ବିଭିନ୍ନ ପ୍ରକାର ପାଣି ଟାଙ୍କି ମଧ୍ୟରୁ ସଠିକ୍ ଟାଙ୍କି ବାଛିବା ନିମନ୍ତେ ଏକ ମାର୍ଗଦର୍ଶିକା

ଆପଣଙ୍କ ପାଇଁ କେଉଁ ପ୍ରକାର ପାଣି ଭଣ୍ଡାର ସଠିକ୍ ଅଟେ?

ଆପଣଙ୍କ ଆବଶ୍ୟକତା ପାଇଁ ବିଭିନ୍ନ ପ୍ରକାର ଟାଙ୍କି ମଧ୍ୟରୁ ଉପଯୁକ୍ତ ଟାଙ୍କି ବାଛିବାର ପ୍ରଶ୍ନ ଉଠିଲେ, ପ୍ରତ୍ୟେକ ପ୍ରକାର ଟାଙ୍କିର ଗୁଣଧର୍ମ ଓ ଲାଭଗୁଡ଼ିକୁ ବୁଝିବା ଜରୁରୀ ହୋଇପଡ଼େ। ଏଠାରେ ଆମେ ବିଭିନ୍ନ ପ୍ରକାର ପାଣି ଟାଙ୍କି, ସେଗୁଡ଼ିକର ସ୍ୱତନ୍ତ୍ର ବୈଶିଷ୍ଟ୍ୟ, ଲାଭ ଏବଂ ଆଦର୍ଶ ଉପଯୋଗ ସମ୍ପର୍କରେ ଆଲୋଚନା କରିବୁ।

୧. ପ୍ଲାଷ୍ଟିକ୍ ଟାଙ୍କି

ପ୍ଲାଷ୍ଟିକ୍ ଟାଙ୍କି, ବିଶେଷକରି ଯେଉଁଗୁଡ଼ିକ ପଲିଥିନ୍ ନିର୍ମିତ ହୋଇଥାଏ, ସେଗୁଡ଼ିକ ତାହାର ବହୁମୁଖୀ ଉପଯୋଗ, ସୁଲଭତା ଏବଂ ସ୍ଥାପନରେ ସହଜତା କାରଣରୁ ଲୋକପ୍ରିୟ ଅଟେ। ଘର ପାଇଁ ଏ ପ୍ରକାର ପାଣି ଟାଙ୍କିଗୁଡ଼ିକ ଭିନ୍ନ ଭିନ୍ନ ଭଣ୍ଡାର କ୍ଷମତାକୁ ସୁହାଇବା ପାଇଁ ବିଭିନ୍ନ ଆକାର ଓ ଆକୃତିରେ ଆସିଥାଏ। ପ୍ଲାଷ୍ଟିକ୍ ଟାଙ୍କିର କେତେକ ପ୍ରମୁଖ ଗୁଣଧର୍ମ, ଲାଭ ଏବଂ ଆଦର୍ଶ ଉପଯୋଗଗୁଡ଼ିକ ହେଲା:

• ହାଲୁକା ଏବଂ ସ୍ଥାପନରେ ସହଜ
• କ୍ଷୟ ଏବଂ କଳଙ୍କି ନିରୋଧୀ
• ସ୍ୱଳ୍ପ ରକ୍ଷଣାବେକ୍ଷଣ ଆବଶ୍ୟକତା
• ବିଭିନ୍ନ ଆକାର ଓ ଆକୃତିରେ ଉପଲବ୍ଧ
• ଉଭୟ ଭୂମି ଉପର ଏବଂ ଭୂତଳ ସ୍ଥାପନ ଲାଗି ଆଦର୍ଶ

କ) ପଲିଏଥିଲିନ୍ ଟାଙ୍କି

ପଲିଏଥିନ୍ ଟାଙ୍କିଗୁଡ଼ିକ ହାଲୁକା ହୋଇଥିବା ସତ୍ତ୍ୱେ ଦୀର୍ଘସ୍ଥାୟୀ ହୋଇଥାଏ। ସେଗୁଡ଼ିକ କ୍ଷୟ ଏବଂ କଳଙ୍କି ନିରୋଧୀ ହୋଇଥାଏ। ସେଗୁଡ଼ିକ ୟୁଭି-ଷ୍ଟାବିଲାଇଜ୍‌‌ଡ ମଧ୍ୟ ହୋଇଥାଏ, ଯାହାଫଳରେ ଖରା ସଂସ୍ପର୍ଶରେ ଆସୁଥିଲେ ମଧ୍ୟ ତାହା ଦୀର୍ଘସ୍ଥାୟୀ ହୋଇଥାଏ। ପଲିଏଥିନ୍ ଟାଙ୍କିଗୁଡ଼ିକ ଉଭୟ ଭୂମି ଉପରେ ଓ ଭୂତଳ ସ୍ଥାପନ ପାଇଁ ଉପଯୁକ୍ତ, ତେଣୁ ସେଗୁଡ଼ିକ ଆବାସିକ, କୃଷିଗତ ଏବଂ ଛୋଟ ଆକାରର ବାଣିଜ୍ୟିକ ଉପଯୋଗ ପାଇଁ ଏକ ଉତ୍କୃଷ୍ଟ ପସନ୍ଦ କୁହାଯାଇପାରିବ। ଏ ପ୍ରକାର ପାଣି ଟାଙ୍କିକୁ ସାଧାରଣତଃ ବର୍ଷାଜଳ ସଂରକ୍ଷଣ, ଜଳସେଚନ ଏବଂ ପୋର୍ଟେବିଲିଟି ଓ ଫ୍ଲେକ୍ସିବିଲିଟି ମହତ୍ତ୍ୱ ରଖୁଥିବା ସ୍ଥାନରେ ବ୍ୟବହାର କରାଯାଇଥାଏ।

୨. କଂକ୍ରିଟ୍ ଟାଙ୍କି

କଂକ୍ରିଟ୍ ଟାଙ୍କିଗୁଡ଼ିକ ତାହାର ଶକ୍ତି ଏବଂ ସ୍ଥାୟିତ୍ୱ ପାଇଁ ବେଶ୍ ଜଣାଶୁଣା। ଏହି ଟାଙ୍କିଗୁଡ଼ିକୁ ସାଧାରଣତଃ ସାଇଟ୍‌‌ରେ ହିଁ ରିଇନ୍‌‌ଫୋର୍ସଡ୍ କଂକ୍ରିଟ୍ ବ୍ୟବହାର କରି ତିଆରି କରାଯାଇଥାଏ, ଯାହା ଏକ ମଜବୁତ ଏବଂ ଦୀର୍ଘସ୍ଥାୟୀ ଭଣ୍ଡାର ସମାଧାନ ଦେଇଥାଏ। ଏଗୁଡ଼ିକୁ ସାଧାରଣ ବଡ଼ ଆକାରର ବାଣିଜ୍ୟିକ କିମ୍ବା ଔଦ୍ୟୋଗିକ ଉଦ୍ଦେଶ୍ୟ ସମେତ କୃଷି, ଅଗ୍ନିଶମ ଏବଂ ପୌରସଂସ୍ଥାର ଉପଯୋଗ ଲାଗି ବ୍ୟବହାର କରାଯାଇଥାଏ।

କଂକ୍ରିଟ୍ ଟାଙ୍କିଗୁଡ଼ିକର କେତେକ ପ୍ରମୁଖ ବୈଶିଷ୍ଟ୍ୟ ଏବଂ ଲାଭ ହେଉଛି:

• ଦୀର୍ଘ ଜୀବନ ଏବଂ ସ୍ଥାୟିତ୍ୱ, ଅନେକ ଦଶନ୍ଧି ଧରି ଚାଲିଥାଏ
• ଉତ୍କୃଷ୍ଟ ଅଗ୍ନି ପ୍ରତିରୋଧ ଏବଂ ସ୍ଥିରତା
• ବଡ଼ ଆକାରର ବାଣିଜ୍ୟିକ କିମ୍ବା ଔଦ୍ୟୋଗିକ ଜଳ ସଂରକ୍ଷଣ ପାଇଁ ଆଦର୍ଶ
• ତାପମାତ୍ରା ପରିବର୍ତ୍ତନ ବିରୁଦ୍ଧରେ ଇନସୁଲେସନ୍ ଯୋଗାଇଥାଏ
• ବଡ଼ ଆକାରର ବାଣିଜ୍ୟିକ କିମ୍ବା ଔଦ୍ୟୋଗିକ ଜଳ ସଂରକ୍ଷଣ ପାଇଁ ଆଦର୍ଶ

୩. ଷ୍ଟିଲ୍ ଟାଙ୍କି

ଷ୍ଟିଲ୍ ଟାଙ୍କିଗୁଡ଼ିକ ତାହାର ଶକ୍ତି, ନିର୍ଭରଯୋଗ୍ୟତା ଏବଂ ବହୁମୁଖୀ ଉପଯୋଗ ପାଇଁ ଜଣାଶୁଣା। ସେଗୁଡ଼ିକୁ ବିଭିନ୍ନ ଷ୍ଟିଲ୍ ସାମଗ୍ରୀ ତଥା କୌଶଳ ବ୍ୟବହାର କରି ତିଆରି କରାଯାଇଥାଏ ଏବଂ ପ୍ରତ୍ୟେକର ନିଜସ୍ୱ ସ୍ୱତନ୍ତ୍ର ବୈଶିଷ୍ଟ୍ୟ ରହିଥାଏ। ଷ୍ଟିଲ୍‌‌ରେ ନିର୍ମିତ ବିଭିନ୍ନ ପ୍ରକାର ପାଣି ଟାଙ୍କିଗୁଡ଼ିକ ଉପରେ ଆସନ୍ତୁ ନଜର ପକାଇବା:

କ) କାର୍ବନ୍ ୱେଲ୍ଡେଡ୍ ଷ୍ଟିଲ୍ ଟାଙ୍କି

କାର୍ବନ୍ ୱେଲ୍ଡେଡ୍ ଷ୍ଟିଲ୍ ଟାଙ୍କି ଷ୍ଟିଲ୍ ପ୍ଲେଟ୍‌ଗୁଡ଼ିକୁ ଏକାଠି ୱେଲ୍‌‌ଡିଂ କରାଯାଇ ତିଆରି କରାଯାଇଥାଏ। ସେଗୁଡ଼ିକ ଅତ୍ୟନ୍ତ ଦୀର୍ଘସ୍ଥାୟୀ, କ୍ଷୟ ପ୍ରତିରୋଧି ହୋଇଥାଏ ଏବଂ ସେଗୁଡ଼ିକୁ ବିଶେଷ ଭଣ୍ଡାର ଆବଶ୍ୟକତା ଅନୁସାରେ ବିଭିନ୍ନ ଆକାର ଓ ଆକୃତିରେ ତିଆରି କରାଯାଇପାରେ। କାର୍ବନ୍ ୱେଲ୍ଡେଡ୍ ଷ୍ଟିଲ୍ ଟାଙ୍କିକୁ ପାନୀୟ ଜଳ, ବର୍ଜ୍ୟ ଜଳ, ରାସାୟନିକ ଏବଂ ପେଟ୍ରୋଲିୟମ୍ ଉତ୍ପାଦ ସଂରକ୍ଷଣ ଲାଗି ବ୍ୟବହାର କରାଯାଇଥାଏ। ସେଥିରେ ଯାହା ବି ସଂରକ୍ଷଣ କରାଯାଉ ନା କାହିଁକି ତାହା ସୁରକ୍ଷିତ ଏବଂ ନିର୍ଭରଯୋଗ୍ୟ ରହିଥାଏ।

ଖ) ବୋଲ୍ଟେଡ୍ ଷ୍ଟିଲ୍ ଟାଙ୍କି

ବୋଲ୍ଟେଡ୍ ଷ୍ଟିଲ୍ ଟାଙ୍କିଗୁଡ଼ିକୁ ପ୍ରିଫାବ୍ରିକେଟେଡ୍ ଷ୍ଟିଲ୍ ପ୍ୟାନେଲ୍‌ଗୁଡ଼ିକୁ ଏକାଠି ବୋଲ୍ଟିଂ କରି ନିର୍ମାଣ କରାଯାଏ। ଆକାର ଦୃଷ୍ଟିରୁ ଏପରି ଟାଙ୍କିଗୁଡ଼ିକ ନମନୀୟ ହୋଇଥାଏ ଏବଂ ତାହାକୁ ସହଜରେ ସମ୍ପ୍ରସାରିତ କିମ୍ବା ସ୍ଥାନାନ୍ତର କରାଯାଇପାରିବ। ଏହି ଟାଙ୍କିଗୁଡ଼ିକ ହେଭି-ଡ୍ୟୁଟି ହୋଇଥାଏ ଏବଂ ବୃହତ୍ କ୍ଷମତାବିଶିଷ୍ଟ ହୋଇଥାଏ। ତେଣୁ ଏଗୁଡ଼ିକ ଔଦ୍ୟୋଗିକ କିମ୍ବା ବାଣିଜ୍ୟିକ ପ୍ରୟୋଗ ପାଇଁ ଉପଯୁକ୍ତ। ଏଗୁଡ଼ିକ ପ୍ରାୟତଃ ଔଦ୍ୟୋଗିକ ଜଳ ସଂରକ୍ଷଣ ଆବଶ୍ୟକତା ସମେତ ବର୍ଷାଜଳ ସଂରକ୍ଷଣ, ବର୍ଜ୍ୟ ଜଳ ବିଶୋଧନ ଏବଂ ପାନୀୟ ଜଳ ସଂରକ୍ଷଣ ଉଦ୍ଦେଶ୍ୟରେ ବ୍ୟବହାର କରାଯାଏ।

ଗ) କରୁଗେଟେଡ୍ ଷ୍ଟିଲ୍ ଟାଙ୍କି

କରୁଗେଟେଡ୍ ଷ୍ଟିଲ୍ ଟାଙ୍କିଗୁଡ଼ିକ କରୁଗେଟେଡ୍ ବା ତରଙ୍ଗାୟିତ ଡିଜାଇନର ଗାଲଭାନାଇଜ୍‌‌ଡ ଷ୍ଟିଲ୍ ପ୍ୟାନେଲ୍‌ରେ ନିର୍ମିତ ହୋଇଥାଏ। ସେଥିରେ ଢାଞ୍ଚାଗତ ସୁଦୃଢ଼ତା ରହିବା ସହ ତାହା ବାହ୍ୟ ବଳର ପ୍ରତିରୋଧୀ ହୋଇଥାଏ। ଏଗୁଡ଼ିକ ଭୂମି ଉପରେ ସ୍ଥାପନ ପାଇଁ ଉପଯୁକ୍ତ। କରୁଗେଟେଡ୍ ଷ୍ଟିଲ୍ ଟାଙ୍କିଗୁଡ଼ିକୁ ସାଧାରଣତଃ କୃଷିଗତ ଉଦ୍ଦେଶ୍ୟ, ଯେପରିକି ପଶୁସମ୍ପଦର ଜଳ ଆବଶ୍ୟକତା ଏବଂ ଜଳସେଚନ ତଥା ଅଗ୍ନି ସୁରକ୍ଷା ପ୍ରଣାଳୀରେ ବ୍ୟବହୃତ ହୋଇଥାଏ।

ଘ) ଷ୍ଟେନ୍‌‌ଲେସ୍ ଷ୍ଟିଲ୍ ପାଣି ସଂରକ୍ଷଣ ଟାଙ୍କି

ଷ୍ଟେନ୍‌ଲେସ୍‌‌ ଷ୍ଟିଲ୍ ଟାଙ୍କି ଅସାଧାରଣ ସ୍ଥାୟିତ୍ୱ ଏବଂ କ୍ଷୟ ପ୍ରତିରୋଧ ଯୋଗାଇଥାଏ। ଏଗୁଡ଼ିକୁ ପାନୀୟ ଜଳ, ଖାଦ୍ୟ ଏବଂ ପାନୀୟ ଉତ୍ପାଦ, ଫାର୍ମାସ୍ୟୁଟିକାଲ୍ସ, ରାସାୟନିକ ପଦାର୍ଥ ଏବଂ ଉଚ୍ଚସ୍ତରର ପରିମଳ ଆବଶ୍ୟକ କରୁଥିବା ବିଭିନ୍ନ ତରଳ ପଦାର୍ଥର ସଂରକ୍ଷଣରେ ବ୍ୟବହାର କରାଯାଏ। ଅତିରିକ୍ତ ଭାବେ ଷ୍ଟେନ୍‌ଲେସ୍ ଷ୍ଟିଲ୍ ଟାଙ୍କିଗୁଡ଼ିକ କଠୋର ପରିବେଶ ପାଇଁ ଉପଯୁକ୍ତ ହୋଇଥାଏ, ଯେପରିକି ସାମୁଦ୍ରିକ ବ୍ୟବହାର କିମ୍ବା ବର୍ଜ୍ୟ ଜଳ ବିଶୋଧନ କାରଖାନାରେ। ଜଳର ଗୁଣବତ୍ତାକୁ ବଜାୟ ରଖିବା, ବାହ୍ୟ ବଳଗୁଡ଼ିକୁ ପ୍ରତିରୋଧ କରିବା ଏବଂ ଦୀର୍ଘ-ମିଆଦୀ ନିର୍ଭରଯୋଗ୍ୟତାକୁ ସୁନିଶ୍ଚିତ କରିବାର କ୍ଷମତା କାରଣରୁ ଏହି ଟାଙ୍କିଗୁଡ଼ିକ ଉଚ୍ଚ-ଗୁଣମାନର ଭଣ୍ଡାର ସମାଧାନ ଆବଶ୍ୟକ କରୁଥିବା ଔଦ୍ୟୋଗିକ ସଂସ୍ଥାଗୁଡ଼ିକ ପାଇଁ ବଢ଼ିଆ ପସନ୍ଦ ଅଟେ।

୪. ଫାଇବରଗ୍ଲାସ୍ ଟାଙ୍କି

ଫାଇବରଗ୍ଲାସ୍ ଟାଙ୍କିଗୁଡ଼ିକ ହାଲୁକା ହୋଇଥିବା ସତ୍ତ୍ୱେ ଦୃଢ ଏବଂ ଦୀର୍ଘସ୍ଥାୟୀ ହୋଇଥାଏ। ଏଗୁଡ଼ିକୁ ଫାଇବରଗ୍ଲାସ୍ ଏବଂ ରେଜିନ୍‌‌ର ଆସ୍ତରଣ ବ୍ୟବହାର କରି ପ୍ରସ୍ତୁତ କରାଯାଇଥାଏ, ଯାହା କ୍ଷୟ ଏବଂ ରାସାୟନିକ ପଦାର୍ଥଜନିତ କ୍ଷତିକୁ ପ୍ରତିରୋଧ କରିଥାଏ। ଫାଇବରଗ୍ଲାସ୍‌‌ରେ ନିର୍ମିତ ହେଉଥିବା ଦୁଇଟି ସାଧାରଣ ପ୍ରକାର ପାଣି ଟାଙ୍କିଗୁଡ଼ିକ ହେଲା:

କ) ଭୂତଳ ଫାଇବରଗ୍ଲାସ୍ ଟାଙ୍କି

ଭୂତଳ ଫାଇବରଗ୍ଲାସ୍ ଟାଙ୍କିଗୁଡ଼ିକୁ ଭୂପୃଷ୍ଠ ତଳେ ଲୁକ୍କାୟିତ ଭାବେ ପାଣି ସଂରକ୍ଷଣ ପାଇଁ ତିଆରି କରାଯାଇଥାଏ, ଯାହା ବାଧାରହିତ ସମାଧାନ ପ୍ରଦାନ କରେ। ଉତ୍କୃଷ୍ଟ କ୍ଷୟବିହୀନ ଗୁଣଧର୍ମ ଏବଂ ମୃତ୍ତିକା ରସାୟନ ପ୍ରତିରୋଧ କାରଣରୁ ସେଗୁଡ଼ିକ ଦୀର୍ଘମିଆଦୀ ସ୍ଥାୟିତ୍ୱ ଏବଂ ଜଳ ଗୁଣମାନ ଅକ୍ଷୂଣ୍ଣତା ଯୋଗାଇଥାଏ। ଆବାସିକ, ବାଣିଜ୍ୟିକ ଏବଂ କୃଷିଗତ ଆବଶ୍ୟକତା ଲାଗି ଆଦର୍ଶ ଏହି ଟାଙ୍କିଗୁଡ଼ିକ ବର୍ଷାଜଳ ସଂରକ୍ଷଣ, ଜଳସେଚନ ଏବଂ ସେପ୍ଟିକ୍ ପ୍ରଣାଳୀ ପାଇଁ ଉପଯୁକ୍ତ ହୋଇଥାଏ ଏବଂ ଦୀର୍ଘସ୍ଥାୟୀ ଜଳ ସଂରକ୍ଷଣ ସମାଧାନ ଯୋଗାଇଥାଏ।

ଖ) ଭୂମି ଉପର ଫାଇବରଗ୍ଲାସ୍ ଟାଙ୍କି

ଭୂମି ଉପର ଫାଇବରଗ୍ଲାସ୍ ଟାଙ୍କି ଅତୁଲ୍ୟ ବହମୁଖୀ ଉପଯୋଗିତା ଯୋଗାଇଥାଏ। ବିନର୍ଦ୍ଦିଷ୍ଟ ଆବଶ୍ୟକତାଗୁଡ଼ିକ ପାଇଁ ତାହାକୁ ସହଜରେ ତିଆରି କରାଯାଇପାରିଥାଏ। ହାଲୁକା ହୋଇଥିବା କାରଣରୁ ସେଗୁଡ଼ିକୁ ସ୍ଥାପନ ଏବଂ ପରିବହନ କରିବା ଖୁବ୍ ସହଜ। ଏହି ଟାଙ୍କିଗୁଡ଼ିକୁ ବ୍ୟାପକ ରୂପେ ଔଦ୍ୟୋଗିକ ପ୍ରକ୍ରିୟା, ରାସାୟନିକ ପଦାର୍ଥ ସଂରକ୍ଷଣ ଏବଂ ଜଳ ବିଶୋଧନ ଉଦ୍ଦେଶ୍ୟରେ ବ୍ୟବହାର କରାଯାଏ, ଯାହା ତାହାର ନିର୍ଭରଯୋଗ୍ୟତା ଏବଂ ଢାଞ୍ଚାଗତ ଅଖଣ୍ଡତାର ପରିଚାୟକ ଅଟେ। ଉଚ୍ଚମାନର କ୍ଷୟ ପ୍ରତିରୋଧ ଏବଂ ବିବିଧ ପାଣିପାଗ ପରିସ୍ଥିତିକୁ ସହନ କରିବାର ସାମର୍ଥ୍ୟ ଯୋଗୁଁ ସେଗୁଡ଼ିକ ଭୂମି ଉପର ଭଣ୍ଡାର ଆବଶ୍ୟକତା ପାଇଁ ପସନ୍ଦଯୋଗ୍ୟ ବିକଳ୍ପ ହୋଇଥାଏ, ଯାହା ମୂଲ୍ୟବାନ ସଂରକ୍ଷିତ ସାମଗ୍ରୀର ଉପଯୁକ୍ତ ସୁରକ୍ଷାକୁ ସୁନିଶ୍ଚିତ କରିଥାଏ।