Share:
ಇಟ್ಟಿಗೆ ಬಂಧವೆಂದರೆ ಗೋಡೆ, ನೆಲ ಅಥವಾ ಮಾರ್ಗಗಳು ಮೊದಲಾದ ರಚನೆಗಳಲ್ಲಿಇಟ್ಟಿಗೆಗಳನ್ನು ಜೋಡಿಸುವ ರೀತಿ ಇಟ್ಟಿಗೆಗಳನ್ನು ಅವುಗಳ ಪಾರ್ಶ್ವದ ಮೇಲೆ ಇಡಬಹುದು, ಸಪಾಟಾಗಿ ಇಡಬಹುದು ಅಥವಾ ನೆಟ್ಟಗೆ ಸಾಲಾಗಿ ನಿಲ್ಲಿಸಬಹುದು. ಸರಳವಾಗಿ ಹೇಳಬೇಕೆಂದರೆ ಇಟ್ಟಿಗೆ ಬಂಧವೆಂದರೆ ಇಟ್ಟಿಗೆಗಳಿಂದ ಉಂಟಾದ ವಿನ್ಯಾಸ. ಈ ಬಗೆಯ ಅನೇಕ ವಿನ್ಯಾಸಗಳಿದ್ದು ಪ್ರತಿಯೊಂದೂ ವಿಭಿನ್ನವಾಗಿದೆ ಮತ್ತು ಗೋಡೆಯ ನಿರ್ಮಾಣದಲ್ಲಿ ತಮ್ಮದೇ ಆದ ಅನುಕೂಲತೆಯನ್ನು ಹೊಂದಿವೆ.
ಈ ವಿಭಿನ್ನ ಬಗೆಯ ಇಟ್ಟಿಗೆ ಬಂಧಗಳು ಕೆಲವು ಅಗತ್ಯ ಕಾರ್ಯಗಳನ್ನು ನಿರ್ವಹಿಸುತ್ತವೆ.
ಬಹಳಷ್ಟು ಇಟ್ಟಿಗೆ ವಿನ್ಯಾಸಗಳಿದ್ದು, ನಿಮ್ಮ ಅವಶ್ಯಕತೆಗೆ ತಕ್ಕಂತೆ ಒಂದನ್ನು ಆಯ್ದುಕೊಳ್ಳಬಹುದು. ನಿಮ್ಮ ಕಟ್ಟಡಕ್ಕೆ ಹೆಚ್ಚಿನ ಬಲ ಬೇಕೆ? ನಿಮ್ಮ ಗೋಡೆ ಎಷ್ಟು ದಪ್ಪವಾಗಿದೆ? ಕಿಟಕಿಯ ಮೇಲ್ಭಾಗ ಮೊದಲಾದ ವಿಶೇಷ ಭಾಗಗಳ ವಿನ್ಯಾಸ ಮಾಡುತ್ತಿದ್ದೀರಾ? ಯಾವ ಶೈಲಿಯನ್ನು ನೀವು ಬಯಸುತ್ತೀರಿ? ಇಟ್ಟಿಗೆಯ ವಿನ್ಯಾಸವನ್ನು ಆಯ್ದುಕೊಳ್ಳುವಾಗ ಇಟ್ಟಿಗೆಯ ವಿಧ, ಸ್ಥಳೀಯ ನಿರ್ಮಾಣ ಶೈಲಿಗಳು, ಮತ್ತು ಇತರೆ ಅಂಶಗಳು ಗಣನೆಗೆ ಬರುತ್ತವೆ.
ಗೋಡೆಗಳನ್ನು ಬಲಿಷ್ಟ ಮತ್ತು ಸುಂದರಗೊಳಿಸುವ ವಿವಿಧ ಇಟ್ಟಿಗೆ ಬಂಧಗಳ ಮೇಲೆ ಒಮ್ಮೆ ಕಣ್ಣು ಹಾಯಿಸೋಣ.
ಎಲ್ಲ ಬಗೆಯ ಇಟ್ಟಿಗೆ ಬಂಧಗಳಿಗೆ ಮೂಲಾಧಾರವಾಗಿರುವ ಈ ಸರಳ ಮಾದರಿಯಲ್ಲಿ ಇಟ್ಟಿಗೆಗಳನ್ನು ಅಡ್ಡಲಾಗಿ ಇಡಲಾಗುತ್ತದೆ, ಕೇವಲ ಅವುಗಳ ಉದ್ದನೆಯ ಸಪೂರ ಬದಿ ಮಾತ್ರ ಕಾಣುವಂತೆ ಇರುತ್ತದೆ. ಪ್ರತಿ ಸಾಲಿನ ಇಟ್ಟಿಗೆಗಳು ತಮ್ಮ ಕೆಳಗಿನ ಸಾಲಿನ ಇಟ್ಟಿಗೆಯನ್ನು ಅರ್ಧ ಮುಚ್ಚಿರುತ್ತವೆ, ಆದ್ದರಿಂದ ಇದು ಉದ್ಯಾನದ ಗೋಡೆಗಳು ಮತ್ತು ವನೀರ್ ಗೋಡೆಗಳಂತಹ ಅರ್ಧ ಇಟ್ಟಿಗೆ ದಪ್ಪದ ಗೋಡೆಗಳ ನಿರ್ಮಾಣಕ್ಕೆ ಸೂಕ್ತವಾಗಿದೆ.
ಇಟ್ಟಿಗೆ ಬಾಂಡ್‌ಗಳ ವಿಧಗಳಲ್ಲಿ ಹೆಡರ್ ಬಾಂಡ್‌ ಸಹ ಮುಖ್ಯವಾದುದು, ಇದರಲ್ಲಿ ಇಟ್ಟಿಗೆಗಳನ್ನು ಅವುಗಳ ತುದಿ(ಹೆಡರ್) ಹೊರಗಿರುವಂತೆ ಜೋಡಿಸಲಾಗುತ್ತದೆ. ಹೆಚ್ಚು ದಪ್ಪದ ಗೋಡೆಗಳ ನಿರ್ಮಾಣಕ್ಕೆ ಈ ಪದ್ದತಿ ಸೂಕ್ತ. ಇದು ಪೂರ್ಣ ಒಂದು ಇಟ್ಟಿಗೆ ದಪ್ಪದ ಗೋಡೆಯಾಗಿರುವುದರಿಂದ ಸುರಕ್ಷಿತವಾಗಿರುತ್ತದೆ.
ಈ ಸಾಂಪ್ರದಾಯಿಕ ಶೈಲಿಯಲ್ಲಿ ಪ್ರತೀ ಸಾಲಿನಲ್ಲಿ ಪರ್ಯಾಯವಾಗಿ ಹೆಡರ್ ಮತ್ತು ಸ್ಟ್ರೆಚರ್ ವಿನ್ಯಾಸಗಳನ್ನುಬಳಸಲಾಗುತ್ತದೆ, ಇದರಿಂದ ಈ ಮಾದರಿಯು ಹೆಚ್ಚು ಅಲಂಕಾರಿಕವಾಗಿ ಕಾಣುತ್ತದೆ. ಈ ಬಗೆಯ ಪರ್ಯಾಯ ಮಾದರಿಗಳ ಕಟ್ಟುವಿಕೆಯು ಹೆಚ್ಚು ಕೌಶಲ್ಯ ಮತ್ತು ಸಮಯವನ್ನು ಬಯಸುತ್ತದೆ, ಆದರೆ ಇದರಿಂದ ಗೋಡೆಯು ಹೆಚ್ಚು ಗಟ್ಟಿ ಮತ್ತು ಸಮತೋಲಿತವಾಗುತ್ತದೆ.
ಇಟ್ಟಿಗೆ ಬಾಂಡ್‌ಗಳ ವಿಧಗಳ ಪೈಕಿ ಇಂಗ್ಲಿಷ್ ಬಾಂಡ್‌ ತನ್ನ ಬಲದಿಂದ ವಿಶಿಷ್ಟವಾಗಿ ನಿಲ್ಲುತ್ತದೆ. ಒಂದು ಸಾಲಿನಲ್ಲಿ ಇಟ್ಟಿಗೆಗಳನ್ನು ಉದ್ದುದ್ದವಾಗಿ(ಸ್ಟ್ರೆಚರ್) ಜೋಡಿಸಿದರೆ, ಇನ್ನೊಂದು ಸಾಲಿನಲ್ಲಿ ಅಡ್ಡಡ್ಡವಾಗಿ(ಹೆಡರ್) ಜೋಡಿಸಲಾಗುತ್ತದೆ. ಈ ಮಾದರಿಯನ್ನು ಹೆಚ್ಚಿನ ಭಾರವನ್ನು ತಡೆಯಬೇಕಾದ ಗೋಡೆಗಳ ನಿರ್ಮಾಣದಲ್ಲಿ ಬಳಸಲಾಗುತ್ತದೆ.
ಲಂಬ ಜೋಡಣೆಗಳು ನೇರ ಸಾಲಿನಲ್ಲಿ ಪೇರಿಸಲ್ಪಡುವಂತೆ ಎಲ್ಲಾ ಇಟ್ಟಿಗೆಗಳನ್ನು ಇರಿಸಲಾಗುತ್ತದೆ. ಈ ಬಗೆಯ ಬಾಂಡ್‌ ಸೌಂದರ್ಯದ ದೃಷ್ಟಿಯಿಂದ ಆಕರ್ಷಕವಾಗಿದ್ದು ಸಾಮಾನ್ಯವಾಗಿ ಹೆಚ್ಚು ಭಾರ ಹೊರದ ಗೋಡೆಗಳಾದ ಹೊರ ಪದರದ ಗೋಡೆ ಅಥವಾ ಹೆಚ್ಚುವರಿ ಆಧಾರವನ್ನು ಹೊಂದಿರುವ ಗೋಡೆಗಳಲ್ಲಿ ಬಳಸಲಾಗುತ್ತದೆ.
ಈ ಕಡಿಮೆ ವೆಚ್ಚದ ಬಾಂಡ್‌ನಲ್ಲಿ ಕಡಿಮೆ ಇಟ್ಟಿಗೆಗಳನ್ನು ಬಳಸಲಾಗುತ್ತದೆ ಮತ್ತು ಇದನ್ನು ಯಾವುದೇ ಕಟ್ಟಡಕ್ಕೆ ಆಧಾರವಾಗಿರದ ಒಂದು ಇಟ್ಟಿಗೆ ದಪ್ಪದ ಗೋಡೆಗಳ ನಿರ್ಮಾಣಕ್ಕೆ ಬಳಸಲಾಗುತ್ತದೆ. ಇದು ಹೆಚ್ಚು ಹೆಡರ್‍ಗಳನ್ನು ಬಳಸಿಕೊಳ್ಳುವುದಿಲ್ಲ, ಅದರಿಂದಾಗಿ ಇದು ದುರ್ಬಲವಾಗಿರುತ್ತದೆ ಆದರೆ ಕಡಿಮೆ ಸಾಮಗ್ರಿಗಳ ಬಳಕೆ ಮಾಡುತ್ತದೆ.
ನೋಡಲು ಆಕರ್ಷಕವಾಗಿರುವ ಈ ಮಾದರಿಯಲ್ಲಿ ಇಟ್ಟಿಗೆಗಳನ್ನು ಜ಼ಿಗ್‍ಜ಼್ಯಾಗ್ ಮಾದರಿಯಲ್ಲಿ ಇರಿಸುವುದರಿಂದ ವಿವಿಧ ಬಗೆಯ ಬಾಂಡ್‌ಗಳ ಪೈಕಿ ಈ ಬಾಂಡ್‌ ಅತ್ಯಂತ ವಿಶಿಷ್ಟವಾಗಿದೆ. ಇದು ನಯನ ಮನೋಹರವಾಗಿದ್ದರೂ ಸಹ ಸಾಮಾನ್ಯವಾಗಿ ಇದನ್ನು ಕಟ್ಟಡದ ಗೋಡೆಗಳಲ್ಲಿ ಬಳಸುವುದಿಲ್ಲ, ಕಾರಣ ಇದರ ಬಲದ ಪರಿಮಿತಿ.
ಈ ವಿಧದಲ್ಲಿ ಇಟ್ಟಿಗೆಗಳನ್ನು ಒಂದು ಕೋನದಲ್ಲಿ ಜೋಡಿಸುವ ಮೂಲಕ ವಿಶಿಷ್ಟ ಕರ್ಣೀಯ ವಿನ್ಯಾಸಗಳನ್ನು ಸೃಷ್ಟಿಸಲಾಗುತ್ತದೆ. ಈ ಮಾದರಿಗಳು ಪೂರ್ಣವಾಗಿ ಅಲಂಕಾರಿಕ ಉದ್ದೇಶ ಹೊಂದಿರುತ್ತವೆ ಅಥವಾ ಗೋಡೆಯ ಸ್ಥಿರತೆಯನ್ನು ವೃದ್ಧಿಸುತ್ತವೆ.
ಇದನ್ನು ಮುಖ್ಯವಾಗಿ ಸ್ಟ್ರೆಚರ್ ಬಾಂಡ್‌ದಂತೆ ಕಾಣುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ, ಆದರೆ ನಡುವೆ ನಿಯಮಿತ ಅಂತರದಲ್ಲಿ ಹೆಡರ್‍ಗಳನ್ನೂ ಸೇರಿಸಲಾಗುತ್ತದೆ.
ಸ್ಕಾಟಿಶ್ ಬಾಂಡ್‌ನಲ್ಲಿ ಹಲವಾರು ಸ್ಟ್ರೆಚರ್‌ಗಳ ಸಾಲುಗಳು ಮತ್ತು ಒಂದು ಹೆಡರ್‌ನ ಸಾಲನ್ನು ಬಳಸಿ ಗಟ್ಟಿಯಾದ ಹಾಗೂ ವಿಶಿಷ್ಟ ಮಾದರಿಯ ಗೋಡೆಯನ್ನು ಕಟ್ಟಲಾಗುತ್ತದೆ. ಅಮೇರಿಕನ್ ಬಾಂಡ್‌ ಕೂಡ ಇದೇ ಥರಹದ್ದಾಗಿದ್ದು ಇದು ಹೆಡರ್ ಕೋರ್ಸ್ ಗಿಂತ ಮೊದಲು ವಿವಿಧ ಸ್ಟ್ರೆಚರ್ ಕೋರ್ಸ್ ಗಳನ್ನು ಆಯಾ ಜಾಗದ ಅಭ್ಯಾಸದಂತೆ ಬಳಸಲಾಗುತ್ತದೆ.
ಇದೊಂದು ಟೊಳ್ಳು ಗೋಡೆಯ ಮಾದರಿಯಾಗಿದ್ದು ಇದರಲ್ಲಿ ಇಟ್ಟಿಗೆಗಳನ್ನು ಅವುಗಳ ತುದಿಯಲ್ಲಿ ಇಡಲಾಗುತ್ತದೆ. ಇದು ಗೋಡೆಯಲ್ಲಿ ರಂಧ್ರಗಳನ್ನು ಸೃಷ್ಟಿಸಿ ಶಾಖ ನಿರೋಧಕವಾಗಿ ಕೆಲಸ ಮಾಡುತ್ತದೆ. ಇದು ಕಡಿಮೆ ಇಟ್ಟಿಗೆಗಳನ್ನು ಬಳಸುವುದಲ್ಲದೇ ಕಡಿಮೆ ವೆಚ್ಚದಲ್ಲಿ ಕಟ್ಟಬಹುದಾಗಿದ್ದು ಆದರೆ ಅದರ ಸಂಕೀರ್ಣತೆಯಿಂದ ನುರಿತ ಕೆಲಸಗಾರರ ಅವಶ್ಯಕತೆ ಇರುತ್ತದೆ.
1. ಪರಸ್ಪರ ಹೊಂದುವಂತಹ ಇಟ್ಟಿಗೆಗಳನ್ನು ಬಳಸಿ. ಎಲ್ಲ ಇಟ್ಟಿಗೆಗಳು ಒಂದೇ ಗಾತ್ರ ಹಾಗೂ ಆಕಾರದ್ದಾಗಿರುವಂತೆ ನೋಡಿಕೊಳ್ಳಿ.
2. ಗಾರೆಯನ್ನು ಸಮನಾಗಿರಿಸಿ. ಇಟ್ಟಿಗೆಗಳ ನಡುವೆ ಸಮನಾದ ದಪ್ಪದ (ಪೆನ್ಸಿಲ್ ನಷ್ಟು ದಪ್ಪ) ಗಾರೆಯನ್ನು ಬಳಸಿ.
3. ಸರಿಯಾದ ಮಾದರಿಯನ್ನು ಆರಿಸಿ: ಗೋಡೆ ಕಟ್ಟಲು ಉತ್ತಮವಾದ ಇಟ್ಟಿಗೆ ಪೇರಿಸುವ ಮಾದರಿಯನ್ನು ಆರಿಸಿ.
4. ಇಟ್ಟಿಗೆಗಳನ್ನು ಓವರ್‌ಲ್ಯಾಪ್ ಮಾಡಿ: ಗೋಡೆಯು ಮೇಲಿನಿಂದ ಕೆಳತನಕ ಇಟ್ಟಿಗೆಯ ನೇರ ರೇಖೆ ಬರದಂತೆ ಓವರ್‌ಲ್ಯಾಪ್ ಮಾಡಿ. ಇದು ಗೋಡೆಯನ್ನು ಬಲಿಷ್ಠವಾಗಿಸುತ್ತದೆ.
5. ಸಂದುಗಳನ್ನು ಸರಿಯಾಗಿ ಮುಚ್ಚಿ: ನೀರು ಒಳಬರದಂತೆ ತಡೆಯಲು ಇಟ್ಟಿಗೆಗಳ ನಡುವಿನ ಅಂತರವನ್ನು ಸಂಪೂರ್ಣವಾಗಿ ಮುಚ್ಚಿ.
6. ಖಾಲಿ ಜಾಗಗಳನ್ನು ಸರಿಯಾಗಿ ಮುಚ್ಚಿ: ಗೋಡೆಯ ತುದಿಯಲ್ಲಿ ಬಾಕಿ ಜಾಗ ಉಳಿದಿದ್ದರೆ ಅದನ್ನು ತುಂಡು ಇಟ್ಟಿಗೆಗಳಿಂದ ಅಥವಾ ಅರ್ಧ ಇಟ್ಟಿಗೆಗಳಿಂದ ಪೂರ್ತಿಗೊಳಿಸಿ.
7. ಸರಿಯಾದ ಪೇಸ್ಟ್ ಮಿಶ್ರಣವನ್ನು ಬಳಸಿ: ಗಾರೆ ಬಹಳ ದಿನ ಬಾಳಲು ಮತ್ತು ಗಟ್ಟಿಯಾಗಿರಲು ಅದನ್ನು ಸರಿಯಾದ ಸಾಮಗ್ರಿಗಳಿಂದ ಯೋಗ್ಯ ರೀತಿಯಲ್ಲಿ ತಯಾರಿಸಿ.
8. ಮೊದಲು ಇಟ್ಟಿಗೆಗಳನ್ನು ತೇವಗೊಳಿಸಿ. ಇಟ್ಟಿಗೆಗಳು ಗಾರೆಯಿಂದ ನೀರನ್ನು ಹೀರಿಕೊಳ್ಳದಿರಲು ಅವನ್ನು ಬಳಸುವ ಮೊದಲು ನೀರಿನಿಂದ ಒದ್ದೆಯಾಗಿಸಿ. ಇದು ಅವು ಸರಿಯಾಗಿ ಅಂಟಿಕೊಳ್ಳಲು ಸಹಾಯ ಮಾಡುತ್ತದೆ.
9. ನೇರ ಮತ್ತು ಮಟ್ಟವಾಗಿರಿಸಿ: ಗೋಡೆ ಕಟ್ಟುವಾಗ ಅದು ನೇರವಾಗಿದೆಯ ಹಾಗೂ ಸಮತಲವಾಗಿದೆಯಾ ಎಂದು ಪರೀಕ್ಷಿಸಿಕೊಳ್ಳಿ.
10. ಸರಿಯಾಗಿ ಒಣಗಿಸಿ: ಗಾರೆ ಗಟ್ಟಿಯಾಗಲು ಹಾಗೂ ಸರಿಯಾಗಿ ಹಿಡಿದುಕೊಳ್ಳಲು ಗೋಡೆ ಸರಿಯಾಗಿ ಒಣಗುವಂತೆ ನೋಡಿಕೊಳ್ಳಿ.
ಸಮರ್ಪಕವಾದ ಇಟ್ಟಿಗೆ ಬಾಂಡ್‌ ಮಾದರಿಯನ್ನು ಆರಿಸುವುದು ಗಟ್ಟಿಯಾದ ನಯನ ಮನೋಹರವಾದ ಕಡಿಮೆ ವೆಚ್ಚದ ಇಟ್ಟಿಗೆ ಕಟ್ಟಡದ ಕೀಲಿಕೈ ಆಗಿದೆ. ಪ್ರತಿಯೊಂದು ಬಾಂಡ್‌ ತನ್ನದೇ ಆದ ವಿಶಿಷ್ಟ ಸೌಂದರ್ಯ ಮತ್ತು ಸ್ಥಿರತೆಯನ್ನು ಹೊಂದಿದೆ, ಆದ್ದರಿಂದ ದೀರ್ಘಬಾಳಿಕೆ ಮತ್ತು ಆಕರ್ಷಕ ಫಲಿತಾಂಶವನ್ನು ಪಡೆಯಲು ಯೋಜನೆಯ ಅಗತ್ಯಕ್ಕೆ ತಕ್ಕ ಸೂಕ್ತ ಆಯ್ಕೆಯನ್ನು ಮಾಡುವುದು ನಿರ್ಣಾಯಕವಾಗುತ್ತದೆ.
