ନିର୍ମାଣ କାର୍ଯ୍ୟରେ ବ୍ୟବହୃତ ହେଉଥିବା ବାଲିଗୁଡ଼ିକର ପ୍ରକାରଭେଦ ଏବଂ ସେଗୁଡ଼ିକର ଉପଯୋଗ

ନିର୍ମାଣ କାର୍ଯ୍ୟ ପାଇଁ ବାଲିର ପ୍ରକାରଭେଦ

ପ୍ରତ୍ୟେକ ପ୍ରକାର ବାଲିର ଅନନ୍ୟ ଗୁଣଧର୍ମ ଓ ବୈଶିଷ୍ଟ୍ୟ କାରଣରୁ ନିର୍ମାଣ କାର୍ଯ୍ୟରେ ବିବିଧ ପ୍ରକାର ପ୍ରୟୋଗ ପାଇଁ ଭିନ୍ନ ଭିନ୍ନ ପ୍ରକାର ବାଲିର ଉପଯୋଗ କରାଯିବା ପସନ୍ଦ କରାଯାଇଥାଏ। ଚାଲନ୍ତୁ, ନିର୍ମାଣ କାର୍ଯ୍ୟରେ ସାଧାରଣ ଭାବେ ବ୍ୟବହୃତ ହେଉଥିବା ବିଭିନ୍ନ ପ୍ରକାର ବାଲି ଉପରେ ନଜର ପକାଇବା।

୧. ନଈବାଲି

ନଈବାଲି ପ୍ରାକୃତିକ ଭାବେ ମିଳୁଥିବା ବାଲି ଅଟେ, ଯାହାକୁ ନଦୀଶଯ୍ୟାରୁ ପ୍ରାପ୍ତ କରାଯାଇଥାଏ। ଏହାର କଣିକାଗୁଡ଼ିକ ମସୃଣ ଓ ଗୋଲାକାର ହୋଇଥାଏ, ତେଣୁ ତାହାକୁ ନେଇ କାମ କରିବା ବହୁତ ସହଜ ହୋଇତାଏ। ଏହାର କାର୍ଯ୍ୟଯୋଗ୍ୟତା କାରଣରୁ ନଈବାଲିକୁ ନିଖୁଣତା ଓ ଛୋଟ ଛୋଟ କାମ ଉପରେ ଧ୍ୟାନ ଆବଶ୍ୟକ କରୁଥିବା ନିର୍ମାଣ କାର୍ଯ୍ୟରେ ବ୍ୟବହାର କରାଯାଏ, ଯେପରିକି- ଇଟା ଯୋଡ଼େଇ, ପ୍ଲାଷ୍ଟରିଂ ଏବଂ କଂକ୍ରିଟ୍ ମିଶ୍ରଣ। ଏହାର ଗୋଲାକାର କଣିକାଗୁଡ଼ିକ ସହଜରେ ମିଶ୍ରିତ ହୋଇପାରେ ଏବଂ ନିର୍ଭୁଲ ଭାବରେ ତାହାକୁ ରଖିହୋଇଥାଏ। ତେଣୁ ନିଖୁଣତା ଆବଶ୍ୟକ କରୁଥିବା ପ୍ରକଳ୍ପଗୁଡ଼ିକ ପାଇଁ ଏହା ଏକ ଲୋକପ୍ରିୟ ବିକଳ୍ପ ଅଟେ।

୨. କଂକ୍ରିଟ୍ ବାଲି

କଂକ୍ରିଟ୍ ବାଲି ହେଉଛି ଏକ ପ୍ରକାର ବାଲି ଯାହା ବିଶେଷ ଭାବେ କଂକ୍ରିଟ୍ ମିଶ୍ରଣରେ ବ୍ୟବହାର ପାଇଁ ଉତ୍ପାଦିତ ହୋଇଥାଏ। ଏହା ନିଜର ଖଦଡ଼ ଦାନା ପାଇଁ ଜଣାଶୁଣା। ଅଶୁଦ୍ଧତାଗୁଡ଼ିକୁ ଦୂର କରୁଥିବା ଯତ୍ନଶୀଳ ପ୍ରକ୍ରିୟାକରଣ ମାଧ୍ୟମରେ ଏହି ବାଲି ହାସଲ ହୋଇଥାଏ। ଫାଉଣ୍ଡେସନ୍, ଡ୍ରାଇଭୱେ ଏବଂ ସାଇଡୱାକ୍ ଭଳି ମଜବୁତ ଓ ଦୀର୍ଘସ୍ଥାୟୀ ଢାଞ୍ଚାର ନିର୍ମାଣ ପାଇଁ କଂକ୍ରିଟ୍ ବାଲି ଆଦର୍ଶ ଅଟେ। ଏହାର ଖଦଡ଼ ସଂରଚନା କଂକ୍ରିଟ୍ ମିଶ୍ରଣ ମଧ୍ୟରେ ଉତ୍ତମ ଜଳ ନିଷ୍କାସନକୁ ସୁବିଧାଜନକ କରିଥାଏ, ଯାହା ଫଳରେ ତାହା ସାହାଯ୍ୟରେ ନିର୍ମିତ ଢାଞ୍ଚାଗୁଡ଼ିକର ସାମଗ୍ରିକ ସ୍ଥିରତା ଏବଂ ଶକ୍ତି ବୃଦ୍ଧି ପାଏ। ଏହା ଭାର ବହନକାରୀ ନିର୍ମାଣ ପ୍ରୟୋଗ ପାଇଁ ବିଶେଷ ରୂପେ ଉପଯୁକ୍ତ ହୋଇଥାଏ।

୩. ପିଟ୍ ବାଲି (ଖଦଡ଼ ବାଲି)

ପିଟ୍ ବାଲି, ଯାହାକୁ ଖଦଡ଼ ବାଲି ମଧ୍ୟ କୁହାଯାଏ, ପ୍ରାକୃତିକ ଭଣ୍ଡାରରୁ ହାସଲ କରାଯାଇଥାଏ। ଏ ପ୍ରକାର ବାଲିର ସଂରଚନା ଗୋଡ଼ିମିଶା ହୋଇଥାଏ, ତେଣୁ ଏହା ମସୃଣ ନଈବାଲିଠାରୁ ସ୍ପଷ୍ଟ ବାରି ହୋଇପଡ଼େ। ଏହାକୁ ବିଭିନ୍ନ ନିର୍ମାଣ କାର୍ଯ୍ୟରେ ଉପଯୋଗ କରାଯାଇଥାଏ ଯଥା, ପୃଷ୍ଠଭାଗର ସମତଳୀକରଣ, ପେଭମେଣ୍ଟ ପଥର ପାଇଁ ବେଡିଂ ସାମଗ୍ରୀ ଏବଂ ପାଇପ୍ ଓ ଉପଯୋଗିତା ଲାଇନ୍ ପାଇଁ ଆଧାର। ଏଥିରେ ଅପେକ୍ଷାକୃତ ଅଧିକ ପରିମାଣର ପଟୁ ମାଟି ଓ ମାଟି ଉପାଦାନ ରହୁଥିବାରୁ ଏହାକୁ କଂକ୍ରିଟ୍ କାର୍ଯ୍ୟରେ ବ୍ୟବହାର କରିବା ପସନ୍ଦ କରାଯାଏ ନାହିଁ। ତଥାପି, ଅନେକ ଅନ୍ୟାନ୍ୟ ପ୍ରକାର ନିର୍ମାଣ କାର୍ଯ୍ୟ ପାଇଁ ପିଟ୍ ବାଲିର ବହୁମୁଖୀ ଉପଯୋଗିତା ରହିଛି।

୪. ଏମ୍-ବାଲି (ବିନିର୍ମିତ ବାଲି)

ଏମ୍-ବାଲି ବା ବିନିର୍ମିତ ବାଲି (ମ୍ୟାନୁଫାକ୍ଚର୍ଡ ସାଣ୍ଡ) କଠିନ ପଥରକୁ ଗୁଣ୍ଡ କରାଯାଇ ତିଆରି କରାଯାଇଥାଏ, ଏହି କାରଣରୁ ଏପରି ବାଲିର କଣିକା ଆକାର ସମରୂପୀ ହୋଇଥାଏ। ଏହା ଦେଖିବାକୁ ପ୍ରାକୃତିକ ନଈବାଲି ଭଳି ହୋଇଥାଏ ଏବଂ ଏହାର ଉଚ୍ଚ-ଗୁଣବତ୍ତା ପାଇଁ ଏମ୍-ବାଲିକୁ ନିର୍ମାଣ କାର୍ଯ୍ୟ ପାଇଁ ଖୁବ୍ ପସନ୍ଦ କରାଯାଏ। ଏମ୍-ବାଲିକୁ କଂକ୍ରିଟ୍ ଉତ୍ପାଦନ, ପ୍ଲାଷ୍ଟରିଂ ଏବଂ ଉଚ୍ଚ-ଗୁଣମାନର ବାଲି ଆବଶ୍ୟକ ହେଉଥିବା ସାଧାରଣ ନିର୍ମାଣ କାର୍ଯ୍ୟରେ ବ୍ୟାପକ ରୂପେ ବ୍ୟବହାର କରାଯାଏ। ଏଥିରେ ସମରୂପ କଣିକା ଆକାର ଓ ଗୁଣମାନର ଲାଭ ରହିଥାଏ, ତେଣୁ ନିର୍ମାଣ କାର୍ଯ୍ୟରେ ଏହା ନଈବାଲିର ଏକ ନିର୍ଭରଯୋଗ୍ୟ ବିକଳ୍ପରେ ପରିଣତ ହୋଇପାରିଛି।

୫. ଉପଯୋଗିତା ବାଲି

ଉପଯୋଗିତା ବାଲି ବା ୟୁଟିଲିଟି ସାଣ୍ଡ, ବେଳେବେଳେ ଫିଲ୍ ବାଲି କିମ୍ବା ବ୍ୟାକଫିଲ୍ ବାଲି ଭାବେ ପରିଚିତ ହୋଇଥାଏ। ଏହା ଖଦଡ଼ିଆ ସଂରଚନାର ହୋଇଥାଏ, ଯାହାଫଳରେ ଏହାର କମ୍ପାକ୍ସନ୍ କରିବା ସହଜ ହୋଇଥାଏ। ଲ୍ୟାଣ୍ଡସ୍କେପିଂ, ପାଇପ୍ ବେଡିଂ ଏବଂ ବଡ଼ ବଡ଼ ଖନନ ସ୍ଥାନକୁ ଭରିବା ଭଳି ନିର୍ମାଣ କାର୍ଯ୍ୟରେ ଏହାକୁ ମୁଖ୍ୟତଃ ଖାଲି ସ୍ଥାନ କିମ୍ବା ଖାତଗୁଡ଼ିକୁ ଭରିବା ଉଦ୍ଦ୍ୟେରେ ବ୍ୟବହାର କରାଯାଏ। ୟୁଟିଲିଟି ବାଲି ସହଜରେ କମ୍ପାକ୍ସନ କରିହେଉଥିବାରୁ ଏବଂ ଏହା ଏକ ସ୍ଥିର ଆଧାର ଯୋଗାଇବାରେ ସକ୍ଷମ ହୋଇଥିବାରୁ, ବିଭିନ୍ନ ନିର୍ମାଣ ପ୍ରକଳ୍ପଗୁଡ଼ିକରେ ଶକ୍ତ ଫାଉଣ୍ଡେସନ ହାସଲ ପାଇଁ ଏହା ଅପରିହାର୍ଯ୍ୟ ହୋଇଥାଏ।

୬. ଫିଲ୍ ବାଲି

ଫିଲ୍ ବାଲିର ଗୁଣଧର୍ମ ୟୁଟିଲିଟି ବାଲି ଭଳି ହୋଇଥାଏ। ଏହା ଖଦଡ଼ ଟେକ୍ସର ଏବଂ ଉତ୍ତମ ଜଳ ନିଷ୍କାସନ ସାମର୍ଥ୍ୟଧାରୀ ହୋଇଥାଏ। ବିଲଡିଂ ଫାଉଣ୍ଡେସନ୍ ଏବଂ ସଡ଼କ ନିର୍ମାଣ ଭଳି ବଡ଼ ଆକାରର ଖାଲି ଜାଗାକୁ ଭରିବା ପାଇଁ ଏହାକୁ ବ୍ୟବହାର କରାଯାଇଥାଏ। ଫିଲ୍ ବାଲିକୁ କମ୍ପାକ୍ଟ ବା ଘନୀଭୂତ କରାଯାଇ ଏକ ସ୍ଥିର ଆଧାର ହାସଲ କରାଯାଇପାରିଥାଏ, ତେଣୁ ଶକ୍ତିଶାଳୀ ଫାଉଣ୍ଡେସନ ଆବଶ୍ୟକ କରୁଥିବା ପ୍ରକଳ୍ପଗୁଡ଼ିକ ପାଇଁ ଏ ପ୍ରକାର ବାଲି ଏକ ଅତ୍ୟାବଶ୍ୟକତାରେ ପରିଣତ ହୋଇଯାଏ।

ନିର୍ମାଣ କାର୍ଯ୍ୟରେ ଏହସବୁ ବିବିଧ ପ୍ରକାର ବାଲିକୁ ସେଗୁଡ଼ିକର ଅନନ୍ୟ ଗୁଣଧର୍ମ ଏବଂ ନିର୍ଦ୍ଦିଷ୍ଟ ପ୍ରୟୋଗ ଅନୁସାରେ ଚୟନ କରାଯାଇଥାଏ, ଯାହାଫଳରେ ନିର୍ମାଣ ପ୍ରକଳ୍ପଗୁଡ଼ିକ ପାଇଁ ଉଭୟ ଢାଞ୍ଚାଗତ ଏବଂ କାର୍ଯ୍ୟକ୍ଷମତାଗତ ଆବଶ୍ୟକ ପୂରଣ ହୋଇଥାଏ। ତେବେ, ଘର ନିର୍ମାଣ ପାଇଁ କେଉଁ ବାଲିଟି ସର୍ବୋତ୍ତମ ତାହା ପଚରାଯିବା ସ୍ୱାଭାବିକ, ହେଲେ ଏହି ପ୍ରଶ୍ନର କେବଳ ଗୋଟିଏ ଉତ୍ତର ନାହିଁ। ନଈବାଲି ଏବଂ କଂକ୍ରିଟ୍ ବାଲି ଅଧିକାଂଶ ନିର୍ମାଣ ପ୍ରୟୋଗ ପାଇଁ ଉପଯୁକ୍ତ ହୋଇଥିବାବେଳେ, ସମତଳୀକରଣ ଏବଂ ଭରଣ ଭଳି ବିଶେଷ ଉଦ୍ଦେଶ୍ୟ ପାଇଁ ପିଟ୍ ବାଲି, ୟୁଟିଲିଟି ବାଲି କିମ୍ବା ଫିଲ୍ ବାଲି ଅଧିକ ଉପଯୁକ୍ତ ହୋଇଥାଏ। ଏମ୍-ବାଲି ନଈବାଲିର ଏକ ଅଧିକ ପରିବେଶ ଅନୁକୂଳ ବିକଳ୍ପ ଅଟେ।