿತವಾಗಿರುತ್ತದೆ ಮತ್ತು ಈ ದಿಕ್ಕಿನಲ್ಲಿ ಅಗ್ನಿಯ ಅಂಶವು ಪ್ರಬಲವಾಗಿದ್ದರೂ ಸಹ ಸರಿಯಾದ ದಕ್ಷಿಣಾಭಿಮುಖ ವಾಸ್ತು ಹೊಂದಾಣಿಕೆಗಳ ಮೂಲಕ ಐದು ಅಂಶಗಳನ್ನು ಸಮತೋಲನಗೊಳಿಸುವ ಮೂಲಕ ಆರೋಗ್ಯಕರ ಜೀವನ ವಾತಾವರಣವನ್ನು ನಿರ್ಮಿಸಬಹುದು.
ನೆನಪಿಡಿ: ಈ ಪ್ರತಿಯೊಂದು ತಪ್ಪುಕಲ್ಪನೆಗಳೂ ಸಹ ವಾಸ್ತುವಿನ ಬಗ್ಗೆ ಜನರಿಗೆ ಇರುವ ತಿಳುವಳಿಕೆಯ ಕೊರತೆಯಿಂದಾಗಿ ಹುಟ್ಟಿಕೊಂಡಿವೆ. ವಾಸ್ತು ತಜ್ಞರೊಂದಿಗೆ ಸಮಾಲೋಚನೆ ನಡೆಸುವ ಮೂಲಕ ಸರಿಯಾದ ದಕ್ಷಿಣಾಭಿಮುಖ ವಾಸ್ತು ಯೋಜನೆಯನ್ನು ಅಭಿವೃದ್ಧಿಪಡಿಸುವುದರಿಂದ ನೀವು ನಿಮ್ಮ ಮನೆಗೆ ಸರಿಯಾದ ವಾಸ್ತು ತತ್ವಗಳನ್ನು ಅನುಸರಿಸಿದಲ್ಲಿ ನಿಮ್ಮ ಮನೆಯನ್ನು ಸಂತೋಷ ಮತ್ತು ಸಮೃದ್ಧಿಯ ಮೂಲವಾಗಿ ಪರಿವರ್ತಿಸಬಹುದು.
ನೀವು ಪ್ರಮಾಣಿತ ವಾಸ್ತುವಿಗೆ ಅನುಗುಣವಾಗಿ ಮನೆ ನಿರ್ಮಾಣ ಮಾಡುತ್ತಿದ್ದೀರೋ ಅಥವಾ ನಿರ್ದಿಷ್ಟವಾಗಿ ದಕ್ಷಿಣಾಭಿಮುಖ ಮನೆಯ ವಾಸ್ತು ಯೋಜನೆ 30x40 ಅನ್ನು ಅನುಸರಿಸುತ್ತಿದ್ದರೂ, ನೀವು ಏನನ್ನು ತಪ್ಪಿಸಬೇಕು ಎಂಬುದರ ಬಗ್ಗೆ ಗಮನ ಹರಿಸುವುದು ಕೂಡಾ ನೀವು ಏನು ಮಾಡಬೇಕು ಎಂಬುದನ್ನು ಅನುಸರಿಸುವಷ್ಟೇ ಮುಖ್ಯವಾಗಿರುತ್ತದೆ.
ಪ್ರವೇಶ ದ್ವಾರವು ತೀರಾ ನೈಋತ್ಯ ದಿಕ್ಕಿನಲ್ಲಿರಬಾರದು ಏಕೆಂದರೆ ಇದು ನಕಾರಾತ್ಮಕ ಶಕ್ತಿಯನ್ನು ಆಹ್ವಾನಿಸುತ್ತದೆ.
ದಕ್ಷಿಣದಲ್ಲಿ ಈಜುಕೊಳ ಅಥವಾ ನೀರಿನ ಟ್ಯಾಂಕ್ ಅನ್ನು ನಿರ್ಮಿಸುವುದರಿಂದ ಶಕ್ತಿಯ ಸಮತೋಲನದ ಮೇಲೆ ತೊಂದರೆಯಾಗಬಹುದು. ಇದು ಆರ್ಥಿಕ ಅಥವಾ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ದಕ್ಷಿಣಾಭಿಮುಖ ಮನೆಯ ಮುಂದೆ ನೇರವಾಗಿ ದೊಡ್ಡ ಮರಗಳು ಇದ್ದಲ್ಲಿ ಅವು ಸಕಾರಾತ್ಮಕ ಶಕ್ತಿಗಳು ಮನೆಗೆ ಪ್ರವೇಶಿಸುವುದನ್ನು ತಡೆಯುತ್ತದೆ.
ನಿಮ್ಮ ಮನೆಯ ದಕ್ಷಿಣ ದಿಕ್ಕಿಗೆ ತಡೆಯವಂತಹ ವಸ್ತುಗಳು ಇದ್ದಲ್ಲಿ ಅದು ಸಕಾರಾತ್ಮಕ ಶಕ್ತಿಯ ಹರಿವನ್ನು ತಡೆಯಬಹುದು ಮತ್ತು ಮನೆಯಲ್ಲಿ ವಾಸಿಸುವವರಿಗೆ ಅಶಾಂತಿ ಉಂಟಾಗಲು ಕಾರಣವಾಗಬಹುದು.
ಬೆಡ್ ರೂಂಗಳು ಆಗ್ನೇಯ ದಿಕ್ಕಿನಲ್ಲಿದ್ದರೆ ಆ ದಿಕ್ಕಿನಲ್ಲಿರುವ ಪ್ರಬಲವಾದ ಅಗ್ನಿಯ ಅಂಶಗಳಿಂದಾಗಿ ಮನೆಯಲ್ಲಿ ವಾಸಿಸುವರಲ್ಲಿ ಪರಸ್ಪರ ಸಂಘರ್ಷಗಳು ಮತ್ತು ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಬೆಡ್ ರೂಂಗಳು ನೈಋತ್ಯ ದಿಕ್ಕಿಗೆ ಇದ್ದರೆ ಹೆಚ್ಚು ಸೂಕ್ತ.
ದಕ್ಷಿಣಾಭಿಮುಖ ಮನೆಗಳು ಅನೇಕ ತಪ್ಪು ಕಲ್ಪನೆಗಳು ಮತ್ತು ಆಧಾರರಹಿತ ವಿಚಾರಗಳಿಗೆ ಬಲಿಯಾಗಿವೆ. ದಕ್ಷಿಣಾಭಿಮುಖವಾದ ಮನೆಯನ್ನು ವಾಸ್ತು ತತ್ವಗಳಿಗೆ ಅನುಗುಣವಾಗಿ ನಿರ್ಮಾಣ ಮಾಡಿದಲ್ಲಿ ಅದು ಸಾಮರಸ್ಯ ಮತ್ತು ಸಮತೋಲನವನ್ನು ಹೊಂದಬಲ್ಲದು ಎಂಬುದು ನಾವು ತಿಳಿಯಬೇಕಾದ ಪ್ರಮುಖ ಅಂಶವಾಗಿದೆ. ಪ್ರವೇಶ ದ್ವಾರದ ಸ್ಥಾನ, ಅಡುಗೆಮನೆಯ ಸ್ಥಳ, ಅಥವಾ ಬೆಡ್ ರೂಂಗಳು ಇರುವ ದಿಕ್ಕು ಆಗಿರಲಿ, ಪ್ರತಿಯೊಂದನ್ನೂ ಸಹ ಸರಿಯಾಗಿ ನಿರ್ಮಿಸಿದಲ್ಲಿ ಹಾಗೂ ದಕ್ಷಿಣಾಭಿಮುಖ ಮನೆಗಳಲ್ಲಿ ವಾಸ್ತು ಶಾಸ್ತ್ರವನ್ನು ಅನುಸರಿಸಿದರೆ ಆ ಮನೆಯಲ್ಲಿ ಧನಾತ್ಮಕ ಶಕ್ತಿ ಮತ್ತು ಸಮೃದ್ಧಿಯು ನೆಲೆಸಬಲ್ಲದು
