Share:
Share:
வெவ்வேறு வகை மணல்கள் அவற்றின் தனித்துவமான பண்புகளின் காரணமாக கட்டுமானத்தில் குறிப்பிட்ட பயன்பாடுகளுக்காகத் தேர்வு செய்யப்படுகின்றன. கட்டுமானத்தில் பொதுவாகப் பயன்படுத்தப்படும் மணலின் வகைகளைக் காண்போம்.
ஆற்று மணல் என்பது ஆற்றுப்படுகைகளில் இருந்து எடுக்கப்படும் இயற்கையாகக் கிடைக்கும் மணல் வகை ஆகும். அதன் மென்மையான, வட்டமான துகள்கள், அதை வேறுபடுத்தி, அதிக வேலைத்திறன் கொண்டதாக்குகிறது. அதன் வேலைத்திறன் காரணமாக, துல்லியமும், நேர்த்தியும் தேவைப்படும், செங்கல் அடுக்குதல், ப்ளாஸ்டரிங் மற்றும் கான்கிரீட்டைக் கலக்குதல் போன்ற கட்டுமான நடவடிக்கைகளில் ஆற்று மணல் பயன்படுத்தப்படுகிறது. அதன் வட்ட வடிவ துகள்கள் அதை எளிதாகக் கலக்கி துல்லியமாக வைக்க உதவுகிறது என்பதால், இது துல்லியம் தேவைப்படும் திட்டங்களுக்கான பிரபலமான தேர்வாக உள்ளது.
கான்கிரீட் மணல் என்பது கான்கிரீட் கலவைகளில் பயன்படுத்துவதற்கென்றே குறிப்பாக உற்பத்தி செய்யப்படும் மணல் வகை ஆகும். இது அசுத்தங்களை நீக்கும் கவனமான செயல்முறை மூலம் அடைந்த கோர்ஸ் டெக்ஸ்சர் ஆகும். கான்கிரீட் சாண்டு என்பது, ஃபவுண்டேஷன்கள், டிரைவ்வேக்கள் மற்றும் நடைபாதைகள் போன்ற வலுவான மற்றும் நீடித்து உழைக்கக்கூடிய கான்கிரீட் கட்டமைப்புகளை உருவாக்குவதற்கு ஏற்றதாகும். இதன் கோர்ஸ் டெக்ஸ்சர் கான்கிரீட் கலவைகளுக்குள் நல்ல வடிகாலுக்கு உதவுகிறது, அதன் விளைவாகக் கிடைக்கும் கட்டமைப்புகளின் ஒட்டுமொத்த நிலைத்தன்மை மற்றும் வலிமைக்கு உதவுகிறது என்பதால், இது குறிப்பாகப் பாரம் தாங்கும் பயன்பாடுகளுக்கு ஏற்றதாகிறது.
பருமணல் என்றும் அழைக்கப்படும் பிட் சாண்டு, இயற்கை படிவுகளிலிருந்து எடுக்கப்படுகிறது. இந்த வகை மணலுக்கு சொரசொரப்பான டெக்ஸ்சர் இருப்பதால், இது மென்மையான ஆற்று மணலிலிருந்து வேறுபடுகிறது. மேற்பரப்பைச் சமப்படுத்துவது, நடைபாதை கற்களுக்கான பெட்டிங் மெட்டீரியலாக மற்றும் பைப்கள் மற்றும் யுட்டிலிட்டிகளை வைப்பதற்கான பேஸ் உட்பட, பல்வேறு கட்டுமான பணிகளில் இது பயன்படுத்தப்படுகிறது. இதில் அதிகமான வண்டல் மண் மற்றும் களிமண் இருப்பதன் காரணமாக, கான்கிரீட் பணிக்கு இது பரிந்துரைக்கப்படுவதில்லை, அதே சமயம், மற்ற பல கட்டுமான பயன்பாடுகளுக்கு பின் சாண்டு ஏற்றதாகும்.
எம்-சாண்டு அல்லது உற்பத்தி செய்யப்பட்ட மணல், கடினமான பாறைகளை நொறுக்குவதன் மூலம் உருவாக்கப்படுகிறது, இதன் விளைவாக இது ஒரே மாதிரியான துகள் அளவைக் கொண்டிருக்கும். இது கிட்டத்தட்ட இயற்கையான ஆற்று மணல் போன்றதாகும், மேலும் இது அதன் உயர் தரத்தால் சிறந்ததாகக் கருதப்படுகிறது. எம்-சாண்டு பொதுவாக கட்டுமானத்தில், கட்டாயமாக உயர்தரமான மணல் தேவைப்படும் கான்கிரீட் தயாரிப்பு, ப்ளாஸ்டரிங் மற்றும் பொது கட்டுமானத்தில் பயன்படுத்தப்படுகிறது. இது ஒரே மாதிரியான துகள் அளவு மற்றும் தரத்தை வழங்குவதால், இது கட்டுமானத்தில் ஆற்று மணலுக்கான நம்பகமான மாற்றாக அமைகிறது.
யுட்டிலிட்டி சாண்டு, சில நேரங்களில் ஃபில் சாண்டு அல்லது பேக்ஃபில் சாண்டு என்றும் அழைக்கப்படும் இது, எளிதாக இறுக உதவும் அதன் கோர்ஸ் டெக்ஸ்சரால் வகைப்படுத்தப்படுகிறது. கட்டுமான திட்டங்களில், லேண்ட்ஸ்கேப்பிங், பைப் பெட்டிங் மற்றும் தோண்டப்பட்ட பகுதிகளில் உள்ள பெரிய குழிகளை நிரப்புவது போன்ற, வெற்றிடங்களை அல்லது குழிகளை நிரப்பும் நோக்கத்திற்காக இது முக்கியமாகப் பயன்படுத்தப்படுகிறது. யுட்டிலிட்டி சாண்டின் எளிதாக இறுகும் திறம் மற்றும் நிலையான பேஸை உருவாக்கும் திறன், அதை பல்வேறு கட்டுமான நடவடிக்கைகளில் உறுதியான ஃபவுண்டேஷனை அடைவதற்கு இன்றியமையாததாக்குகிறது.
ஃபில் சாண்டு, கோர்ஸ் டெக்ஸ்சர் மற்றும் நல்ல வடிகால் திறன்கள் போன்ற யுட்டிலிட்டி சாண்டின் குறிப்பிட்ட பண்புகளைக் கொண்டுள்ளது. பெரிய வெற்றிடங்கள் அல்லது பில்டிங் ஃபவுண்டேஷன் மற்றும் சாலை கட்டுமானம் போன்ற கணிசமான நிரப்புதல் தேவைப்படும் பகுதிகளில் நிரப்புவதற்கு இது பயன்படுத்தப்படுகிறது. ஒரு நிலையான பேஸை உருவாக்குவதற்காக ஃபில் சாண்டு கெட்டியாக்கப்படுகிறது, இதன் காரணமாக, உறுதியான ஃபவுண்டேஷன் தேவைப்படும் திட்டங்களுக்கு இது அவசியமாகிறது.
கட்டுமானத்தில் பயன்படுத்தப்படும் இந்த மணல் வகைகள், அவற்றின் தனித்துவமான பண்புகள் மற்றும் குறிப்பிட்ட பயன்பாடுகளின் அடிப்படையில் தேர்ந்தெடுக்கப்பட்டு, கட்டுமான திட்டங்கள் அத்தகைய கட்டமைப்பு மற்றும் செயல்பாட்டு தேவைகளைப் பூர்த்தி செய்வதை உறுதி செய்கிறது. வீடு கட்டுவதற்கு எந்த மணல் சிறந்தது என்பது பொதுவாகக் கேட்கப்படும் கேள்விகள் ஆகும், மேலும் அதற்கு ஒரு பதில் மட்டும் இல்லை. ஆற்று மணல் மற்றும் கான்கிரீட் மணல் பெரும்பாலான கட்டுமான பயன்பாடுகளுக்கு ஏற்றதாக இருந்தாலும், சமப்படுத்துதல் அல்லது ஃபில்லிங் போன்ற குறிப்பிட்ட நோக்கங்களுக்கு, பிட் சாண்டு, யுட்டிலிட்டி சாண்டு அல்லது ஃபில் சாண்டு மிகவும் ஏற்றதாகும். எம்-சாண்டை, ஆற்று மணலின் சுற்றுச்சூழலுக்கு பாதுகாப்பான மாற்றாகக் கருதலாம்.
இறுதியில், கட்டுமானத்தில் பயன்படுத்தப்படும் மணலின் வகைகளைத் தேர்வு செய்வது, உயர்தரமான, நீடித்து உழைக்கக்கூடியக் கட்டமைப்புகளை அடைவதற்கான ஒரு முக்கியமான காரணி ஆகும். ஆற்று மணல் முதல் கான்கிரீட் மணல் வகை, பிட் சாண்டு முதல் எம்-சாண்டு வரை, ஒவ்வொரு வகையும் இரு குறிப்பிட்ட நோக்கத்திற்கு உதவுகிறது, அது மேசனரி வேலை, கான்கிரீட் தயாரிப்பு, பேக்ஃபில்லிங் அல்லது லெவலிங் போன்ற எதுவாக இருந்தாலும் சரி. கட்டுமானத்தில் பயன்படுத்தப்படும் இந்த மணல் வகைகளுக்கிடையிலான வேறுபாடுகளைப் புரிந்துகொள்வதன் மூலம், உங்கள் திட்டத்திற்கு எந்த வகை மணல் ஏற்றதாக இருக்கும் என்பதை குறித்து நீங்கள் தகவலறிந்த முடிவை எடுக்கலாம்.
